igiegnum eyiarnar Aki for heim til bva sinna ok synir hans hann var uell auðigr maðr ok atti morg bv a iotlandi
skildvz þeir Egill með kiærleikum ok mæltu til uínattv sín ímillum En er havstaði sigldv þeir norðr
fyrir noreg ok komv fram i fiorðum ok foru nu a fund þoris hersis ok toku hann val við þeim en Arinbiorn betz
byðr hann agli þar vm vetriṅ þat þektu Egill En er þorir vissi boð Arinbiarnar þa kallaði hann þat braðraðit
veit ek æigi hversv þat likar Eiriki konungi þviatt hann mællti ꜱva eptir drap barðar at hann villdi Egil ekki her i landi raða
munt u faðir þvi enn við konung sagði Arinbiorn Sa þorir þa at hann mundi þeꜱu raða vílía voru þeir bræðr
þar við .xij. mann vm vetriṅ Bræðr tueir voru nefndír þorvalldr ofsi ok þorfinnr strangí þeir voru frǽ
ndr
Biarnar Bryníolfs s þeir fyldv þorolfi i vikíng ok voru i stafní þeir voru menn miklir ok kaps fullir
En þa er Egill tok skip stíorn þa var þorfinnr stafn bvi hans þeir voru þenna vetr með þeim bræðrum þat
var um haustit at þorir for a fund konungs ok tok konungr val við þeim þorir bað konung ɡeꝼa æigi þikkiaz við vist
þeira bræðra þar með honum konungr svaraði þvi val sagði hann þat mega ual þiggia af ꜱer En ekki mundi ꜱva við vita
ef annaʀ maðr hefði við agli tekit En er Gunhilldr heyrði þat er þeir toluðv þa mællti hon þat ætla ek enn
at nu fari sem optarr at þu Eiʀikr konungr mvnir þat all lítt er illa er við þik gort eðr mvnt v æigi til
þeꜱ draga fram sonu skalla grims at þeir mvní enn drepa nokkvʀn frænda þínn En þott þer
þikki litils vert dráp barðar þa þikkir oss ekki svá konungr svaraði verit hefir þer þekkra við þorí
En suo sem nv er En ekki man ek nu aptr taka orð mín For þorir heim ok sagði þeim
bræðrum orð konungs ok gunhilldar fra þeim bræðrum af eiʀiki konungi ok gvnnhilldi Ekki voru þeir þok
ka sælír
Eyuíndr ok alfr hetu bræðr Gunnhilldar þeir uoru menn miklír ok sterkir ok hofðu yfir lat mikít
af aldyðu manna þat er nu sagt at um varit at sumri skylldv vera blot mikil at
gaulum ok uar þar hof mikit sotti þangat fiolmenni mikit bæði af fiollum ok or fíorðum ok or sogni ok mart
annat stormenni Eiʀikr konungr for ok þangat þa mællti Gvnhilldr við þa bræðr sína þat vil ek at þit hagit ꜱva
til i fiolmenni þeꜱu at þit drepit annanhuarn þeira sona skallagrims ok betr at huartueggi se þeir kv
oðv
ꜱva vera skylldv þorir bioz heíman hann mællti við Aʀinbiorn nv mun ek fara til blotzíns En Egil vil
ek æigi at fari Ek kann viel ræði Gvnhhilldar en kappi Egils en ʀiki konungs ok er þeꜱ æigi hægt at giæta
allz saman En egill mun æigi letiaz lata nema þu ꜱer eptir En þorolfr skal fara ok blota til heilla þeim
bræðrum þa sagði Aʀínbiorn agli at þeir mundi heima vera baðir Egill bað hann raða En þeir þorolfr foru til
blotzíns ok uar mikit fiolmenni ok all miklar drykkíur þorolfr gekk með þori hvert sem hann for ok
skilldiz alldri við hann nott ne dag Eyvíndr sagði Gunhilldi at hann fekk ekki færi a þorolf hon bað
hann drepa einn hvern þeira felaga helldr en allt bæri vndan þat var eitt kvelld er konungr var geng
inn
til svefns ok þeir þorir ok þorolfr en þeir satv eptir þorvalldr ok finnr þa komv þeir þar bræðr
eyvinðr ok alfr ok settuz hia þeim ok voru allkꜳtir þeir drukkv fyrst sveitar drykk þa kom
þar at drekka skylldi til halfs þeir drukkv saman Eyvindr ok þorvalldr En þeir Alfr ok þorfínnr
En er a leið kuelldít þa var drukkit við sleitur ok þvi næst orða hníppíngar ok þa storyrði þa hl
iop
Eyvindr vpp ok bra sverði ok lagði a þorvalldi ok varð hans bani En menn voru uapn lausír jnni er
þar var hofs helgí gengv menn þa ímílli ok skilldv þa varð þar ekki fleira til tiðenda Eyvindr
hafði vegít i vevm ok var orðinn vargr ok varð hann þegar brutt at fara konungr bauð bætr fyrir manninn
En þorolfr ok þorfinnr kvoðvz alldri tekit hafa manns bætr ok enn kuoðvz þeir æigi taka mundv skiliaz at