Gras þat er ciminvm heitir drvckit með vini þat hreinsar
bit flvgdyra. Eɴ ef þat er blasit i nasravfar mannz þat hep
Logr gras þess er celidonia heitir tir nefdreyra.
þat hreinsar oc hvessir syn. oc þvnga voqva í maɴi þurcar þat.
Gras þat er rvta heitir þat drepr losta i maɴi
oc hreinsar bit flvgdyra. Sallt oc lín ꝼræ gort
af þvi plastr. þat hreinsar eɴ flvg dyra bit.
eyrsilfr drvkkit. þat gerir bana. þvi at í hvern
lim er þat reɴ þa skefr þat iɴnaɴ. Eɴ ef þat verþr í elld
lagt. þa gerir þat méiɴsaman reyck. þaɴ flyia ormar.
oc af þeim reyk deyia flvgdyr.
Malvrt blandin við vfsa gall oc smvrt of eyro mannz.
þat styrkir þav. oc hrindr fra ohlioð. Eɴ ef þat er lagt í
klæþa avrc þa mvn molr eigi spilla. Oc ef blec
verþr gort af þvi vatni er malvrt er i. þær ritnin-gar
mvnv halldaz þær þora eigi myss skeðia.
Við hosta tak reykellsi þat er mirra heitir oc hallt len-gi