skaldic

Skaldic Poetry of the Scandinavian Middle Ages

Menu Search

Lausavísur — Egill LvV (Eg)

Egill Skallagrímsson

Egill Skallagrímsson, Lausavísur — Margaret Clunies Ross

Not published: do not cite (Egill LvV (Eg))

 

Kominn emk ern til arna
Yngvars, þess's beð lyngva
(hann vask fúss at finna)
fránþvengjar gefr drengjum;
mun eigi þú, þægir,
þrévetran mér betra,
ljósundinna landa
linns, óðar smið finna.
 
The new edition is unavailable.
This text is from an old edition
Síþǫgla gaf sǫglum
sárgagls þría Agli
hirðimeiðr við hróðri
hagr brimrótar gagra,
ok bekkþiðurs blakka
borðvallar gaf fjorða
kennimeiðr, sás kunni,
kǫrbeð, Egil gleðja.
 
The new edition is unavailable.
This text is from an old edition
Þat mælti mín móðir,
at mér skyldi kaupa
fley ok fagrar árar,
fara á braut með víkingum,
standa upp í stafni,
stýra dýrum knerri,
halda svá til hafnar
hǫggva mann ok annan.
 
The new edition is unavailable.
This text is from an old edition
Sǫgðuð, sverriflagða,
sumbleklu, herkumbla
- því telk - brjótr, þars blétuð
- bragðvísan þik - dísir;
leynduð alls til illa
ókunna hjǫrrunna,
ilt hafið bragð of brugðit,
Bárøðr, hugar fári.
 
The new edition is unavailable.
This text is from an old edition
Rístum rún á horni,
rjóðum spjǫll í dreyra,
þau velk orð til eyrna
óðs dýrs viðar róta;
drekkum veig sem viljum,
vel glýjaðra þýja;
vita, hvé oss of eiri
ǫl þats Bárøðr signði.
 
The new edition is unavailable.
This text is from an old edition
Ǫl ber mér, þvít Ǫlvi
ǫl gerir nú fǫlvan,
atgeira lætk úra
ýring of grǫn skýra;
ǫllungis kant illa,
oddskýs, fyr þér nýsa,
(rigna getr at regni)
regnbjóðr (Háars þegna).
 
The new edition is unavailable.
This text is from an old edition
Svá hefk leystsk ór Lista
láðvarðaðar garði,
né fágak dul drjúgan,
dáðmildr ok Gunnhildar,
at þrifreynis þjónar
þrír nakkvarir Hlakkar,
til hásalar Heljar
helgengnir, fǫr dvelja.
 
The new edition is unavailable.
This text is from an old edition
Upp skulum órum sverðum,
ulfs tannlituðr, glitra,
eigum dôð at drýgja
í dalmiskunn fiska;
leiti upp til Lundar
lýða hverr sem bráðast,
gerum þar fyr sjǫt sólar
seið ófagran vigra.
 
The new edition is unavailable.
This text is from an old edition
Farit hefk blóðgum brandi,
mér benþiðurr fylgði,
ok gjallanda geiri,
gangr vas harðr af víkingum;
gerðum reiðir róstur,
rann eldr of sjǫt manna,
létum blóðga búka
í borghliði sœfask.
 
The new edition is unavailable.
This text is from an old edition
Gerðum hølzti harða
hríð fyr Jótlands síðu,
barðisk vel sás varði
víkingr Dana ríki,
áðr á sund fyr sandi
snarfengr með lið drengja
austr af unnar hesti
Eyvindr of hljóp skreyja.
 
The new edition is unavailable.
This text is from an old edition
Áleifr of kom jǫfri
ótt (víg) á bak flótta
(þingharðan frák þengil
þann), en feldi annan;
glapstígu lét gnóga
Goðrekr á mó troðna,
jǫrð spenr Engla skerðir
Alfgeirs und sik halfa.
 
The new edition is unavailable.
This text is from an old edition
Gekk, sás óðisk ekki,
jarlmanns bani snarla
(þreklundaðr fell) Þundar
(Þórolfr) í gný stórum;
jǫrð grœr, en vér verðum,
Vínu nærr of mínum,
(helnauð es þat) hylja
harm, ágætum barma.
 
The new edition is unavailable.
This text is from an old edition
Valkǫstum hlóðk vestan
vang fyr merkistangir;
ótt vas él þats sóttak
Aðjils blôum Naðri;
háði ungr við Engla
Áleifr þrimu stála,
helt, né hrafnar sultu,
Hringr á vápnaþingi.
 
The new edition is unavailable.
This text is from an old edition
Hrammtangar lætr hanga
hrynvirgil mér brynju
Hǫðr á hauki troðnum
heiðis vingameiði;
rauðmeldrs kná ek reiða,
ræðr gunnvala bræðir,
gelgju seiðs á galga
geirveðrs, lofi at meira.
 
The new edition is unavailable.
This text is from an old edition
Knôttu hvarms af harmi
hnúpgnípur mér drúpa,
nú fank þann, es ennis
ósléttur þær rétti;
gramr hefr gerðihǫmrum
grundar upp of hrundit,
sá's mér ýgr af augum,
armsíma, mér, grímu.
 
The new edition is unavailable.
This text is from an old edition
Ókynni vensk, ennis,
ung, þorðak vel forðum,
hauka klifs, at hefja,
Hlín, þvergnípur mínar;
verðk í feld, þás, foldar,
faldr kømr í hug skaldi
berg-"óneris", brúna
brátt miðstalli hváta.
 
The new edition is unavailable.
This text is from an old edition
Sef, Skuldar felk sjaldan,
sorg, Hlés vita, borgar,
í niðjerfi Narfa
nafn aurmýils, dafnar,
þvít geir-Rótu gǫtva
gnýþings bragar fingrum
rógs at ræsis veigum
reifendr munu þreifa.
 
The new edition is unavailable.
This text is from an old edition
Þýborna kveðr þorna
þorn reið áar horna,
sýslir hann of sína
síngirnð Ǫnundr, mína;
naddhristir, ák nistis
norn til arfs of borna,
þigg þú auðkonr eiða,
eiðsœrt es þat, greiða.
 
The new edition is unavailable.
This text is from an old edition
Erfingi ræðr arfi
arfljúgr fyr mér svarfa,
mœtik hans ok heitum
hótun, Þyrnifótar;
nærgis simla sorgar
slík rôn ek get hônum,
vér deildum fjǫt foldar
fold væringja, goldin.
 
The new edition is unavailable.
This text is from an old edition
Nú hefr þrymrǫgnir þegna
þróttharðr, en mik varðak
víti, várrar sveitar
vígelds tíu felda,
þvít sárlaxa Sýrar,
sendr ór minni hendi,
digr fló beint meðal bjúgra
bifþorn Ketils rifja.
 
The new edition is unavailable.
This text is from an old edition
Svá skyldi goð gjalda,
gram reki bǫnd af lǫndum,
reið sé rǫgn ok Óðinn,
rôn míns féar hônum;
folkmýgi lát flœja,
Freyr ok Njǫrðr, af jǫrðum,
leiðisk lofða stríði,
landôss, þanns vé grandar.
 
The new edition is unavailable.
This text is from an old edition
Lǫgbrigðir hefr lagða,
lindalfs, fyr mér sjǫlfum,
blekkir brœðra søkkva
brúðfang, vega langa;
Gunnhildi ák gjalda,
greypt's hennar skap, þenna,
ungr gatk ok læ launat,
landrekstr, bili grandat.
 
The new edition is unavailable.
This text is from an old edition
Sôtum lyngs til lengi,
ljósheims of bǫr þeima,
meirr varðak fé forðum,
fjarð-ǫlna hlut skǫrðum,
áðr Berg-Ǫnund benjum
bensœfðan létk venjask;
Bors niðjar feltk beðju
blóði Hadds ok Fróða.
 
The new edition is unavailable.
This text is from an old edition
Bǫrðumk vér, né virðak,
vígleiptr sonar, heiptir,
Blóðøxar rauðk blóði
bǫðmildr ok Gunnhildar;
þar fellu nú þollar
þrettán lagar mána,
stendr af styrjar skyndi
starf, á einum karfa.
 
The new edition is unavailable.
This text is from an old edition
Þél høggr stórt fyr stáli
stafnkvígs á veg jafnan
út með éla meitli
andœrr jǫtunn vandar,
en svalbúinn selju
sverfr eirar vanr þeiri
Gestils ǫlpt með gustum
gandr of stáli ok brandi.
 
The new edition is unavailable.
This text is from an old edition
Kominn emk á jó Ívu
angrbeittum veg langan
ǫldu enskrar foldar
atsitjanda at vitja;
nú hefr sískelfir sjalfan
snarþôtt Haralds áttar
við ofrhuga yfrinn
undar bliks of fundinn.
 
The new edition is unavailable.
This text is from an old edition
Erumka leitt,
þótt ljótr séi,
hjalma klett,
hilmir, þiggja;
hvar's sás gat
af gǫfuglundum
œðri gjǫf
allvalds syni.
 
The new edition is unavailable.
This text is from an old edition
Svartbrúnum lét sjónum,
sannspár, hugins vára,
hugr tjóðum mjǫk mága,
mǫgnuðr Egil fagna;
arfstóli knák Ála
attgǫfguðum hattar
fyr rógnaðra regni
ráða nú sem áðan.
 
The new edition is unavailable.
This text is from an old edition
Urðumk leið en ljóta
landbeiðaðar reiði;
syngrat gaukr, ef glamma
gamm veit of sik þramma;
þar nautk enn sem optarr
arnstalls sjǫtul-bjarnar;
hnígrat allr, sás holla
hjalpendr of fǫr gjalpar.
 
The new edition is unavailable.
This text is from an old edition
Esa Friðgeiri fœri,
fǫrum holms á vit sǫrvar
(skulum banna) mjǫk (manni
mey) ørlygi at heyja;
við þanns bítr ok blótar
bǫnd élhvǫtuð Gǫndlar,
alfeigum skýtr œgir
augum, skjǫld, of bauga.
 
The new edition is unavailable.
This text is from an old edition
Esat lítillar Ljóti,
leik ek við hal bleikan
við bifteini, bœnar,
brynju, rétt at synja;
búumk til vígs, en vægðar
vôn lætka ek hônum,
skapa verðum vit skjǫldu
skœru-drengr á Mœri.
 
The new edition is unavailable.
This text is from an old edition
Hǫggum hjalta vendi,
hœfum rǫnd með brandi,
reynum randar mána,
rjóðum sverð í blóði,
stýfum Ljót af lífi,
leikum sárt við bleikan,
kyrrum kappa errinn
(komi ǫrn á hræ) jǫrnum.
 
The new edition is unavailable.
This text is from an old edition
Fyrir þykki mér, fúra
flóðstøkkvandi, nøkkvat,
hræðisk hodda beiðir
happlauss, fara kappi;
stendrat fast, sás frestar,
fleindǫggvar stafr, hǫggum;
vábeiða ferr víðan
vǫll fyr rotnum skalla.
 
The new edition is unavailable.
This text is from an old edition
Fell sás flest et illa,
fót hjó skald af Ljóti,
ulfgrennir hefr unnit,
eir veittak Friðgeiri;
séka lóns til launa
logbrjótanda í móti;
jafn vas mér í gný geira
gamanleikr við hal bleikan.
 
The new edition is unavailable.
This text is from an old edition
Beitat nú, sás brugðum,
blár Dragvendill randir,
af þvít eggjar deyfði
Atli, framm, enn skammi;
neyttak afls við ýti
ǫrmálgastan hjǫrva,
jaxlbróður létk eyða,
ek bar sauð, af nauðum.
 
The new edition is unavailable.
This text is from an old edition
Sjalfráði lét slœður
silki drengr of fengit
gollknappaðar greppi,
getk aldri vin betra;
Arinbjǫrn of hefr árnat
eirarlaust, eða meiri
síð man seggr of fœðask
slíkr, oddvita ríki.
 
The new edition is unavailable.
This text is from an old edition
Títt erum verð at vátta,
vætti berk, at hættak,
þung, til þessar gǫngu,
þinn, kinnalô minni;
margr velr gestr, þars gistir,
gjǫld, finnumk vér sjaldan,
(Ármóði liggr) œðri
(ǫlðra dregg í skeggi).
 
The new edition is unavailable.
This text is from an old edition
Drekkum ór, þótt Ekkils
eykríðr beri tíðum
horna sund at hendi,
hvert full, bragar Ulli,
leifum vætr, þótt Laufa
leikstœrir mér fœri
hrosta tjǫrn í horni,
horns, til dags at morni.
 
The new edition is unavailable.
This text is from an old edition
Nýtr illsǫgull ýtir
armlinns konu sinnar,
oss's við ógnar hvessi
óttalaust, ok dóttur;
þeygi munt við þenna
þykkjask verðr fyr drykkju
grepp, skulum á veg vappa
vítt, svágǫru hlíta.
 
The new edition is unavailable.
This text is from an old edition
Skalat maðr rúnar rísta,
nema ráða vel kunni;
þat verðr mǫrgum manni,
es of myrkan staf villisk;
sák á telgðu tálkni
tíu launstafi ristna,
þat hefr lauka lindi
langs oftrega fengit.
 
The new edition is unavailable.
This text is from an old edition
Veizt, ef ferk með fjóra,
færat sex þás vexli
hlífa hneitiknífum
hjaldrgoðs við mik roðnum,
en ef ek em með átta,
esat þeir tolf, es skelfi
at samtogi sverða
svartbrúnum mér hjarta.
 
The new edition is unavailable.
This text is from an old edition
Bǫrðumk einn við átta,
en við ellifu tysvar,
svá fingum val vargi,
varðk einn bani þeira;
skiptumk hart af heiptum
hlífar skelfiknífum;
létk af emblu aski
eld valbasta kastat.
 
The new edition is unavailable.
This text is from an old edition
Þverra nú, þeirs þverðu,
þingbirtingar Ingva,
(hvar skalk mildra manna)
máreitar dag (leita?),
þeir es hauks fyr handan
háfjǫll digulsnjávi
jarðar gjǫrð við orðum
eyneglða mér heglðu.
 
The new edition is unavailable.
This text is from an old edition
Ákkak erfinytja
arfa mér til þarfan,
mik hefr sonr of svikvinn
(svik telk í því) kvikvan;
vel mátti þess vatna
viggríðandi bíða,
es hafskíða hlœði
hljótendr of mik grjóti.
 
The new edition is unavailable.
This text is from an old edition
Spanðak jǫrð með orðum
endr Steinari ór hendi,
ek þóttumk þá orka
arfa Geirs til þarfar;
mér brásk minnar systur
mǫgr, hétumk þá fǫgru,
máttit bǫls of bindask
Blundr, ek slíkt of undrumk.
 
The new edition is unavailable.
This text is from an old edition
Vals hefk vôfur helsis,
váfallr em ek skalla,
blautr erum bergifótar
borr, en hlust es þorrin.
 
The new edition is unavailable.
This text is from an old edition
Hvarfak blindr of branda,
biðk eirar Syn geira
þanns berk harm á hvarma
hnitvǫlum mér sitja,
es jarðgǫfugr orðum
orð mín konungr forðum
hafði grams at gamni
geirs Hamðis mik framði.
 
The new edition is unavailable.
This text is from an old edition
Langt þykki mér,
ligg einn saman
karl afgamall
firr konungs vǫrnum,
eigum ekkjur
allkaldar tvær,
en þær konur
þurfa blossa.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.