hinſ bleika barnungꝛ a lǫg þꝛungít Geitiſ ma ſem qvað erríngar ſteínn enn þott oꝼriðꝛ
ſunnan oll þioð ſeger ſkallꝺí hloðum geitíſ mar gríoti glaðer nennu ver þenna ſveiða hreinar
Suð longum komt ſveíða ſundz liðu dẏr ꝼra gꝛunꝺa ſigrakkr ſolſa bekkiar ſveinſ rakkr
a troð hreínu̅m Sua qvað hallvarðꝛ Her er ok kallat ſunꝺz ꝺẏr ok ſioꝛenn ſolſa bekkr sua qvað
Þoꝛðꝛ ſiarekſ ſon Sveggia let ꝼyrir ſiggiu ſolborz goti noꝛðan guſtr ſkaut gẏlꝼa raſtar glꜹmí
ſuðꝛ ꝼyrir aumar enn ſloð gotí ſiðan ſæðingſ ꝼyrir ſkut bæðí heſtr oð laukſ ꝼyrir liſta lagði
kꝛmt ok agðer Her er ſkip kallat ſolboꝛðz heſtr ok ſioꝛ gẏlꝼa lanꝺ Seðingſ ſloð ſioꝛ
ok heſtr ſkipít ok enn laukſ heſtr laukr heiter ſiglu tre ok enn ſem Markuſſ qvað Fiarð linna oð
ꝼanner ꝼaſt veðꝛ liði raſtar hliop oꝼ huna gnipur hval iugtanni hranna bioꝛn gekk ꝼram
a ꝼoꝛnar ꝼloðſ haꝼſkipa ſloðer ſkur ǫꝛðigr braut ſkoꝛðu ſkers glẏmꝼiǫtur berſi Her er
ſkip kallat bioꝛn raſta Bioꝛn heíter vetrlíði ok iugtanní ok berſi ok bioꝛn ſkoꝛðu er her
kallat Skip er ok kallat hreinn sua qvað hallvarðꝛ ok aðꝛ er ritað ok hioꝛtr ſem qvað harallꝺꝛ konungr
ſigurðar ſon Sneið ꝼyrir ſikilæẏ viða ſuð varum þa pruðer bꝛẏnt ſkreíð vel til vanar vengíſ
hioꝛtr unꝺ ꝺꝛengíum Ok elgr ſem æína qvað Baugſ getr með þer þæẏgí þẏðꝛ ꝺꝛengr vera
lengí elg buum ꝼloðſ nema ꝼẏlgí ꝼrið ſtokkver þvi nakkva Sem maní qvað hvat mun tu haꝼſ
a otrí hengiligr með ꝺꝛengium karl þviat kraptr þinn ꝼoꝛlaz kinn grár mega vínna Vargr ſem
qvað reꝼr en hoꝺꝺ vǫnuðꝛ hlẏꝺꝺí hlunn vitníſ em ek runní hollr til hermꝺar ſpialla
heínvanꝺil þoꝛſteíní Skip er ok kallat ſkið eða vagn eða reið sua qvað æẏolꝼr ꝺaða ſkallꝺ
Meita ꝼoꝛ at motí mik ſið um ꝺag ſkiðí ungr með ioꝼnu gengí ut verſ ꝼromum herſi
Sua qvað ſtẏrka oꝺꝺa ſon Ok ept itrum ſtokkví ók hogna lið vǫgnum hlunnz a heiða ꝼanner
hẏriar ꝼloðſ aꝼ moði Ok ſem þoꝛbioꝛn qvað Haꝼreiðar var hlæðer hlunnz i ſkirnar bꝛunni hvita
kriſtz ſa er hæſta hoꝺꝺ ſvipter ꝼekk giptu
Hvern veg ſkal kenna kriſt sua at kalla hann ſkapara himinſ ok iarðar engla ok ſolar ſtẏ
ranꝺa heímſ ok híminrikíſ ok engla konung hímna ok ſolar ok engla ok ioꝛſala ok ioꝛꝺanar
grikklanꝺz raðanꝺi poſtola ok heílagra manna ꝼoꝛn ſkallꝺ haꝼa kent hann við urðar bꝛunn
ok róm Sua qvað eiliꝼr guðꝛunar ſon Setbergſ kveða ſitia ſuðꝛ at urðar bꝛunni sua heꝼer rammr
konungr remꝺan romſ banꝺa ſik lǫnꝺum sua qvað ſkaptí þoꝛoꝺꝺz ſon Mattr er munka ꝺꝛottinſ
meſtr aꝼlar guð ꝼleſtu kriſtr ſkop rikr ok reíſtí rumſ hǫll verollꝺ alla Himna konungr
ſem markuſſ qvað Gramr ſkop gꝛund ok himna glẏggrannz ſem her ꝺẏggvan einn ſtiller ma ǫllu
allꝺar kriſtr oꝼ vallꝺa Sua qvað eiliꝼr kulna ſveínn Hroz lẏtr helgum crucí heimſ ꝼerð ok
lið beima ſonn er enn oll ꝺẏrð ǫnnur ein maríu ſveíní Mariu ſonr enn ſem eiliꝼr qvað Hirð
lẏtr himna ꝺẏrðar hreinn mariu ſveiní matt vinnr millꝺing ꝺꝛottar maðꝛ er hann ok guð