ok foru ꜱva vt i digra nes þa hliop hon a svnd en hann kastaði eptir henne steini miklum hann kom millum herða
henni ok kom hvarki vpp siðan þat er nv kallat brakar svnd En eptir vm kvelldit er Egill kom heim voru þeir
feðgar reiðir miok Gekk Grimr vndir borð ok alþyða manna Egill var æigi kominn i rum sitt hann gekk
til ellda skala at þeim manni er þar hafði verk stiorn ok forrað með Grimi ok honum var miok kiæʀ ok
hio hann bana hǫgg ok gekk eptir En skallagrimr ræddi ekki vm þetta ok var kyrt En þeir feð
gar
mælltvz ekki við En hit næsta svmar eptir kom Þorolfr t er fy var fra sagt ok varð þetta til
tiðenda meðan hann var vtan En er hann hafði verit vetr a islandi þa bio hann skip sitt i brakar svndi
ok er hann var albuinn þa var þat einn dag er Egill gek til foðvr sins ok bað hann fa ꜱer farar efni þviatt ek
vill fara með þorolfi Grimr mælti hefir þv nakkuat rætt þetta við þorolf Egill kvat þat æigi vera Grimr bað hann þat
fyrst gera En er Egill vakti þat við þorolf kvat hann þeꜱ onga vꜳn vera at ek flytia þik abrott er
faðir þinn ma her æigi við þik tæla þa ber ek ekki til þeꜱ travst at hafa þik með mer þviatt
þar hlyðir ekki slikt skaplyndi sem her hefir þv vera ma þat sagði Egill at þa fari hvargi
okka vm nottina eptir gerði a vt synning ædi veðr En vm nottina er myrkt var
orðit ok flæða tok þa kom Egill þar at er skipit la hann gekk vt a skipit fyrir vtan tiolld hio hann i
svndr
festar er a vtbvrða voru gekk hann þegar vpp af bryggiunni hann skavt þegar bryggiunni ok hio
festar þær ær landi voru rak þa skipit vt a fiorðinn En er þeir vrðv varir við at skipit rak
vt þa hliopv þeir a bat skipit En skipit rak yfir i anda kil ok a eyrar upp En Egill for heim
ok er menn vrðv varir við bragð Egils þa kvez hann mundv bratt gera þeim meíri ef þeir flytti
hann æigi abrvtt Attv menn þa hlvt at með þeim bræðrum Tok þorolfr við honum ok foru nv vtan vm svmarit
ok greiddiz þeim val ok komv at havrða landi ok foru i sogn En þar hofðv þav tiðendi orðit
vm vetrin at Bryniolfr hafði andaz En synir hans hofdv skipt arfi Hafði þorðr avr
land
en Biorn hlavt annan bustað goðan hann var kallaðr Biorn haulldr Þorolfr for a fvnd
Biarnar ok asgerðr dottir hans Vard þar fagna fvndr mikill hon var kona vǽn ok virðvlig Þorolfr for
til Eiʀiks konungs ok er þeir fvndvz bar þorolfr framm langskips segl er hann sagði foðvr sinn hafa
sent konungi konungr tok val við giofinni ok bauð þorolfi með ꜱer at vera Þorolfr þakkaði konungi val en
þo for hann til þoriss hersiss ok bauð þorir honum með ꜱer at vera ok þat þekttiz Þorolfr En þa er
annar maðr sa er með mer skal til vistar fara en þat er broðir minn ok hefir hann ekki fy hei
man
farit ok þarf ek at veita honum um sea mína fara þeir nv til þoris hann atti son
er Arin biorn het hann var nokkvrv ellri en Egill hann uar snemma mikill ok sterkr Egill gerði ꜱer
titt við Aʀinbjorn ok var honum fylgiv samr En helldr var fatt með þeim bræðrum
Þorolfr hof þat mꜳl við þori hversv hann mundi þvi taka ef hann bæði asgerðar frænd konv hans
hann tok þvi val ok kvez mvndv flytia við Bíorn þa foru þeir norðr i sogn til Biarnar ok tok hann
val við þeim Þorolfr bar vpp erendi sitt við Biorn ok hof vpp bonorð sitt ok bað asgerðar dottur
hans Biorn tok þvi val ok var þat avð sott bæði við Biorn ok suo við hana foru þar þa þegar festar fram
ok a kvðin brvllaups stefna Skylldi sv veitzla vera vm havstit með Birni for
nv þorolfr heim En er at þeiri stefnv kom þa bavð þorolfr morgum monnum með ꜱer til þeirar