menota

Menota data services

Menu Search
67v AM 243 b α fol (AM 243 b α fol)  - 68r 68v 

On this page...

  • No text linked to this page in database

Images

þægaʀ ængi ꝩærðr niðran sœmð hans íEn
þo at hann ꝩæitti hvartꝩæggia fe oc starf þa er þat
ꝩæl ꝩæitande þægar hann gefr þeim er mikillar
sœmðar er ꝩærðrEn hvarꝩætna þar sæm maðr
ꝩærðr þæss bæðinn er hanum er ꝩægþurðr í eða sœmðar
spæll þa er þat æigi ꝩæitandeEn þo at hann ꝩæiti
þat braðliga þa er þat ꝩitrliga aptr tacandeÞat
er oc aptr tacande æf maðr ꝩæiter mikit oc
kann sa litla aꝩꝩsu er þiggroc hværgi ꝩǽrdr
at hafa langar staðfæstur mikellar giafar
þægar hann kann æigi retta aꝩꝩsu firi oc tæcr þa
giof aptr fra hanum skynlœysi oc litil sannsyni
sialfs hans en æigi lausyrði þæss er gaf
Ðær giaꝩar ero oc allar aptr tacande þo at
ꝩæittar se er bæizlu maðr hæfir fengit
mæð lygieða mæðr flærðsamlegri slœgð
oc taca þær giaꝩar aptr lygi hans oc slœgð
en æigi lausyrði þæss er gaf þo at iattat hafi
ꝩæritEn æf hofðingi ꝩil ꝩitrliga sia firi giafum
sinum þa er hanum þat ꝩæl hugleiðande hværs hann er
bæðinn eða hvat manna sa erer biðrOc mæðr
þꝩi at æigi ero allir iammikillar giaꝩar ꝩærðir
þa er þat hugsanndi hværso mikillar giafar hvæʀr
er ꝩærðreða i hværn tima geꝩande er hværia
giofEn sa er gefr ꝩærði sæm sialldnazt ꝩiðr
þat kendr at taca sinar giafir aptr at hann ꝩærði
æigi at lausyrðum funninnSunr
Nu ꝩil ec þæss spyria hvær skynsæmðar
sꝩor til þæss ero at þat ꝩar rettdœmi at
Salamon konongr let dræpa Ioab í hælgu landtialldi
Guðs þar sæm hann hellt a hælgu guðs alltari
hvi hann let æigi leiða hann aðr i braut oc let dræpa
hann siðanFaðeʀen
þæssi spurning er nu spurðer þu þa man
þer æigi ꝩærða lios firi augum nema hon
ꝩærði skyrð mæð langri rœðu oc þæiʀi er licari
man þyckia glosum en rettum framgangs ꝩæg
up hafðrar rœðuEn þa er Salamon konongr
dœmði þat at dræpa skylldi Ioab þar sæm hann sat
hælldr en hann leiddi hann braut þa gerði hann þat æigi
utan retta soc firi þꝩi at hann ꝩilldi æigi falla i slica soc
sæm Saul konongr þa er hann flutti fornir iꝩir heilagt
guðs alltariNu ꝩilldi æigi Salamon konongr at þat
skylldi kenna at hann skylldi fœra fornir eða ofr
sꝩa sæm mæð byskupligo æmbætti iꝩir hæilagt
alltariÆigi ꝩilldi hann oc mæð afli eða hærfangi
taca þa luti brot er sꝩa naliga ꝩaro komner
hælgu alltare guðs sæm Ioab ꝩar þar sæm
hann helt a hælgu alltareEn þæssa luti hugleiddi
Salamon mæð sialꝩum serþat er mitt at geta ræglu
hæilagra doma hvar sæm maðrinn er staddr
sa er þa skal um dœmaen æigi er mitt at draga
þann mæð afli oc mæð hærfangi brot er sialfr
hæfir flyt til heilags staðarþꝩi at allir retter
domar þa ero at retto Guðs domar en æigi minir
oc ꝩæit ec ꝩist at heilact alltari Guðs saurgaz
æcki ne af hælgaz i bloði Ioabsþꝩi at þat er ut
hællt mæð rettri ræfsing hanum til iðranar
en æigi mæð aꝩꝩnd sꝩa sæm mæð rangri for/dœming
I þæssom domi birtir Salamon konongr
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close