menota

Menota data services

Menu Search
64r AM 243 b α fol (AM 243 b α fol)  - 64v 65r 

On this page...

  • No text linked to this page in database

Images

Dauid er er mæstr oc mætaztr manna er
mæð yðr utan sunu yðra oc þo magr yðaʀr
oc ꝩærit yðr tryggr i allum lutumAlldri reð ec
sꝩic moti yðr eða yðaʀri sœmðEtla æigi þat
hæʀra minn at ec þionn þinn raði noccot mot
ꝩilia þinumꝩið Dauid þꝩi at æcki ꝩissi ec til
hvi Dauid for sꝩa nauðsynlega nema þat er hann
sagði mer at hann for yðaʀra nauðsynia œrœnnda
oc í ænga soc ꝩissa ec hann haꝩa fallit ꝩið
yðrSaul sꝩaraðe þægar mæð akafligri reiði
Ðæss sꝩær ec at þu skalt dœyia i dag oc allt
kyn þittoc þꝩi næst let hann dræpa byskupinn oc
fim mænn aðra oc atta tigi þeir sæm allir
ꝩaro skryddir mæð kennimannligri tign
En siðan let hann brænna borgina Nobe oc let
allt þat dræpa er kꝩict ꝩar i borginni bæðe
born oc konorNu hæfi ec synnt þer grim- leic
Sauls þann sæm Guð sa i briosti hanum
þa er hann kipti hanum fra riki oc siðan gerðiz
opinbæʀr sꝩa sæm nu hæfir þu hœyrtoc
margr annaʀr þꝩilicr þo at ec haꝩi þænna
talðan oc fell firi þꝩi sꝩa þungliga su soc kononginum
er hann fell í ꝩið Guðat guð sa ágiarnligan
grimleic í briosti hans þann er siðan toc birtazt
Nu ꝩilldi hann dræpa Dauið saclausan
þꝩi at hann fan at Guð ælskaði hann oc byskupinn drap
hann saclausan mæð sꝩa miclum grimleic at hann
drap allt þat sæm kꝩict ꝩar i borginni oc
brændi borgina siðanEn þar sæm Guð
bauð hanum slican grimleic frammi at
hafa þa þyrmði hann þar en her drap hann guðs
þionosto mænnmoti guðs boðiEn þꝩi
gerðiz soc Dauiðs linari i guðs domi
At sꝩa sæm Guð skilði grimleic þænna í
briosti Saulsþa skilði hann sanna iðran oc
milldleic i briosti Dauids æptir þꝩi sæm
nu ꝩil ec syna þerAbiathar het son
Abimalecs byskups sa er flꝩit hafði í fiallz
holo æina þa er þeir ꝩaro allir dræpner
er fyʀ ꝩaro dræpnir talðerAbiathar flyði til Dauiðs
oc sagði hanum alla þæssa lutiSæm
Dauið hœyrði þæsse tiðændi þa klocc hann oc
oc sꝩaraðe mæð miclum harmi hugar Guð
mæðr sinni miskunn þa firi gefi meʀ þætta
mandrap þꝩi at ofmikell luttacari em
ec af þvisa þꝩi at ec at mat faður þins
Oc nu mæðr þꝩi at þu ert her kominn þa
ꝩær mæð mer oc æf guð ꝩil lata mec liꝩa
þa man hann geta þin mæð mer oc gangi slict
iꝩir baða ocr saman sæm guð ꝩil at se
Ðꝩi næst hof Dauid hann til byskups doms sæm faðer
hans hafði haftEn er frændr Dauids spurðu
til at hann for i skogum uti þa foro þæir
til hans mæð fiolmænni oc ꝩar þat þa æigi
minna lið en .iiii. hundrað manna
oc styrcðiz Dauid upp ífra þꝩi æpter þꝩi sæm
guð ꝩilldiDauiið ꝩar uti i fiallum mæð
þꝩisa liði oc hæriaði iamnan a uꝩini Sauls
en alldrigin a sialꝩan hann eða aꝩini hansEn
hvarꝩætna þar sæm Saul spurði til
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close