skaldic

Skaldic Poetry of the Scandinavian Middle Ages

Menu Search

Þórsdrápa — Eil ÞdrIII

Eilífr Goðrúnarson

Edith Marold with the assistance of Vivian Busch, Jana Krüger, Ann-Dörte Kyas and Katharina Seidel, translated from German by John Foulks 2017, ‘(Introduction to) Eilífr Goðrúnarson, Þórsdrápa’ in Kari Ellen Gade and Edith Marold (eds), Poetry from Treatises on Poetics. Skaldic Poetry of the Scandinavian Middle Ages 3. Turnhout: Brepols, p. 68.

 

Flugstalla réð felli
fjǫrnets goða at hvetja
(drjúgr vas Loptr at ljúga)
lǫgseims faðir heiman;
geðreynir kvað grœnar
Gauts herþrumu brautir
vilgi tryggr til veggjar
viggs Geirrøðar liggja.
 
The new edition is unavailable.
This text is from an old edition
Geðstrangr of lét gǫngu
Gammleið Þóarr skǫmmum
(fýstusk þeir at þrýsta
Þorns niðjum) sik biðja,
þás garðvitjuðr gerðisk,
Gandvíkr Skotum ríkri,
endr til Ymsa kindar
Iðja setrs frá Þriðja.
 
The new edition is unavailable.
This text is from an old edition
Gǫrr, varð í fǫr fyrri
farmr, meinsvárans, arma
sóknar hapts með svipti
sagna galdrs an Rǫgnir;
þylk granstrauma Grímnis;
gall- mantælendr halla
-ópnis ilja gaupnum
Endils á mó spendu.
 
The new edition is unavailable.
This text is from an old edition
Vôru vǫtn ok mýrar,
verðr hitt at þau skerða,
svell vas áðr of alla,
ál, torráðin, hvála.
 
The new edition is unavailable.
This text is from an old edition
Ok, Gangs, vanir gingu
gunn, vargs himintǫrgu
fríðrar unz til fljóða
frumseyrir kom dreyra,
þás bǫlkveitir brjóta
bragðmildr Loka vildi
bræði vændr á brúði
bág sefgrímnis mága.
 
The new edition is unavailable.
This text is from an old edition
Ok vegþverrir varra
vann fetrunnar Nǫnnu
hjalts, af hagli oltnar,
hlaupáar, of ver gaupu;
mjǫk leið ór stað støkkvir
stikleiðar veg breiðan
urðar þrjóts, þars eitri,
œstr, þjóðáar fnœstu.
 
The new edition is unavailable.
This text is from an old edition
Þar í mǫrk fyrir (-markar
málhvettar byr-) settu
(né hvélvǫlur hálar)
háfs skotnaðra (svôfu);
knátti, hreggi hǫggvin,
hlymþél við mǫl glymja,
en fellihryn fjalla
Feðju þaut með steðja.
 
The new edition is unavailable.
This text is from an old edition
Harðvaxnar leit herðar
halllands of sik falla
(gatat) mar njótr (in neytri)
njarð- (rôð fyr sér) -gjarðar;
þverrir lét, nema þyrri
Þorns, barna sér Marnar,
snerriblóð, til, svíra,
salþaks megin vaxa.
 
The new edition is unavailable.
This text is from an old edition
Óðu fast (en) fríðir
(flaut) eiðsvara Gauta
setrs víkingar snotrir
(svarðrunnit fen) gunnar;
þurði hrǫnn at herði
hauðrs rúmbyggva nauðar
jarðar skafls at afli
áss hretviðri blásin.
 
The new edition is unavailable.
This text is from an old edition
Unz með ýta sinni
(aflraun vas þat) skaunar
á seil (himinsjóla)
sjalflopta kom Þjalfi;
hôðu stáli stríðan
straum hrekkmímis ekkjur;
stophnísu fór steypir
stríðlundr með vǫl Gríðar.
 
The new edition is unavailable.
This text is from an old edition
Né djúp- akǫrn drôpu
dolgs, vamms, firum, glamma
stríðkviðjǫndum, stǫðvar
stall við rastar -falli;
ógndjarfan hlaut Atli
eirfjarðan hug meira.
Skalfa Þórs né Þjalfa
þróttar steinn við ótta.
 
The new edition is unavailable.
This text is from an old edition
Ok sifuna síðan
sverðs liðhatar gerðu
hlífar borðs við Hǫrða
harðgleipnis dyn barða,
áðr "hylríðar" hæði
hrjóðendr fjǫru þjóðar
við skyld-Breta "skytju"
skálleik Heðins reikar.
 
The new edition is unavailable.
This text is from an old edition
Dreif fyr dróttar kneyfi
dolg Svíþjóðar kolgu
(sótti) ferð (á flótta
flesdrótt í vô) nesja,
þás "funristis" fasta,
flóðrifs Danir, stóðu,
knôttu, Jólnis ættir,
útvés fyrir lúta.
 
The new edition is unavailable.
This text is from an old edition
Þars í þróttar hersar
þornrann hugum bornir,
hlymr varð hellis Kumra
hringbalkar, framm gingu;
Lista vas fœrðr í fasta
(friðsein vas þar) hreina
gnípu hlǫðr á greypan
(grôn) hǫtt risa kvánar.
 
The new edition is unavailable.
This text is from an old edition
Ok, hôm, loga himni
hall-, fylvingum, -vallar,
trôðusk þær, við tróði
-tungls brá- salar þrungu;
húfstjóri braut hvôru
hreggs váfreiða tveggja
hlátr-Elliða hellis
hundfornan kjǫl sprundi.
 
The new edition is unavailable.
This text is from an old edition
Fátíða nam frœði,
fjarðeplis, konr Jarðar,
mœrar legs né mýgðu
menn ǫlteiti, kenna;
almtaugar laust œgir
angrþjóf sega tangar
Óðins afli soðnum
áttruðr í gin Suðra.
 
The new edition is unavailable.
This text is from an old edition
Þrøngvir gein við þungum
þangs rauðbita tangar
kvelrunninna kvinna
kunnleggs alinmunni.
 
The new edition is unavailable.
This text is from an old edition
Svát hraðskyndir handa
hrapmunnum svalg gunnar
lyptisylg á lopti
langvinr síu Þrǫngvar,
þás ǫrþrasis eisa
ós Hrímnis fló drósar
til þrámóðnis Þrúðar
þjóst af greipar brjósti.
 
The new edition is unavailable.
This text is from an old edition
Bifðisk hǫll þás hǫfði
heiðreks of kom breiðu
und fletbjarnar fornan
fótlegg þrasis veggjar;
ítr gulli laust Ullar
jótrs vegtaugar þrjóti
meina niðr í miðjan
mest bígyrðil nestu.
 
The new edition is unavailable.
This text is from an old edition
Glaums niðjum fór gǫrva
gramr með dreyrgum hamri;
of salvanið Synjar
sigr hlaut arinbauti;
komat tvíviðar tívi
tollur karms, sás harmi,
brautar liðs, of beitti
bekk-, fall, jǫtuns -rekka.
 
The new edition is unavailable.
This text is from an old edition
Herblótinn vá hneitir
hógbrotningi skógar
undirfjalfrs af afli
alfheims "bliku" kalfa;
né liðfǫstum Lista
látr val-Rygir môttu
aldrminkanda aldar
Ellu steins of bella.
 
The new edition is unavailable.
This text is from an old edition
Vreiðr stóð Vrǫsku bróðir,
vá gagn faðir Magna;
skelfra Þórs né Þjalfa
þróttar steinn við ótta.
 
The new edition is unavailable.
This text is from an old edition
Verðið ér, alls orða
oss grœr of kon mœran
á sefreinu Sónar
sáð, vingjǫfum ráða.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.