ſic ſialfan í ſyndum ſinumþann man diofull enn æigi røgia í annat ſinni á
dómſ dægiEf maðr en þvǽr af með iðran þat er hann gerði ok gerer þat æigi oftaʀ
er hann miſgerðiJátte þer ſyndir hværr oðrum qvað Iakobus poſtole ok biði þer á meðal
yðar at þer hialpeſcAf munni værðr iatneng til hæilſu ſagðe Pꜵl
poſtoleEn Salomon mælteumm jattan ſyndaSa er fǽlr gløpe ſina æigi
man hann þrifaſcen ſa er í gægn gængr ok lætr afhann man fa miſcunn
Mykil hæillſu lǽcníng er æigi at ændr nyia þat er vér gęrðum ómildlega
ok at ſǽra þau ſár er fyrr hofðu gróétSva mælte Iohannes euuangeliſta
Trúr er guð ok retlátr ef vér gꜵngum í gǽgn ſyndum vꜵrumat hann man fyri gæfa
óss ſyndir ok ræinſa oſſ af allre illzcuSagða ec qvað Davið
Jatta mon ec fyri drotne í gægn mér ollu ranglǽte minuen þu fyri gaft
mér u mildlæic ſyndar minnarIátte ſyndúgr maðr liuande þat er
hann gęrðeþvi at æigi er avaxt ſamlect at iatta í hælviti ok ſtoðar æcci
ſu iðran til miſcunnarNu er tið hæilſu ok nu er tið tøkeleg guði
ok nu er tið lauſnar iðrandumEn æptir dauðanþa man vera hæmndar
tið tið hæmndar þæim er ó røcto at iatta ſyndir ſinaʀþvi at aller ómildir menn
hafa bitra iðran í pinſlumen æigi ſtoðar þæim þat til lauſnaʀhældr
qvælr þa hugſcot til pinſla auca þæirra er þæir hafaÐæir mætto
varaſc við mykillæic cvala fyrir ſcripta gꜵnguen þæir orǿcto
ok ſva cvæliaſc þæir innan í hugſcote ſem utan í logaHværſu ma
lǽcner grøða þat ſár er hinn ſiuki ſcammeſc at ſýnaGuð girniſc ſcriptar gꜵngu
varrar at hann hafe rétta ſoc at fyri gæfaSa er læynir
ſyndum ſinum ok ſcammeſc at iatta þrifſamlegaþa man hann þan
hafa hæmnanda í annat ſinn er nu hæfir hann vátDøme maðr ſic væl
nu í þeſſo lifi at æigi fyri dømeſc hann af guði í æilífri fyri dømengo
Tvevaldan grát ſcal hværr ſyndugr maðr hafa i iðranþvi at
af orǿct giarðe hann æigi gott ok af þvi at hann framde ilt fyri ofdirfð
þvi at þat er byriaðe gerðe hann æigien þat er æigi byriaðeþat gerðe hann
Scripta ganga er læið retting ok gæfr lícn ſyndugumOll vꜵn licnar
ſtændr ſaman í ſcriptagꜵnguScriptar ganga er miſcunar værc