þa ſkẏllꝺu við nu ræẏna holmgonguna enn að oðꝛum koſtí legg ek þer við niðíngſ
ſkap
eꝼ þu vill ꝺꝛepa mik vapnlauſan þoꝛr vill ꝼyrir engan mun bila at koma
til æinvigiſ er honum var holmr ſkoꝛaðꝛ þviat æingi haꝼði þat ꝼẏ við hann goꝛt ꝼoꝛ hrung
ner
þa brott leið ſína ok hlæẏpði akaꝼlega þar til er hann kom i iǫtun heima ok var hans
ꝼerð allꝼræg með itnum ok þat at ſteꝼnu lag var komit a með þeim þoꝛ þottuz iotnar haꝼa
mikit i abẏrgð hva ſigr ꝼengí þeim var illz von aꝼ þoꝛ er rungner leti ꝼyrir honum þviat hann var
þeira ſterkaztr þa gíoꝛðu iotnar mann a griotuna gaꝛða aꝼ leírí ok var hann níu raſta hꜳr
en þriggía bꝛeiðꝛ unꝺer honꝺ enn ekkí ꝼengu þeir hiarta sua mikit at honum ſomði ꝼẏʀ enn
þeiꝛ toku oꝛ meri nokkuʀi ok varð honum þat æigi ſtǫðugt þa er þo kom hrungner aattí hiarta
þat er ꝼrægt er aꝼ hoꝛðum ſteiní ok tinꝺott með þꝛímr hoꝛnum sua ſem ſiðan er goꝛt riſtu bꝛ
agð
þat er hrungniſ hiarta heiter aꝼ ſteiní var ok hoꝼuð hans ſkiollꝺꝛ hans var ok ſteínn
viðꝛ ok þẏkkr ok haꝼði hann ſkiollꝺinn ꝼyrir ser er hann beið þoꝛſ enn heín haꝼði hann ꝼẏrer vapn
Ok reiꝺꝺí um ǫxl ok var ekki ꝺælligr a aðꝛa hlið honum ſtoð leír iǫtunninn er neꝼnꝺꝛ
er mokkurkalꝼí ok var hann allræꝺꝺꝛ sua er ſagt at hann meíg er hann ſa þoꝛ þoʀ ꝼoꝛ
til holmſteꝼnu ok með honum þialví þa rann þialꝼi ꝼram at þar er hrungner ſtoð ok mælti til hans
þu ſtenꝺꝛ ovarlega iǫtunn heꝼer ſkiollꝺinn ꝼyrir þer en þoʀ heꝼer ſieð þik ok ꝼerr hann hið
neðꝛa í iǫꝛðu ok mun hann koma neðan at þer þa ſkaut hrungner ſkillꝺinum unꝺer ꝼætr
ser ok ſtoð a enn tvihenꝺí heinína þui næſt ſa hann ellꝺingarnar ok hæẏrði þrumur ſtoꝛar
Sa hann þa þoꝛ i aſmoði ꝼoꝛ hann akaꝼlega ok reiꝺꝺí hamarenn ok kaſtaði um langa
leið at hrungní Hrungner ꝼærer upp heinína baðum hǫnꝺum kaſtar i mot mæter hon
hamrenum a ꝼlugi ok brotnar ſunꝺꝛ heinín ꝼellr annaʀ lutr a ioꝛð ok eru þar aꝼ oꝛðin
ǫll hæinberg annaʀ lutr braſt i hoꝼði þoꝛ sua at hann ꝼell ꝼramm a ioꝛð enn hamarenn
miollner kom i mítt hꝼuð þoꝛ hrungní ok lamði hauſinn i ſma mola ok ꝼell hann ꝼramm
ẏꝼer þoꝛ sua at ꝼætr hans lagu a halſi hans enn þialví va at mǫkkurkalꝼa ok ꝼell hann
við litinn oꝛðztír þa gekk þialꝼi til þoꝛſ ok villꝺi taka ꝼot hrungniſ aꝼ honum ok ꝼekk
hvergi hrærðan þa gengu til æser aller er þeir ſpurðu at þoꝛr var ꝼallinn ok ſkẏllꝺu taka
ꝼotinn aꝼ haalſi honum ok ꝼengu hvergi komít þa kom til magní ſon þoꝛſ ok iarnſoxo
hann var þa þrínættr hann kaſtaði ꝼæti hrungníſ aꝼ þoꝛ ok mælti Se þar liotan harm
ꝼaðer er ek kom sua ſið ek hẏgg at iotun þenna munꝺa ek haꝼa loſtið i hel með hne
ꝼa
minum eꝼ ek heꝼða ꝼunꝺit hann þa ſtoð þo upp ok ꝼagnaði vel ſẏni ſinum ok ſag
ði
at hann munꝺi verða mikill ꝼyrir ser ok vil ek ſagðí hann geꝼa þer heſtinn gullꝼaxa er hrug
ner
haꝼði aatt þa mælti oðinn ok ſagði at þoʀ gioꝛði rangt er hann gaꝼ þann hinn goða heſt