ok var konungr þa við staddr þa bar þorolfr fram bior skinn ok safvala ok gaf konungi Margir menn mæltu er hia voru at þat væri
val gefit ok þar væri stormikillar vinattv fyrir vert konungr kuat þorolf hafa ætlat ꜱer lavn fyrir þorolfr kvez gera allt
af trvleikvm við konung En ef honum likar æigi min þionosta þa fæ ek ekki at gort Var konungi þat kunikt
þa er ek var með honum hveria með ferð ek hafda En þat þikki mer kynlikt er hann ætlar mik annan
en þa reyndi hann konungr svaraði val fort v þa með þinu mali ætla ek þat bezt af at gera at tu
farir enn til hirðar minnar ok mun þa engi maðr rægia þik ef ek ma sea yfir
dag ok nott þorolfr leit þa til beggia handa ꜱer ok sa menn sina ok mællti Travðr mvn ek af
hendi at lata sueit þeꜱa mant u raða konungr nafn giptvm við mik En ek mvn seint af hondum
lata sveitvnga mina meðan mer endaz fǫng til þo at vela vm mína kosti at eíns
Er hitt bon min ok vili ok þer farit at heimbodi til min ok heyrit þa vmbræðv manna þeira er
þv trvir ok vita hvat vitni þeir bera oss of þetta mal ok ger þa sem þer finnaz sannendi konungr sagði at
hann mundi æigi opptar þika veitzlv at honum Gekk þa þorolfr ibrott ok bioz til heimferðar En er hann var heim
farinn þa fekk konungr þeim hildiriðar synir syslv þa alla er þorolfr hafdi haft ok finn ferð konungr kastaði sinni
eigv a bvit i torgvm er ꜳtt hafði Bioʀgolfr ok þær eignir allar er þar uoru hann fekk ok þat i hendr
hildiriðar sonum konungr sendi menn til þorolfs með jartegnum at segia honum þeꜱa skipann er nv hafði gort Eptir
þat tok þorolfr skip þau er hann atti ok bar þar ꜳ allt lavsa fe sitt hann hafði með ꜱer alla menn sina ok for
siðan norðr ꜳ sandnes til bvss sins hafði þorolfr þa æigi mina fiolmenni um sik en aðr ok i ǫngv
minni ravsn fra hilldiridar Þeir hilldiriðar synir toku við syslv a halogalandi ok mællti engi maðr imot
fyrir sakir konungꜱ en morgum þotti þetta skipti miok imoti skapi þeim er voru frændr þorolfs eðr
uinir Hilldiriðar synir foru um vetrin til finna með þria tigi manna ok þotti finnum miklv minni vegr af þeꜱsum
monnum en þa er þorolfr fór Greiddiz ok allt miklv verr af finnvnvm en fy þann uetr hinn
sama for þorolfr vpp a fíall með hundrat manna ok hitti þar faravið konung ok gerðv þeir þa rað sin ok er
þa þat af at fara enn a fiall ok fyʀ ok hofðu cććc. manna ok fara ofan til kiriala hliopu þar i bygdir ok
herivðv ok fengv of fíar ok foru autr er a leid uetrin a morkína þorolfr for heim til bus sins vm
varit hann atti skip gott ok vandaðr miok reiði með þat skip let hann bua ok fekk menn til
með at fara hann let þar a bera farm skreið ok hvða vorv ok gra vorv ok mikit fe annat Skipi þvi
let hann styra þorgisl giallanda ok fara vestr til englandz ok kavpa klæði ok onnvr fong helldv þeir
svðr með landi ok siðan i haf ok komv at englandi ok fengv þar goða kavpstefnv þeir hloðv skipit
af hueiti ok honangi klæðvm ok vini ok helldv aptr vm havstit ok byriaði harðla val ok komv
at havrða landi þat sama svmar kovm hilldiriðar synir með skatt at færa konungi ok var konungr við staddr ok sa
er þeir reiddv af hendi feit þa mællti hann er nv allr af hendi reiddr skattrin þeir sogðv at ꜱva var
Konungr mællti Bæði er nv skattrin minni ok verri ok verr af hendi greiddr en þetta er þorolfr heimti ok sogðv
þer at hann færi þo illa með syslvnni val er þat konungr sagði harekr er þv hefir hvgleitt hue mikill
skattr er vanr at koma af finn mork þviatt þa veitzt v gíauʀ hverss þv hefir mist ef
þorolfr eydir skattinum með ollv fyrir yðr ver forum i vetr a morkina .xxx manna sem vaní var
til hinna fyʀi syslv manna ok kom þa þorolfr litlv sidaʀ með c manna spurðv ver þat til orða hans at hann
ætlaði at taka okkr af lifi ok alla þa menn er með okkr væri gaf okkr þa sauk konungr at