að þa eru um allan heím oꝛroſtur mikklar þa ꝺꝛepaz bræðꝛ ꝼyrir agirní ſaker ok eingí
þẏrmer ꝼǫður eða ſẏní i mannꝺrapum eða ſivía ſlití sua ſeger i uǫlu ſpa Bræðꝛ munu beriaz
ok at bǫnum verðaz munu ſẏſtrungar ſiꝼium ſpílla hart er með holðum hoꝛꝺomr mikill
ſkeggiǫlꝺ ſkalmollꝺ ſkillꝺer kloꝼner uinꝺǫllꝺ uargollꝺ aðꝛ verollꝺ ſtæẏpíz þa verðꝛ þat
er mikil tiðinꝺi þikkia at ulꝼrinn glæẏper ſolína ok þikker monnum þat míkit meín þa tekr
anna ulꝼrenn tunglít ok gioꝛer ſa ok mikit ogagn ſtioꝛnur hverꝼa þa aꝼ himní þa er ok
þat tiðinꝺa at sua ſkelꝼr ioꝛð oll ok biꝛg at uiðer loſna oꝛ ioꝛðu upp en bioꝛgin hrẏnia
en ꝼiotrar aller ok bonꝺ brotna ok ſlitna þa verðꝛ ꝼenriſ ulꝼr lauſſ þa gæẏſiz hauið a
lǫnꝺín ꝼyrir því at þa ſnẏz miðgarðz oꝛmr í íotun moð ok ſæker upp a lanꝺit þa verðꝛ ok þat at
naglꝼar loſnar ſkíp þat er sua heiter þat er goꝛt aꝼ nǫglum ꝺauðꝛa manna ok er þat ꝼyrir þi uarnaðar
vert eꝼ maðꝛ ꝺæẏr með oſkoꝛnum nglum at ſa maꝺꝛ æẏkr mikit eꝼní til ſkipſínſ naglꝼarſ
er guðin ok menn villꝺu ſæínt a gioꝛt ẏrðí enn i þeſſum ſioꝼar gang ꝼlẏtr naglꝼar hrẏmr
heiter iǫtunn er ſtẏrer naglꝼara enn ꝼenríſ ulꝼr ꝼerr með gapanꝺa munn ok er hinn neðꝛí
kioptr a ioꝛðu en hinn eꝼrí við hímín gapa munꝺí hann mæira eꝼ rum væri til Ellꝺar
brenna oꝛ augum hans ok nǫſum Miðgarðſ oꝛmr blæſſ sua æítrínu at hann ꝺꝛeiꝼer lopt ǫll ok log
Ok er hann allogurligr ok er hann a aðꝛa hlið ulꝼínum i þeſſum gnẏ kloꝼnar himinninn ok riða
þaðan muſpellz ſẏner Surtr riðꝛ ꝼẏrſt ok ꝼẏrer honum ok epter ellꝺꝛ brennanꝺí Sverð hans er
gott míǫk aꝼ þvi ſkinn biartara enn aꝼ ſolu enn er þeir riða biꝼrǫſt þa bꝛotnar hon
ſem ꝼẏʀ er ſagt Muſpellz meger ſækia ꝼramm a þann voll er vigriðꝛ heíter þar kemr ok
ꝼenríſ ulꝼr ok miðgarz .ormr þar er ok þa komínn lok ok hrẏmr ok með honum aller hrimþuſſar
enn loka ꝼẏlgia aller heliar ſinnar enn muſpellz ſẏner haꝼa æiner ser ꝼẏlking ok er ſu biꝛt mig
Vollrenn vigriðꝛ er .c. raſta viðꝛ a hvernveg enn er þeſſi tiðinꝺi
verða þa ſtenꝺꝛ upp heimꝺallr ok blæ akaꝼlega i giallar hoꝛn ok vekr upp ǫll guðin ok
æiga þau þing ſaman þa riðꝛ oðenn til mimiſ bꝛunnz ok tekr rað aꝼ mímí ꝼyrir ser ok ſinu liði
þa ſkelꝼr aſkr ẏggꝺꝛaſilſ ok eingí lutr er þa otta lauſſ a hímní eða ioꝛðu ęſerner hervæða
ſik ok aller æínheriarner ok ſækia ꝼramm a uǫlluna riðꝛ ꝼẏrſt oðinn með gullhialm ok ꝼagra
bꝛẏníu ok geir ſinn er gungner heiter ſteꝼner hann motí ꝼenríſ ulꝼ enn þo ꝼramm a aðꝛa
hlið honum ok ma hann ekki ꝺuga honum þviat hann heꝼer ꝼullt ꝼang at beríaz við miðgarðz .orm Fræẏr
berſt moti ſurtí ok verðꝛ harðꝛ ſamgangr aðꝛ ꝼræẏr ꝼellr þat verðꝛ hans baní er hann míſſír
þeſſ hinſ goða ſverðz er hann gaꝼ ſkírní þa er ok lauſſ oꝛðinn hunꝺꝛinn garmr er bunꝺinn
er ꝼyrir gnípa hellí hann er hið meſta ꝼoꝛat hann a vig motí tẏ ok verðꝛ hua ǫðꝛum
at ſkaða þo berꝛ banoꝛð aꝼ miðgarðz.ormi ok ſtigr þaðan bꝛott niu ꝼet þa ꝼellr hann