ok ef þetta er prófað á þingi. Ok því sé við barið að þú hafir ...
hvárki sækja þína sök né annarra þá mun ek svara því máli ok segja að ek helgaða
þik á þingskálaþingi að þú skyldir bæði mega sækja þitt mál ok annarra,
ok mun svarað verða málinu. Þú skalt að finna Tyrfing í Berjanesi ok skal hann selja þér
sök í hönd á Önund í Tröllaskógi er mál á eftir Egil bróður sinn Reið þá Gunnarr
heim Nökkurum nóttum síðar riðu þeir Gunnarr ok Njálssynir þangað til sem líkin vóru ok
grófu þá upp alla Gunnarr stefndi þeim til óhelgi fyrir atför ok fjörráð ok fór heim
eftir það. Þetta haust ið sama kom út Valgarðr inn grái ok fór heim til Hofs. Þorgeirr fór
að finna þá Mörð ok Valgarð að segja þeim hver firn í vóru að Gunnarr hafði óhelgað
þá alla er hann hefir vegið. Valgarðr kvað þetta mundu vera ráð Njals ok þó eigi
öll upp komin. Þorgeirr bað þá liðveizlu en þeir fóru lengi undan ok mæltu til fé mikið
ok að lyktum Var það í ráðagjörðum að Mörðr skyldi biðja dóttur Gizurar hvíta
ok skyldi Þorgeirr þegar ríða vestr um ár með þeim Annan dag riðu þeir heiman
saman ok kómu til Mosfellz Var þeim þar vel fagnað. Vekja þeir til við Gizur um
bónorð Lýkr svá að ráðin skyldu takaz ok skyldi boð vera á hálfs mánaðar
fresti að Mosfelli Riðu þeir heim ok buðu mönnum ok fóru síðan til boðsins Fór það
vel fram Fór Þorkatla heim með Merði ok var fyrir búi. En Valgarðr fór utan um sumarið. Mörðr eggjar
Þorgeir á málatilbúnað við Gunnar. Þorgeirr fór að finna Önund ok biðr hann búa til vígamál
eftir bróður sinn ok synir hans. Önundr kvaðz þess albúinn. Fara þeir þá ok lýsa vígunum
ok kveðja vettvangsbúa. Þessi málatilbúnaðr fréttiz til Hlíðarenda.
Ríðr Gunnarr þá að finna Njál ok segir honum ok spurði þá hvað hann vildi að láta gera
Nú skalt u segir Njáll stefna vettvangsbúum þínum ok nábúum ok nefna vátta ok kjósa
Kol til veganda að vígi Hjartar bróður þíns Það er rétt Síðan skalt u lýsa vígi
á hönd Kol þótt hann sé dauðr. Þá skalt u nefna þér vátta ok kveðja búa alþingisreiðar
ok bera um þat hvárt þeir væri í atsókn þá er Hjörtr var veginn Gunnarr ferr
nú svá með öllum stefnum sem Njáll hefir gefið ráð til Fara nú öll þessi mál til alþingis Gunnarr
ríðr nú til þings ok synir Njáls ok Sigfússynir Gunnarr hafði sent vestr orð mágum
sínum að þeir kæmi til þings ok fjölmennti mjök. Mörðr reið til þings ok Runólfr
ór Dal ok þeir undan Þríhyrningi Önundr ór Tröllaskógi ok fjölmenntu mjök
hvárirtveggju er menn kvómu til þings
var mönnum ekki jafntíðrætt sem mál þessi in miklu. Þeir vóru jafnan í einum
flokki Gunnarr ok Njálssynir ok Sigfússynir ok gengu þeir svá snúðigt hjá mönnum að þeir urðu
að gæta sín ef þeir felli eigi fyrir þeim Gunnarr gekk til móts við mága sína Fögnuðu
þeir Óláfr honum vel Þeir spurðu Gunnar um fundinn. Óláfr mælti Mikils er um vert
hversu......