Eigi mundi yðvar
óhefnt vera lengi,
eitt misseri eptir,
ef ér dæið fyrri,
— lítt hirði ek því leyna —
ef líf hafa knætti
Eiríkr sitt ok Agnarr
óbornir mér niðjar.
Yðvar mundi eigi vera lengi óhefnt, eitt misseri eptir, ef ér dæið fyrri, — lítt hirði ek leyna því — ef Eiríkr ok Agnarr, niðjar óbornir mér, knætti hafa líf sitt.
You would not be long unavenged, [not] one half-year afterwards, if you were to die first — I hardly care to make a secret of it — if Eiríkr and Agnarr, descendants not born to me, had their lives.
[8] mér niðjar: ‘(mi)er (nidi)ar’(?) 147
[8] niðjar óbornir mér ‘descendants not born to me’: Note that Áslaug is happy to regard her stepsons Eiríkr and Agnarr as ‘descendants’, even though they are not her biological sons. Cf. the Notes to 16/1-4 (f) and 20/7.