skaldic

Skaldic Poetry of the Scandinavian Middle Ages

Menu Search

Ævidrápa — ǪrvOdd ÆvdrVIII (Ǫrv)

Ǫrvar-Oddr

Ǫrvar-Oddr, Ævidrápa — Margaret Clunies Ross

Not published: do not cite (ǪrvOdd ÆvdrVIII (Ǫrv))

 

Hlýði seggir,
en segja munk
vígs vǫldundum
frá vinum mínum;
seint er at dylja,
sék at máttit
skógs skæstafr
við skǫpum gera.
 
The new edition is unavailable.
This text is from an old edition
Var mér fóstr tekit
at fǫður ráði,
brátt vǫnðumk því,
á Berurjóðri;
var mér ekki
vant til sælu,
þess er Ingjaldr
átti kosti.
 
The new edition is unavailable.
This text is from an old edition
Óxum báðir
á Berurjóðri
Ásmundr ok ek
upp í bernsku;
skófum skeyti,
skip smíðuðum,
gerðum ǫrvar
at gamni okr.
 
The new edition is unavailable.
This text is from an old edition
Sagði vǫlva
sannar rúnir,
en vætki því
vildak hlýða;
gatk fyr ungum
Ingjalds syni,
at fǫðurtúna
fýstumk vitja.
 
The new edition is unavailable.
This text is from an old edition
Búinn lézk Ásmundr
opt meðan lifði
málmþings vanr
mér at fylgja,
sagðak karli,
at koma myndak
aptr aldrigi;
nú emk orðrofi.
 
The new edition is unavailable.
This text is from an old edition
Létum beiti
á brim þrauka,
stóð hǫrr dreginn
hǫndum fjarri;
kómum at eyju
útan brattri,
þars Grímr fyrir
garða átti.
 
The new edition is unavailable.
This text is from an old edition
Sák blíðliga,
er til bæjar kom,
bekksagnir mér
báðar fagna,
víst mátta ek
með vinum mínum
gulli skipta
ok gamanmálum.
 
The new edition is unavailable.
This text is from an old edition
Varðk at vári
víss at gerðusk
brynþings boðar
Bjarma at sækja,
síðan kvaddak
Sigurð ok Guðmund,
vildak með fræknum
til farar ráðask.
 
The new edition is unavailable.
This text is from an old edition
Váru horskir
á herskipum
frændr mínir tveir
at forráði;
vildu hásetar
horskir eignask
tak þats áttu
Tyrfifinnar.
 
The new edition is unavailable.
This text is from an old edition
Vér kaupskipi
kómum heilu
at þars Bjarmar
byggðir áttu;
eyddum eldi
ættir þeira,
unnum lǫskvan
laðmann tekinn.
 
The new edition is unavailable.
This text is from an old edition
Hann lézk seggjum
segja kunna,
hvar til hodda var
hægt at ráða;
hann bað oss gǫtu
ganga lengra,
ef vildim fé
fleira eiga.
 
The new edition is unavailable.
This text is from an old edition
Réðu Bjarmar
brátt at verja
haug hermǫnnum
ok hamalt fylkja;
létum þegna,
áðr þaðan færim,
ófa marga
ǫndu týnda.
 
The new edition is unavailable.
This text is from an old edition
Réðum skunda
til skipa ofan,
þás flótti var
á fen rekinn,
mistum bæði
báts ok knarrar
auðs ok ýta,
er ofan kómum.
 
The new edition is unavailable.
This text is from an old edition
Skjótt nam kynda
í skóg þykkum
eld brennanda
uppi á landi,
létum leika
svá lopti við
hávan ok rauðan
hrotgarm viðar.
 
The new edition is unavailable.
This text is from an old edition
Sáum skjótliga
skunda at landi
skeiðr vegligar
ok skrautmenni,
fegnir urðu,
þeirs fyrir váru;
frændr mínir þá
finnask gerðum.
 
The new edition is unavailable.
This text is from an old edition
Létum skeika
at skǫpuðu
drengmenn snarir
í drifaveðri,
sýndisk seggjum,
sandr var á þiljum,
lands ván liðin;
lák eigi þar.
 
The new edition is unavailable.
This text is from an old edition
Kómum at eyju
útan brattri
sumar síðla,
þá var segl rifat;
gerðu fyrðar
flestir allir
skipum til hlunns
skjótt at ráða.
 
The new edition is unavailable.
This text is from an old edition
Slógum tjǫldum,
en sumir fóru
bjǫrnu at veiða,
þeirs boga kunnu;
réðum í eyju
upp at kynda
bál brenniligt,
stóð bjǫrn fyrir.
 
The new edition is unavailable.
This text is from an old edition
Kóðusk fjallbúar
flytja mundu
oss ór eyju,
nema utan færim,
þóttit rekkum
rómr at heyra
hagligr sás var
hraunskjǫldunga.
 
The new edition is unavailable.
This text is from an old edition
Uggðum ekki,
síz eyjar til
vápns vígligir
viðr kómu,
hlóðu bragnar
fyr bjarg framan
vegg sterkligan,
vark enn at því.
 
The new edition is unavailable.
This text is from an old edition
Réðk at ganga
með Gusis-nauta
beggja á milli
bjargs ok eisu;
laustk í auga
einu flagði,
en í brjóst framan
bjarga Freyju.
 
The new edition is unavailable.
This text is from an old edition
Þá fekk ek heiti
þats hafa vildak,
er mik ór fjǫllum
flǫgð kǫlluðu;
kóðusk Oddi
ǫrvar vilja
byr bráðliga
í braut gefa.
 
The new edition is unavailable.
This text is from an old edition
Búnir létumk
á braut þaðan
brátt ór eyju,
þegars byr fengi;
heilir kómum
heim ór þeiri,
gerðu fagna
frændr hollvinum.
 
The new edition is unavailable.
This text is from an old edition
Várum allir
vetr þann saman
gulli gladdir
ok gamanmálum;
drógu fyrðar,
þegars frerum létti,
heldr skrautligar
skeiðr at vatni.
 
The new edition is unavailable.
This text is from an old edition
Sigldum síðan
suðr með landi
tálaust skipum
tveimr ok einu,
væntum fengjar
þars fyrir váru,
ef Elfarsker
ǫll kannaðim.
 
The new edition is unavailable.
This text is from an old edition
Fundum of síðir
fyrir í sundi
þegna nýta
Þórð ok Hjálmar,
fréttu fyrðar,
þeirs fyrir váru,
hvárt vildim frið
eða á fǫr halda.
 
The new edition is unavailable.
This text is from an old edition
Báru rekkar
ráð sín saman,
þóttit fyrðum
féván mikil,
køru Háleygir
kost enn vildra;
réðum leggja
lag várt saman.
 
The new edition is unavailable.
This text is from an old edition
Heldum allir
ór hǫfn skipum
þegars fullhugar
fengjar væntu,
hræddumk ekki,
meðan hǫfðingjar
heilir réðu
fyr herskipum.
 
The new edition is unavailable.
This text is from an old edition
Várum reiðir,
þás randberendr
horska hittum
fyr Hólmsnesi;
réðum eignask
allar gerðar
snyrtidrengja
af sex skipum.
 
The new edition is unavailable.
This text is from an old edition
Várum allir
vestr með Skolla,
þar at landi sat
lýða dróttinn;
báru bragnar
blóðgar randir,
sverðum skornar,
en sigr hǫfðum.
 
The new edition is unavailable.
This text is from an old edition
Hǫfðu jarls liðar
útnes hroðit
rógþings vanir
sem refar hundum;
unnum vit Hjálmarr,
er hinig fórum,
eldi ok usla
eytt langskipum.
 
The new edition is unavailable.
This text is from an old edition
Frétti Guðmundr,
ef fara vildak
heim at hausti
ok honum fylgja;
sagðak svinnum,
at sjá vildak
norðr aldrigi
niðja mína.
 
The new edition is unavailable.
This text is from an old edition
Mæltum allir
mót at sumri
austr í Elfi
til útfarar;
vildi Hjálmarr
enn hugumstóri
sveit mína suðr
með sér hafa.
 
The new edition is unavailable.
This text is from an old edition
Fóru teitir
tveggja vegna
brynþings boðar,
þegars byrir fengusk,
sigldum síðan
Svíþjóðar til,
sóttum Yngva
til Uppsala.
 
The new edition is unavailable.
This text is from an old edition
Mér gaf Hjálmarr
enn hugumstóri
fimm bólstaði
á fold saman;
unðak auði,
meðan aðrir mik
hringa kvǫddu
ok heils friðar.
 
The new edition is unavailable.
This text is from an old edition
Fundusk allir
á feginsdægri
sænskir seggir
ok Sigurðr norðan,
ræntu ýtar
eyjarskeggja
auði ǫllum,
en þeir elds biðu.
 
The new edition is unavailable.
This text is from an old edition
Létum vestr þaðan
vandar fáka
Írlands á vit
ǫldur kenna;
hǫfðu þeira,
er þagat kómum,
drengir ok drósir
drifit ór húsum.
 
The new edition is unavailable.
This text is from an old edition
Rank at víðri
vagns slóðgǫtu,
unz strengvǫlum
stríðum mættak;
myndak Ásmund
auði mínum
aptr ódáinn
ǫllum kaupa.
 
The new edition is unavailable.
This text is from an old edition
Sák of síðir,
hvar saman fóru
karlar rǫskvir
ok konur þeira;
þar létk fjóra
frændr Ǫlvarar,
eggleiks hvata,
ǫndu týna.
 
The new edition is unavailable.
This text is from an old edition
Réðk ór vagni
víf at kveðja,
ok hoddum mér
hétu góðum;
bað mik snót koma
sumar et næsta;
lézk þá at launum
leita mundu.
 
The new edition is unavailable.
This text is from an old edition
Varat sem brynja,
eða bláir hringar,
ískǫld of mik
áðan felli,
þás of síður
silkiskyrta
gulli saumuð
gekk fastofin.
 
The new edition is unavailable.
This text is from an old edition
Fórum vestan
fengjar vitja,
svát bragnar mér
bleyði kendu,
unz á Skíði
skatnar fundu
bræðr bǫlharða
ok at bana urðu.
 
The new edition is unavailable.
This text is from an old edition
Sóti ok Hálfdan
í Svíaskerjum
mǫrgum manni
at morði varð,
unnum þeira,
áðr þaðan færim,
hundrað skipa
hroðin með stǫfnum.
 
The new edition is unavailable.
This text is from an old edition
Fundum þegna
er þaðan fórum
teitir sleitna
í Trǫnuvágum;
varat Ǫgmundi
andrán tegat;
kómumk þrír þaðan,
en þeir níu.
 
The new edition is unavailable.
This text is from an old edition
Knáttigat banorði
fyr brǫgnum hrósa
snotra seggja,
er til sævar kom,
hǫfðum vit Hjálmarr
haldit illa,
þás Glámi stóð
í gǫgnum spjót.
 
The new edition is unavailable.
This text is from an old edition
Fóru heim þaðan
horskir drengir,
en haug Þórði
hávan urpu;
mangi þorði
oss mót gera,
var oss vættegis
vant ens góða.
 
The new edition is unavailable.
This text is from an old edition
Várum vit Hjálmarr
hvert dægr glaðir,
meðan herskipum
heilir réðum,
unz í Sámseyju
seggi fundum,
þás benlogum
bregða kunnu.
 
The new edition is unavailable.
This text is from an old edition
Létum falla
und fætr ara
tírarlausa
tólf berserki;
þá varðk skiljask
á skapadægri
við þann enn mesta
minn fulltrúa.
 
The new edition is unavailable.
This text is from an old edition
Hafðak eigi
á aldri mínum
hǫfuð hraustara
hvergi fundit;
bark mér á herðum
hjálmum grimman
ok til Sigtúna
síðan hafðak.
 
The new edition is unavailable.
This text is from an old edition
Létk eigi þess
langt at bíða,
at Sæundi
at sjónum varð;
unnu skatnar
skip mín hroðin,
en sjálfr þaðan
sunds kostaðak.
 
The new edition is unavailable.
This text is from an old edition
Gekk ek of Gautland
í grimmum hug
sex dægr í samt
áðr Sæund fyndak;
létk hans liða
hjǫrvi mæta
sex ok átta
með sjálfum gram.
 
The new edition is unavailable.
This text is from an old edition
Sigldum síðan
suðr langt í haf,
áðr grunnsævi
grimmu mættak;
varðk einn saman,
en annan veg
gumna sinni
gekk helvega.
 
The new edition is unavailable.
This text is from an old edition
Enn komk þar
er Akvítánía
bragna kindir
borgum réðu;
þar létk fjóra
fallna liggja
hrausta drengi;
nú emk hér kominn.
 
The new edition is unavailable.
This text is from an old edition
Þat var fyrri,
at ek fat senda
orð enum nyrztum
niðjum mínum;
varðk svá feginn
fundi þeira
sem hungraðir
haukar bráðum.
 
The new edition is unavailable.
This text is from an old edition
Brǫgnum þrimr
buðu skatnar
metorð þaðra
margir síðan,
en þeygi þat
þiggja vildak;
urðu bræðr þar
báðir eptir.
 
The new edition is unavailable.
This text is from an old edition
Réð ek skunda
frá skatna liði;
hittak breiða
borg Jórsala;
þar réðk allr
í á fara;
kunnak þá
Kristi at þjóna.
 
The new edition is unavailable.
This text is from an old edition
Veit ek fossum
at falla lét
Jórdán of mik
fyr utan Grikki;
helt þó sínum,
sem hverr vissi,
ítrgǫr skyrta
ǫllum kostum.
 
The new edition is unavailable.
This text is from an old edition
Mættak gammi
gljúfrum næri;
fló hann með mik
fjarri lǫndum;
þar til er háva
hamra fundum;
lét mik hvílask
í hreiðri þar.
 
The new edition is unavailable.
This text is from an old edition
Unz mik Hildir
hafði á brottu,
risi ramligr
á róðrar-skútu;
lét mik veitir
Vimrar elda
tólf mánaði
með sér hvílask.
 
The new edition is unavailable.
This text is from an old edition
Þýddumk Hildi,
horska ok stóra,
raunsjáliga
risa dóttur,
ok við henni
heldr sterkligan
ítran son
eiga gerðak
[ok ólíkan
ǫðrum þegnum].
 
The new edition is unavailable.
This text is from an old edition
Þann drap Ǫgmundr
Eyþjófs-bani
í Hellulands
hrauns-óbyggðum;
félaga hans níu
fjǫrvi næmðak;
hefkat víking
verra fundit.
 
The new edition is unavailable.
This text is from an old edition
Fleiri hefr mína
fóstbræðr drepit,
Sírni ok Garðar,
gekk skegg af flagði;
var hann engum líkr
at yfirliti,
kallaðr síðan
Kvillánus blesi.
 
The new edition is unavailable.
This text is from an old edition
Þóttak hæfr
at hjǫrregni,
þás vér bǫrðumk
á Brávelli,
bað Hringr þá
hamalt at fylkja
Odd enn víðfǫrla
at orrostu.
 
The new edition is unavailable.
This text is from an old edition
Unðak eigi,
áðr Ungara
lofðunga tvá
líta knáttak,
réðk með ǫðrum
arfs at kveðja,
veittak jǫfri
vilt ofsinni.
 
The new edition is unavailable.
This text is from an old edition
Komk of síðir,
þars snarir þóttusk
Sigurðr ok Sæólfr
í sveit konungs;
réð oss skatna lið
skots at beiða
ok skjaldfimi
við skata mengi.
 
The new edition is unavailable.
This text is from an old edition
Skautkat skemra
en skilfingar,
var létt skafin
lind í hendi;
réðum síðan
sunds at kosta,
létk báða þá
blóði snýta.
 
The new edition is unavailable.
This text is from an old edition
Var mér skjaldmeyju
skipat et næsta,
þás orrostu
eiga skyldum,
veitk at ýtar
í Anþekju
andrán biðu,
en vér auð fjár.
 
The new edition is unavailable.
This text is from an old edition
Sóttum sverði
seggja kindir
ok trégoðum
týndum þeira;
barðak Bjálka
í borghliði
eikikylfu,
svát ǫnd of lét.
 
The new edition is unavailable.
This text is from an old edition
Var mér Hárekr
hollr fulltrúi,
þás mér fastnaði
fóstru sína;
áttak horska
hilmis dóttur;
réðum snót saman
sigri ok lǫndum.
 
The new edition is unavailable.
This text is from an old edition
Satk at sælu
síðan minni
vilgi lengi,
sem vita þóttumk;
fjǫlð er at segja
frá fǫrum mínum
snotrum seggjum;
sjá mun en øfsta.
 
The new edition is unavailable.
This text is from an old edition
Ér skuluð skynda
til skips ofan
heilir allir,
hér munum skiljask;
berið Silkisif
ok sonum okrum
kveðju mína -
kømk eigi þar.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.