Gẏlꝼí er maðꝛ neꝼnꝺꝛ hann var konungr ok ꝼiolkunnigr
hann unꝺraðiz þat er aaſa ꝼolk var ſua kunnikt at aller luter gioꝛðuz at þeira
vilía ok hugſaði hann hvart þat munꝺi vera aꝼ eðli ſialꝼra þeiꝛa eða munꝺí þi vallꝺa
guð mǫgn þau er þeiꝛ blotuðu hann bẏriaðí ꝼerð ſína til aſgarðz ok ꝼoꝛ með læẏnꝺ Ok
bra a ſik gamalſ mannz likí ok ꝺulðiz ſua en æser voꝛu þi viſarí at þeir hoꝼðu
ſpaꝺom ok ſa þeir ꝼerð hans ꝼẏ enn hann kom ok gioꝛðu imot honum ſionhverꝼingar Ok
er hann kom inn i borgina ſa hann þar hava hǫll ſua at varla mattí ſia ẏꝼer hana þak hennar
var lagt gẏllꝺum ſkiollꝺum ſem ſpan þak Sua ſeger þioðolꝼr enn hvinverſki at valholl
var ſkiollꝺum þokt a baki letu blikia barðer voꝛu griotí ſuaꝼniſ ſalnæꝼrar
ſegger hẏggianꝺí Gẏlꝼí ſa mann i hallar ꝺẏrum er lek at hanꝺſǫxum ok haꝼꝺi ſiau ſenn
a loptí Sa ſpurði hann ꝼẏ at naꝼní hann neꝼnꝺiz ganglerí ok kominn aꝼ reꝼilſ ſtigum
ok beiꝺꝺiz at ſækia til nattſtaðar ok ſpurði hverr hǫllina ááttí hann ſarar ok ſeger at þat var konungr
þeira enn hann ma ꝼẏlgía þer at ſia hann ſkal tu þa ſpẏria hann naꝼnſ ſialꝼr ok ſneriz ſa maðꝛ
ꝼẏrer honum inn i hǫllína enn hann gekk epter ok þegar laukz hurðín a hæla honum þar ſa hann
moꝛg golꝼ ok mart ꝼolk ſumt meðꝛ leikum ſumer ꝺrucku ſumer með vapnum ok boꝛðuz
Þa litaðiz hann um ok þottí marger luter utruleger þeir er hann ſa þa mælti hann Gaatter allar aðꝛ
gangí ꝼramm um ſkẏgnaz ſkẏlí þviat uviſt er hvar uviner ſitía a ꝼleti ꝼẏʀer
Hann ſa þríu haſætí ok hvert upp ꝼra oðꝛu ok ſat ſinn maðr i hueríu þa ſpurðí hann hvert
naꝼn hoꝼðingia þeira værí Sa ſvarar er hann leiꝺꝺi inn at ſa er i enu neðſta
ſitr haſætí at ſa var konungr ok heiter háár en þar næſt ſa er Iaꝼn háár heiter en ſa oꝼarſt
er þriði heiter þa ſpẏ haarr komanꝺann hvat ꝼleira ſe erenꝺa hans enn heimill
er matr ok ꝺrẏkkr honum ſem ollum þar i hava hǫll hann ſvarar at ꝼẏrſt vill hann vita eꝼ
nokkurr er ꝼroðꝛ maðr inni haar ſarar at hann komí æigi hæill ut nema hann ſe ꝼroðari Ok
ſtat tu ꝼramm meðan þu ꝼregn ſitia ſkal ſa er ſeger
Ganglerí hoꝼ ſua maal ſitt hverr æztr eða ellztr allra guða háár ſarar Sa
hæiter alꝼǫðꝛ at voꝛu mlí en í aaſgarði hinum ꝼoꝛna aatti hann .xii. noꝼn
Eit er alꝼǫðꝛ eða allꝼoðꝛ Annat herran eða herian þriðia hníkarr eða nikar
ꝼioꝛða Nikuz eða hníkuðꝛ Fimta ꝼiolner .vi. oſki .vij. Omí .viij. Biꝼliði eða biblinꝺi
.ix. viðꝛir .x. Sviðꝛer .xi. Sviðoꝛr .xii. Ialg eða Ialkr þa ſpẏ ganglerí hvar er
ſa guð eða hvat ma hann eða hvat heꝼer hann unnið ꝼrama verka haarr ſarar Liꝼer hann um allar
allꝺer ok ſtioꝛnar ollu rikí ſínu ok ræðꝛ ollum lutum ſtoꝛum ok ſmám þa mælti iaꝼnháár
hann ſmiðaði himin ok ioꝛð ok lopten ok alla æign þeira þa mælti þriði hit er meſt er