Cookies on our website

We use cookies on this website, mainly to provide a secure browsing experience but also to collect statistics on how the website is used. You can find out more about the cookies we set, the information we store and how we use it on the cookies page.

Continue

skaldic

Skaldic Poetry of the Scandinavian Middle Ages

Menu Search

Lausavísur — Grett LvV (Gr)

Grettir Ásmundarson

Grettir Ásmundarson, Lausavísur — Vol. 5 — Jonathan Grove

Jonathan Grove (forthcoming), ‘ Grettir Ásmundarson, Lausavísur’ in Margaret Clunies Ross, Kari Ellen Gade and Tarrin Wills (eds), Poetry in Sagas of Icelanders. Skaldic Poetry of the Scandinavian Middle Ages 5. Turnhout: Brepols, p. . <https://skaldic.org/m.php?p=text&i=1214> (accessed 19 March 2024)

 

Þat gerik ávalt, es vetrar,
vind'k hals á kjúklingum;
en þótt ellri finnisk
einn berk af sér hverri.
 
The new edition is unavailable.
This text is from an old edition
Mik vill menja slǫngvir
(mjǫk kennik þess) brenna,
hodda Grund, á hǫndum
(hǫfugt ráð er þat) báðum;
létk á hringa hreyti,
hǫr-Gerðr, tekit verða
gǫrr (sér gildra sára
gǫgul) óskornum nǫglum.
 
The new edition is unavailable.
This text is from an old edition
Hygg ek at hljóp til Skeggja
hamar-trǫll með fǫr ramri,
blóðs var á grǫn Gríði
gráðr, fyr stundu áðan,
sú gein of haus hánum
harðmynt ok lítt sparði
(var ek hjá viðreign þeira)
vígtenn, er klauf enni.
 
The new edition is unavailable.
This text is from an old edition
Hygg ek at heiman byggi
heldr auðigir snauðan
blakkþoll byrjar skikkju
beiðendr móins leiðar;
enn réð orðskvið sanna
auðnorn við mik fornan
ern, at bezt er barni,
benskóðs fyr gjǫf, móðir.
 
The new edition is unavailable.
This text is from an old edition
Happ's ef hér skal kropna
hverr fingr á kyrpingum.
 
The new edition is unavailable.
This text is from an old edition
Annat var, þá er inni
át Hafliði drafla,
hann þóttiz þá heima
hvellr, at Reyðarfelli,
ok dagverðar, darra
dóm skreytandi, neytti
tysvar Tveggi nesja
takhreins degi einum.
 
The new edition is unavailable.
This text is from an old edition
Stǫndum upp þó at undir
alltíðum skip ríði;
veit ek at víf mun láta
verr, ef ek ligg á knerri;
því mun ǫllungis illa
aldygg kona hyggja
hvít, ef hér skulum láta
hvert sinn fyr oss vinna.
 
The new edition is unavailable.
This text is from an old edition
Mér hefir brugðizk báru
blikrýrandi at skýra
(brátt spyri bragnar þetta)
bauga ván í haugi;
þó sé ek hitt, at Hrotta
hríð-Ullr muni síðan
fár at Fáfnis mýri
fullteitr þinig leita.
 
The new edition is unavailable.
This text is from an old edition
Fekk í firna dǫkkum
(fell draugr) tekit haugi
sax þat er seggja vexir
sár, hyrlestir báru,
ok skyldi mér aldri
jálms dýrlogi hjálma,
ýtum hættr, ef ættak,
angrs ór hendi ganga.
 
The new edition is unavailable.
This text is from an old edition
Tolf hǫfum grǫf hjá gjalfri
gunnelds búit runnum;
einn nam ek ǫllum vinna
ótrauðr beran dauða;
hver munu gild um gjǫrvaz,
gulls vel borin selja,
verk þau er einn fær orkat,
ítr, ef slík eru lítil.
 
The new edition is unavailable.
This text is from an old edition
Opt kom heim í húmi
hræddr, þá er ǫngum blæddi,
sá er vetrliða vitja
víg-Njǫrðr í haust gjǫrði;
sá engi mik sitja
síð hjá bjarnar híði;
þó kom ek urðar otri
út ór hellis-skúta.
 
The new edition is unavailable.
This text is from an old edition
Íugtanna gatk unnit
orð lék á því, forðum;
feld reif hann af hǫldi
hugstríðr meginsíðan;
baugs olli því bellinn
Baldr, en nú skal gjalda,
opt þykkjumz ek ekki
allhælinn, kappmælum.
 
The new edition is unavailable.
This text is from an old edition
Eigi veit, nema útan
Jǫlfuðr at þér sjǫlfum
kverkr fyr kapp ok orku
(kvelling es þat) svelli;
svá bannaði sinnir
seims, es ek vas heima,
ungum endr fyr lǫngu
ákall þinul fjalla.
 
The new edition is unavailable.
This text is from an old edition
Treystik mér við Mistar
mótkennanda þrenna,
hvar er í hildar veðri
heiptminnigt skal vinna;
víst skal ei fleiri en fjórum
fársætǫndum mæta
at gný fengnum Gungnis
gráð, ef ek skal ráða.
 
The new edition is unavailable.
This text is from an old edition
Jafnan verðr til
oflǫng boga slǫngvi,
því kemr þar til sumra
þung hefnd fyrir, tunga;
margr hefir beiðir borgar
benlinns sakir minni,
ferðalangr, þótt fengir
fjǫrtjón, en þú gǫrvar.
 
The new edition is unavailable.
This text is from an old edition
Snart á snæðings porti
Snækolls þrimu rækis
ímunbukl, þat er ǫkla
áspyrnu fekk þyrnis;
svá tvískipti toptum
tanngarðs enn járnvarði
brodda-gangs, at á bringu,
bálkr, rifnuðu kjálkar.
 
The new edition is unavailable.
This text is from an old edition
Alt kom senn at svinnum
sekð mín bragar tíni,
fǫður skal drengr af dauða
drjúghljóðr ok svá bróður;
þó skal margr í morgin
mótrunnr Heðins snótar,
brjótr, of slíkar sútir,
sverðs, daprari verða.
 
The new edition is unavailable.
This text is from an old edition
Segðu í breiðar byggðir
bráðlyndr, at þú fyndir
uppi alt hjá Kroppi,
álmþollr, Sǫðulkollu;
þar var staddr á steddu
(strjúk allmikinn Halli)
drengr, sá er drýgir lǫngum
dufl, í svǫrtum kufli.
 
The new edition is unavailable.
This text is from an old edition
Færðu hafloga hirði
hefir braut gripit lautar
áll, vel borin vella,
vigg, dís gamanvísu,
ok vildi svá jǫldu
Yggs líðgjafi ríða
æst, at ek mun gista,
orðrakkr, á Gilsbakka.
 
The new edition is unavailable.
This text is from an old edition
Heim reið ek hryssu at Grími,
hann er gildr hjá kotmanni;
þat mun ek launa litlu;
lát okkr vera sátta.
 
The new edition is unavailable.
This text is from an old edition
Varð í Veðra-firði
vápnsóttr í byr Þróttar
œst fress arfs ok gneista
afl fangvinar Hafla;
nús, ósjǫtlat, Atla
andrán, þats vas, hônum,
(dauðr hné hann) fyrr, (at fríðri
fold) makliga goldit.
 
The new edition is unavailable.
This text is from an old edition
Mér stóð málma skúrar
mundangs hvatr ok Atli
(staddr vilda ek svá sjaldan)
snarr Illugi fjarri,
þá er ófælinn álar
endr dró mér ór hendi
(brúðr strýkr hosk ef hræðumk
hvarma) Loptr enn armi.
 
The new edition is unavailable.
This text is from an old edition
Rennr, sá er rispar tǫnnum,
raunlítt, er skal bítaz
marr, né mæðiz fyrri,
mest, fyr ǫðrum hesti,
en fyr mér um Mýrar
margnennum dag þenna
(fremd er hann firðr ok sæmdum)
físandi rann Gísli.
 
The new edition is unavailable.
This text is from an old edition
Hæg munat, hirði-Sága
hornflæðar, nú græða
stór, þó at steyptuz fleiri,
Steinólfs hǫfuðskeina;
því er um Þorgils ævi
þung ván, at bein sprungu;
lýðr segir átta aðra
auðbrjóta þar dauða.
 
The new edition is unavailable.
This text is from an old edition
Ríðkat rœkimeiðum
randar hóts at móti,
skǫpuð es þessum þegni
þraut; ferk einn at brautu;
vilkat Viðris balkar
vinnendr snara finna;
(ek mun þér eigi þykkja
œrr) leitak mér fœris.
 
The new edition is unavailable.
This text is from an old edition
Hnekkik frá þars flokkar
fara Þóris mjǫk stórir;
esa mér í þys þeira
þerfiligt at hverfa;
forðumk frægra virða
fund; ák veg til lundar;
verðk Heimdalar hirða
hjǫr; bjǫrgum svá fjǫrvi.
 
The new edition is unavailable.
This text is from an old edition
Svinn mun segja kunna
Sól gullbúa stóla
ept, þó at eigi skipti
orð mín, fǫður þínum,
hvar ek ríð um bæ breiðan,
barð jós, næri garði,
láðskreytis er lítit
lið, með dreng enn þriðja.
 
The new edition is unavailable.
This text is from an old edition
Gekk ek í gljúfr et dǫkkva,
gein veltiflug steina
við hjǫrgæði hríðar
hlunns úrsvǫlum munni,
fast lá framm á brjósti
flugstraumr í sal naumu,
heldr kom á herðar skáldi
hǫrð fjón Braga kvónar.
 
The new edition is unavailable.
This text is from an old edition
Ljótr kom mér í móti
mellu vinr ór helli;
hann fekz, heldr at sǫnnu
harðfengr, við mik lengi;
harðeggjat lét ek hǫggvit
heptisax af skepti,
Gangs klauf brjóst ok bringu
bjartr gunnlogi svarta.
 
The new edition is unavailable.
This text is from an old edition
Dulizk hefr margr í morgin
menja runn við kunnan,
renna víst á runna
ranns ímu tvær grímur;
skotit mun heldr fyr hǫlða
hvassorða leikborði;
ǫld bilar orð at halda;
alt dró slafr af Hafri.
 
The new edition is unavailable.
This text is from an old edition
Heldu Hlakkar tjalda
hefjendr saman nefjum,
Hildar veggs ok hjoggusk
hregg-Nirðir til skeggjum,
ok geðstrangir gengu
(griða tóku at iðrask)
Sváfnis látrs í sveitir
sviptendr, es mik kendu.
 
The new edition is unavailable.
This text is from an old edition
Váskeytt es far flôsu;
fár kann sverð í hári
œskiruðr fyr ǫðrum
ǫrveðrs séa gǫrva;
veðjak hins at hreðjar
hafit þeir an vér meiri
þótt éldraugar eigi
atgeira sin meiri.
 
The new edition is unavailable.
This text is from an old edition
Sverðlítinn kvað sæta
(saumskorðu) mik orðinn,
Hrist gjǫrir hreifa kvista
(hæli ek) satt at mæla;
alllengi má ungum,
eyleggjar bíð Freyja,
lágr í læra skógi,
lotu, faxi mér vaxa.
 
The new edition is unavailable.
This text is from an old edition
Opt nam skǫpum at skipta
skjóma egg í rómu,
þá er berserkjum birkis
bǫðharður sjǫt varðak;
gims Hjarrandi handa
Hristar vǫrðr en misti,
Bjǫrn lét brátt ok Gunnarr
báðir líf ok náðir.
 
The new edition is unavailable.
This text is from an old edition
Enn kom ek einu sinni
út á breiðri skútu
í Dyrhólmum, darra
drengr háði rym lengi;
bauð Torfi þá þýðum
þegn með stóru megni
þrautir þungra spjóta
þarfur Vébrands arfi.
 
The new edition is unavailable.
This text is from an old edition
Svá varð skildr frá skáldi
skeljeggr brimis eggja
meiðr, þótt margir stæði
menn at vápna sennu,
svá at ófærr varð ára
endr af Grettis hendi
hlynr í hríðum benja;
hest gaf hann mér at lesti.
 
The new edition is unavailable.
This text is from an old edition
Vítt frá ek at Þorfinnr þætti
þegn sterkr svaðilverka,
aldrs kvaz oddbǫrr skyldu,
Arnórs sonr, mér varna;
áræði brast eyði,
einlyndr, þótt mik fyndi
úti, orma setra,
einn, var ek eigi at beinni.
 
The new edition is unavailable.
This text is from an old edition
Gat ek fyr geira njótum
gætt, því at treystak mætti,
viðr umsátum ýta
aldrs, né þat var sjaldan;
nú hefir gild með gǫldrum
gunnelda bǫr unnit,
rǫmm eru ráð en grimmu,
rein afgǫmul steina.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.