menota

Menota data services

Menu Search
36v AM 243 b α fol (AM 243 b α fol)  - 37r 37v 

On this page...

  • No text linked to this page in database

Images

konongsins skipan at ꝩæra laꝩarðr oc hinn hæsti
domari næst kononginum sialfum iꝩir allu Egipta
lanndeÞar ma oc marca hvorsu þat er
mioc moti guðe gort at hæfia sic sialfr
upp mæðr drambsamlegum mætnaðe
þar sæm Wastes drotning tynnde drotningardomi
sinum oc allu riki sinu a æinum dægi firi
of mætnaðar sakirEn i hænnar sæti
ꝩar siðan tækin hærtækin femæʀ af
ukunnum þioðumEða sꝩa oc þar sæm
Aman tynndi á æinum dæghi allum sinum ricdomi
firi sacar ohofs oc ofmætnaðar
En í riki hans ꝩar sætr æinn utlænnzkr þion
hærtækinn Nu æf þer ꝩærðr sœmðar
auðet af storhofðingium þa ꝩarazt þu slica
atburðe af þæssom dœmum sæm nu hæfir
þu hœyrtþꝩi at morgh ero þꝩilic til
oc drag þer til nytia þau dœmi er fyʀr
sagðe ec þer um IosephNu ero ænn æin
þau dœmi er longu urðu siðan um dagha
Constantinus keisara þꝩi at Guð
hafði hann skipaðan hofðingia iꝩir allum heimi
oc snœʀezt hann til retlætis oc kristni þægar
hann fecc skilning heilagrar truar
Hann hafðe gefit Eleno drotning mæðr sinni
riki firi austan haf i Gyðinga ꝩælldeEn
mæðr þꝩi at hon hafðe stiorn oc forsio
þarþa skilðez hænni þat at ængi munde
annur ꝩæra tru rett til guðs nema su
er Gyðingar hofðuEn þa er bref foro
þæiʀa a millim keisarans sunar hænnar oc
drotningarinnar þa toc þeim þat kunnict
at gerazt at grein ꝩar a tru þæiʀi er hvart
þæiʀa hafði til guðsÐa bauð keisarinn sꝩa
at drotningin skylldi koma austan um haf
mæðr sinum lærðum monnum oc spekingom
oc marghum aðrum hofðingium oc skylldi fundr
þæiʀa ꝩæra i Rumaborgh oc lata þar rannzaka
sannænndi hæilagrar truarEn þa er drotningin
kom þar mæðr þꝩi liði þa hafðe
konongrinn saman samnat marghum byskupum mæðr
Siluestro paua oc marghum spækingum
hvartꝩæggia kristnum oc heiðnumEn at sættri
stæfnu oc skipaðu þingi millim keisarans
oc drotningarinnar þa þottuz þau
bæði þat finnaat þar mundi ꝩærða kapsamlegh
þræta milli cristinna byskupa oc lærðra
manna Gyðinga oc annaʀra spækinga
þæiʀa sæm drotninginni fylgðe austan mæðr
þꝩi at hꝩarirtꝩæggia munndu fram dragha
athugasamlegh dœmi af sinum bokum moti
aðrum til sannænnda oc staðfæsto sins froðleiks
oc heilagrar truarþa sa þau þat til ꝩist at
þærs matti æigi missa aþæiʀi stæfnu at
retlater domarar ꝩæri skipaðer ifir þeir
er mæðr hofi oc sannsyni dœmðe oll þau
mal er þar yrðe fram borin af hvaʀrratꝩæggio
hændeEn firi þvi at keisarinn ꝩar gezlumaðr
heilagrar kristni mæðr paꝩanum oc kristnum
byskupomEn drotningin liꝩiskiolldr Gyðinga
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close