skaldic

Skaldic Poetry of the Scandinavian Middle Ages

Menu Search

Hǫfuðlausn — Egill HflV (Eg)

Egill Skallagrímsson

Egill Skallagrímsson, Hǫfuðlausn — Margaret Clunies Ross

Not published: do not cite (Egill HflV (Eg))

 

Vestr komk of ver,
en ek Viðris ber
munstrandar mar,
svá's mitt of far;
drók eik á flot
við ísabrot;
hlóðk mærðar hlut
munknarrar skut.
 
The new edition is unavailable.
This text is from an old edition
Buðumk hilmir lǫð,
ák hróðrs of kvǫð,
berk Óðins mjǫð
á Engla bjǫð;
lofat vísa vann,
víst mærik þann;
hljóðs biðjum hann,
þvíat hróðr of fann.
 
The new edition is unavailable.
This text is from an old edition
Hygg vísi at,
vel sómir þat,
hvé ek þylja fet,
ef ek þǫgn of get;
flestr maðr of frá,
hvat fylkir vá,
en Viðrir sá,
hvar valr of lá.
 
The new edition is unavailable.
This text is from an old edition
Óx hjǫrva glam
við hlífar þrǫm;
guðr óx of gram;
gramr sótti fram;
þar heyrðisk þá,
þaut mækis ô,
malmhríðar spô,
sú's mest of lá.
 
The new edition is unavailable.
This text is from an old edition
Vasat villr staðar
vefr darraðar
fyr grams glǫðum
geirvangs rǫðum;
þars í blóði
í brimils móði
vǫllr of þrumði,
und véum glumði.
 
The new edition is unavailable.
This text is from an old edition
Hné ferð á fit
við fleina hnit.
Orðstír of gat
Eiríkr at þat.
 
The new edition is unavailable.
This text is from an old edition
Fremr munk segja,
ef firar þegja;
frôgum fleira
til frama þeira;
œstu undir
jǫfurs of fundir,
brustu brandar
við bláar randar.
 
The new edition is unavailable.
This text is from an old edition
Hlam hein-sǫðul
við hjalmrǫðul;
beit bengrefill,
þat vas blóðrefill;
frák at felli
fyr fetils svelli
Óðins eiki
í járnleiki.
 
The new edition is unavailable.
This text is from an old edition
Þat vas eggja at
ok odda gnat.
Orðstír of gat
Eiríkr at þat.
 
The new edition is unavailable.
This text is from an old edition
Rauð hilmir hjǫr,
þar vas hrafna gǫr,
fleinn sótti fjǫr;
flugu dreyrug spjǫr;
ól flagðs gota
fárbjóðr Skota;
trað nipt Nara
náttverð ara.
 
The new edition is unavailable.
This text is from an old edition
Flugu hjaldrs tranar
of hræs lanar;
órut blóðs vanar
benmôs granar;
sleit und freki,
en oddbreki
gnúði hrafni
á hǫfuðstafni.
 
The new edition is unavailable.
This text is from an old edition
Kom gráðar læ
at gjalpar skæ;
bauð ulfum hræ
Eiríkr of sæ.
 
The new edition is unavailable.
This text is from an old edition
Beit fleinn floginn,
þá vas friðr loginn,
vas almr dreginn,
varð ulfr feginn;
brustu broddar,
en bitu oddar,
bôru hǫrvar
af bogum ǫrvar.
 
The new edition is unavailable.
This text is from an old edition
Verpr broddfleti
með baugseti
hjǫrleiks hvati,
hann's baugskati;
þróask hér sem hvar,
hugat mælik þar,
kunt's austr of mar,
Eiríks of far.
 
The new edition is unavailable.
This text is from an old edition
Jǫfurr sveigði ý,
hrutu unda bý;
bauð ulfum hræ
Eiríkr of sæ.
 
The new edition is unavailable.
This text is from an old edition
Enn munk vilja
fyr verum skilja
skapleik skata,
skal mærð hvata;
Lætr snót saka
sverð-Freyr vaka,
en skers Haka
skíðgarð braka;
 
The new edition is unavailable.
This text is from an old edition
Brýtr bógvita
bjóðr hrammþvita,
muna hodddofa
hringbrjótr lofa;
mjǫk's hônum fǫl
haukstrandar mǫl;
glaðar flotna fjǫl
við Fróða mjǫl.
 
The new edition is unavailable.
This text is from an old edition
Stóðz folk hagi
við fjár lagi
gall ýbogi
at egg togi;
verpr ábrǫndum,
en jǫfurr lǫndum
heldr hornklofi;
hann's næstr lofi.
 
The new edition is unavailable.
This text is from an old edition
Jǫfurr hyggi at,
hvé ek yrkja fat;
gótt þykkjumk þat,
es ek þǫgn of gat;
hrœrðak munni
af munar grunni
Óðins ægi
of jǫru fægi.
 
The new edition is unavailable.
This text is from an old edition
Bark þengils lof
á þagnar rof;
kank mála mjǫt
of manna sjǫt;
ór hlátra ham
hróðr bark fyr gram;
svá fór þat fram,
at flestr of nam.
 
The new edition is unavailable.
This text is from an old edition
Njóti bauga
sem Bragi auga
vagna vára
eða vili tára.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.