ok fræiſta ef ſatt væreVpp ſtændr hann ok kende iam brat at hann var lauſ ok ú bunndin
Nu mǽlto enn umm aðrer felagar hans ok cváðo honum þat fyri ecci comaþvi at
hurðen var bæðe lǽſt ínnan ok utanÐa lagðe orð til gamal maðr æin ſa
er oc ſatt þar mein lega haldenbáð hann ecci tortryggva miſcunnn þeſ enſ
hælga mannzer hann hafðe lauſn af fengetſagðe oc ſva at þvi mon hann
þa fagrv iartein við þic nu gort hafaat þu ſcylir hans miſcun nu niota
ok heðan lauſ verðaen æigi þer til veſaldar ok meiri pinſlaNu lat við
fímt cvað hann ok læita durannaen ef þu mat ut cumaſcþa er tu holpen
Sva gerir hannfiðr þegar á dyrnar ok opna hurðenaſtrýcr ut iam brát
ok til ſcogſ ſem ſciotaſt matte hannÐegar þæir þeir verða þeſ varerþa ſla
þæir hundumnum ok fara eptir ſem ſnuðulegſten hann ligr ok løyniſc ok ſér
gorla veſal karl hvar þæir fara eptirNu viltuſc hundarnir farſ ens
þegar þæir þeir liðu at honomen þæim ollumm oðrum ſpiltiſc ſva ſyn en
at engi þæirra mate ſcilia hann ok lá hann fyrir fotum þæimVendo ſiðan
aptr hæim þaðan ok undraðo mioc ok harmaðo bæðe at þæir mato
æigi fa ſtaðet hannNu vex dyrðar lof hinum hælga Olafe konunge í þviſa
ollufyrſt at upp hafe er hann løyſti hann or iarnøiarnom ok allre priſundſiðan let
hann honum ecci tortima er hann var til ſcogſ cumenþat et þriðia er hann gaf
honum høyrn ok hæilſu alla er þeir hafðu aðr bart hofuð et alt
á hanum ok cnocat til þeſ er hann var dǫufr af orðenþvi næſt comſc
hann á ſcip með criſtnum mꜵnnum tvæim þæim er lꜵngum hǫfðu þar oc
veret pindir ok nøytu þæir þa aller ſaman ſem þeir mátu ácaflegſt
þeſ farcoſtar ok fluttuſc þa læið af þæim laup ſtigiSiðan
ſotte hann til þeſ hælga mannz huſ með þaccum mycclum ok fagnaðebeðet
allz þeſ bøtr er honum þote meſto í ſciftaEn þa er hann var
hæill orðen ok hær fǿrþa iðraðeſc hann ſinna hæitagecc á orð ſin
við þann milda konung ok liopſc á brꜵut umm dag noccon ok com at
cvældi til boanda æinſ goz þeſ er honum væitti herbyrgi fyrir
guðſ ſacarSiðan umm notena er hann var í ſvefn comenþa ſa hann
møyiar þriar ganga til ſin friðar æincum ok fagr bunaʀ ok