ok eru þeir þa iaꝼnretter herſtioꝛar ſem konungar eða iarlar þar næst eru þeir menn er
haullꝺar heita þat eru benꝺꝛ þeir er gillder eru ad ættum ok rettum ꝼullum hann ma sva kenna að
kalla hann veítanꝺa fiar ok gietanꝺa ok ſætti manna þeſſar kenninga megu ok eiga hoꝼþing
iar
konungar ok íarlar haꝼa með ser til ꝼẏlgðar þa menn er hirðmenn heita ok huſkarlar enn
lenꝺer menn haꝼa ok ser hanꝺgengna menn þa er i ꝺanmoꝛk ok i ſvíþioꝺ eru hirðmenn kal
laðer
enn i noꝛegí huſkarlar ok ſveria þeir þo æiða sua ſem hirðmenn konungi huſkarlar
konunga voro mig hirðmenn kallaðer i ꝼoꝛneſkíu sua qvað þoꝛuallꝺꝛ blonꝺuskallꝺ konungr heill ok
sva ſnialler ſokn ǫ við lof gorvan oð haꝼa menn í munní minn huſkarlar þiner
Þetta oꝛti harallꝺr konungr ſigurðar son Fullaꝼli beíð ꝼẏllar ꝼinn ek opt at ꝺꝛiꝼr mínna hilmiſ
ſtolſ a hela huſkarla lið iarlí Hirðmenn ok huſkarla hoꝼþingia ma sua kenna at kalla
þa innꝺꝛott eða verðung eða heiðmenn Sua qvað Sighvatr þat ꝼra ek víg a vatní verðung
ioꝼurſ gerðu naꝺꝺa el en nẏla næſt tel ek æigi hín ſmæſtu Ok enn þetta Þagi vaſſ ſem
þeſſum þengilſ a ío ſtrengiar mioð ꝼyrir malma qveðíu mær heið þegum bærí Heið ꝼe
heíter málí ok gioꝼ er hoꝼðingíar geꝼa Sua qvað ottaʀ ſvartí Goðmenníſ þarꝼ ek gunnar
gloðbꝛíotanꝺa at niota her er alnenninn inni innꝺꝛott með gram ſvinnum iarlar ok herſar
ok hirðmenn eru sua kenꝺer at kallaðer konungſ runar eða malar eða ſeſſar sua qvað hallꝼrǫðꝛ Gra
mſ
runí lætr glẏmía gunnríkr hinn er hvot likar hogna hamre ſlegnar heipt bꝛaðꝛ
um ſik vaðer Sem ſnæbioꝛn qvað Stioꝛ viðíar let ſtẏðia ſtalſ buðlunga malí hlemmí
ſverð við harðꝛí huꝼ langan ſę ꝺuꝼu sua qvað arnoꝛr Bera ſin en mík míner moꝛðkenꝺ ta
ka
enꝺa þeſſ oꝼ þengilſ ſeſſa þung mein ſẏner unger Konungſ ſpiallí ſem hallꝼroðꝛ qvað
rað lukuz at ſa ſiðan ſniall mælltr konungſ ſpiallí atti einga ꝺottur onarſ viði grona
Sua ſkal menn kenna við ætter Sem qvað koꝛmakr Hæẏrí ſonr a ſẏrar ſannræẏniſ ꝼentanna aur
greppa lætk uppí iaſtrín harallꝺz mína hann kallaði iarlenn ſannræẏní konungſinſ en ha
kon
iarl ſon ſigurðar iarlſ enn þioðolꝼr qvað sua um harallꝺ vex olaꝼſ ꝼeðꝛ iarnſaxa
veðꝛ harꝺꝛæðit hvert sua at hroðꝛſ er vert Ok en sua Iarizleiꝼr oꝼ ſa hvert ioꝼrí bra hoꝼz
hlẏrí ꝼramſ hínſ helga gramſ Ok enn qvað hann Anꝺaðꝛ er ſa er oꝼ alla bꝛa haukſtallꝺa ko
nr
harallꝺz bꝛoður ſonr en qvað sua arnoꝛr i rognvallꝺz ꝺꝛapu reð heita konr hlætí
herþarꝼr við mik gioꝛꝼa ſtẏrk let ǫll oꝼ oꝛkat iarlſ mægð aꝼ þvi ꝼrægðar Ok enn qvað
hann um þoꝛꝼinn iarl Bítu ſverð en þar þurðu þunn giꝛ ꝼyrir mǫn ſunnan rognvallꝺz kinꝺ
unꝺ ranꝺer ramleg ꝼolk hínſ gamla Ok enn qvað hann Et bæti ꝼiðꝛ ítran allrikſ en ek bið
likna trura tiggia ꝺẏrum toꝛꝼæinarſ guð meínum Ok enn qvað eína ſkala glam ne
att ſtuðill ættar ogn herðer mun verða ſkẏllꝺꝛ em ek hroðꝛí at hallꝺa hillꝺitannz
hinn millꝺí
