ok var konungr þá við staddr Þá bar Þórolfr fram bjórskinn ok safala ok gaf konungi Margir menn mǽltu er hjá váru at þat vǽri
vel gefit ok þar vǽri stórmikillar vináttu fyrir vert Konungr kvað Þórolf hafa ǽtlat sér laun fyrir Þórolfr kvezk gera allt
af trúleikum við konung en ef honum líkar eigi mín þjónusta þá fǽ ek ekki at gǫrt Var konungi þat kunnigt
þá er ek var með honum hverja meðferð ek hafða En þat þykki mér kynligt er hann ǽtlar mik annan
en þá reyndi hann Konungr svaraði Vel fórt u þá með þínu máli Ǽtla ek þat bezt af at gera at þú
farir enn til hirðar minnar ok mun þá engi maðr rǿgja þik ef ek má sjá yfir
dag ok nótt Þórolfr leit þá til beggja handa sér ok sá menn sína ok mǽlti Trauðr mun ek af
hendi at láta sveit þessa Mant u ráða konungr nafngiftum við mik En ek mun seint af hǫndum
láta sveitunga mína meðan mér endask fǫng til þó at véla um mína kosti at eins
Er hitt bón mín ok vili ok þér farið at heimboði til mín ok heyrið þá umrǿðu manna þeira er
þú trúir ok vita hvat vitni þeir bera oss of þetta mál Ok ger þá sem þér finnask sannendi Konungr sagði at
hann mundi eigi oftarr þiggja veizlu at honum gekk þá Þórolfr í brott ok bjósk til heimferðar En er hann var heim
farinn þá fekk konungr þeim Hildiríðarsonum sýslu þá alla er Þórolfr hafði haft ok finnferð Konungr kastaði sinni
eigu á búit í Torgum er átt hafði Bjǫrgolfr ok þǽr eignir allar er þar váru Hann fekk ok þat í hendr
Hildiríðarsonum Konungr sendi menn til Þórolfs með jartegnum at segja honum þessa skipan er nú hafði gǫrt Eftir
þat tók Þórolfr skip þau er hann átti ok bar þar á allt lausafé sitt Hann hafði með sér alla menn sína ok fór
síðan norðr á Sandnes til bús síns Hafði Þórolfr þá eigi minna fjǫlmenni um sik en áðr ok í ǫngu
minni rausn Frá Hildiríðarsonum Þeir Hildiríðarsynir tóku við sýslu á Hálogalandi ok mǽlti engi maðr í mót
fyrir sakir konungs en mǫrgum þótti þetta skifti mjǫk í móti skapi þeim er váru frǽndr Þórolfs eðr
vinir Hildiríðarsynir fóru um vetrinn til finna með þrjá tigi manna Ok þótti finnum miklu minni vegr af þessum
mǫnnum en þá er Þórolfr fór Greiddisk ok allt miklu verr af finnunum en fyrr Þann vetr hinn
sama fór Þórolfr upp á fjall með hundrað manna ok hitti þar Faravið konung Ok gerðu þeir þá ráð sín ok er
þá þat af at fara enn á fjall ok fyrr ok hǫfðu 400 manna ok fara ofan til kirjála hljópu þar í byggðir ok
herjuðu ok fengu óf fjár ok fóru austr er á leið vetrinn á mǫrkina Þórolfr fór heim til bús síns um
várit Hann átti skip gott ok vandaðr mjǫk reiði með Þat skip lét hann búa ok fekk menn til
með at fara Hann lét þar á bera farmskreið ok húðavǫru ok grávǫru ok mikit fé annat Skipi því
lét hann stýra Þorgísl gjallanda ok fara vestr til Englands ok kaupa klǽði ok ǫnnur fǫng Heldu þeir
suðr með landi ok síðan í haf ok kómu at Englandi ok fengu þar góða kaupstefnu Þeir hlóðu skipit
af hveiti ok hunangi klǽðum ok víni ok heldu aftr um haustit Ok byrjaði harðla vel ok kómu
at Hǫrðalandi þat sama sumar Kómu Hildiríðarsynir með skatt at fǿra konungi ok var konungr við staddr ok sá
er þeir reiddu af hendi féit Þá mǽlti hann Er nú allr af hendi reiddr skattrinn Þeir sǫgðu at svá var
Konungr mǽlti Bǽði er nú skattrinn minni ok verri ok verr af hendi greiddr en þetta er Þórolfr heimti ok sǫgðu
þér at hann fǿri þó illa með sýslunni Vel er þat konungr sagði Hárekr er þú hefir hugleitt hvé mikill
skattr er vanr at koma af Finnmǫrk þvíat þá veizt u gjǫrr hvers þú hefir misst ef
Þórolfr eyðir skattinum með ǫllu fyrir yðr Vér fórum í vetr á mǫrkina 30 manna sem vani var
til hinna fyrri sýslumanna ok kom þá Þórolfr lítlu síðarr með 100 manna Spurðu vér þat til orða hans at hann
ǽtlaði at taka okkr af lífi ok alla þá menn er með okkr vǽri Gaf okkr þá sǫk konungr at