skaldic

Skaldic Poetry of the Scandinavian Middle Ages

Menu Search

Hrókskviða — Hróksv HrkvVIII (Hálf)

Hrókr inn svarti

Hrókr inn svarti, Hrókskviða — Hubert Seelow

Not published: do not cite (Hróksv HrkvVIII (Hálf))

 

Nú mun segja
sonr Hámundar,
hvert eðli var
okkart bræðra;
var minn faðir
miklu fremri,
haukr gǫrr at hug,
en Haki yðvarr.
 
The new edition is unavailable.
This text is from an old edition
Vildi engi
við Vífil jafnask,
þótt Hámundar
hjarðar gætti;
sák engan þann
svína-hirði
huglausari
en Heðins arfa.
 
The new edition is unavailable.
This text is from an old edition
Mín var æfi
miklu æðri,
þás vér Hálfi
horskum fylgðum;
bárum allir
eitt ráð saman
ok herjuðum
hvert land yfir.
 
The new edition is unavailable.
This text is from an old edition
Hǫfðum allir
haukmanna lund,
hvars fróðhugaðr
frama kostaði;
gengum í gǫgnum
með grá hjálma
fullstórir ǫll
folklǫnd níu.
 
The new edition is unavailable.
This text is from an old edition
Hálf sák hǫggva
hǫndum báðum,
hafðit hilmir
hlífskjǫld fyr sér;
finnr engi maðr,
þótt fari víða,
hæfra hjarta
ok hugprúðara.
 
The new edition is unavailable.
This text is from an old edition
Mæla virðar,
þeirs vitu eigi,
at Hálfs frami
heimsku sætti;
kann eigi sá
konung háleyskan,
er heimsku-þrótt
honum eignaði.
 
The new edition is unavailable.
This text is from an old edition
Baðat við dauða
drengi kvíða
né æðru-orð
ekki mæla,
engi skyldi
jǫfri fylgja,
nema forlǫgum
fylkis heldi.
 
The new edition is unavailable.
This text is from an old edition
Skyldit stynja,
þótt stór hlyti
sár í sóknum,
siklings vinir,
né benjar sér
binda láta,
áðr annars dags
jafnlengð kæmi.
 
The new edition is unavailable.
This text is from an old edition
Baðat hann í her
hapt of græta
né manns konu
mein at vinna;
mey bað hverja
mundi kaupa,
fǫgru gulli,
at fǫður ráði.
 
The new edition is unavailable.
This text is from an old edition
Várut svá margir
menn á skeiðum,
at á flótta vér
fyrri heldim,
þótt miklu lið
minna hefðim,
svát ellifu
einum gegndi.
 
The new edition is unavailable.
This text is from an old edition
Hǫfðum allir
enn øfra hlut,
hvars Hildar él
hlífar knúði;
einn vissa ek
jafnsnjallan gram
Sigurð konung
at sǫlum Gjúka.
 
The new edition is unavailable.
This text is from an old edition
Margir váru
menn á skeiðum
góðir ok fræknir
með gram sjǫlfum,
Bǫrkr ok Brynjólfr,
Bǫlverkr, Haki,
Egill ok Erlingr
Ásláks synir.
 
The new edition is unavailable.
This text is from an old edition
Bezt váru mér
manna hugðir
Hrókr bróðir minn
ok Hálfr konungr,
Styrr ok Steinarr,
sterkir báðir,
snarráðir menn,
synir Gunnlaðar.
 
The new edition is unavailable.
This text is from an old edition
Hringr ok Hálfdan
haukar báðir,
réttir dómendr,
[Dana þjóðar]
Dagr enn prúði,
Stari ok Steingrímr,
Styrr ok Gauti;
finnr þú aldri
fríðri drengi.
 
The new edition is unavailable.
This text is from an old edition
Valr ok Haukr
í víkingu,
báðir fræknir
buðlungs vinir;
fáir myndi þeim
fylkis rekkum
hæfri þykkja
ór Haka veldi.
 
The new edition is unavailable.
This text is from an old edition
Hvergi þóttak
í því liði
opt aukvisi
ættar minnar;
mik kváðu þeir
mann snarpastan,
þvít hverr ǫðrum
hróðrs leitaði.
 
The new edition is unavailable.
This text is from an old edition
Vé bar Vémundr,
er vega þorði,
Bárðr ok Bersi,
fyr buðlungi;
fylkði sínu
sá framligast
lofðungr liði,
meðan lifa mátti.
 
The new edition is unavailable.
This text is from an old edition
Naut eigi svá
aldrs sem skyldi
frækn landreki
við frama dáðir;
tólf vetra nam
tyggi at herja,
þá var þengill
þrítøgr er dó.
 
The new edition is unavailable.
This text is from an old edition
Slíkt kennir mér
at sofa lítit
marga grímu
ok mjǫk vaka,
er bróðir minn
brenna skyldi
kvikr í eldi
með konungs rekkum.
 
The new edition is unavailable.
This text is from an old edition
Sá hefr dagr of mik
daprastr komit
miklu í heimi,
svát menn viti;
una þykkjumk vér
aldri síðan,
at fylgja máttuma
frændum hollum.
 
The new edition is unavailable.
This text is from an old edition
Alls myndi mér
angrs léttara,
ef Hálfs konungs
hefna mættak,
svát Ásmundi
eggfránum hjǫr,
bana baugbrjóts,
brjóst raufaðak.
 
The new edition is unavailable.
This text is from an old edition
Hefnt mun verða
Hálfs ens frækna,
þvít gǫfgan gram
í griðum véltu;
olli morði
ok mannskaða
Ásmundr konungr
illu heilli.
 
The new edition is unavailable.
This text is from an old edition
Þá mun reyna
ok raun gefa,
ef vit Sveinn komum
saman í rómu,
hvárir í vígi
verða hæfri
Hámundar burr
eða Haka þegnar.
 
The new edition is unavailable.
This text is from an old edition
Segik svá kveðit
snotru vífi,
at Brynhildar
biðja myndak,
ef vita þættumk,
at vildi hón
Hróki unna
Hámundar bur.
 
The new edition is unavailable.
This text is from an old edition
Ván væri mér
vitra manna,
snarpra seggja,
ef saman ættim;
fankat ek mey
margsvinnari
hvergi landa
en Haka dóttur.
 
The new edition is unavailable.
This text is from an old edition
Fann ek aldri,
þó hefk farit víða,
hugþekkri mey,
en Haka dóttur;
hón er at ǫllu
sem ek æskja mun
- - - - - - -
- - - - - - -
 
The new edition is unavailable.
This text is from an old edition
Hér þykkik nú
í Haka veldi
hornungr vera
hverrar þjóðar;
allir eigu
innar sitja
hálfargir menn
en Hálfs rekkar.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.