til annars dags ok ger svá sinnum, ef þarf. Ok
hvern dag tak kvikan kǫtt. En ef í ǫðrum stað er í ho
ldi
manns, þá bitt við varmt kattarhold nýdrepit
til þess er kólnar. Þat dregr út hvarvetna kveisu ór mannshol
di.
Við augnamyrkva ― Tak ál kvikan ok ríst hann
ok tak ór honum bǽði blóð ok gall ok blanda bǽði
saman ok berr í augun. Þat birtir sýn manns.
Við blóðrás ― Tak gras þat er vex í hveitiakri með sínum
blǫðum ok rauðu frǽ ok stappa í víni eða ǫldri
ok syng meðan pater noster ok gef honum drekka.
Við þá blóðrás, ef sár blǿðir ― Tak náttlauk ok stappa
vel ok legg þar í sárit sem blǿðir ok bitt við.
Við spenbolga ― Tak lǽknisgras ok bitt við.
Ef þú vill þik hepta at lostasemi, tak gras þat er
ruta heitir ok et í þola. Þá mun linask.
Við ormsbit ― Tak rutam ok bitt við. Við þat,
ef maðr er þorstlátr ― Tak centauream ok stappa við vatn ok