skaldic

Skaldic Poetry of the Scandinavian Middle Ages

Menu Search

Lausavísur — FriðÞ LvVIII (Frið)

Friðþjófr Þorsteinsson

Friðþjófr Þorsteinsson, Lausavísur — Margaret Clunies Ross

Not published: do not cite (FriðÞ LvVIII (Frið))

 

Þat munk segja
seggjum várum,
at gǫrla mun
farit gamanferðum;
skulu eigi skatnar
til skips fara,
nú eru blæjur
á blik komnar.
 
The new edition is unavailable.
This text is from an old edition
Synda létk ór Sogni,
en snót mjaðar neytti,
bræddan byrjar sóta,
í Baldrshaga miðjum;
nú tekr hregg at herða,
hafi dag brúðir góðan
þærs oss vilja unna,
þótt Elliða fylli.
 
The new edition is unavailable.
This text is from an old edition
Mjǫk tekr sær at svella,
svá er nú drepit skýjum,
ráða galdrar gamlir,
er gjálfr ór stað færir;
eigi skalk við ægi
í ofviðri berjask;
latum Sólundir seggjum
svellvífiðar hlífa.
 
The new edition is unavailable.
This text is from an old edition
Þat var forðum
á Framnesi,
rørak opt á vit
Ingibjargar;
nú skalk sigla
í svǫlu veðri,
lata létt und mér
lǫgdýr bruna.
 
The new edition is unavailable.
This text is from an old edition
Eigi sér til Alda,
erum út á brim komnir
frægir fylkis drengir,
fyr gerningaveðri,
ok standa nú allir,
eru Sólundir horfnar,
átján menn í austri,
er Elliða verja.
 
The new edition is unavailable.
This text is from an old edition
Helgi veldr at hrannir
hrímfaxaðar vaxa;
erat sem bjarta brúði
í Baldrshaga kyssim;
ólíkt mun mér unna
Ingibjǫrg eða þengill,
heldr vilda ek hennar
hæfi at minni gæfu.
 
The new edition is unavailable.
This text is from an old edition
Eigi sér til Alda,
erum vestr í haf komnir;
allr þykkir mér ægir
sem eimyrju hræri;
hrynja hávar bárur,
haug verpa svanteigar,
nú er Elliði orpinn
í ǫrðugri báru.
 
The new edition is unavailable.
This text is from an old edition
Mjǫk drekkr á mik,
mær mun kløkna,
ef ek skal søkkva
í svana brekku;
austr er orðinn
í Elliða;
þó lá blæja
á bliki nǫkkur.
 
The new edition is unavailable.
This text is from an old edition
Satk á bólstri
í Baldrshaga,
kvaðk hvat kunnak
fyr konungs dóttur;
nú skal Ránar
raunbeð troða,
en annarr mun
Ingibjargar.
 
The new edition is unavailable.
This text is from an old edition
Þess hefk gangs of goldit,
gekk mér en þér eigi
við ambáttir átta
Ingibjǫrg at þingi;
saman hǫfum brenda bauga
í Baldrshaga lagða;
var þá vilgi fjarri
vǫrðr Halfdanar jarða.
 
The new edition is unavailable.
This text is from an old edition
Brustu báðir hálsar
í báru hafs stórri;
sukku sveinar fjórir
í sæ enn ógrunna.
 
The new edition is unavailable.
This text is from an old edition
Nú hefr fjórum
of farit várum
lǫgr lagsmǫnnum,
þeims lifa skyldu,
en Rán gætir
rǫskum drengjum
siðlaus kona
sess ok rekkju.
 
The new edition is unavailable.
This text is from an old edition
Þann skal hring of hǫggva
er Halfdanar átti,
áðr oss tapi ægir,
auðigr faðir, rauðan;
sjá skal gull á gestum,
ef gistingar þurfum,
þat dugir rausnar-rekkum,
í Ránar sal miðjum.
 
The new edition is unavailable.
This text is from an old edition
Sék trǫllkonur
tvær á báru,
þær hefr Helgi
hingat sendar;
þeim skal sníða
sundr í miðju
hrygg Elliði,
áðr af hafi skríði.
 
The new edition is unavailable.
This text is from an old edition
Heill Elliði,
hlaup á báru,
brjót í trǫllkonum
tennr ok enni,
kinnr ok kjálka
í konu vándri,
fót eða báða
í flagði þessu.
 
The new edition is unavailable.
This text is from an old edition
Ek bar átta
til eldstóar
dæsta drengi
í drifaveðri;
nú hefk segli
á sand komit,
erat hafs-megin
hægt at reyna.
 
The new edition is unavailable.
This text is from an old edition
Þurfut drengir
dauða kvíða;
veri þjóðglaðir
þegnar mínir;
þat mun verða,
ef vitu draumar,
at ek eiga mun
Ingibjǫrgu.
 
The new edition is unavailable.
This text is from an old edition
Ér munuð eigi
oss of kúga
æðrufullir
eyjarskeggjar;
heldr munk ganga
en griða biðja
einn til ógnar
við yðr tíu.
 
The new edition is unavailable.
This text is from an old edition
Drukkum forðum
á Framnesi
fræknir drengir
með fǫður mínum;
nú sék brendan
bæ þann vera,
ák ǫðlingum
ilt at gjalda.
 
The new edition is unavailable.
This text is from an old edition
Einn munk ganga
upp frá strǫndu;
þarfk lítit lið
lofða at finna;
verpið eldi
í jǫfra bæ,
ef ek eigi køm
aptr at kveldi.
 
The new edition is unavailable.
This text is from an old edition
Tak við skatti,
skatna dróttinn,
fremstum tǫnnum,
nema framar beiðir;
silfr er á botni
belgjar niðri,
sem Bjǫrn hǫfum
báðir ráðit.
 
The new edition is unavailable.
This text is from an old edition
Helgi varð fyr hǫggvi,
hraut sjóðr á nef kauða,
hné Hálfdanar hlýri
ór hásæti miðju;
þar varð Baldr at brenna,
en baugi ek áðr náða,
síðan frá eldi ok usla
ódeigr dró ek bjúga.
 
The new edition is unavailable.
This text is from an old edition
Stundum vér til strandar,
stórt ráðum vér síðan,
þvít blár loki baukar
í Baldrshaga miðjum.
 
The new edition is unavailable.
This text is from an old edition
Hafa skalk baug
ór brúðar hǫndum
ór sumlhúsi
seima meiða,
sá er hugr á mér
af hring digrum,
verðr þeim er varðar
viðr lítilmagna.
 
The new edition is unavailable.
This text is from an old edition
Ganga fórk frá garði
gramr skjǫldunga tveggja,
at illsǫglum ættak
enn at vinna hefndir;
nær var ek gerðu Gunni
við gistingar fundinn,
hrakði mik frá húsi
heldr meira en skyldi.
 
The new edition is unavailable.
This text is from an old edition
Kystak unga
Ingibjǫrgu
Bela dóttur
í Baldrshaga;
svá skulu árar
á Elliða
báðar brotna
sem bogi Helga.
 
The new edition is unavailable.
This text is from an old edition
Siglðum vér ór Sogni,
svá fórum vér næstum,
þá lék eldr et øfra
í óðali váru;
nú tekr bál at brenna
í Baldrshaga miðjum;
því munk vargr at vísu,
veitk þat munu, heitinn.
 
The new edition is unavailable.
This text is from an old edition
Mankat hýrra
en hugazræður
Bela dóttur
í Baldrshaga;
því skalk hitta
Hring at máli,
hversu fylkir
fagnar greppi.
 
The new edition is unavailable.
This text is from an old edition
Vildak kjósa
konung í helju
en unga mér
Ingibjǫrgu,
drykkju mikla,
drengi káta,
en Elliða
uppi á hlunnum.
 
The new edition is unavailable.
This text is from an old edition
Þá hétk Valþjófr,
er fórk með víkingum,
[en Herþjófr er ekkjur grættak,
Geirþjófr er ek gaflokum fleygðak,
Gunnþjófr er ek gekk at fylki,
Eyþjófr er ek útsker rænta,
Helþjófr er ek henta smábǫrnum]
. . . .
þás ek var
æðri mǫnnum;
nú hefk sveimat
með saltkǫrlum
hjálp þurfandi,
áðr ek hingat kom.
 
The new edition is unavailable.
This text is from an old edition
Nú skal þér of þakka,
þú hefr prúðliga veitta,
búinn er greppr at ganga,
gisting ara nisti;
ek man Ingibjǫrgu,
æ meðan lifum bæði;
hon siti heil, en hljótum
hnoss fyr koss at senda
 
The new edition is unavailable.
This text is from an old edition
Bú, Hringr konungr,
heill ok lengi,
æztr ǫðlinga
und Ymis hausi;
gæt, vísi, vel
vífs ok landa;
skulum vit Ingibjǫrg
aldri finnask.
 
The new edition is unavailable.
This text is from an old edition
Munk þær gjafar
þiggja eigi,
nema frægr hafir
fjǫrsótt tekit.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.