skaldic

Skaldic Poetry of the Scandinavian Middle Ages

Menu Search

Víkarsbálkr — StarkSt VíkVIII (Gautr)

Starkaðr gamli Stórvirksson

Starkaðr gamli Stórvirksson, Víkarsbálkr — Margaret Clunies Ross

Not published: do not cite (StarkSt VíkVIII (Gautr))

 

Þá vark ungr,
er inni brann
flotna fjǫlð
með feðr mínum
þjóðnær vági
fyr Þrumu innan.
 
The new edition is unavailable.
This text is from an old edition
Herr tapaðisk
Haralds ens egzka
ok menbrota
mágar véltu,
Fjǫrvi ok Fýri,
Freka arfþegar,
Unnar bræðr
eiðu minnar.
 
The new edition is unavailable.
This text is from an old edition
Þá Herþjófr
Harald of vélti,
sér ójafnan
sveik í tryggðum,
Egða dróttin
ǫndu rænti,
en hans sonum
haptbǫnd sneri.
 
The new edition is unavailable.
This text is from an old edition
Þrévetran mik
þaðan af flutti
Hrosshársgrani
til Hǫrðalands;
namk á Aski
upp at vaxa;
sákat niðja
á níu vetrum.
 
The new edition is unavailable.
This text is from an old edition
Afl gatk ærit,
óxu tjálgur,
langir leggir
ok ljótt hǫfuð,
en hímaldi
of hugsi sat,
fás forvitinn,
í fleti niðri.
 
The new edition is unavailable.
This text is from an old edition
Unz Víkarr kom
frá Vita innan,
gísl Herþjófs
gekk inn í sal;
hann kendi mik,
hann kvaddi mik
upp at standa
ok andsvara.
 
The new edition is unavailable.
This text is from an old edition
Hann mældi mik
mundum ok spǫnnum,
alla arma
til úlfliða,
- - - - - - - -
- - - - - - - -
vaxit hári
á hǫku niðri.
 
The new edition is unavailable.
This text is from an old edition
Þá samnaði
Sørkvi ok Gretti
Haralds arfþegi,
Hildigrími,
Erp ok Úlfi,
Áni ok Skúmi,
Hróa ok Hrotta
Herbrands sonum.
 
The new edition is unavailable.
This text is from an old edition
Styr ok Steinþóri
frá Staði norðan,
þar var enn gamli
Gunnólfr blesi;
þá várum vér
þrettán saman;
fær varliga
fríðri drengi.
 
The new edition is unavailable.
This text is from an old edition
Svá kómum vér
til konungs garða,
hristum grindir,
hjoggum gætti,
brutum borglokur,
brugðum sverðum,
þars sjau tigir
seggja stóðu.
[kostum góðir
fyr konungi;
þó var of aukit
ǫllum þrælum,
verkalýðum
ok vatndrǫgum.]
 
The new edition is unavailable.
This text is from an old edition
Var Víkari
vant at fylgja,
þvít fremstr ok fyrstr
í flokki stóð,
hjoggum hjálma
með hǫfuðgnípum,
brynjur sníddum
ok brutum skjǫldu.
 
The new edition is unavailable.
This text is from an old edition
Var Víkari
vegs of auðit,
en Herþjófi
heiptir goldnar,
særðum seggi
en suma drápum;
stóðkat fjarri
þás fell konungr.
 
The new edition is unavailable.
This text is from an old edition
Vart þú eigi
með Víkari
austr í Væni
árdag snimma,
þás sóttum vér
Sisar á velli;
þat var þrekvirki
þoks megnara.
 
The new edition is unavailable.
This text is from an old edition
Mik lét sverði
sáran hǫggvit
skarpeggjuðu
skjǫld í gǫgnum,
hjálm af hǫfði
en haus skorat
[ok kinnkjálka
klofinn í jaxla]
en et vinstra
viðbein lamit.
 
The new edition is unavailable.
This text is from an old edition
Ok á síðu
sverði beitti
mér ǫflugri
fyr mjǫðm ofan,
en í aðra
atgeir lagði,
kǫldum broddi,
svát á kafi yddi
[þau sér merki
á mér gróin].
 
The new edition is unavailable.
This text is from an old edition
Sneiddak hónum
síðu aðra
bitrum brandi
of búk þveran;
svá ek af heiptum
hjǫrvi beittak,
at alls megins
áðr kostaðek.
 
The new edition is unavailable.
This text is from an old edition
Lét þreksamr
þriðja sinni
hildar leik
háðan verða,
áðr Upplǫnd
unnin vyrði
ok Geirþjófr
of gefinn helju.
 
The new edition is unavailable.
This text is from an old edition
Átti sér
erfivǫrðu
tírsamr tvá
tyggi alna;
hét hans sonr
Haraldr enn ellri,
setti þann
at Þelamǫrku.
 
The new edition is unavailable.
This text is from an old edition
Var síngjarn
sagðr af gulli
Neri jarl,
nýtr í ráðum,
Víkars sonr
vanr í sóknum,
sá réð einn
Upplendingum.
 
The new edition is unavailable.
This text is from an old edition
Réð Friðþjófr
fyrst at senda
heiptarboð
horskum jǫfri,
hvárt Víkarr
vildi gjalda
hilmi skatt
eða her þola.
 
The new edition is unavailable.
This text is from an old edition
Réðum umb
- - - - lengi,
urðum vit
ekki dælir;
þat kaus herr,
at konungr skyldi
ríkr með her
rómu knýja.
 
The new edition is unavailable.
This text is from an old edition
Réð Óláfr
austr enn skygni,
sældar-gramr,
fyr Svíaríki;
hann bauð út
almenningi;
mikill var hans
helmingr talinn.
 
The new edition is unavailable.
This text is from an old edition
Gengum framm
í glamm vápna
konungs menn,
kappi gnægðir;
þar var Úlfr
ok Erpr litinn;
hjók brynjulauss
báðum hǫndum.
 
The new edition is unavailable.
This text is from an old edition
Réð Friðþjófr
friðar at biðja,
þvít Víkarr
vægði ekki
ok Starkaðr
Stórverks sonr
almátt framm
allan lagði.
 
The new edition is unavailable.
This text is from an old edition
Mér gaf Víkarr
vala-málm
hring enn rauða,
er á hendi berk,
mér þrímerking,
en ek Þrumu hónum,
fylgðak fylki
fimtán sumur.
 
The new edition is unavailable.
This text is from an old edition
Fylgðak fylki,
þeims framast vissak;
þá unðak bezt
ævi minni,
áðr fórum vér,
en flǫgð ollu,
hinzta sinni
til Hǫrðalands.
 
The new edition is unavailable.
This text is from an old edition
Þess ørendis,
at mér Þórr of skóp
níðings nafn,
nauð margskonar;
hlaut óhróðigr
ilt at vinna.
 
The new edition is unavailable.
This text is from an old edition
Skyldak Víkar
í viði hávum,
Geirþjófs bana,
goðum of signa;
lagðak geiri
gram til hjarta;
þat er mér hermast
handaverka.
 
The new edition is unavailable.
This text is from an old edition
Þaðan vappaðek
viltar brautir,
Hǫrðum leiðr,
með huga illan,
hringa vanr
ok hróðrkvæða
dróttinlauss,
dapr alls hugar.
 
The new edition is unavailable.
This text is from an old edition
Nú sótta ek
til Svíþjóðar
Ynglinga sjǫt
til Uppsala;
hér létu mik,
sem ek lengi mun,
þǫglan þul
þjóðans synir.
 
The new edition is unavailable.
This text is from an old edition
Hér settu mik
sveina milli
heldr hæðinna
ok hvítbránna,
skelkja skatnar
ok skaup draga,
ófs oframmir,
at jǫfurs greppi.
 
The new edition is unavailable.
This text is from an old edition
Sjá þykkjask þeir
á sjálfum mér
jǫtunkuml
átta handa,
er Hlóriði
fyr hamar norðan
Hergríms bana
hǫndum rænti.
 
The new edition is unavailable.
This text is from an old edition
Hlæja rekkar
er mik - - - sjá,
ljótan skolpt,
langa trjónu,
hangar tjálgur,
hár úlfgrátt,
hrjúfan háls,
húð jótraða.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.