þeım ſꝩa ſem ꝩera munꝺı a apalꝺꝛe
ı ꞇıma ſın reꞇꞇan. ⁊ ꞇoc han þa þar
aꝼ þrıu eıplı ⁊ ꝼꝍrðe ſꝩeınınum. n
þa er ſꝩeınnen haꝼðe eꞇeꞇ. aꝼ þeım
eıplum. þa ꞇoc ſoꞇ hanſ aꞇ leꞇꞇaƶ
⁊ ꝩarð han heıl ſoꞇꞇar þeırar. en pıl
ſa heꝩer ıamnan ſıðan halꝺeꞇ
þeırı gıoꝼ er guð gaꝼ hanom þa
þꝩı aꞇ han ber a hꝩeırıu are eıplı
ſꝩa ſem apalꝺꝛ ⁊ heıꞇa þou ıamna̅
ſıðan hınſ hælga keuınuſ eıplı. ⁊ ꝼara
þou alꞇ ırlanꝺ ſıðan með þeſſo̅
hæꞇꞇe. aꞇ menn eꞇa þar aꝼ eꝼ þeır
ꝩærða ſıukır ⁊ þẏkıaz þeır men ꝼro
a ꝼınna. aꞇ þou ero goð ꝩıð allum
ſıucleıkum manna. en eıckı ero þou
gırnlegh ꞇıl aƶ ꝼırır ſꝍꞇꞇleıcꜱ ſaccer
eꝼ men heıðı þou eıgı ꝼırır læcnıngar
meır ſaccar. a͛ger luꞇꞇır haꝼa
oc þeır þar ꝩoꝛðeꞇ. er heılgır
menn haꝼa ſkıoꞇlega goꝛꞇ með ſınum
kraꝼꞇe ⁊ ſꝩa munu ⁊ unꝺarleger
þẏccıa. n ꝩer haꝼum nu þa eına
luꞇꞇı rꝍðꝺa er með þeım heılagleıc
ꝩaro goꝛꝩer. aꞇ þeır ſtanꝺa æn̅
ı ꝺagh ꞇıl ꝩıꞇnıſburðar oc ıamunꝺarleger
þıckıa ænn ı ꝺagh ꞇıl ꝩıꞇnıſ burðar