vili ef goðr erNu ſtuði guð læmſtr mal hellti minnar ok gefe u froðre tungu
horſkleg orð at mælaþau er minum drotne ſnuiſk til lofſ ok dyrðar ok ollom
þeim til himneſcra hæil ræða er á lyða með litil læteſ øyrumEn hvar mega ec
bætr mina røðo hęfia hælldr en minna goða menn á þa ena miclu ogn er
ęftir þetta man verðaþa er þriu fylki ſcalu ſaman coma á doma degiallr
en helgi himnęſcr varſ drottinſ lyðr ok allt man kyn hværr í þeim ſama licam
ſem nu hefir ok allir dioflar or hælviti coma þarEngi er ſva gafugr at ǽtt eða
at ęignumengi er oc ſva aumr eða harðhugaðr at þenna dom mege flyia ok í þęirri
ſcialfando ſcialfande tiðþa verða allir ranſacaðer fra hvirfli ok ofan í tǽr bæðe konor
ok carlarEngi ma þa ſcildi firi ſic ſciota ne garplegom orðomhælldr ſcyldum
ver minnaſc nu á hveſſo mykin fagnað þeir manu liota er nu ero lygnirirlyðnir guðſ
boðorðom ok lærðra manna firirtalum
þvi at þa ſtanda allir retviſir menn ſva lioſir ſem ſol á høgra veg varom drotne ok
hæyra friðleg heim boð með fagn aðar øyrum þa er hin milldaſte konungr mælir
ſva ok ſnyſt til þęirra með blið legre áſýn ok með margfaldu þoccagøðe ok męler
þeſſom orðomUenite benedicti patris mei possidete ʀegnum qvod vobis paratum est a constitutione mundiCome þer blæzað born faður minſ
ok takeð þat riki er buit er í mot yðr í uphafe heimſ þeſſa ok en letr hann þetta fylgia
Ec var hungraðr ok þer gafoð mer at etaMic þyrſti ok þer gafoð mer at drecca
Ec var noccviðr ok þer gafoð mer klæðeEc var ſiucr ok í myrcva ſtofo ſættr ok þer
vitiaðoð mínEn þeir ſvara með ſanlegre rodd eilifrar gleði ok ſva mæla
Drottin nǽr cveða þeirnær var þat er ver ſam þic hungraðan eða þyrſtannoctan eða
ſiucan eða í myrcva ſtofo ok ver vitiaðom þinÐa ſvarar vár drottinn þeim ok mælir ſvaÞat
allt er þer gerðoð veſlom mannom ok fatøkiomþat allt gerdugerðu þer merEn nu kuma eptir grimleg
orð með græyplego langrǽkeHværr er ſva harðr eða illzcu fullr eða hverr
er ſva cafðr undir gram legre byrði læiðilegra ſynda eða hværr er ſva faſt tekin
í flærð hinſ bannaða fiandaat ęgi ræðeſc eða ognaſc eða ſcelviſc þeſſe ſar yrði
er ſnuaſc á halſ þeim er þa ſtanda á vinſtra veg varom drotne ſva ſvartir
ſem dioflarÐa mælir guð á þeſſa lundDiſcedite a me maledicti in ignem eternum qui praeparatus est diabolo et angelis eius
Fareð þer a braut a fra mer í eilifan æld þan er buin var diofle ok hanſ englum
Ec var hungraðr ok þyrſtren þer gafoð mer hvarke mat ne dryccEc var nocviðr
ok clæðlauſen þer gafoð mer engiEc var ſiucr ok í myrcva ſtofo ſetr