Gangleri mælti hvi ſkilr sua mikit at ſumar ſkal vera heítt enn vetr kallꝺꝛ har ſagði æigi munꝺi sua ꝼroðꝛ
maðr ſpẏria þviat þetta vitu aller at ſegia enn eꝼ þu æinn ert voꝛðinn sua ꝼa viſſ at æigi heꝼer
þeta hæẏrt þa vil þo þat vel virða at hellꝺꝛ ſpẏʀer þu æitt ſinn oꝼroðlega enn þu ganger lengr
ꝺulinn þeſſ er ſkẏllt er at vita Suaſoðꝛ heiter ſa er ꝼaðer ſumarſ er ok er hann ſælliꝼr sua at aꝼ hans
heití er þat kallat ſvaſlegt er blítt er enn ꝼaðer vetrar er ẏmizt kallaðꝛ vinꝺlion eða vinꝺſvalr
hann er vaſaðar ſon ok voro þeir attungar grimmer ok ſvalbrioſtaðer ok heꝼer vetr þeira ſkaplẏnꝺi
Þa mælti Gangleri hverer eru æser þeir er monnum er ſkẏllt at trua a har ſagði tolꝼ eru æser
goðkunniger þa mælti Iaꝼnhar Eigi eru aſẏniurnar ohelgari ok æigi megu þær minna þa
mælti þꝛiði oðinn er æztr ok ellzr aſanna hann ræðꝛ ǫllum lutum ok sua ſem ǫnnur guðin eru mattug þa
þiona honum oll sua ſem boꝛn ꝼoður enn ꝼriɢ er kona hans ok veit hon ok ǫll oꝛlog manna þot hon ſegi æigí
ſpar ſem her er ſagt at oðinn mælti ſialꝼr við þann aſ er loki heiter Æ er tu nu loki ok ǫꝛ vití hví
ne lezkat tu oꝛlog vita ꝼrigg hẏgg ek at ǫll viti þott hon ſialꝼgi ſegí oðinn heiter allꝼoðꝛ þvi
at hann er ꝼaðer allra guða hann heiter ok valꝼǫðꝛ þviat hans oſka ſẏner eru aller þeir er i val ꝼalla þeim
ſkipar hann valholl ok vingolꝼ ok heita þeir þa æinheriar hann heiter ok hanga guð ok hapta guð
ꝼarma guð ok enn heꝼer hann neꝼnꝺz a ꝼleírí vega þa er var komínn til geirroðar konungſ hetumz grimr
ok ganglari herian hialmberi þekkr þriðí þuðꝛ uðꝛ helblinꝺi haʀ ſaꝺꝛ ſvípall ſanngetall
herteitr hnikaʀ bilæẏgr balæẏgr bolverkr ꝼiolner Grimner glapſviꝺꝛ ꝼiolſviðꝛ ſiꝺhǫttr
ſiðſkeggr ſigꝼoðꝛ hníkuðꝛ alꝼoðꝛ atriðꝛ ꝼarmatẏr Oſki Omí Iaꝼnhár biblinꝺi Gǫnꝺler
harbarðꝛ ſviðu ſviðꝛer ialkr kiala viðu þroꝛ ẏggr þunꝺꝛ vakr Skilungꝛ vaꝼoðꝛ
hropta tẏʀ gautr veratẏr þa mælti Gangleri Gæẏſi mꝛg heiti haꝼi þer geꝼit honum ok þat veit trua
mín at þetta mun vera mikill ꝼroðleikr ſa er her kann ſkẏn ok ꝺæmi hverer atburðer haꝼa oꝛðit
ſer til hverſ þeſſa naꝼnſ þa ſagði har mikil ſkẏnſemí er at riꝼia þat vanꝺlega upp enn
þo er þer þat ſkiotaz at ſegia at ꝼleſt heití haꝼa verit geꝼen aꝼ þeim atburð at sua margar tungur
ſem ganga i verollꝺinní þa þikkiaz allar þioðer þurꝼa at bꝛæẏta naꝼni hans til ſinnar
tungu til akallz ok bæna ꝼyrir ſialꝼum ser enn ſumer atburðer til þeſſara heita haꝼa gorz i ꝼerðum
hans ok er þat ꝼært i ꝼra ſagner ok mun tu æigi mega ꝼroðꝛ maðr heíta eꝼ þu ſkalt æigi kunna ꝼra ſegia þeim
ſtoꝛtiðinꝺum Þa mælti Gangleri hverr eru noꝼn annaʀa aſanna eða hvat ſkulu þeir ſtoꝛtiðinꝺu̅
at haꝼaz eða hvat haꝼa þeir goꝛt til ꝼrama har ſagði þoꝛr er þeiꝛa ꝼramaztr ſa er kallaðꝛ
er aſa þoꝛr eða aku þoꝛr hann er ſterkaztr allra guðanna ok manna hann a þar riki er þruðvangar
heíta enn holl hans heiter bilſkirner i þeim ſal eru .v. hunꝺꝛaꝺ golꝼa ok .xl. þat er huſ meſt sua að
menn haꝼí goꝛt sua ſeger i grimníſ malum .ꝺ. golꝼa ok um .xl. sua hẏgg ek bilſkirní með bugum
ranna þeira er ek rept vita mínſ veít ek meſt magar þoꝛr a haꝼra tua er ſua heita