Víglundr Þorgrímsson, Lausavísur — Vol. 5 — Kate Heslop
Engri skal ek þó ungri
unna silki-Gunni
enn svá at ýtar finni
annarri, en þér svanni;
fríð mun þú orð ok eiða,
ár þá er fyrri váru,
Hlǫkk, þó at spreytinn sprakki
spilli vár í milli.
The new edition is unavailable.
This text is from an old edition
Trúði málmþings meiðir
marglóða þér tróða;
hugða ek sízt at hefði
hringlestir þik festa;
eigi tjáðu eiðar
oss né margir kossar;
seint er kvenna geð kanna,
kona sleit við mik heitum.
The new edition is unavailable.
This text is from an old edition
Þola mun ek eld sem aðrir
eggviðir, á mik leggi,
ráð eru þunglig Þrúðar,
þann sem maðr eða annarr;
hinn þikki mér meiri,
ef menbrekku spennir,
íðinn, axlar meiðum
annarr en ek, svanni.
The new edition is unavailable.
This text is from an old edition
Mær, nem mínar vísur,
munnfǫgr, ef vilt kunna;
þær munu þér at gamni
þorn-Grund koma stundum;
ef ítrust verðr úti
eygarðs litin Freyja,
þá munt mín en mjóva
minnaz hverju sinni.
The new edition is unavailable.
This text is from an old edition
Stóðum tvau í túni,
tók Hlín um mik sínum
hǫndum, haukligt kvendi,
hárfǫgr ok grét sáran;
títt flugu tár um tróðu,
til segir harmr um vilja,
strauk drifhvítum dúki
drós um hvarminn ljósa.
The new edition is unavailable.
This text is from an old edition
Laugauðig strauk lauðri
líneik um skǫr mína,
því er mér enn til annars
óbrátt hǫfuðþváttar;
ǫllungis skal engi
auði glæst et næsta
ein á aldri mínum
asklaugu mér vaska.
The new edition is unavailable.
This text is from an old edition
Sé ek á fjall þat er Fjǫtra
framlunduðust sitr undir,
hér renni ek til hennar
hug rakkr, vinar augum;
þá brekku kveð ek þekka,
Þrúðr þar er sitr en prúða
hlaðs, en hlíðir aðrar
hugþekkri mér nǫkkut.
The new edition is unavailable.
This text is from an old edition
Ljóst er út at líta,
lauka reið, yfir heiði,
sól gengr síð und múla,
slíkt langar mik þangat;
fjǫll eru mér þekk af þellu,
því er ek hljóðr, valin tróða,
víf á ek vænst at leyfa,
valgrundar er sitr undir.
The new edition is unavailable.
This text is from an old edition
Ketilríðr bað ei kvíða
kallmann í fǫr snjallan
ung, þótt ǫldur gengi
jafnhátt skut ok stafni;
enn er á orð at minnaz,
erum hraustir nú, Trausti,
verð ek af harmi hǫrðum
hríðlyndr, Ketilríðar.
The new edition is unavailable.
This text is from an old edition
Leit ek aldrigi auga,
ormsetrs hati, betra,
ek lýg at þér eigi,
auðar Bil sízt skildum;
þess skal ek háls af herðum
hart bíð ek, af sníða,
angur auðs af spǫngu,
args karls, er þá faðmar.
The new edition is unavailable.
This text is from an old edition
Mjǫk hefir mundar jǫkla
mjallhvít numit allan,
strangr er í storma bingi
straumr, mik kona flaumi;
aldri gengr en unga
eik, þótt við mik leiki
fljóð, hygg ek at kvell kunni
kona þín, ór hug mínum.
The new edition is unavailable.
This text is from an old edition
Svá líz mér en mjóva
maðr þinn, en brúnfagra,
sem fáneytur fljóti
ferju-bátr með skerjum,
en er ek sé þik sjálfa
strangvaxna framm ganga,
er sem skrautlig skríði
skeið yfir máva heiði.
The new edition is unavailable.
This text is from an old edition
Haltu vǫrð á vænni,
vinr minn, konu þinni;
lát eigi Gná geira
ganga mér at angri;
eigi veit, ef úti
opt finnum Bil tvinna,
Hlǫkk at hvárum okrum
heimilari verðr seima.
The new edition is unavailable.
This text is from an old edition
Vilda ek verða aldri,
víglundr, at því fundinn,
at vera svá tamr við tróðu,
at taki ek manns konu annars,
nema at mér í myrkri
manligr kæmi svanni,
þat tek ek undan eiði,
at ei til hennar þreifik.
The new edition is unavailable.
This text is from an old edition
Ann ek, þótt úthalt renni
eikikjǫlr enn fǫlvi,
muna þér minn hagr þikkja
mannligr, konu annars;
eigi kann ek, ef ǫnnur
jafnblíð verðr mér síðan,
vindr rak knǫrr ór klandi,
kvinna nǫkkuru sinni.
The new edition is unavailable.
This text is from an old edition
Svá vilda ek þik sjaldan,
svinn brúðr, koma at finna,
hǫrvi glæst, at hristi
hrumr maðr at þér krummur;
heldr vilda ek halda,
Hlín, at vilja mínum,
lýsigrund, í landi,
liðar elds, um þik miðja.
The new edition is unavailable.
This text is from an old edition