Þórarinn svarti máhlíðingr Þórólfsson, Máhlíðingavísur — Vol. 5 — Kate Heslop
Varðak mik, þars myrðir
morðfárs vega þorði,
(hlaut ǫrn af ná neyta
nýjum) kvinna frýju;
barka vægð at vígi,
valnaðrs, í styr þaðra,
mælik hól fyr hœli,
hjaldrs goðs, of þat sjaldan.
The new edition is unavailable.
This text is from an old edition
Knátti hjǫrr und hetti
(hræflóð) bragar Móða
(rann of sóknar sœki)
slíðrbeittr staðar leita;
blóð fell, es vas váði
vígtjalds næir skaldi,
þá vas dœmisalr dóma
dreyrafullr, of eyru.
The new edition is unavailable.
This text is from an old edition
Myndit vitr í vetri
vekjandi mik sekja
(þar ák lífhvǫtuð launa)
lǫgráns (of þat vánir),
ef nagbræði næðak
nás, valfallins ásar
Hugins létum nið njóta
nágrundar, Vermundi.
The new edition is unavailable.
This text is from an old edition
Skalk þrymviðum þremja
(þegi herr meðan) segja,
vôn es ísarns ôsum
ǫrleiks, frá því gǫrla,
hvé hjaldrvita heldu
haldendr við mik, skjaldar
roðinn sák Hrundar handa
hnigreyr, lǫgum, dreyra.
The new edition is unavailable.
This text is from an old edition
Sóttu heim, þeirs hættu,
hjǫr-Nirðir mik, fjǫrvi
(gunnljómi beit geymi
geira stígs) at vígi;
svá gerðum vér (sverða)
sóknmiðjungum Þriðja
(sleitka) líknar (leiki
lostigr) fáa kosti.
The new edition is unavailable.
This text is from an old edition
Urðum vér at verja,
varð ôr drifin sára,
(hrafn naut hræva) Gefnar
hjaldrskýja mik frýju,
þás við hjalms á holmi
hrein míns fǫður sveini
(þaut) andvaka (unda
unnr, benlœkir runnu).
The new edition is unavailable.
This text is from an old edition
Knôttu hjalmi hættar
hjaldrs á mínum skjaldi
Þrúðar vangs ens þunga
þings spámeyjar syngva,
þás bjúgrǫðull bógar
baugs fyr óðaldraugi,
Gjǫll óx vápns, á vǫllum
varð blóðdrifinn Fróða.
The new edition is unavailable.
This text is from an old edition
Reka þóttumk ek (Rakna)
remmiskóðs við Móða
(kunnfáka hné kennir)
klámorð af mér borða,
hvatki's Hildar gǫtva
(hrafn sleit af ná beitu)
síks við sína leiku
sælingr of þat mælir.
The new edition is unavailable.
This text is from an old edition
Kveðit mun, Hropts, at heiptum,
hyrskerðir, mér verða,
(kunnak áðr fyr Enni
ylgteiti vel beita),
es lottviðir létu
lœknir, þeirs skil flœkja,
(eggjumk hœfs) at hjøggak
Hlín goðvefjar mína.
The new edition is unavailable.
This text is from an old edition
Kveðit mun, Hropts, at heiptum,
hyrskerðir, mér verða,
(kunnak áðr fyr Enni
ylgteiti vel beita),
es lottviðir létu
lœknir, þeirs skil flœkja,
(eggjumk hœfs) at hjøggak
Hlín goðvefjar mína.
The new edition is unavailable.
This text is from an old edition
Nágǫglum fekk Nagli
nest dáliga flestum;
kafsunnu réð kennir
kløkkr í fjall at støkkva;
heldr gekk hjalmi faldinn
(hjaldrs) at vápna galdri
(þurði eldr of aldir)
Alfgeirr af hvǫt meiri.
The new edition is unavailable.
This text is from an old edition
Grátandi rann gætir
geira stígs frá vígi,
(þar vasat grímu geymi
góð vôn friðar hônum),
svát menskyndir myndi
mein skiljandi vilja
(hugði bjóðr á bleyði
bifstaups) á sæ hlaupa.
The new edition is unavailable.
This text is from an old edition
Muna munum vér at vôrum
Vermundr glaðir stundum,
auðar þǫll, áðr ollum
auðvarpaðar dauða;
nú séumk hitt, at hlaupa,
hǫr-Gerðr, mynim verða
(leitt erum rauðra randa
regn) fyr prúðum þegni.
The new edition is unavailable.
This text is from an old edition
Vas til hreggs at hyggja
hrafns víns á bœ mínum
(þurði eldr of aldir)
uggligt (Munins tuggu),
þás á fyrða fundi
frôn víkinga mána
lind beit; lǫgðis kindir
liðu Hǫgna vé gǫgnum.
The new edition is unavailable.
This text is from an old edition
Hétu hirðinjótar
hauka ness til þessa
(heptandi vask heiptar)
hóglífan mik drífu;
opt kømr, alnar leiptra
æfifús, ór dúsi,
nú kná Jǫrð til orða,
œðiregn, at fregna.
The new edition is unavailable.
This text is from an old edition
Skalat ǫldrukkin ekkja,
ek veit, at gat beitu
hrafn af hræva efni,
hoppfǫgr af því skoppa,
at, hjǫr dǫggvar, hyggjak,
(hér's fjón komin ljóna)
haukr unir hǫrðum leiki
hræva (stríð), á kvíðu.
The new edition is unavailable.
This text is from an old edition
Láta hitt, at hljóta,
haldendr, mynim, skjaldar,
(sœkjum rôð und ríkjan)
rómusamt ór dómi,
nema Arnketill órum
orðgóðr við lof þjóðar
(vel trúik grímu geymi
galdrs) sakmôlum haldi.
The new edition is unavailable.
This text is from an old edition
Esat sem gráps fyr glœpi,
Grund fagrvita mundar,
fúra fleygiôru
frænings lǫgum ræni,
ef sannvitendr sunnu
(sék þeira lið meira,
oss magni goð gagni)
Gauts þekju mik sekja.
The new edition is unavailable.
This text is from an old edition