Gras þat er ciminum heitir drukkit með víni ― Þat hreinsar
bit flugdýra. En ef þat er blásit í nasraufar manns ― Þat heftir
Lǫgr grass þess er chelidonia heitir ― nefdreyra.
Þat hreinsar ok hvessir sýn ok þunga vøkva í manni þurrkar þat.
Gras þat er ruta heitir ― Þat drepr losta í manni
ok hreinsar bit flugdýra. Salt ok línfrǽ gǫrt
af því plástr ― Þat hreinsar in flugdýrabit.
Eyrsilfr drukkit ― Þat gerir bana. Því at í hvern
lim er þat renn, þá skefr þat innan. En ef þat verðr í eld
lagt, þá gerir þat meinsaman reyk. Þann flýja ormar
ok af þeim reyk deyja flugdýr.
Malurt blandin við ufsagall ok smurt of eyru manns ―
Þat styrkir þau ok hrindr frá óhljóð. En ef þat er lagt í
klǽðaǫrk, þá mun mǫlr eigi spilla. Ok ef blek
verðr gǫrt af því vatni er malurt er í ― Þǽr ritningar
munu haldask. Þǽr þora eigi mýss skeðja.
Við hósta ― Tak reykelsi þat er mirra heitir ok halt lengi