Hákonar saga góða 5 — ed. not skaldic
Not published: do not cite (HákGóð ch. 5)
The new edition is either unpublished or unavailable. The following is taken from an old edition (Skj where relevant):
En er þau Gunnhildur urðu þessa vör, að Eiríkur konungur var
fallinn og hann hafði áður herjað land Englakonungs, þá
þykjast þau vita að þeim mun þar vera eigi friðvænt. Búast
þau þá þegar í brott af Norðimbralandi og hafa skip þau öll
er Eiríkur konungur hafði átt, höfðu lið það og allt er þeim
vildi fylgja og óf lausafjár er þar hafði saman dregist í
sköttum á Englandi en sumt hafði fengist í hernaði. Þau halda
liði sínu norður til Orkneyja og staðfestust þar um hríð. Þá
var þar jarl Þorfinnur hausakljúfur sonur Torf-Einars. Tóku
þá synir Eiríks undir sig Orkneyjar og Hjaltland og höfðu
skatta af og sátu þar um vetrum en fóru í vesturvíking á
sumrum, herjuðu um Skotland og Írland.
Þess getur Glúmur Geirason:
Hafði för til ferju
fróðr Skáneyjar góða
blakkríðandi bakka
barnungr þaðan farna.
Rógeisu vann ræsir,
rand-Ullr, á Skotlandi,
sendi seggja kindar
sverðbautinn her Gauti.
Dólgeisu rak dísar,
drótt kom mörg á flótta,
gumna vinr að gamni
gjóðum, írskrar þjóðar.
Foldar rauð og felldi
Freyr í manna dreyra
sunnr, á sigr um hlynninn,
seggi mækis eggjar.
Text is based on reconstruction from the base text and variant apparatus and may contain alternative spellings and other normalisations not visible in the manuscript text. Transcriptions may not have been checked and should not be cited.
Use the buttons at the top of the page to navigate between stanzas in a poem.
The text and translation are given here, with buttons to toggle whether the text is shown in the verse order or prose word order. Clicking on indiviudal words gives dictionary links, variant readings, kennings and notes, where relevant.
This is the text of the edition in a similar format to how the edition appears in the printed volumes.
This view is also used for chapters and other text segments. Not all the headings shown are relevant to such sections.