menota

Menota data services

Menu Search
61v AM 243 b α fol (AM 243 b α fol)  - 62r 62v 

On this page...

  • No text linked to this page in database

Images

hann kaus Dauid til konongs at hann kꝩazt funnit hafa
mann æpter lundærni sinuEn þat ꝩollde
brœyskleicr manndomsens at Dauid fell i þa soc
sæm fyʀr rœddum ꝩit um at hann horaðe kono
Urias oc sꝩa skiott sæm hann hafðe i þæssa
soc fallit þa iðraðizt hann mioc mæð anð ꝩarpom
oc mæðr tarum þægar hann ꝩar æinn saman
staddrEn firi þꝩi at rægla laganna dœmði
þænna glœp liotan lost æf upp kœmi firi folkino
þa leitaðe Dauid þœiʀar at hygli at hann
mætti hælldr þægia yfir oc sæ guð iðran
hans en folkit gengi dult loghbrota hans
oc tœki æigi hans glœp til dœma at þeim
þœtte þa minna firi at falla i glœpi oc loghbrot
æf þeir ꝩissi hans glœpEn mæðr þæssaʀri
list ꝩilldi Dauid lœyna glœp sinum at
þægar er hann ꝩissi at Bersabe ꝩar mæð getnaðe
kona Urieþa sænnde hann æpter Uriam
oc ꝩilldi sia ꝩið manndrapi oc ꝩilldi at hann sialfr
ætte lag ꝩið kono sinaoc ꝩæri hanum sia
getnaðr kendr en hann ꝩilldi bœta glœp hordoms
sins i lœynd oc ꝩilldi alldri siðan koma
nær kono hinsEn siðan er hann sa at þat
barst undan at Urias ꝩilldi lœyti æiga
ꝩið kono siðna þa leitaðe hann þœiʀar listar at
hann mætti lœyna glœp sinum firi mannum
þo at hann aucaðe synd sina firi guði En siðan
Nathan propheta bar þæssa soc ahænndr Dauidi
alla saman þa sꝩaraðe Dauid sꝩa sæm sialfr
dœmannde sec þꝩi at hann sꝩaraðe sꝩaSꝩa
er glœpr minn illr oc þungr at ec em
dauða soc firi ꝩærðr oc em ec ꝩæsall þæss at
ec gaf þꝩilic dœmi folki guðs þar sæm
hann skipaðe mic stiornar mann oc domara
iꝩir folk sitt oc ꝩil ec giarna hælldr þola
nu braðan dauða hælldr en sia glœpr
fylgi mer til hælꝩitisNu mæðr þꝩi
at ec gerði synndlig dœmi firi folki guðs
i glœpinum þa em ec nu buinn æptir ꝩilia drottins
mins at þola ræfsinginatil þœiʀar
ꝩiðr synar at æigi falli folkit i slican
glœpEn þa er sannændi oc rettꝩisi litu
iðran Dauids þa skutu þær at kꝩæðum
þæssa doms under miskunn þꝩiat Nathan
propheta sꝩaraðeGuð ser iðran þina oc
ꝩil hann æigi at þu takir dauða firi synd
þina en hann man hæfna þer mæð mundangs hoꝩi
ræfsingar þæssa ꝩærks aðr
en þu dœꝩrNu skallt þu þat ꝩita at æigi
let guð sꝩa firi gefna þæssa synd Dauiði
at hann hæfndi æigi æpter rettendum þꝩi
at su ꝩar hin fyrsta hæfnd er Dauið toc
af guði at barn þat er hann hafðe getit mæð
Bærsabee þa ꝩar þat son oc ꝩar aꝩar friðr
oc ꝩilldi Dauid giarna at barnit hæfði
lif en guð ꝩilldi æigi unna hanum nytia
af þꝩi barni er hann hafðe sꝩa syndliga getið
Þo la Dauid siau daga fastande a iorðu
í uglæðis klæðum oc bað guð lifs þꝩi barni
en guð ꝩilldi æigi hœꝩra bœn hans oc do
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close