menota

Menota data services

Menu Search
32r AM 243 b α fol (AM 243 b α fol)  - 32v 33r 

On this page...

  • No text linked to this page in database

Images

sꝩa at æigi ma þeim heitt ꝩantn granda
oc er þo lægra en kastala ꝩæggirþa er gott
at gera til ꝩapns þar amoti asa þa er ꝩæl
ero skꝩaðer næðan mæð iarni en siðan gera
til bæðe hvors oc stor gloannda plogiarn oc skiota
siðan allu saman niðr i tre ꝩirkit sꝩa
at plog iarn stannde æpter en asar se up
hafðer þar skal oc fylghia bik oc brænno steinn
eða ælligar ꝩælld tiaraTæli graꝩir ero oc
goð ꝩapn er gorꝩar ero um hværfis kastala
oc þærs bætr er þær ero gorꝩar diupari oc
miori oc meiri fiolðe er at þar sæm mænn
draga ahiolum noccorar ꝩelir til kastala
Sꝩa skolo tæli grafir allar gorꝩar ꝩæra at
þær skolo haꝩa margha glyggi oc sma oc alla
scáráða þo sꝩa at æighi mægi a iorðu sia en
siðan skulu þær fylldar ꝩæra mæðr þeim ꝩiði
er ælldfimaztr er annatt ꝩæggia mæð
tyrꝩi eða aðrum ælldfimum ꝩiðiEn þa er
mænn bæriazt um nætr til kastala annat
tꝩæggia or tre kastalum eða or stæghum eða
æinni hvæʀri þæiʀi list er a hiolum stænndr þa skal
stæla mannum or kastalanum at þeir mætti
ælldi komit í tæligraꝩir Nu bæʀr sꝩa at
at grioti ꝩærðr slongt sꝩa akafligha ifir
ꝩighskorð at mænn mægo æigi uti ꝩæra
eða kastala ꝩæria þa er gott at reisa upp goða
stolpa af digri æik oc siðan þar iꝩir
læggia storar syllr oc ramleghar oc æptir þat
þilia hit œfra mæð goðum æiki ꝩiði oc
bæra siðan aþat lili mycla
iorð sꝩa at æigi se uþyckri
en þriggia alna eða
fiuguʀra oc lata þar
griot afallaSꝩa hit
sama skal oc gera
mot tre kastala þeim
sæm mot steinkastala
ꝩil bæriaz at gera stolpa goða
oc trausta goðum mun hæri en
trekastali seEn allra þæiʀa lista er nu
hofum ꝩer um rœtt þa er þo hofuð ꝩapn
biugr skialldiatunn ryptanðe mæðr ælligum
loga En mæðr þꝩi lukum ꝩer ꝩapn at
tælia til ꝩarnar or kastala at þar ma oll kyn
ꝩapna nyta þæiʀa þæiʀa er skiota skal eða
casta eða hogga mæð eða læggia oc allar
þær kynkꝩislir ꝩapna eʀ annat hꝩart ma
mæðr lifaz eða sœkiaSunʀ
Mæðr þꝩi at yðr synizt œrit um ꝩapn
rœðt ꝩæra hvartꝩæggia um sockner
eða ꝩarnir eða hværsu gor skolu ꝩæra eða
ꝩaxin eða i hværn tima hværs ꝩapns skal
nœyta enða skiliaz mer oc ꝩæl þæsser
luter æpter yðaʀri tilꝩisan þa ꝩil ec ænn
þærs spyria oc forꝩitna æf noccorir luter
ero þeir er yðr þyckki þurfa um at rœða
þeir sæm til þæiʀa siða horfi at þarf at haꝩa
mæð rikis monnumeða i kononga hirðum
Faðer Enn ero þeir luter
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close