Images
ual matti hann gæta sin a islandi fyrir reiði þinní þa litz konungr vm ok sa fyrir ofan hofut monnum
huar Egill uar konungr kendi hann skiott ok huesti augun a hann ok mællti hvi for u hingat Egill sua leystiz
þu or noregi at ekki mundír þu optaʀ ætla a minn fund þa gekk Egill at borði
nv
ok tok vm fot konungi ok Mællti uisu Kominn em ek á jo jfua angrbeittan ueg langan
aulldu enskrar folldar at uitiandi að sitia nu hefir iselfvir sealfan snáʀ þat er
haralldr atti við ofr huga ærinn unndar bliks of fvndinn Eiʀikr konungr svaraði ekki þarf
at telía sakar ahendr þer þviatt þær erv ꜱva margar ok storar at eín huer ma ual endaz til þeꜱ
at þv komir alldri með lifi abrutt Att u engiss annars af mer uan en þu munt her dav
ða
taka fyrir lif mattir þu þat uita at tu mundir enga sǽtt af mer fa Gunhildr
mælti hvi skal æigi þegar drepa Egil eðr mant u nu æigi konungr huat hann hefir gort til þín dr
epít
son þínn ok bæði frændr ok víní En nítt þik séalfan eðr huern veitzt u slikv
bellt hafa Aʀinbiorn svaraði Ef Egill hefir mælt illa til þín konungr þa ma hann bǽta þat i lofs orðum þeim
er allan alldr mun vppi vera Gunhhilldr mælti ver vilium ekki lof hans heyra lati konungr hann leiða
út ok hoggva þa mællti Arínbiorn Ekki mun konungr lata at eggíun þinni um aull niðíngs uíg
þau er þv uilldir uinna lata þviatt konungr mun æigi lata hann i nótti þviatt oll nattuig erv
morðuig konungr mællti Suo skal uera Aʀinbiorn sem þu uill at hann skal lifa nattlangt ok haf hann
heim með þer Aʀinbiorn þakkaði konungi orð sin vǽntum ver at heðan heðan af muní betraz
malit Egils En þott Egill hafi stort til saka gort við yðr þa liti þer a þat at hann hefir mikils
mist fyrir yðr frǽndum Haʀalldr konungr faðir þinn tok af lifí agætan mann þorolf foður
broður
Egils af rogi uandra manna en af ongum sokum En þer konungr brvtvð laug
Agli fyrir sakir Bergonundar En þar a ofan uilldut þer hafa Egil at dauða manni en draput
mennina af honum En Egill er engi ertíngamaðr En huert mal er maðr skal dæma þa uerðr at líta
a til giorð með efnum ok mun ek vardueíta Egil nattlant ganga þeir Arínbiorn heim til
huss þa mællti Aʀinbiorn til Egils ok bað hann fara i lopt eitt þat er hæst uar i garðínum litit ok vandat miok
þa ræða þeir Aʀinbiorn um mal þeira konungs Allreiðr var konungr sagði Aʀinbiorn En helldr þotti mer mykiaz
skaplyndi hans mun nu raða hamingia þín huerr upp kemr ueit ek at gunnhilldr
mun allan hug a leggia at spilla þínu mali Nu vil ek at við takim þat rað at tu ua
kir
i alla nott ok yrkir lof kuæði um Eiʀik konung þǽtti mer þa ual ef þat uæri tvitug drapa
ok mættir þu færa a morgin þa er uer skulum ganga fyrir konung ok ꜱva gerðí bragi frænði þinn
þa er hann uar orðinn fyrir reiði Biarnar suia konungs at hann orti tvituga drapu a einni nátt
ok þa hann fyrir þat hof ut sítt Nu mætti ok uera at uer bærím géfu til þeꜱ at suo yrði
her Egill svaraði Freista skal þeꜱa ef þu vill En ekki hefir ek aðr uið buiz at kueða
lof um Eiʀik konung Aʀinbiorn bað hann freista þeꜱa mals Siðan gekk Arinbiorn ibrutt ok let bera þangat
vist ok drykk i loptít var Egill þar einn um nottína Aʀinbiorn gekk til manna sinna ok satu þeir uið dry
til midrar nǽtr þa gengu menn til rena sinna en Aʀinbiorn gekk i loptit til Egils ok spurði huat ort
uæri Egill sagði at ekki uæri ort her hefir suala ein uerit uið glugginn ok klakar hon sua