menota

Menota data services

Menu Search
66r AM 243 b α fol (AM 243 b α fol)  - 66v 67r 

On this page...

  • No text linked to this page in database

Images

briosti hans milldi oc miskunsæmð oc litillæti
sꝩa þæcti guð i briosti Sauls agiʀnð oc grimleic
oc hoflaust dramb oc ꝩarð firi þꝩi Sauli
þungari allar sacar ꝩið guð en Dauiði
þꝩi at mænnina skildiDauið ꝩar hinn
hogꝩærazti .ᛘ. oc hinn miskunnzamazti
oc bað guð licnar þægar hann fell i noccora soc
en Saul ꝩar þꝩi allu grimmari oc aꝩundsiucari
er hann fell i fleiri glœpi oc hann sa at guðs
reiði nalgaðizt hann meiʀrNu æf þer þyckir
sꝩa sæm þæssor sꝩor leiði þic til fullrar skilningar
æptir þinni spurning þa þycki mer
sæm æigi þurꝩi fleira um þætta mal at
talaFaðereN
þer skilzt nu þætta æptir þꝩi sæm þer
gatur i fyʀru rœðu at domar hafi þꝩi
orðit Dauiði ꝩægiligri at hann iðraðiz glœpa
sinna þœiʀa er hann fell í en þꝩi þungari Sauli
er hann ꝩilldi siðr yꝩir bœta sinn misꝩærca
Nu er sa æinn lutr er mec forꝩitnar mioc
oc ec ꝩil spyria yðr mæð lœꝩfi um þa luti
er siðaʀ urðu æptir andlat Dauids þa er
tꝩær konor komo firi kononginn Salamonoc þrætto
um barn æitt þa bauð konongrinn at sundr
skylldi hogga barnit oc fa halft hvaʀri
þœiʀa oc ꝩil ec nu þærs spyria æf hvargi hæfði
konan um rœtt hvart konongrinn mundi
haꝩa latit sundr hogga barnit eða æigi
SunrenTil þæss bauð konongrinn
at skipta skylldi barnino at hann ꝩissi þat
til ꝩiss at su er moðerin ꝩæri at hon munndi
æigi ꝩilia lata sunndr skipta Sunr
Ec spurða þæss æf moðerin hæfði þact
iꝩir hvart konongrinn munndi skipta ꝩilia barnino
Faðer Ef moderin ꝩæri sꝩa
miskunnar laus at hon bæiddiz ængrar
licnar barnino þa hæfði konongrinn skipt barnino
millim þæiʀraSunr
hVi munndi yðr þat synaz mandrap fullt
æf hann hæfði dræpit barnit saclaust oc ꝩæri þat þo æigi ræfsing
Faðer þat ꝩæri ꝩist
manndrap æf hann hæfði dræpit barnit oc
ꝩæri þo æigi soc a kononginomen moðeren
bæri sokinaæf hon hæfði æigi beizt miskunnar
barni sino þar sæm hœyrði af
kononginum iamnaðar dom millim þæiʀa oc
sa hon at þat ꝩæri dauða domr barnino
oc felli þꝩi sokin a hana æf hæfði syniat
moðurlegrar milldi barnino til lifs
Faðer hꝩat syniz þer um dauða
Ioabs oc Adonias er Salamon konongr drap
hvart þat ꝩar rettr domr eða æigi eða hꝩi
Salamon drap Semey firi þat at hann hafði bolꝩat
Dauiði fæðr hans oc hafði Dauid aðr firi geꝩit
Semey þæssa socFaðer
Ef Salamon hæfði þætta gort oón
retta refsing þa hæfði guð hæfnt
hanum mæð rettri ræfsing sꝩa sæm mandrap
En æptir þæssor oll ꝩærc þa ꝩitraðez guð
Salamone í draumi oc bauð hanum at kiosa
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close