ok þeſ kenni ec nufyrir þínar miſgerningar miſſi ec himinrikiſ viſt ok
fyrir mít høglect herbyrgie þole ec nu mykit illtat ec ma æigi ſia
guð ok enga viſt með honum hafaEc var goleg ſcapað ok ſkír ok fræls borenn
en þu hefir gorfa mic at ambótSva mǽla hælgar bøcr at þu ſcyldiʀ
mer þiona meðan ec var með þérÐu gerðir alt hofuct ſem hinn illi þrǽl
gerir er ſvícr ſin droten ok læitar honum til ó ſomaEc mátta þic æigi hępta
ok æigi fra illu hværfaÞa er þu comt til andláz ok vart ſæccr við guðþa
vildir þu þit fe æigi ſcipta ok æigi veſalingum gefa til guz þaccaþo matte
varla vinnaz at þu gæfer allt fyrir guz ſacarÐat ſægir hin hælgi
Auguſtinus at ſá hefir varla ennda lóc góð er avalt ſǿfr unnz at hann kenniʀ
bána víſanþvi ſegi ec þér veſol vétr at þu vart avalt aflátrþu hafðer
mykin ſtyrc læic meðan ec var í þérEc gerða þic gang føranmælande
ok høyrande ok ſofandeNu em ec fra þer ſcild ok þit dramb er nu
falletþit oflǽte er nu falletnu er tu ſem fouſkiÞu vart drambviſare
en berſercr ok þoteſc vera hǽre en gron er væx á hæſta fialle
ok ſyniſc yfir alla morkþau trio er nǽſt ſtanda henne mego æigi
þrifaſc fyrir hennar ofrikiSol má æigi til kuma at værma þau
þau ero ávalt í myrcre bæðe vætr ok ſumarSlícr var tu veſal oc
meðan þu lifðirfa tøcr criſtin maðr mátte æigi hia þér vera ne hefiaſc
engi máte hia þer vera er æigi ſcyldi hungraðr ok þyrſtr veraÐu
rǽnter alla ok fargaðer unndir þicnu ero þæir fegnir u farnaðr
þins ok mæla ſín í millumSynir þinir ok þæir er vinir þínir cꜵllaðoſc
Faðer vár hann var rícr ryttahann cugaðe ſína granna ok gerðe ſér alla
lyðahann oðlaðeſc mykit riki ok drap fyrir margan mann fyrir
riki þat er ſva mykit ernu tꜵkum vér dǿme eptir honum ok leitum
við at fá bornum varum onnur riki iam mykilþolum æigi þat at ſa
ſe granne vár er æigi lúte unndir os ok æigi þore upp hefia hofuðVerum
ſem licaſter fæðr varumhann var avalt vikingrleggium þioð
unndir os þa erom vér ſynir hanshann unne ós almykitſva æigum
vér at unna varum bornumVeſol ſcepna er tuhuſ þín ok hyſki