skaldic

Skaldic Poetry of the Scandinavian Middle Ages

Menu Search

Guðmundarkvæði — EGils GuðkvIV

Einarr Gilsson

Einarr Gilsson, Guðmundarkvæði — Kirsten Wolf

Not published: do not cite (EGils GuðkvIV)

 

Fæddr var ǫlr, sá er eyddi
alnýtr fira lýtum,
endr á Grjótár grundu
gulls með virðing fullri;
sagði sveins at hugði
sauðnis látrs í gráti
kærum krapta stóra
Kárhǫfði þat árum.
 
The new edition is unavailable.
This text is from an old edition
Ari fekk hǫgg af hjǫrvi,
hann fell við lof manna,
hraustr barg hjǫrva treystir
harðfingum Erlingi;
þá tók arf sem ek inni
ǫlbjóðr við skrá fróða,
lími gekk með lámum
lundstórum Guðmundi.
 
The new edition is unavailable.
This text is from an old edition
Vígslur tók, sá er víkja,
váttr guðs laga, knátti,
lundr, til hægri handar,
hann best, siðum flestum;
ok prestr, er lét lǫstu
lífsnjallr hatat alla,
Guðmundr varð, en greinduz
góð verk kyni þjóðar.
 
The new edition is unavailable.
This text is from an old edition
Nótt fór Már af mætti
meinum virkr til kirkju,
Gautr vann grafnings látra
Guðmund á bæn fundit;
út fló ǫxl af gætis
einn fugl siða hreinna,
því er dýrð um ask orðin
alkunn breka sunnu.
 
The new edition is unavailable.
This text is from an old edition
Braut gaf vígslu veitir
víns nálimum sínum
tíða offr, sá er trúði
tunglranns á gram sannan;
kendi meiðir mundar
merkr prúðliga klerkum;
rétt er at seggja sættir
sǫng ok vakti lǫngum.
 
The new edition is unavailable.
This text is from an old edition
Gjǫrðiz dátt um dýrðir
dygðar prests, þvíat flestir
unnu elsku svinnir
auðlundar Guðmundi;
hittuz hǫpp, þau er sóttu,
hvert dægr, trega lægi,
skildiz hár meðal hǫlda
heiðr guðs laga reiðis.
 
The new edition is unavailable.
This text is from an old edition
Eld sá eik hvar mildust
orma ness um messu
stóð af stefja leiðu
stund eina Guðmundar;
vells kvað vitran fulla
verk dásamlig merkja
hrund at heilagr andi
hans embættis gætti.
 
The new edition is unavailable.
This text is from an old edition
Síð kom heim, sá er heiða,
hrings, laut at dǫglingi,
vǫrðr, með vizku dýrðum,
virkr til læstrar kirkju,
en þegar eflir svinnu
almildr lesa vildi,
upp laukz hurð fyr hirði
heilags dóms með sóma.
 
The new edition is unavailable.
This text is from an old edition
Vinr réð þrátt at þjóna
þýðr Máríu lýða,
hét á himna gætis
hringbjóðr frama móður;
virkr nam dátt at dýrka
drafnar runnr sem kunni
ells ok engla stilli
yfirdrotningu gotna.
 
The new edition is unavailable.
This text is from an old edition
Ærðiz ófnis jarðar
Unnr, hétu þá runnar
víst á drotning dýsta
dalregns himins þegna;
fríð nam mildings móðir
menja Gefn í svefni
sýnaz, mundar, mána,
Mist geymandi tvista.
 
The new edition is unavailable.
This text is from an old edition
Seg þú at vatn þat er vígði
vinr minn, kvað frú svinnust,
stǫkkvi, ræsis, rekkar,
rǫðuls, dúks á Bil sjúka;
sá kann bazt yfir brunnum
Baldr lǫfsǫngum halda,
bóls segir buðlungs éla
blíð mær, funa víðis.
 
The new edition is unavailable.
This text is from an old edition
Braut hvarf at sýn sætu
sæt mær himingætis;
Hlín nam guðvefs greina
grein stálviðum hreina;
lýðr brá vatni víðis
víðfrægs á man síðan,
heil varð brúðr af báli,
báls stýranda, tálar.
 
The new edition is unavailable.
This text is from an old edition
Mein hlaut Kálfr af kauni,
kverkr þrútnuðu, serkjar
niðr, þó at reyndi, Rindar
rann alls ekki Sanni;
prestr gaf hjǫrva hristi
heilagt vatn, en skatnar
litu eldboða Áta
albéttan þat stéttar.
 
The new edition is unavailable.
This text is from an old edition
Móð fekk hreytir hríðar
hjǫrteins í brásteinum,
Ófeigr hlaut augum
undrlaust í stað blunda;
varð af handlaug hirðis
hreins dýrligra greina
hlátrar hellis Gauta
heil brúna rǫf deilis.
 
The new edition is unavailable.
This text is from an old edition
Raun lá sárt á sveini,
svall búkr, limu alla,
kǫr vann, krepti stórum
kvǫl, bǫðvar Tý fǫlvan;
þar fekk síðan sǫkkvir
sundeims af Guðmundar
hreina bjǫrtum bænum
bót armæðu ljótrar.
 
The new edition is unavailable.
This text is from an old edition
Fúrs, gekk flagð at Snorra,
fór drengr á hæl stórum,
sótti mǫrn af mætti
mest valklifa lesti;
hét á Guðmund gætir
glaðr ílegu naðra,
þeim barg garpi geymir
greiðvirkr hǫfuðkirkju.
 
The new edition is unavailable.
This text is from an old edition
Fót kló jarðar Áta
ells Guðmundar þella;
þóttu þeygi réttir
þrír fingr á Bil kingu;
hreinn nam hart at spynna
hófs í krepptan lófa,
en hǫnd á Vár vindu
varð heil, friðar deilir.
 
The new edition is unavailable.
This text is from an old edition
Snjǫll varð ferð á fjalli,
fleinþings, með Kolbeini,
tjald sló vǫrðr sem vildi
víns hirði-Bil sinni;
ein sat ægis mána
eik, en sveit nam leika,
braut hvarf elds frá ýtum
Áta lands, með gráti.
 
The new edition is unavailable.
This text is from an old edition
Angrs var Kolbeinn klungri
kvíðandi mjǫk síðan,
Otrs er eik var brautu
ung nauðgjalda, þrunginn;
fróns bað fyrða sína
farar rækjandi sækja
prest þann, er lýð leysti,
linns, allmǫrgu sinni.
 
The new edition is unavailable.
This text is from an old edition
Veit ek at geirþings Gautar
Guðmund í stað fundu,
kváðu Kolbein meiðar
kjaldúks vera sjúkan;
"heill berr stefja stillir
stríðr útlimu fríða",
brátt segir bǫlva léttir
bjartr, "en nauð í hjarta".
 
The new edition is unavailable.
This text is from an old edition
Kænn nam Kolbein finna
kafs rýrandi fýris,
"bittu", kvað Viðris veitir
víns, "fyr beðju mínni";
hét á sikling sætan
seimlundr rǫðulgrundar;
aptr kom brúðr til beiðis
bláleit ok dauð hneitis.
 
The new edition is unavailable.
This text is from an old edition
Enn nam ǫðru sinni
allhryggr á prest kalla
hjaldrs at hjálpa skyldi
hlunnr valbrautar Gunni;
hár gaf himna stýrir
Hlín albætta Vínu
fyr Guðmundar greindar
grænleiks friðar-bænir.
 
The new edition is unavailable.
This text is from an old edition
Sǫngs, nam hreytir hringa
hugdyggr stofu byggja,
klerkr var einn til orku
ormbekks, með gram þekkum;
kómu árar aumir
inn benstara minnis,
þar er Guðmundur greindi
góð verk, þrimu sterkrar.
 
The new edition is unavailable.
This text is from an old edition
Báðu byskup meiðar
byrhrafns í guðs nafni
heiðs ok hilmis móður
himins ǫlmusu fimrar;
spurði grepp sá er gjǫrði
glóðeims at fésjóðum,
ei var auðs á mýgi
uggr, Krists limu hugga.
 
The new edition is unavailable.
This text is from an old edition
Njǫrðr kvað eptir orðit
ítr leygs vera þeygi,
"eyðiz silfr í sjóðum",
svanbings at penningum,
"nema skál sú, er hirð hælir,
hvít, at ei sé lítil,
ǫrr ok yðr nam herra
ættstórr gefa Þórir."
 
The new edition is unavailable.
This text is from an old edition
"Okkr skal eigi þykkja
ofgóðr, himins, fróðum,
þræll kvað þengils, bolli,
þýðr, guðs vera lýðum,
því gjǫf, sem helzt hæfir,
hlýrns, greiðum vit, fýris
meiðr hygg at því móðu
mætr, heimstǫðu gæti."
 
The new edition is unavailable.
This text is from an old edition
Ker lét handa hyrjar
hlynr snarpliga varpat,
"skipt nú skjǫldungr leiptrar
skál", kvað eyðir tála;
svell brast, siklingr olli
siðvandr, í þrjú handar,
árs því, at allir váru
ǫlstafns hlutir jafnir.
 
The new edition is unavailable.
This text is from an old edition
Fóru Fundins hyrjar
flaums þakkandi aumir
Gautar vænum veiti
víns ástgjafir sínar;
gǫrst mun hlýrna hæstra
hildings vita mildi,
góðr hvat guðs til náða
Guðmundr hefir stundat.
 
The new edition is unavailable.
This text is from an old edition
Ljós var hrings í húsum
Hǫrn með sínum bǫrnum,
stríð lá þorns á þýðri
þǫll, hungruðum ǫllum,
ketil réð fús at flytja
fári hreld at eldi,
trǫlls, af torfi fullan,
tundr lagði Sif undir.
 
The new edition is unavailable.
This text is from an old edition
Glǫdduz jóð, en eiðu
æ var þjóstr í brjósti,
svǫng til fóðrs ok fanga
fús, er rauk í húsum;
hét með gildum gráti,
Guðmundr at þá skundi
hugga, hyrjar dǫggvar
Hlín, veslinga sína.
 
The new edition is unavailable.
This text is from an old edition
Sæll kom synda fellir
sáttargjarn til barna;
ketil vann hǫlda heitan
hýrr blessaðan stýrir;
en þegar fljóð at fæðu
fór leitanda heitri,
slátr fanz ærit ýtum,
alt torf var þá horfit.
 
The new edition is unavailable.
This text is from an old edition
Verk tók jóð sem orka,
ósmátt var þat, mátti,
sorg, í sjónar bergi,
svall óðliga móður,
en af angri stinnu
út sprakk á kinn þrútit,
Hǫrn sat beint yfir barni
baugs grátandi, auga.
 
The new edition is unavailable.
This text is from an old edition
Veit ek at vafði klúti
valtúns rǫðul brúna
læsti ok Lofn í kistu
linns vandliga sinni;
gulls nam á Guðmund kalla
grund mjúkliga stundar
heldr, at hann hjálpa skyldi
hress aumingja þessum.
 
The new edition is unavailable.
This text is from an old edition
Brátt nam barns at vitja
brík foldsila ríkis,
ǫls leit ennis sólir
eik hrafnskygnar leika;
hægs, var horfit auga,
Hristar éls, ór kistu
braut, en blóð í klúti
bíðendr litu síðan.
 
The new edition is unavailable.
This text is from an old edition
Rǫkk fór drós at drekka,
drakk hon eigi hreint nakkvat,
gengu þorna Þungru
þung stríð í búk síðan,
skar með firna fári
fárgjarn um kvið sáran
hvalr gullrendrar grundar
grund fagrvita mundar.
 
The new edition is unavailable.
This text is from an old edition
Snót lá þessi þrútin
þrota mædd, en þat Gotnar
fox bert sǫgðu saxa,
sex misseri, vissu;
þǫll nam sveigs at svella,
svelt þurfti hon belti,
linnr hjó sjúkan svanna,
svanninn átta spanna.
 
The new edition is unavailable.
This text is from an old edition
Lýðr vann byskup blíðan
blíðr kallaðan síðan
sætu bǫls til bóta,
bót fengu þeir skjóta;
prestr lét í munn mætri
mætr beinavatn gætis
lindi grafþvengs grundar
grandlauss fira andar.
 
The new edition is unavailable.
This text is from an old edition
Skreið ór hreindu híði
híðs biflykkja síðan
hann ok elda unnar
Unnar braut af munni,
seið litu drengir dauðan,
dauð var sorg ok nauðir,
hríss, kendi dygð, drósar,
drós Guðmundar ljósa.
 
The new edition is unavailable.
This text is from an old edition
Strengs, leit, álnar, anga,
angrfirð, hnefa langan
ǫld, þann er fæddi foldar
fold á sínu holdi;
dýrð skulu himna hirðis
hirðendr framast virða,
viðum sómir þat seima,
seims í ǫllum heimi.
 
The new edition is unavailable.
This text is from an old edition
Barn rak út frá ýti
unnstóðs í haf móða;
vátr nam Guðmund gætir
Gjallar eims at kalla;
fann, þá er ǫld réð unnir
annars dags at kanna,
sveit á ísi úti
jóð lífligast móður.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.