ſem hann heꝼer ꝼyrir ſieð at bæði ſe at hann er i ꝼꝛ með oſſ ok ver með honum þa er ver ꝼoꝛum hæim
til ꝼoður leiꝼðar vrrar ok þa er hann heꝼer ſkipt ſinu liði ſier til hægrí hanꝺar epter
ꝺomſ ꝺag þa ſkulum ver heꝼia upp alleluia ꝼyrir því at þat er æigi iarðneſkr ſngr ſẏngia
þetta þa aller ſaman tíu ꝼẏlkí guðſ engla ok manna þa er almattigr guð ꝼerr meðr
ſina ꝼerð hæim i himinrikiſ ꝺẏrð ok ſkulum þa una i ſiꝼellu ſua at allꝺꝛí ſkal epter verða
með guði almatkum þar ſem hann er æ ok æ með ꝼeðꝛ ok ſẏní ok helgum anꝺa ſa er liꝼer ok riker
æinn guð oꝼ allar allꝺer verallꝺa amen
Hlioð er allt þat er um kvikenꝺiſ æẏru ma hæẏra hlioð heꝼer margar
kẏnkviſlir ok verðꝛ hlioð þat ſem natturuliga megu æẏru greina aꝼ ſamkvamu
tveggia likama Ønnur hlioðſ græín er ſu er heilug ritning ſeger
anꝺliga luti lioða likamligt hlioð verðꝛ annat aꝼ liꝼligum lutum en annat aꝼ liꝼlauſum
lutum v͛ðꝛ an̅at af liꝼlauſu̅ lutu̅ en̅ an̅at af liꝼligu̅ lutu̅ hlioð þat hæẏriz
aꝼ liꝼlauſum lutum verðꝛ annat aꝼ ræriligum ſkepnum enn annat aꝼ uhræriligum annat aꝼ
ſamkvamu ræriligra luta ok uræriligra aꝼ ræríligum lutum verðꝛ hlioð ſem aꝼ hǫꝼuðſkepnu̅
ellꝺi vínꝺum vǫtnum aꝼ uhræriligum lutum verðꝛ hlioð ſem ſtæinum ok mꜳlmí
eða ſtrengium ok verðꝛ þeſſkẏnſ hlioð iaꝼnan araf hræríng nokkurſ likama liꝼligſ eða
uliꝼligſ aꝼ ſamquamu ræriligra luta ok uræríligra verðꝛ hlioð ſem þa er vinꝺꝛ
eða votn eða ellꝺꝛ ſlær með aꝼlí ioꝛð eða aðꝛa uræriliga lutí Hlioð þat er verðꝛ aꝼ liꝼlauſum
lutum er ſumt ugræinílígt ſem vinꝺa gnẏr eða vatna þẏtr eða reiðar þꝛumur en ſumt
hlioð er græiniligt epter natturligri ſamlioðan þeiꝛi er philoſophi kolluðu muſicam
ok verðꝛ þat hlioð hið æꝼſta ok hið æzta aꝼ ræring ringa þeira er ſol ok tungl ok .v. merkíſtioꝛnur
ganga í þær ſem planete heita ok heiter þat celeſtiſ armonía þeſſar ſtioꝛnur
ſagði plato haꝼa liꝼ ok ſkẏn ok vera uꝺauðligar Græiníligt hlioð verðꝛ i liꝼlauſum lutum
þat ſem ver kǫllum liſtuligt hlíoð ſem i mꜳlmí ok ſtrengium ok allzkẏnſ ſǫng ok pipum i liꝼlígum
lutum verðꝛ ſem i viðum ok grǫſum ok þo aꝼ ræring nokkurſ ræriligſ likama aꝼ liꝼligum
lutum þeim er likama haꝼa verðꝛ annat hlioð þat er rǫꝺꝺ heiter enn annat þat ſem æigi er roꝺꝺ
ſem ꝼota ſtapp eða hanꝺa klapp ok annat þvílikt Roꝺꝺ er hlioð ꝼramm ꝼært aꝼ kvikenꝺiſ
munni ꝼoꝛmeraz aꝼ ix natturuligum tolom lungun barka tungu ok tveim voꝛrum ok
tǫnnum ꝼíoꝛum enn priſcianus kallar roꝺꝺ vera hið græínilígſta loptzinſ hgg ok æiginliga
ſkilianligt en ǫnnur uritanlig Uritanlig roꝺꝺ er ſu er æigi ma ſtǫꝼum græina
Ritanlig rǫꝺꝺ er onnur merkilig en ǫnnur umerkílig Umerkilig roꝺꝺ er ſu er til engrar merkingar
er hǫꝼð ſem bu ab bligſtrix Merkilig roꝺꝺ er onnur aꝼ natturu ǫnur aꝼ ſetning