I ꝼleſtum lonꝺum ſetia menn a bækr annat tveggia þann ꝼroðleik er þar innan lanꝺz
heꝼer gioꝛz eða þann annan er minniſamligaztr þikker þo at annarſ ſtaðar hellðꝛ
gioꝛz eða lǫg ſin ſetia menn a bækr hverr þioð a ſína tungu en aꝼ þvi at tungurnar
eru ulikar hverr annaʀi þær þegar er óꝛ æinni ok hinni ſomu tungu haꝼa gengiðz eða græinz þa
þarꝼ ulika ſtaꝼi i at haꝼa enn æigi ena ſǫmu alla i ǫllum Sem æigi rita grikker latinu ſtoꝼum
girzkuna ok æigi latínu menn girzkum ſtoꝼum latínu ne enn hellꝺꝛ ebreſker menn ebꝛeſkuna hvarki
girzkum ſtoꝼum ne latínu hellꝺꝛ ritar ſínum ſtoꝼum hverr þioð ſina tungu Hverega
tungu er maðꝛ ſkal rita annarrar tungu ſtꝼum þa verðꝛ ſumra ſtaꝼa vant aꝼ þi at æig
ꝼinnz þat hlioð i tungunni ſem ſtaꝼerner haꝼa þeir er aꝼ ganga enn þo rita enſker menn enſkuna
latinu ſtꝼum ǫllum þeim er rettræðer verða i enſkunni en þar er þeiꝛ vinnaz æigi til þa haꝼa
þeiꝛ við aðꝛa ſtaꝼi ſua marga ok þeſſkonar latinu ſtǫꝼu̅ ſem þarꝼ en hina taka þeiꝛ oꝛ er æigi ero
rett ræðer í malí þeira nu epter þeira ꝺæmum allz ver erum æinnar tungu þo at gioꝛz haꝼi miǫk
onnur tveggia eða nakkvað bááðar til þeſſ at hægra verði at rita ok leſa ſem nu tiðiz ok
a þeſſu lanꝺi bęðí lg ok ttvíſi eða þẏðingar helgar eða ſua þau hín ſpaklegu ꝼræðí er
ari þoꝛgilſ ſon heꝼer a bkr ſett aꝼ ſkẏnſamlegu viti þa heꝼer ek ok ritað oſſ iſlenꝺíngum
ſtaꝼroꝼ bęði latinu ſtoꝼum ǫllum þeim er mer þottí gegna til vꜳrſ mꜳlſ vel ſua at rett
ræðer mættí verða ok þeim oðꝛum er mer þottí i þurꝼa at vera en oꝛ varu tekner þeir er æigi
gegna atkvæðum vrrar tungu Or eru tekner ſamhlioðenꝺꝛ nokkurer oꝛ latinu ſtaꝼroꝼí
enn nokkurer i gioꝛꝼer raꝺꝺar ſtaꝼer enn ǫngver oꝛ tekner enn i gioꝛꝼer mig marger þviat váár
tunga heꝼer ꝼleſta alla hlioðſ eða raꝺꝺar nu aꝼ þi at ſamhlioðenꝺꝛ megu ekki
máál eða atkveðí gioꝛa æiner við ſik æigi ſua at þeir megi naꝼn haꝼa n raꝺꝺar ſtaꝼí enn
að raꝺꝺar ſtaꝼnum æinum ſier hverium ma kveða ſem hann heiter ſem h̅ heit͛ ok að honum kveðꝛ í
hveriu maalí ok þeir bera ſua tign aꝼ ſamhlioðonꝺum ſem almættí aꝼ halꝼmættí þa heꝼi
ek því ꝼẏʀí ſetta þa bæði í ſtaꝼ roꝼi ok i umræðu her nu við þa hlioð ſtaꝼí u
er ꜳðꝛ voꝛu i latínu ſtaꝼroꝼí a e í o u þar heꝼi ek við gioꝛꝼa þeſſa ſtaꝼí ꝼioꝛa er
her eru rítner nu ǫ ę ø ẏ Ǫ heꝼer lẏkkíu aꝼ ae en hringinn aꝼ oe þviat hann er aꝼ þeira hlíoðí
tveggía ſaman blanꝺinn kveðinn mínnr opnum munní enn a en meiʀ enn o ę er rítínn
með lẏkkíu aſ enn með ollum vextí eſ ſem hann er aꝼ þeim tueím ſamꝼellꝺꝛ mínnr opnum munní
en a en mei enn e Ø hann er aꝼ hlioðí eſ ok oſ ꝼellꝺꝛ ſaman minnr opnum munní kveðínn
en ę ok mei enn o Enꝺa ritinn aꝼ því með kviſtí er ok með oſenſ hríng Y er aꝼ
roꝺꝺu iſ ok uſ goꝛr at æínní rǫꝺꝺu kveðinn minnr opnum munní enn í ok meí en u ok ſkal
aꝼ því ena ꝼẏʀí kviſl aꝼ hǫꝼuð ſtaꝼſ ve ſem aðꝛ er þeim i ſtaꝼ roꝼi ſkipat nu ma