Landnámabók 66b — ed. not skaldic
Not published: do not cite (Anon Ldn 66bIV)
The new edition is either unpublished or unavailable. The following is taken from an old edition (Skj where relevant):
Helgi enn magri fór til Íslands með konu sína ok bǫrn; þar var ok með honum Hámundr heljarskinn mágr hans, er átti Ingunni dóttur Helga. Helgi var blandinn mjǫg í trú; hann trúði á Krist, en hét á Þór til sjófara ok harðræða. Þá er Helgi sá Ísland, gekk hann til frétta við Þór, hvar land skyldi taka, en fréttin vísaði honum norðr um landit. Þá spurði Hrólfr son hans, hvárt Helgi mundi halda í Dumbshaf, ef Þórr vísaði honum þangað, því at skipverjum þótti mál ór hafi, er áliðið var mjǫg sumarit.
Helgi tók land fyrir utan Hrísey, en fyrir innan Svarfaðardal; hann var enn fyrsta vetr á Hámundarstǫðum. Þeir fengu vetr mikinn. Um várit gekk Helgi upp á Sólarfjǫll; þá sá hann, at svartara var miklu at sjá inn til fjarðarins, er þeir kǫlluðu Eyjafjǫrð af eyjum þeim, er þar lágu úti fyrir. Eptir þat bar Helgi á skip sitt allt þat, er hann átti, en Hámundr bjó eptir. Helgi lendi þá við Galtarhamar; þar skaut hann á land svínum tveimr, ok hét gǫlturinn Sǫlvi. Þau fundusk þremr vetrum síðar í Sǫlvadal; váru þá saman sjau tigir svína. Helgi kannaði um sumarit herað allt ok nam allan Eyjafjǫrð milli Sigluness ok Reynisness ok gerði eld mikinn við hvern vatsós ok helgaði sér svá allt herað. Hann sat þann vetr at Bíldsá, en um várit fœrði Helgi bú sitt í Kristsnes ok bjó þar, meðan hann lifði. Í búfœrslunni varð Þórunn léttari í Þórunnareyju í Eyjafjarðará; þar fœddi hún Þorbjǫrgu hólmasól. Helgi trúði á Krist ok kenndi því við hann bústað sinn. Eptir þetta tóku menn at byggja í landnámi Helga at hans ráði.
Text is based on reconstruction from the base text and variant apparatus and may contain alternative spellings and other normalisations not visible in the manuscript text. Transcriptions may not have been checked and should not be cited.
Use the buttons at the top of the page to navigate between stanzas in a poem.
The text and translation are given here, with buttons to toggle whether the text is shown in the verse order or prose word order. Clicking on indiviudal words gives dictionary links, variant readings, kennings and notes, where relevant.
This is the text of the edition in a similar format to how the edition appears in the printed volumes.
This view is also used for chapters and other text segments. Not all the headings shown are relevant to such sections.