Images
iotunn oꝛ eli vagum ſtukku æitr ꝺꝛopar ok ox unz varð oꝛ iotunn þar oꝛar ætter komu al
lar
ſaman þvi er þat allt atallt þa mælti Gangleri hvern veg oxu ætter þaðan eða ſkapaðiz ſva at
ꝼleirí urðu eða trui þer þann guð er nu ſagðer þu ꝼra þa ſarar har ꝼẏʀer engan mun truum ver hann
guð vera hann var illr ok aller hans ætt menn þa kollum ver hrímþurſa en ſua er ſagt at þa er hann ſvaꝼ
ꝼekk hann ſveíta þa vox unꝺer vinſtrí henꝺi honum maðr ok kona ok annaʀ ꝼotr hans gat ſon við oð
rum
enn þaðan aꝼ komu ætter þat eru hrimþursar hinn gamli hrímþuſſ hann kollum ver ẏmi þa
mælti Ganglerí hvar bẏgði ẏmer eða við hvað liꝼði hann
Næſt var þat þa er hrimíð ꝺꝛaup at þar varð aꝼ kẏr ſu er auðumbla het en .iiij. miolk
aar
runnu or ſpenum hennar ok ꝼæꝺꝺí hon ẏmí þa mælti Gangleri við hvat ꝼæꝺꝺiz kẏrín har ſagði
hon ſleikti hrimſtæina er ſallter voꝛu ok hinn ꝼẏrſta ꝺagh er hon ſleiktí ſteínana kom oꝛ ſteiní
num
at kvellꝺí mannz haar Annan ꝺag mannz hoꝼut þriðia ꝺag var þat allr maðꝛ ſa er neꝼ
nꝺꝛ
burí hann var ꝼagr alitum mikill ok mattugr hann gat ſon þann er boꝛr er neꝼnꝺꝛ hann ꝼekk þeirar
konu er beſtla er neꝼnꝺ ꝺotter bǫlþoꝛnſ iotunſ ok gatu þau .iij. ſonu het æínn oðinn anna
vili þriði ve ok þat er mín trua at ſa oðinn ok hans bræðꝛ muní vera ſtẏranꝺí himínſ ok iarðar
þat ætlum ver at hann muní sua heíta ſua heiter ſa maðꝛ er ver vitum meſtan ok agiæztan ok vel
megu þer laata hann ſua heita ẏmí iotun en̅ er h̅ ꝼell þa hliop sᷓ mí
kit ẏmí iotun enn er hann ꝼell þa hliop sua mí
kit
Þa mælti Gangleri hvat varð þa um þeira ſætt eða hvarer voro rikarí þa ſarar har Sẏner boꝛſ ꝺꝛapu
bloð oꝛ ſꜳrum hans at með því ꝺꝛecktu þeir allri ætt hrimþuſſa nema æinn komz
unꝺan með ſinu hẏſkí þann kalla iotnar b͛ergelmí hann ꝼoꝛ upp a luðꝛ ſinn ok kona hans ok hellz
þar ok eru aꝼ þeim komnar hrimþuſſa ætt͛er Sua ſem her ſeger Orovi vetra aðꝛ væri ioꝛð oꝼ
ſkoput þa var bergelmer boꝛinn þat er ꝼẏrſt oꝼ man er ſa hinn ꝼroðí iotunn a var luðꝛ oꝼ
lagiðꝛ þa ſeger Gangleri hvat hoꝼðuz þa at boꝛſ ſẏner eꝼ þu truer at þeir ſe guð har ſarar Eigi er þar
litið aꝼ at ſegía þeir toku ẏmí ok ꝼluttu i mitt ginnunga gap ok gioꝛðu aꝼ honum ioꝛðina
aꝼ bloði hans ſæínn ok votnín Ioꝛðin var gioꝛ aꝼ hollꝺinu en bioꝛgin aꝼ bæínunum griot ok
urðer gioꝛðu þeir aꝼ tonnum ok ixlum ok bæinum er brotin voro þa mælti Iaꝼnhar aꝼ þi bloði er oꝛ ſa
rum
rann ok lauſt ꝼóꝛ þar aꝼ gioꝛðu þeir ſia þann er þeir gẏrðu ok ꝼeſto ſaman ioꝛðína ok log
ðu
þann ſia i hríng utan um hana ok mun þat ꝼleſtum monnum uꝼæra þikkia at komaz þar ẏꝼer
þa mælti þriði toku þeir ok hauſ hans ok gioꝛðu aꝼ honum himín ok ſettu hann upp ẏꝼer ioꝛðina
með ꝼioꝛum ſkautum ok unꝺer hvert hoꝛn ſettu þeir ꝺverg þeir heita ſua Auſtri veſtri Suðꝛi
noꝛðꝛí þa toku þeir ſiur ok gneíſta þa er lauser ꝼoꝛu er kaſtat haꝼði oꝛ muſpellz hei
mí
ok ſettu a himín bæði oꝼan ok neðan til at lẏſa himin ok ioꝛð þeir gaꝼu ſtað ǫllum ellꝺ
íngunum
ſumum a himní ſumar ꝼoꝛu lauſar unꝺer hímní ok ſettu þo þeim ſtað ok ſkǫpuðu