AM 519 a 4°: 1v¹-37r³⁰ — Alexanders saga

Drı᷒ heꝼ͛ k̅gr heıꞇıð e͛ reð ꝼyr͛ ſerklanꝺe. h̅ var ageꞇr k̅gr ı þeſſum luꞇa heımſınſ er aſıa heıꞇ͛. þa heꝼ͛ engı k̅r ꝩ͛ıꞇ rıkarı ı þaƞ̅ ꞇıma. Sæꞇı ſıꞇꞇ haꝼðı h̅ lengſꞇu̅ ı babılon er þa ꝩar hauꝼuð boꝛg allz rıkıſenſ. en hon er nu eyꝺꝺ aꝼ m̅m ꝼyr͛ ſac͛ oꝛma oc an̅aʀa eıꞇrkyckvenꝺa. arı᷒ k̅r heꝼ͛ haꝼꞇ unꝺ͛ ſec marga ſcaꞇꞇk̅ga. eın̅ aꝼ h̅s ſcaꞇꞇk̅go̅ e͛ neꝼnꝺꝛ pʜllıpp᷒. h̅ reð ꝼyr grıklanꝺı. ꝺroꞇꞇnıng kona h̅ſ heꞇ olı̅pıaſ. Son aꞇꞇo þau þan̅ e͛ alex-anꝺer heꞇ. Sa maðꝛ ꝩar með hırð k̅gſenſ er nepꞇanab᷒ heꝼ͛ heıꞇıð. en̅ meſꞇı gallꝺꝛa maðꝛ ꝩar h̅. aꝼ ſıno̅ gaulꝺro̅ ⁊ g͛nıngo̅ ꝼek h̅ ſva goꝛꞇ aꞇ h̅ naðı aꞇ ſoꝼa með ꝺroꞇꞇnıngon̅ı ſıalꝼͥ. aꝼ þͥ ꞇruðu marg͛ .. h̅s ſon v͛a en eıgı k̅gſenſ pʜılıppı. En aꞇhoꝼn h̅ſ heꝼ͛ þ̅ þo ſıðan ſan̅lıga bırꞇ. aꞇ h̅ ꝩar k̅gſ ſon en eıgı hoꝛbarƞ̅. ⁊ ſon nepꞇanabı. ſem oꝩın͛ h̅ſ brıgzloðo h̅o̅ epꞇ͛ þͥ ſe̅ ſıðaʀ mon ſagꞇ verða. Þeſſı ſveın̅ ͬ. ꝩar ı ſcola ſeꞇꞇr ſem ſıðꝩenıa e͛ ꞇıl rıkra man̅a vꞇan-lanꝺz aꞇ laꞇa g͛a vıð boꝛn̅ ſíıƞ́ Meıſꞇarı ꝩar h̅o̅ ꝼengın̅ ſa e͛ arıſꞇoꞇıleſ heꞇ. h̅ ꝩar harðla goðꝛ clercr ⁊ en̅ meſꞇı ſpekıngr aꞇ ꝩıꞇı. ⁊ er h̅ ꝩͬ .xíí. veꞇᷓ gamall aꞇ allꝺrı nalıga alroſcın̅ aꞇ ꝩıꞇı. en ſꞇoꝛhvgaðꝛ u̅ ꝼᷓm alla ſına ıaꝼnallꝺꝛa. þa koma ſenꝺı m̅ ꝺarí k̅gſ ſcaꞇꞇ aꞇ heı̅ꞇa aꝼ pʜılıppo k̅ge. þan̅ er hv͛r epꞇ͛ an̅an ſerklanꝺz k̅ga haꝼðı ꝩanr ꝩ͛ıꞇ ıaꝼnan aðꝛ aꞇ ꞇaka aꝼ gırkıa k̅ge. Þeſſı ſcaꞇꞇr ꝩͬ ſva ꝼreklıga heımꞇr. aꞇ ıaꝼn̅ ꝩal ſcyllꝺe gıallꝺa aꝼ ſæno̅ ſem aꝼ lanꝺıno. . k̅ſ ſon ſpyʀ er h̅ ſer vꞇlenꝺa men̅ koma ı haull ꝼauðoꝛ ſínſ. hvaðan þ̅r ꝩærı. eða aꞇ hͥ þ̲ ꝼærı. Oc er h̅o̅ ꝩͬ oc ſagꞇ. þa mæl͛ h̅ ꝼyr mvn̅e ſer. Mıkıꞇ meín er þ̅ ſagðe h̅ aꞇ maðꝛın̅ ſcal ſva ſeınꞇ ꞇaka ſıꞇꞇ aꝼl. eða hvarꞇ nockoꞇ ſın̅ man þar koma aꞇ ec mo̅a ſꞇyrk ꞇıl haꝼa aꞇ hrınꝺa þͥ ánauðar oke aꝼ. e͛ a e͛ lagꞇ rıkı ꝼauðoꝛ mınſ. en æ mon ec þoꝛa nu aꞇ ſıa ꝩapn a lopꞇı. þoaꞇ ec mega lıꞇıꞇ ꝩın̅a með þeı̅ aꞇ ſva buno. Eða hvarꞇ man þ̅ ſaꞇꞇ ꝩ͛a aꞇ h͛culeſ ſon ıoꝩıſ haꝼı kreıſꞇ ı ſvnꝺꝛ oꝛma ꞇva með ſın̅ı henꝺe hvarn̅. þa er Juno ſꞇıúpmoðır h̅s haꝼðı ꞇıl ſenꞇ aꞇ ꝺrepa h̅. Reıvabarn̅ ꝩar h̅ þa. er h̅ gerðı þeꞇꞇa ſꞇoꝛvırke. Oc eꝼ ec hræꝺꝺo̅z eıgı naꝼn arıſꞇoꞇılıſ meıſꞇara mínſ. þa munꝺa ec ꝼreıſꞇa aꞇ lıkıa nakkvaꞇ epꞇ͛ ſlıku̅ ſꞇoꝛꝩírkıo̅. Eða man þaꞇ ıaꝼnan ſcolo æꞇlað ꝩ͛a. aꞇ ec ſıa ſon enſ ꝩ͛ſꞇa manz nepꞇanabı. Syna ꝩıllꝺa ec þ̅ þo ı nockoꝛo aꞇ ec væra k̅ſ ſon aꞇ ſaun̅o. oc þo engı aꞇꞇl͛e. Slıkꞇ ſva ml̅ h̅ ꝼyr mun̅e ſer er h̅ hvgſaðe ſem nu er ꝼra ꞇalꞇ. oc ſva æꝺꝺız h̅ nu þegar akaꝼlıga ımoꞇ ꝺarıo k̅ge er ſcaꞇꞇın̅ leꞇ heı̅ꞇa aꝼ ꝼauðoꝛ h̅ſ. ⁊ neyꞇ͛ ı hugenu̅ vapna ſıƞ̅a með ſnarplıgo̅ ahlaupo̅. ſem þa er léonſ hvelpr ſer hıoꝛꞇın̅ ꝼyr͛ ſer e͛ h̅ heꝼ͛ eıgı ꞇekıꞇ aꝼl ſıꞇꞇ. en ꞇen̅ ero ſva lıꞇlar aꞇ h̅ ma eıgı bıꞇa þo hellır h̅ uꞇ bløðı hıarꞇarınſ með hugınu̅. aꞇ h̅ mege eıgı með ꞇaun̅uno̅. h̅ e͛ þa oc ſeın̅ a ꝼæꞇı. en þo e͛ ꝩılın̅ ſkıoꞇr ꞇıl aꞇg͛ðeſenſ. . haꝼðı oc lıꞇıð aꝼl aꞇ ꝩın̅a ſva ſꞇoꝛꞇ ſem h̅o̅ bıo ı hug. En leonſ akeꝼð haꝼðe h̅ ſer ı hıarꞇa með ꝺırꝼð allꝺrı meırí. Nv bar ſva ꞇıl aꞇ arıſꞇoꞇıleſ meıſꞇare h̅s ⁊ ꝼoſꞇr ꝼaðer haꝼðı gengıꞇ vꞇ aꝼ h͛bergı ſıno. þar e͛ h̅ haꝼðı goꝛꞇ eına boc aꝼ ıðroꞇꞇ þr̅e e͛ ꝺıalecꞇıca heıꞇ͛ a laꞇıno. e̅ þręꞇo boc e͛ kolloð a noꝛøno. Þaꞇ maꞇꞇı oc ſıa a h̅o̅ hv͛ſo mıkla ſꞇvnꝺ h̅ haꝼðı lagꞇ a boc þa er h̅ haꝼðı þa ſaman ſeꞇꞇ. ⁊ hverſo lıꞇꞇ h̅ haꝼðı meðan annarſ gæꞇꞇ h̅ ꝩͬ rvꝼın̅ ⁊ oþvegın̅ magr ⁊ bleıkr í anꝺlıꞇe. ⁊ e͛ h̅ ſa lexanꝺru̅ ꝼoſꞇr ſon ſın̅ þruꞇıƞ̅ aꝼ mıkılle reıðı þr̅e er eıgı maꞇꞇe leynaz ꝼyrır brugðnu ⁊ bloðrauðo lıꞇar apꞇe. Þa ſpurðe h̅ epꞇır ꝩanꝺlıga hv͛ ſǫc ꞇıl ꝩ͛e ſva ſollın̅ar reıðı. ̅ gerðı ſua ſem hlyðno̅ lærıſveını byrıar. ꝩıð ſın̅ meıſꞇara. ꝼellr a kne ꝼyr͛ h̅o̅ oc ꝺrepr nıðꝛ hauꝼðeno. ⁊ ſvar͛ ſva aꝼ mıklo̅ moðe. Þungꞇ þycke m͛ þ̅ aꞇ ꝼaðer mın̅ ellı gamall ſcal lyðſcyllꝺꝛ ranglıgo̅ krauꝼo̅ ꝺarí k̅gſ. ⁊ þar með allꞇ ꝼoſꞇrlanꝺ mıꞇꞇ. ⁊ þar maꞇꞇe h̅ þa eckı ꝼleıra v̅ ꞇala. þͥaꞇ þeſſo neſꞇ ko̅ graꞇr vpp. ſa er nackvaꞇ ſva bᷓ ꞇıl bernſcon̅ar. ⁊ ꝩara ſa aꝼ lıꞇlo ſcape. ⁊ með þuı mınkar h̅ þa ꝼyrſꞇ ı ſꞇað ſína reıðe. Oc nu með þeſſum raðu̅ er epꞇ͛ ꝼara. þa mæl͛ arıſꞇoꞇıleſ ſva ꞇıl h̅s. Með þͥ aꞇ þer ſe ſꞇoꝛꞇ ı hug. þa pryꝺ ꝺu þıc ꝼyrſꞇ með raðſpekın̅e. en ꞇak ſıðan ꞇıl ꝩapna þın̅a epꞇ͛ ꝼyſꞇ þınne. Ec ſe ſagðe h̅ aꞇ þu heꝼ͛ eꝼnı ꞇıl aꞇ ꝩ͛ða mıkıll mͬ ⁊ maꞇꞇogr. ſparı þ̅ nu eıgı ꝩıð þıc. ⁊ hlyð mer nu ꝩanꝺlıga. ⁊ man ec ken̅a þer hv͛ſo þu ſcallꞇ aꞇ ꝼara. Þ̅ ꝩıl ec þer ꝼyrſꞇ raða aꞇ þu ſer raðuanꝺꝛ. aꞇ þu haꝼ͛ ıaꝼnan ena bezꞇu men̅ ꝩıð þına raða gerð. hlyð eckı á hvıkſaug᷑ þr̅a man̅a er ꞇvıꞇyngðır ero. ⁊ haꝼa ı ſıno̅ h⸌v⸍apꞇeno̅ hvara ꞇunguna. engı ſcal þa men̅ haꞇꞇ ſeꞇıa er naꞇꞇuran ꝩıll aꞇ lagꞇ ſıꞇı. þͥaꞇ þr̅a meꞇnaðꝛ þruꞇnar ſva ſcıoꞇꞇ aꝼ meꞇ-oꝛðono̅. ſem lıꞇıll lǽcr a⸌ꝼ⸍ mıklo regnı. þ̅ er oc oꝛono̅ neſꞇ er ꝩeſlo baꞇnar. Eıgı leꞇ ec þıc þo aꞇ auka þr̅a man̅a naꝼnbæꞇr þoꞇ ſma boꝛn͛ ſe. er haꝩ͛ſclıga ſıðo ⁊ ſømılıgan man̅ꝺo̅ haꝼa ꝼram aꞇ leɢıa moꞇe ǽꞇꞇ oc pen̅ıngu̅. Goꞇꞇ ſıðꝼerðı ſcallꞇ u ꝩırða gullı beꞇᷓ. ⁊ þvı ſcallꞇ u eıgı pen̅ıngıƞ̅ laꞇa raða naꝼnbǫꞇono̅. aꞇ ꝩıð h̅o̅ ſelıa marg͛ ſvıꝩırðlıga ſína ꝺað oc ꝺrengſcap. Eꝼ þu ſcallꞇ ꝺøma mıllı man̅a þa laꞇ hvarke raða man̅a mun. Ꝼegırnðın̅e ꝩerðꝛ þer þo meſꞇ aꝼ kenꞇ rangꝺømıno. þvı aꞇ hon blınꝺar opꞇlıga reꞇſynıſ augo. oc eꝼ ꝼegırnın ſv er aꞇ reꞇꞇv ma kallaz laſꞇan̅a moðır ꝼør oꝼ mıkın̅ gang ı k̅ſ haullın̅e. þa ꝼyr kemr hon aullo̅ ſıðunu̅. ⁊ løꞇr muꞇugıarnan man̅ aꝼrøkıaz lauguno̅. Þ̅ røð ec þer ſeg͛ .r͛. aꞇ þu ſer mıukr oc lınr lıꞇıllaꞇu̅. auðſoꞇꞇr ⁊ goðꝛ bæna þurpꞇugo̅. en harðꝛ oc úeırın̅ ꝺrambſaumo̅. Ꝼlyꞇ opꞇ oꝛ ſꞇað herbuðer þınar. þvıaꞇ þa er oꝩıno̅ þıno̅ ohgꞇ vıð þer aꞇ ſıa er þu erꞇ ſco̅mo̅ ı ſama ſꞇað. Opꞇlıga ſcalꞇ u oc ꝼylkıa lıðı þíno aꞇ þ̅ neme barꝺagalıſꞇ. ⁊ ꝩenız ꝩapnꝼıme. aurð ahlaup ſcalꞇ u ꝩeıꞇa vꝩıno̅ þıno̅. ⁊ eꝼ þu heꝼ͛ ꝩılıan̅ ſceleggıan ꞇıl aꞇ ꝩın̅a mıkıl ꝩ͛k a þeı̅. þa man þer ꞇıl geꝼaz maꞇꞇr ⁊ megın. En̅ eꝼ þu þıckız ſıalꝼr ꝩanꝼǿʀ ꞇıl ꝩapna ſcıpꞇıſ ꝩıð oꝩını þına ꝼyr ſakar lıꞇılſ allꝺꝛſ. þa laꞇ þo ſıa þec vnꝺ͛ ꝩapno̅ með glauðo hıarꞇa. laꞇ ꞇu ꞇunguna berıaz akaꝼlıga með eɢıanar oꝛðıno. þo aꞇ honꝺın ſe ꝩan-aꝼla ꞇıl aꞇ ſꞇyra ſverðıno. Opꞇ heꝼ͛ hauꝼðıngıo̅ mıkıꞇ ꞇıoaꞇ. aꞇ b͛ıaz aꞇ eınſ með ꝼra̅eggıan. ⁊ eꝼ eꝩaꞇſamlıg barꝺaga lycð ſcyꞇr herınu̅ ſcelc ı brıngo. þa era beꞇͥ løknıng ꞇıl en blıðlıgar ꝼoꝛꞇoloꝛ hauꝼðıngıanſ með ſnarplıgrı aꞇ eɢıan. Eꝼ oꝩın͛ þın͛ ꝼlyıa. þa rec ðu oc ꝼyrſꞇr ꝼloꞇꞇaƞ̅. nu beʀ ſva aꞇ aꞇ ı þıꞇꞇ ⸌lıð⸍ ko̅e ꝼloꞇꞇeƞ̅. þa ſcalꞇ u ſıðarſꞇ a høl hopa. ⁊ laꞇ þına rıꝺꝺ͛a þ̅ ſıa aꞇ þer e͛ aꝼar ꞇrauꞇꞇ aꞇ ren̅a. ⁊ man þeı̅ þa ſynaz hoꝼoðſco̅ aꞇ ren̅a ſva ſꝩıuırðlega unꝺan ſınu̅ k̅ge. Þͥ neſꞇ hugſa ðu hveſſo mıkıll ꝼıolðe þın̅a an-ſcoꞇa ſækır epꞇ͛ þer. en þoꞇ þaꞇ ſe mıkıll munr. þa laꞇ þıc þ̅ eckı ſcelꝼa. Eꝼ þu ſer aꞇ þ̅r leꞇıaz a epꞇ͛ ꝼoꝛen̅e. þa ſcallꞇ u ꝼyrſꞇr apꞇr ſnua þıno̅ heſꞇı. ⁊ rıða á ꝩıne þına ꝺıarꝼlega. ⁊ neyꞇa þa ſverðz þınſ ſnarplega. ⁊ ⸌ſva⸍ akaplega með þıno lıðe ꝼᷓm ꝩaða. aꞇ ꝩarla geꝼız þeı̅ ꞇom ꞇıl aꞇ kalla ſec ſıgraða. Nu kemr þar aꞇ boꝛg͛nar geꝼaz vpp ı þıꞇꞇ ꝩallꝺ. eða þu heꝼ͛ aꞇ ıoꝛðu lagꞇ þa er eıgı ⸌vıllꝺv⸍ ſıalꝼkraꝼa upp geꝼaz. þa ſcallꞇ u vpp luka ꝼe hırðzlo̅ þıno̅. oc geꝼa a ꞇvǿr henꝺꝛ rıꝺꝺorono̅. ⁊ ſmyrıa ſva ſar þr̅a með gıoꝼono̅. þͥaꞇ eıgı þarꝼꞇ u aðꝛa læcnıng aꞇ ꝼa lıðıno. hellꝺꝛ en mykıa ſar ⁊ ſıukan hvg með gulleno. ſva ꝼǽr aur-lynꝺꝛ maðꝛ ſıukıo̅ bóꞇ un̅eꞇ ⁊ auðkyꝼıngr ǫꝛeıgano̅. En̅ eꝼ gullıꞇ er gnægra ꞇıl en ꝩılın̅ aꞇ geꝼa. þa laꞇ ꞇu þo eıgı aſꞇına mınka þoꞇꞇ ꝼæꞇꞇız gıaꝼarnar. Með ꝼogrom heıꞇo̅ ſcallꞇ u locka lıðıꞇ aꞇ þer. ⁊ eꝼna þ̅ er þu heıꞇr þegar ꝼong ero a. Sꞇoꝛlaꞇr hauꝼ-ðınge ma ıaꝼnan oꝛuggr v̅ ſec ꝩ͛a ꝼyr͛ ahlaupo̅ oꝩına ſın̅a. þͥaꞇ hvarꞇ ſem ꝼrıðꝛ er eða vꝼrıðꝛ. þa kemr h̅o̅ ſꞇoꝛlæꞇı ſıꞇꞇ ꝼyr͛ ſꞇerkan boꝛgar ꝩeɢ. En ſmalaꞇu̅ hoꝼðıngıa ꞇıar hvarke ramlıgꞇ ꝩıge ne mıkıll ꝩapnabunaðꝛ. Oc nu ꝩeıꞇ ec eıgı ſeg͛ .r͛. ꞇıl hv͛ſ þ̅ kemr ꝼoſꞇr ſon aꞇ ſegıa þer ꝼleıra aꝼ hveſſu þu ſcalꞇ með þıno̅ herſcap ꝼara. En þ̅ ꝩıl ec þer raða með þeſſo̅ h̅l̅om aꞇ þu laꞇır eıgı gluꞇranar ſama ꝩınꝺryckıu ꝼa oꝼ mıkıꞇ ꝩallꝺ á þer. Laꞇ oc eıgı heımſlega konoꝛnar hvgſykıa eða vanmegna ſꞇerkıan hug. ⁊ þu ꝩeıꞇ͛ oꝼ mıkıꞇ epꞇ͛lęꞇı ꝩıngvðenu er bachuſ heıꞇ͛ ⁊ aſꞇargyðıun̅e er ꝩen᷒ heıꞇ͛. þa er ſem ok ſe lagꞇ a halſ þer þ̅ er ſva þıar hugen̅ aꞇ h̅ gaır ecke aꞇ hugſa þ̅ er ꝩıꞇı gegne. aꝼ þeſſo̅ h̅l̅om hrørez heıpꞇ ⁊ haꞇr ⁊ g͛ız margſ conar klaꞇr. ⁊ eıgı ero þeır lvꞇ͛ er meırr ꝼyr komı goðo ſıðꝼerðı en konoꝛnar oc oꝼꝺrykıan. Vel ſcyllꝺu þ̲ ꝼoſꞇrſon loſꞇaſeme ſꞇılla. er laugono̅ oc heımſınſ ꞇaumalagı ſꞇyra. Laꞇ ꞇu ꝩel geꞇꞇ allra þeſ-ſa luꞇa er ec heꝼı kenꞇ þ͛. ⁊ ꝼyr hveꞇveꞇna ꝼram reꞇꞇlæꞇı ꝼylgıa ollum þıno̅ ꝩ͛co̅. Eıgı ſcal þo reꞇꞇløꞇıꞇ eıꞇꞇ ſa̅an. þͥaꞇ þar vıð ſcal ꞇempra mıſcun̅ena. Opꞇlega ſcallꞇ u ranzaka rıꞇnengar eꝼ þu ꝩıllꞇ margꝩıꞇr ꝩerða. Laugen ſcallꞇ u þer oc kun̅eg g͛a eꝼ þu vıll reꞇlaꞇr ꝩ͛a. Secᷓ mͣ mal ſcallꞇ u ꝓba ſan̅lıga. ꝺøma reynꝺa luꞇe lauglega. Reꝼſa þeı̅ er ſekır ro reꞇlıga. reꝼſıngına ſcallꞇ u eıgı ꝼyʀ laꞇa ꝼram koma. hellꝺꝛ en aꝼ þer gengr reıðen. Scall aꞇ ꞇu ámın̅az epꞇ͛ ꞇeknar ſǽꞇꞇ͛ vm lıðıꞇ ſunꝺꝛ þyckı. ⁊ eꝼ þu lexanꝺ͛ lıꝼ͛ ſva ſem arıſꞇoꞇıleſ heꝼ͛ kenꞇ þer. þa man þıꞇꞇ naꝼn vppı meðan heı̅ren̅ ſꞇenꝺꝛ. Þvılık rað ken̅ꝺı arıſꞇoꞇ͛. alexͦ. ſem nu er ſagꞇ. ⁊ aull ꝩarðveıꞇꞇe h̅ þau ꝩır-kulıga ſer í brıoſꞇe. Nv gırnız h̅ engıſ an̅arſ. æn ryðıa ſer ꞇıl rıkıſ með oꝺꝺe oc eggıo. oc þ̅ g͛ır h̅ ſer þegar í hvg aꞇ ecke ꝩeꞇꞇa mynꝺe ꝩıð h̅o̅ ronꝺ reıſa. ſva geı-ſar nu oc haꞇꞇ h̅ſ oꝼſe. aꞇ h̅ þyckız nu aullu̅ heımıno̅ ſꞇyra. Oc er h̅ kemr á þan̅ allꝺꝛ er man̅ ꞇecr unꝺan raðnıngo. þa g͛ız þaꞇ ꞇıl ꞇıðenꝺa. aꞇ eın̅ rıcr mͬ ſa er pauſoníaſ heꞇ ꞇekr aꞇ elſca ꝺroꞇꞇnengena olımpıaꝺe̅. h̅ ꝼyllız oc þr̅ar ꝺırꝼðar. aꞇ h̅ ꝺrepr k̅gen̅ pʜılıppu̅. hvgðez h̅ þa aꞇ ꝼrıalſo mynꝺo nıoꞇa mega h̅ar aſꞇa. En h̅o̅ ꝩarð eıgı aꞇ þͥ kaupı. þͥaꞇ alexanꝺ͛ leꞇ eıgı long ꝼreſꞇ a ꝼoðoꝛ heꝼnꝺu̅. Oc ꝼauðoꝛbana ſıno̅ ꝩalðı h̅ ꝺauðꝺaga haðolıgan ⁊ þo maklıgan. Þegar epꞇ͛ ꝼᷓ ꝼall ꝼauðoꝛ ſınſ ꞇecr lex͛. ꞇıl lanꝺſꞇıoꝛnar. ⁊ þuı neſꞇ byr h̅ ſec ꞇıl h͛naðar. eıgı aꞇ eınſ ſer ꞇıl ꝼrægðar ⁊ ꝼra̅kvøm-ðar. hellꝺꝛ ⁊ ꞇıl ꝼrelſıſ ollu ꝼoſꞇrlanꝺe ſıno þͥ er aðꝛ la unꝺ͛ mıklo aþıanar oke. lex͛. ꝩar nu nyꝺubbaðꝛ ꞇıl rıꝺꝺ͛a ſva mıkıll ı hıarꞇano ſem rıſe. en ı brıoſꞇıno ſem gamall oc ꝩıꞇr rıꝺꝺ͛ı. þar maꞇꞇe þa ſıa nyıan ⁊ ungan rıꝺꝺ͛a ſua ſꞇoꝛhugaðan aꞇ h̅ vıllꝺe þa gıarna ſꞇøʀa ꝩın̅a. en achılleſ maꞇꞇe a leıð koma. ſa eƞ̅ meſꞇı kappı e͛ ꝩar í ꞇroıo mͣ ſogo. ⁊ eıgı aꞇ eınſ æꞇlar h̅ aꞇ h͛ıa á ꝺarıu konung ⁊ á hans rıkı. þoꞇꞇ þar ꝩ͛e ſakar brynaſꞇar. hellꝺꝛ æꞇlar h̅ eꝼ oꝛlog ban̅a eıgı. aꞇ leggıa unꝺ͛ ſec alla heımſbygðına. Boꝛg er ſu eín á gırclanꝺe er choꝛınꞇhuſ heıꞇ͛ aꝼ þeım heꝼ͛ hon naꝼn ꞇeceꞇ. er h̅a leꞇ g͛a. ⁊ aꝼ þͥ aꞇ þeſſe boꝛg ꝩar ſꞇerkare. ⁊ ꝼe rıkare en aðꝛar boꝛg͛ þa ꝩar ⸌hͦ⸍ kaulloð hoꝼoð allz rıkıſenſ. Páll poſꞇole cͥſꞇnaðe ſıðan þeſſa boꝛg. ⁊ epꞇ͛ ꝩenıo eƞ̅a ꝼyʀe k̅k̅ga. þa ꞇekr .alex͛. h͛ með koꝛono k̅gſ naꝼn̅. er haꝼðı k̅r ſꞇeꝼnꞇ ꝼıolmen̅ꞇ þıng.  þvı þınge ꝩar ſva lıðe ſcıpaꞇ. aꞇ þ̲ men̅ er rıkaſꞇ͛ ꝩͦ ⁊ raðgaſꞇ͛ er ſenaꞇ᷒ heıꞇa á laꞇıno. en þ̅ ma kallaz aullꝺunga ſveíꞇ á noꝛøno ſáꞇo neſꞇ͛ k̅geno̅ á hvaraꞇueggıo honꝺ. þeſſer men̅ ſcolo ſcıpa ⁊ ſꞇıoꝛna aullo rıkıno með k̅geno̅. þeſſer men̅ ſcolo opꞇar b͛ıaz með ꝺıup-ſeꞇꞇu raðe ⁊ ſníallre ꞇungu. hellꝺꝛ en með auxe eða ſuerðı. Vꞇ ıꝼᷓ k̅gſenſ ráðonau-ꞇo̅ ſáꞇo kappar h̅ſ. þeſſer meƞ̅ laꞇa oppꞇ alꝼ ꝩıꞇı rıkara. ⁊ lıꝩa meíʀ aꞇ ꝺømo̅ achıl-lıſ en neſꞇoꝛıſ. chılleſ ꝩar aꝼ gırkıo̅ þa er þ̲ boꝛðoz ꝩıð ꞇroıa̅ ꝩıgꝺıarꝼaſꞇr ⁊ mıklo ſꞇ͛kaſꞇr en neſꞇoꝛ ſpacaſꞇr ⁊ ꝼoꝛſıalaſꞇr. Ꝼra̅mí ꝼyr͛ k̅geno̅ ſaꞇ arıſꞇoꞇıleſ með kler-ka ſveıꞇ ſına. h̅ ꝩar nu bogeƞ̅ mıoc aꝼ elle. ⁊ hvıꞇr ꝼyr høro̅. þeſſe ſveıꞇ ꝩar ꝩapna-lauſ. þͥaꞇ hon kun̅e meıra aꝼ ꝼrøðı en ꝩapnꝼıme. Oc e͛ alex͛. ſa þeꞇꞇa ꝺrengıa ꝩal er h̅o̅ leız ſem reynꝺız mıkıll ſꞇyrkr ꝩ͛a munꝺe. þa glaꝺꝺez hugr h̅ſ mıoc aꞇ ſeno̅ ſva mıklo̅ aꝼla. írꝼð ſu er aðꝛ ꝩar ⁊ ſua mıkıl með arøðeno aꞇ ꝩarla maꞇꞇe ꝩaxa þa ox hͦ eƞ̅ er h̅ ſa ſlıcar ſꞇeðꝛ ſın̅ ꝩılıa ſꞇyðıa. ⁊ ſua ſe̅ h̅ ꝩͬ aullo̅ hugſꞇ͛care. ſva ꝩar h̅ oc aullo̅ ꝼͥðare. Eckı þyrꝼꞇı h̅ aꞇ ſcryða ſec ꝺyrlego k̅ſ ſcruðe aꞇ k̅ ꝩ͛e auðkenꝺr þar ſem h̅ ꝩar. þͥaꞇ yꝼırbragð þ̅ ſem h̅o̅ ꝼylgðe hverſꝺaglıga. gerðe h̅ auðkenꝺan aꝼ aullo ꝼolkıno. þoꞇꞇ h̅ heꝼðı eıgı gullega korono ꝺyro̅ ſꞇeıno̅ ſeꞇꞇa a hoꝼðe ſer. eða n̅an k̅glegan bunað aꝼ gulloꝼ-no̅ kløðum ſem þa haꝼðı han̅. A þeı̅ manaðe er ıunıuſ heıꞇ͛ ꝩar .alex͛. ꞇıl k̅ſ ꞇekeƞ̅ a þeſſo þıngı með ꝩıllꝺ ⁊ ꝩıngan allz ſꞇoꝛmen̅ıſ ⁊ aꞇ ſamþyckꞇum múgíno̅. ⁊ þegar í ſꞇað þa ſcıpꞇe h̅ ı ſueıꞇ͛ rıꝺꝺ͛um þeım er h̅ haꝼðı ſer ꝩalða. ⁊ þ̅ ꝩͦ ꝼım ꞇıg͛ hun-ꝺraða. ll͛ hauꝼðo þ̲ eın̅ ꝩılıa ꞇıl aꞇ b͛ıaz með k̅ge. en mıkıꞇ ſcılðe allꝺr þr̅a. þͥaꞇ eıgı aꞇ eínſ ꝩalðe h̅ ſer unga rıꝺꝺ͛a. hellꝺr oc ıaꝼn̅ꝩel allꝺraða. þa er reynꝺ͛ hoꝼðo ꝩ͛ıꞇ aꞇ hvaꞇleíc með phılıppo ꝼauðoꝛ h̅ſ. ungan gerðe k̅gren̅ þan̅ ſveıꞇar hauꝼðıngıa ı lıðe ſıno e͛ yngre ꝩ͛e en ſexꞇogr. ⁊ þ̅ mynꝺe ſa maðꝛ æꞇla er h̅ heꝼðı eıgı ꝼyʀ ſeꞇ þͥlıkan h͛. aꞇ ſlıker ſem alex͛ haꝼðe ꝩalıꞇ ſer ſueıꞇar hauꝼðıngıa lıðe ſıno mynꝺe ꝩ͛a h͛ꞇogar. eða með aullo ſıalꝼr ſenaꞇ᷒. Með ſlıko rıꝺꝺ͛a lıðe ſem nu e͛ nackvaꞇ ꝼra ꞇalꞇ. haꝼðe k̅r með ſer ꞇıl h͛ꝼerðar .ıı. þuſunꝺer enſ ꝼıoꝛða ꞇıgar aꝼ ꝼoꞇ gaungo lıðe. þꞇ̅a lıð ꝩar oc unꝺarlıga ꝩel bueꞇ með ꝩapnu̅. ⁊ þar með haꝼðe ⸌þ̅⸍ øreꞇ arøðe. ⁊ þo aꞇ þꞇ̅a lıð ꝩ͛e ſva marꞇ arøðıſ ſnarꞇ er nu ꝩar ꝼra ſagꞇ. þa ꝩͬ þo aꞇ ꞇꝩoꝛo unꝺarlecꞇ er alex͛ ſcyllꝺe þ̅ ꝼyrır ꞇlaz aꞇ leɢıa unꝺ͛ ſıc allan heımen̅ eıgı með meıra lıðe. ⁊ þ̅ þo en̅ unꝺarlıgra er han̅ ſcyllꝺe þuı a leıð ko̅a. Braꞇꞇ epꞇ͛ þ̅ er k̅r haꝼðe þꞇ̅a lıð ſaman ſaꝼnaꞇ. þa gerðız þ̅ ꞇıl ꞇıðenꝺa ı þr̅e boꝛg a grıklanꝺe er aꞇʜene heıꞇ͛. aꞇ eın̅ mıkıll hoꝼðen-ge ſa er ꝺemoſꞇeneſ heꞇ. eggıaðe þeſſ boꝛgar men̅ena. aꞇ þ̅r neıꞇaðe þeſſo̅ eno̅ nyıa k̅ge oc þ̅r gına ꝩıð þeſſe ꝼlugu. ⁊ æꞇla aꞇ ꝩ͛ıa k̅ge boꝛgena eꝼ h̅ þar køme. lex͛ ſpyʀ þꞇ̅a braꞇꞇ ⁊ ſcunꝺar þegar h͛no̅ ꞇıl þeſſar boꝛgar. æꞇlar h̅ ⁊ aꞇ lyꝼıa þeı̅ ſıꞇꞇ oꝼ bellꝺe er ꝼyrſꞇ͛ gerðoz ꞇıl þeſſ aꞇ rıſa ímoꞇ h̅om. nema þ̅r rıðe ſcıoꞇꞇ a ꝩıꞇ ſın. ⁊ boꝛgarmen̅ ꝼın̅a eıgı ꝼyʀ. en k̅r kemr með h͛en̅ aꞇ boꝛgın̅e. þ̅r leɢıa þegar ſꞇeꝼno með ſer ı hauꝼuð kırkıu þr̅e er helguð ꝩar pallaꝺe. Pallaſ ꝩar kallað aꝼ heıðnu̅ m̅m ſpecðar gyðıa.  þeſſe ſꞇeꝼno ſꞇoð vpp eıƞ̅ rıkr mͬ ſa er eſchın᷒ heꞇ ⁊ ꞇalaðe þar ſnıallꞇ renꝺe. h̅ an̅ſa-caðe ꝺemoſꞇene̅ mıoc u̅ þ̅ er h̅ haꝼðı eggıað boꝛgar men̅ aꞇ ſnua ímoꞇ k̅ge. ⁊ h̅ bað boꝛgarlyðen̅ vpp geꝼaz ꝼyr k̅ge oc bıðıa ſer grıða ſem ꝼyrſꞇ. þ̅ rað ꞇoko þ̅r ſem þeſſı maðꝛ kenꝺı þeı̅. ⁊ þͥaꞇ þ̲ ꝩoro ſamlenꝺ͛ k̅ge. þa ꝩeıꞇꞇe h̅ þeı̅ þ̅ blıðlıga. ſem þ̲ baðo h̅ mıuklega. I þeſſe b̅g ꝩar ꝼoꝛðom rıcaſꞇr ſcole. ⁊ þͥ þoꞇꞇe k̅ge ꞇıl lıꞇılſ aꞇ b͛ıaz ꝩıð þa. aꞇ þ̅r kun̅u beꞇr rıꞇnın̅gar aꞇ ſcyra en ꝩapno̅ aꞇ ſꞇyra. ⁊ eıgı ꝩarð alex͛ meıra ꝼyr͛ aꞇ ꝩın̅a þesa b̅g en nu er ꝼᷓ ſagꞇ. Epꞇ͛ þꞇ̅a ſꞇeꝼn͛ k̅r h͛ ſıno̅ ꞇıl þr̅ar b̅gar er ꞇhebe heıꞇ͛ þeſſe ꝩar eín en geꞇaſꞇa b̅g ꝼoꝛðom a gͥclanꝺe. ⁊ er k̅r kemr aꞇ ſꞇaðıno̅. þa luka b̅gar men̅ apꞇr b̅gar hlıðono̅. ⁊ þuı neſꞇ hlaupa þ̅r vpp a b̅garveɢına alꝩapnaðer. ⁊ ſyna ſva k̅ge aꞇ þ̅r ꝩılıa ban̅a h̅om b̅gena. ⁊ eꝼ ꞇhebane heꝼðe ꞇeceꞇ ſlıcꞇ rað ſem aꞇhenıenſeſ þa mynꝺe þ̅r haꝼa ꝼengıꞇ ſꞇoðꝩað reıðı k̅ſ. ⁊ ꝼun̅eꞇ þar mıſcun̅ ⁊ mıllꝺe ſem gnog ꝩar ꝼyr͛ eꝼ mıuclega ꝩ͛e epꞇ͛ leıꞇað. En þuı aꞇ þ̅r ſynꝺo k̅ge mıkın̅ moꞇgang. þa reynꝺo þ̅r þ̅ aꞇ h̅ kun̅ı reꝼſa þeı̅ þr̅a ꝺırꝼð. ⁊ nıðꝛa þ̅ra ꝺrambe. ⁊ meðan k̅r hugſar hveſſo h̅ ſcyle þeſſa b̅g ꝩın̅a. þa koma ꞇıl h̅s hauꝼðıngıar marg͛ aꝼ eno̅ neſꞇo̅ b̅go̅. ⁊ ꞇıa ꝼyr͛ h̅om opꞇlega meðan h̅ ſıꞇr um b̅gına aꞇ þar heꝼðe ıaꝼnan vppſpreꞇꞇa ꝩ͛ıꞇ mıkılſ vꝼrıðar ı lanꝺıno. ⁊ þar heꝼðe margſ conar vꝺømı oꝛðıꞇ ı þeı̅ ſꞇað ſem ſeg͛ ı mıkılle boc þr̅e er heıꞇ͛ hyſꞇoꝛıa ꞇhebana. ꝼ ſlıco̅ ꝼoꝛꞇaulo̅ þruꞇnar mıoc reıðı k̅gſ ꞇıl b̅gar man̅a. ⁊ nu byðꝛ h̅ ſına men̅ ꝩapnaz. ⁊ ſkıa b̅gına. ⁊ þ̅r g͛a ſva. En b̅gar m̅ laꞇa þegar ꝺrıꝼa ſcoꞇ á þa. æꞇla þ̅r ſem þ̅r g͛a aꞇ veıꞇa harꞇ ꝩıðꝛ na̅. k̅ſ m̅ ꞇaka þa þ̅ rað aꞇ ſum͛ brıoꞇa b̅garveɢen̅ eꞇ neðꝛa með þeſſ konar ꞇolo̅ ſe̅ þar ꞇıl høꝼðe. en ſum͛ ſcuꞇu ſcıollꝺum yꝼ͛ þeı̅. ⁊ hlıꝼðu þeı̅ ſva ꝩıð ſcoꞇo̅ ⁊ grıoꞇe. ⁊ er b̅gar men̅ ſıa aꞇ k̅gſ men̅ munꝺo broꞇıð ꝼa b̅gına. þa hlaupa þ̅r ꝼelmſ ꝼullır ın̅ aꝼ b̅gar veggıono̅ oc leıꞇa ſer ꝼylſcna. En k̅ſ men̅ ꝺynıa þegar a høla þeım. ⁊ ꝺrepa þ̅r hvern er þ̅r ꝼın̅a. Oc er k̅r ſıalꝼr gengr ı b̅gena. þa kemr á moꞇ h̅om ſa mͬ er ꝺeaꝺeſ heꞇ h̅ ſaung ꝼyr͛ k̅ge með ꝼogro̅ ſꞇrengleık þ̅ er ſva ml̅ꞇe. eyr ðu alex͛ en̅ mıllꝺaſꞇe k̅r aꝼſprıngr goðan̅a hvarꞇ æꞇlar þu þ̅ ꝼyr͛ aꞇ eyða þeſſa b̅g með aullo. Laꞇ þer ı hug koma aꞇ arıſꞇoꞇıleſ ꝼoſꞇr ꝼaðer þın̅ kenꝺı þer þaꞇ rað aꞇ þu ſcyllꝺ͛ ꝩ͛a goðꝛ bøna þurpꞇugo̅ ⁊ þyrma ſıgroðo̅. Eða hvarꞇ ꝩeızꞇ u þ̅ aꞇ h͛ ꝩar en̅ helgı bak᷒ ꝼøꝺꝺꝛ í þeſſı b̅g. backu̅ kolloðo heıðn͛ m̅ ꝩıngoð ſıꞇꞇ. her ero ⁊ moꝛg aun̅oꝛ guð ꝼøꝺꝺ ſagðe h̅. Eın̅ aꝼ þeım h͛culeſ en̅ ſꞇerke ⁊ en̅ ꝩıðꝼǫrle er þu erꞇ ꝼᷓ komen̅ k̅gr. þyrm oſſ þa ꝼyr guðan̅a ſak͛ þoꞇꞇ ꝩ͛ ſem þeſſ vꝩerðır. vgſa ſva ꝼyr͛ þer aꞇ ſꞇꜹðocꞇ ꝩerðꝛ þ̅ rıkı er lıꞇla mıſcun̅ heꝼır með ſer. En̅ eꝼ þu erꞇ en̅ raðen̅ ꞇıl aꞇ laꞇa ꝺrepa allan b̅gar lyðeƞ̅. þa laꞇ ꞇa eıgı b̅gına ſꞇanꝺa með heılu lıce. þͥaꞇ hon er aull goðono̅ helgoð. Sva lauk ꝺeaꝺeſ ſıno male. aꞇ k̅r ſcıpaz eckı ꝩıð oꝛð h̅ſ. h̅ læꞇr alla b̅gena nıðꝛ brıoꞇa ſva ꝩanꝺlega aꞇ þar ſem aðꝛ hauꝼðo ꝩ͛ıꞇ ꞇurnar haꝩ͛ eða kaſꞇalar. þar ꝩar nu nalıga ſleꞇꞇ ıoꝛð. Ellꝺ leꞇ h̅ oc allz ſꞇaðar í leɢıa huſen þar ſem h̅ ꝼek þͥ á oꝛkaꞇ. Sıðan er k̅r haꝼðe maklıga heꝼnꞇ ꞇhebanıſ þr̅a ꝺırꝼð. ⁊ haꝼðe þar ſva kenꞇ lanꝺz m̅m aꞇ þıona nyıo̅ k̅g̅e. þa ſeꞇr h̅ ꞇıl lanꝺz aꞇ geꞇa þa men̅ er h̅om þoꞇꞇo ꝩel ꞇıl þeſſ ꝼalln͛. En h̅ byr ꝼerð ſına broꞇꞇ aꝼ lanꝺıno. ⁊ æꞇlar ſem h̅ g͛ır aꞇ h͛ıa a rıke ꝺarí k̅ſ. ⁊ nu læꞇr h̅ ſcıp ſın bua ⁊ hlaða aꝼ margſ conar gøzſco. aꞇ þ̅ ma hv͛r mͬ æꞇla aꞇ alex͛ k̅r mynꝺe eıgı ꝼa ſcıp nyꞇa mega ꞇıl ſlıcrar h͛ꝼerðar. Sva er ſagꞇ aꞇ k̅ren̅ heꝼðe ꞇueı̅ ſcıpo̅ méıʀ en halꝼꞇ an̅aꞇ .c. ⁊ þegar er ꞇıl þeſſ ꝩar bueꞇ. þa laꞇa k̅ſ men̅ ſcıp ſın oꝛ ꝼeſꞇu̅. ⁊ þar maꞇꞇe þa heyra mıken̅ luðra gang ⁊ þıoðſynlıcꞇ akall. Þar maꞇꞇe þa marka hveſſv mı-kıꞇ ꝼleſꞇ͛ un̅a ſıno ꝼoſꞇrlanꝺe. þ̅r gͥckern͛ ꝩoro nu ꝼúſer ꞇıl aꞇ ꝼylgıa k̅ge ⁊ b͛ıaz með h̅om ſer ꞇıl ꝼıar ⁊ meꞇnaðar. En all͛ aꝼ þeım í ſva mıklo̅ h͛ nema eın̅. þa ſeꞇꞇv augo ſín apꞇr um ſcuꞇ meðan þ̅r maꞇꞇo nockorn̅ ꝩıꞇa ſıa ꞇıl ꝼoſꞇr ıarðar ſın̅ar. k̅r ſıalꝼr leıꞇ allꝺ-regı apꞇr ꞇıl lanzenſ. ſva var h̅om mıkıl ꝼyſꞇ á aꞇ b͛ıaz ꝩıð ꝺarıu̅ k̅g aꞇ h̅ gleymðe þegar ꝼoſꞇrlanꝺe ſıno ⁊ ꝩar þar epꞇ͛ moðer h̅ſ ⁊ ſyſꞇr. En þegar er k̅r ſa aꞇ aſıa kom vpp ꝼyr ſꞇaꝼn ꝼram. þa glaꝺꝺez h̅ ſva mıoc ꝩıð aꞇ gleðen̅e ꝩarð neſꞇa rúmꝼaꞇꞇ ı brıoſꞇıno. ⁊ nu bıðꝛ han̅ ſına men̅ roa ꝼaſꞇ unꝺır ſeglum aꞇ þ̅r mæꞇꞇe ſem ꝼyrſꞇ lanꝺ ꞇaka. þ̅r koma nu ſva ner lanꝺıno aꞇ eıgı ꝩar lengᷓ ꞇıl haꝼnar en aurſcoꞇ. ⁊ þa ſcyꞇr k̅gr auro á lanꝺeꞇ upp ⁊ ſær͛ ſva ıoꝛð oꝩına ſın̅a. h̅ kallar þꞇ̅a gıpꞇoſamlıgꞇ heıll. ⁊ goꞇꞇ ſıgrmarc. ⁊ þvı ꞇruır heʀen̅ allr ⁊ lyſꞇr vpp ꝼagnaðar ope mıclo. þvı neſꞇ ꞇaka þ̅r lanꝺ. kaſꞇa nu akk͛um ⁊ b͛a upp lanꝺꝼeſꞇar. hrıoða ſcıp ſın ⁊ ſeꞇıa lanꝺꞇıollꝺ. En epꞇ͛ þꞇ̅a ſꞇarꝼ ſnæða þ̅r ꝼaſꞇ lenge ꝼra̅ á noꞇꞇena. ꞇ koman̅ꝺa moꝛne gengr k̅r á ꝼıall eıꞇꞇ háꞇꞇ ⁊ ſer þaðan yꝼ͛ lanꝺeꞇ. þar maꞇꞇe h̅ alla ꝩega ſıa ꝼra ſer ꝼagra vøllo bleıka akra ſꞇoꝛa ſcoga blomgaða ꝩíngarða ſꞇ͛car boꝛg͛. ⁊ er k̅ ſer yꝼ͛ þeſſa ꝼegrð alla. þa mælır h̅ ſua ꞇıl ꝩıllꝺar lıðſ ſınſ. Þeꞇꞇa rıkı er nu lıꞇ ec yꝼ͛ æꞇla ec mer ſıalꝼum. En gͥclanꝺ ꝼauðoꝛ leıꝼð mına ꝩıl ec nu geꝼa yðꝛ vpp ſeg͛ h̅ ꞇıl hauꝼðengıan̅a. ⁊ ſua ꞇreyſꞇız h̅ nu ſın̅ı geꝼu aꞇ h̅om þyckır ſem þꞇ̅a lıggı lauſꞇ ꝼyr͛. En h̅ ſcıpꞇ͛ nu gͥclanꝺı með þeı̅ aꝼ ſꞇoꝛmen̅ıno er h̅om þoꞇꞇo þeſſ maclıgſꞇ͛. h̅ ban̅aðe nu oc ſıno̅ m̅m aꞇ ꞇaka þar ſꞇranꝺhǫɢ. eða g͛a an̅aꞇ uſpaclecꞇ. ıaꝼnꞇ ſem h̅ æꞇꞇı ſıalꝼr hveꞇveꞇna þ̅ er ꝼyrır ꝩar. Þeſſo neſꞇ ſꞇeꝼnır k̅ ꞇıl þr̅a b̅ga er nalegaſꞇar ꝩoꝛo. ⁊ þ̅r men̅ er þær b̅g͛ bygðo þar ſem þ̅r ſpurðo aꞇ k̅r ſa en̅ vꞇlen̅ꝺe ꝩar ſva ꝼrıðſamr ⁊ þ̅r ꝩıſſo þo aꞇ h̅ haꝼðe mıkın̅ aꝼla. þa ꞇoko þ̅r ſnıallꞇ rað. ⁊ geꝼaz upp ſıalꝼkraꝼa ı ꝩallꝺ k̅ſ þeſſ. er með ꝺıupſeꞇꞇu raðe ꝼek ſva goꝛꞇ aꞇ han̅ þyrmðe oꝩıno̅ ſıno̅. ⁊ lagðe þa þo unꝺ͛ ſec barꝺaga lauſꞇ. Epꞇ͛ þꞇ̅a ꝼeʀ alex͛ k̅r a þan̅ luꞇa rıkıſenſ er ꝼrıgıa heıꞇ͛. þar haꝼðe ſꞇaðeꞇ ꝼoꝛðom b̅g ſu er ꞇͦıo ꝩar kaulloð. þ̅ haꝼa men̅ ꝼyr ſaꞇꞇ aꞇ þeſſı b̅g haꝼe ꝼoꝛðom meſꞇ ꝩ͛eꞇ ⁊ ſꞇerkoſꞇ ſem raun bar á. þͥaꞇ agamen̅on grıckıa k̅r ſaꞇ um hana .x. ꝩeꞇr með marga kappa ⁊ oꞇalegan h͛ aðꝛ h̅ ꝼenge broꞇeð h̅a ꝼyr prıámo k̅ge ⁊ ſonu̅ h̅s. Þengaꞇ ꝼoꝛ alex͛ k̅r ꝼyr ꝼoꝛꝩıꞇne eꝼ h̅ mæꞇꞇe ſıa nockvoꞇ m͛ke þr̅a ſꞇoꝛꞇıðenꝺa er þar hauꝼðo goꝛz. ⁊ h̅ kom nu þar ſem ꞇͦıa haꝼðe ſꞇaðeꞇ. h̅ar maꞇꞇe nu eckı ſıa an̅aꞇ en grun̅ꝺꝩoll eın̅. Þar aꝼ maꞇꞇe þo ſıa hveſſv mıkıl b̅gen mynꝺe ꝩ͛eꞇ haꝼa. ⁊ nu er k̅r hugðe aꞇ hvar hverge þr̅a kappan̅a er þar ꝼellv munꝺo ıarðaðer ꝩera. þͥaꞇ ꝩar a legſꞇeıno̅ rıꞇað yꝼ͛ hv͛ıom þr̅a. þa kemr k̅r þar aꞇ er achılleſ ꝩar ıarðaðꝛ. En þꞇ̅a ꝩar rıꞇað a legſꞇeıne h̅s. ͛ hvılır achılleſ en̅ ſꞇerke er ꝺrap hecꞇoꝛe̅ ſon prıamı k̅ſ. Sıa en̅ ſame ꝩar ſvıken̅ í ꞇrygð ⁊ ꝺrepın̅ aꝼ parıꝺe broðoꝛ hecꞇoꝛıſ ı ſolar guðſ hoꝼe.  þƞ̅a legꞇíꞇul ſa k̅r. þͥaꞇ h̅om þoꞇꞇe mıkılſ um ꝩ͛ꞇ. ⁊ epꞇ͛ þ̅ bar h̅ ſıalꝼr reykelſı yꝼ͛ leıðeꞇ ſem þar ꝩ͛e nockvoꝛr heılagr maðꝛ ıarðaðꝛ. Sıðan ml̅ꞇı h̅. ſva haleíꞇ er þeſſa man̅z hamın̅gıa oꝛðen er h̅͛ hvılır allra hellzꞇ ı þͥ aꞇ h̅ſ ꝼręgð man ſúa lengı lıꝼa. ⁊ mıkıl ſæmð ꝩar h̅om ı þvı aꞇ ſıgra ſva mıken̅ kappa ſem ekꞇoꝛ ꝩar. En þ̅ þycke mer h̅om þo meſꞇr ſømðar ꜹke ꝩ͛eꞇ haꝼa aꞇ ſua goðꝛ klercr ſem homer᷒ ꝩar gerðe boc v̅ h̅s ſꞇoꝛꝩırke þa er allan allꝺꝛ man vppı ꝩ͛a. ⁊ þeſſ ꝩıllꝺa ec øſcıa aꞇ nockoꝛr mͬ ꝩ͛e m͛ ſlıcr epꞇ͛ lıꝼláꞇ mıꞇ ſem hom͛uſ ꝩar ackıllı eꝼ ꝩer ꝼam nockoꞇ þeſſ goꝛꞇ. e͛ loꝼlegᷓr vmræðo þycke ꝩ͛ꞇ. Sa luꞇr er þo ſva aꞇ ec kvıða hellzꞇ þo aꞇ ec ꝼa unꝺ͛ mec lagꞇ allan heımen̅ ſem mek ꝩar͛ aꞇ ꝩ͛a myne. aꞇ mıkel ꝼrægð lıꝼe ſcemr epꞇ͛ mec en ec ꝩıllꝺa. ⁊ eꝼ ec ſcyllꝺa an̅arſ hvarſ. þa ꝩıllꝺa ec hımınrı-keſ hellꝺꝛ mıſſa en ꝼrægðaren̅ar. ſeg͛ h̅. Epꞇ͛ þꞇ̅a mæl͛ k̅r ſva ꞇıl ſın̅a man̅a. Laꞇeð eıgı þ̅ ſcelꝼa yðꝛ aꝼ h͛naðe þeım e͛ þer haꝼeꞇ vpp ꞇekeꞇ þoꞇꞇ hamın̅gıa ſe mıoc o ſꞇaðug. þͥaꞇ oꝩ͛ðꝛ e͛ ſa ꝼarſælꝺar er h̅ ꝩıll eckı þola þ̅ er harꞇ þyckır. en þoꞇꞇ man̅e ꝩeıꞇı þungꞇ v̅ ſꞇunꝺar ſac͛. þa kemr þo ıaꝼnan logn a bac ꝩınꝺe. En þͥaꞇ yðꝛ man vnꝺarlıcꞇ þyckıa hvað-an ec mega ſva mıoc ꞇreyſꞇaz vaʀe ꝼarſællꝺ. þa ꝩıl ec nu þaꞇ kvn̅ıcꞇ g͛a þo aꞇ ec haꝼa hlıoꞇꞇ yꝼ͛ þͥ laꞇeð hıgaꞇ ꞇıl. þa er ec haꝼða heꝼnꞇ ꝼoðoꝛ mınſ. bar ſva opꞇlıga ꞇıl aꞇ ec vacða þa v̅ neꞇr e͛ aðꝛer ſvauo oc hugſaða g með m͛ hvarꞇ ec ſcyllꝺa aꞇ eınſ ꝩ͛ıa þ̅ rıke er ꝼaðer mın̅ haꝼðe aꞇꞇ. eða aꝼla mer meıra. Oc eınſ hv͛ıa noꞇꞇ aꞇ aullo̅ auðꝛo̅ ſoꝼanꝺo̅ ı mınu ſveꝼnın̅e þa er ec vacða vm ſlıcꞇ hugſe. kom mıkıꞇ ⁊ bıarꞇ lıoſ yꝼ͛ mec. þvı lıo-ſe ꝼylgðe eın̅ gauꝼuglegr mͬ eꝼ loꝼaꞇ ſcal man̅ aꞇ kalla. h̅ ꝩar harðla ꝩel klæꝺꝺꝛ. ⁊ þvı lıcaſꞇ ſem byſcopar þa er þ̅r ero ſcryꝺꝺer byſcopſ ſcruðe. Tolꝼ en͛ ꝺyrſꞇo ſꞇeınar ꝩoꝛo ſeꞇꞇ͛ ı klæðı h̅s ꝼᷓman a brıoſꞇeð. J en̅e þeſſa man̅z ꝩar rıꞇað ſcılıceꞇ ꞇeꞇᷓgramaꞇon. þ̅ ꝼeck ec eıgı ſcıleꞇ ſeg͛ k̅r þͥaꞇ þ̅ ⸌ꝩar⸍ a þeſſ conar ꞇungu rıꞇað er m͛ ꝩar vkun̅ıcꞇ. Sıðklæꝺꝛ ꝩar h̅ ſva aꞇ ꝼyr kleðono̅ maꞇꞇa ec eıgı ſıa ꝼæꞇr h̅ſ. Mıkıl ogn ſꞇoð mer aꝼ þeſſo̅ man̅e. aꝼða ec ꞇom ꞇıl aꞇ ſpyrıa en þoꝛan eıgı hveʀ h̅ ꝩ͛e eða hvaðan. ⁊ aꞇ hͥ h̅ ꝼøre. h̅ maꞇ eckı kveðıoꝛ ꝩıð mec. ⁊ ml̅ꞇı ſva ꞇıl mın. Ꝼar ðu abrauꞇ aꝼ ꝼoſꞇr lanꝺe þıno alex͛. þͥaꞇ ec man allꞇ ꝼolk unꝺ͛ þıc leggıa. ⁊ eꝼ þu ſer mıc nockoꞇ ſın̅ þͥlıkan ſem nu ſyno̅z ec þer. þa ſcallꞇ u þyrma mıno̅ maun̅o̅ ꝼyr͛ mınar ſak͛. oc epꞇ͛ þ̅ hvarꝼ h̅ vpp ı lopꞇeð ꝼra m͛ ſeg͛ k̅r. ⁊ þa ꝼylꝺe h̅ h͛bergeð ı brauꞇ ꝼoꝛ ſın̅e eno̅ ꝺyrlegſꞇa ılm. Epꞇ͛ ſagða þeſſa ꝩıꞇᷓn mæl͛ k̅r ſva ꞇıl rıꝺꝺ͛a ſın̅a. Þ̅ ſcolo þer ꝩıꞇa en͛ ꝩauſco ꝺrengır aꞇ ı þeſſ ꞇrauſꞇe er m͛ ꝩıꞇraðez muno þer yðarn̅ her ſcap ꝼremıa. ⁊ nu ſnyr k̅r apꞇr ꞇıl ſın̅a h͛buða. En þeſſe ꝩıꞇᷓn ꝼek ſına ꝼramkvemð lıꞇlu ſıðarr ⁊ ſan̅aðez með þeı̅ heꞇꞇe. aꞇ epꞇ͛ þ̅ er alex͛ k̅r haꝼðe un̅eꞇ þa b̅g a ıoꝛſalal̅ er ꞇıruſ heıꞇ͛. þa ſꞇeꝼnꝺı h̅ ꞇıl ıoꝛſalab̅gar með mıklo lıðe ⁊ æꞇlaðe h̅ aꞇ brıoꞇa b̅gena. en nıðꝛa gyðenga ꞇıgn ⁊ ſꝩıꝩırða ꞇemplu̅ ꝺn̅ı ſem aðꝛer heıðner k̅gar havꝼðo goꝛꞇ ꝼyr͛ h̅om. ⁊ er b̅gar men̅ ſpyrıa þeſſa ꝼyr͛ æꞇlan k̅ſ. þa ꞇaka þ̅r þ̅ rað. aꞇ byſcop ſa er þa ꝩar aꞇ ſꞇaðno̅ gengr uꞇ með aullo̅ hauꝼðıngıom b̅garın̅ar ⁊ g͛ır ꝩırðulıga ꝓceſſıonem amoꞇ k̅ge. ⁊ æꞇlar ſva aꞇ ſꝩeꝼıa h̅ſ reıðı. ⁊ þegar e͛ k̅r ſer byſcop. þa kemr h̅om ı hug aꞇ ſa maðꝛ ꝩar ıaꝼnꞇ þan̅ug buın̅ er h̅om ꝩıꞇ-raðız ꝼyrr meıʀ. ⁊ h̅ ſꞇıgr þegar aꝼ heſꞇı ſıno̅ ⁊ ꝼellr a kne ꝼyr byſcope. þꞇ̅a unꝺruðuz k̅ſ men̅ mıoc er k̅r lıꞇelæꞇꞇı ſec ſva mıoc aꞇ h̅ lauꞇ þeſſum man̅e. þar ſem þ̅r ꝩıſſv aðꝛ aꞇ h̅ ꝩıllꝺe alla laꞇa ꞇıl ſın luꞇa. ⁊ þ̅r hauꝼðo h̅ aungo̅ ꝼyʀ ſeꞇ ſıꞇꞇ hauꝼoð hnegıa. Þa ſꞇauðꝩar k̅r ſıꞇꞇ lıð ⁊ kallar ſꞇoꝛgeꞇꞇınga ſına með ſer. rıðꝛ ſıðan ı b̅gına ꝼrıðſamlı-ga. oꝼꝼrar ꞇıl ꞇemplu̅ ꝺn̅ı margar ſꞇoꝛar g͛ſımar þær ſem þ̅r kaulloðo þægılıgſꞇar gvðe er ꝩarðveıꞇꞇv muſꞇerıð. h̅ heıꞇr ⁊ þvı gyðıngo̅ ſem h̅ eꝼnꝺe. aꞇ þ̅r ſcyllꝺo ǽ ı ꝼrıðe ꝩ͛a ⁊ goðo yꝼ͛lęꞇı meðan h̅ſ rıkı ſꞇøðe. S kvıꞇꞇr ko̅ nu ꞇıl eyrna ꝺarıo k̅ge. aꞇ alex͛ k̅r ꝩar komın̅ ı rıke h̅ſ með h͛ſcıllꝺe. Oc þͥaꞇ ꝺarı᷒ k̅r haꝼðe lenge u̅ kyrꞇ ſeꞇıð ı goðom ꝼrıðe. en̅ aꝼ ꝩan̅ız ſꞇyrıollꝺ ⁊ vꝼrıðe þa bregðꝛ h̅om ꝩıð þeſſe ꞇıð-enꝺı nockvoꞇ. Oc þo aꞇ h̅ ꝩ͛e ꝩıðlenꝺare ꝼyr ſac͛ margᷓ ſcaꞇꞇk̅ga rıkare. mıclo ꝼe ſꞇer-kare. aꝼ ageꞇo ꝼoꝛellre ꞇıgnare. ꝼyr allꝺꝛ ſac͛ ⁊ ꝼregðar ı ſıno̅ rıkꝺome ꝼullko̅nare en alex͛. þa ꝩarð h̅ þo þegar ı hugıno̅ løgrı. þar ſem h̅ maꞇꞇe ı hvıꝩeꞇna meıre ꝩ͛a eꝼ h̅ heꝼðe ſva gnogan ꝩılıa ꞇıl aꞇ ꝩ͛ıa lonꝺ ſın ſem h̅ haꝼðe yrın ꝼóngın á. Oc þͥaꞇ .ꝺ᷒. k̅r ꝩar ꝼrıðe ꝩanr ⁊ mıclo bılıꝼe. þa ꝩarð h̅ raunꞇregr ꞇıl vꝼrıðarınſ. En aꞇ e̅gı þøꞇꞇe ſva ſem k̅glıcꞇ ꝩallꝺ mın̅kaðız eða ſcelꝼðız ꝩıð þen̅a ꞇıðenꝺa paꞇa. þa løꞇr .ꝺ. k̅r ſc͛a h͛oꝛꝩar vpp v̅ rıke ſıꞇꞇ ⁊ h̅om ſamnaz braꞇꞇ vꞇalegr heʀ. Oc ı þvı bılı ſenꝺ͛ .ꝺ. k̅r alexanꝺͦ k̅ge breꝼ þ̅ er þeſſe oꝛð ſꞇoðo a. arı᷒ k̅r k̅ga ꝼren̅ꝺe guðan̅a ſenꝺ͛ þꞇ̅a breꝼ alexanꝺͦ þıon ſıno̅. Þoꞇꞇ þv ſer alex͛ lıklegr ꞇıl vppreıſꞇar ꝼyr͛ ſac͛ goðrar æꞇꞇar. þa þyrm ðv þo lıꞇ-lum allꝺͥ ⁊ en̅ ꝩaxanꝺa. Vſcaplecꞇ er aꞇ ꞇaka allꝺen aꝼ ꞇreno ꝼyʀ en ꝼullꝩaxıꞇ er. aꝼ mıꞇꞇ rað ⁊ legg nıðꝛ ſem ſcıoꞇaſꞇ ꝩapn þau er heımſleg oꝼꝺırꝼð eggıaðe þıc ꞇıl vpp aꞇ ꞇaka. Ꝼar heım ꞇıl moðoꝛ þın̅ar ⁊ haꝼ með þer þeſſa luꞇı er ec ſenꝺe þer aꞇ gıoꝼ. þ̅ er raðnengar ſvıpa er allꝺre þıno̅ hǽꝼır. ⁊ bollr eın̅ er þ͛ ſam͛ en̅ beꞇr aꞇ leıka með en ſcı-ollꝺꝛ eða ſverð. þar með ſenꝺı ec þer ꝼehırðzloꝛ þør e͛ ꝼa mono þer yrna ſcoꞇ pen̅-ınga ꞇıl aꞇ koma heım apꞇr o ſollꞇno lıðe þıno. En eꝼ ſva mıkıl ðe byr ı þıno bͥoſꞇe, aꞇ þer þycke ꝺeıllꝺ ꝼrıðe beꞇͥ með mıno̅ ꝼıanꝺſcap. þa man ec ſenꝺa ꞇıl aꞇ reꝼſa þ͛. eıgı rıꝺꝺara mına. hellꝺꝛ ꝩegðar lauſa þrela. þa er þıc ſcolo ı pͥſunꝺ ſeꞇıa ⁊ laꞇa ſva bıða neíſulegſ ꝺauða. þa er alex͛ k̅r haꝼðe yꝼ͛ leſıꞇ brøꝼ þꞇ̅a leꞇr h̅ ſer lıꞇꞇ bregða vıð þeſſe akeꝼðar oꝛð. anꝺꝩarpar þo ꝩıð nockoꞇ ſva. ræðır ſıðan ſꞇıllelega ꞇıl ſenꝺımͣ .ꝺͥ. k̅ſ. Beꞇr ꝩırðe ec gauꝼoglegaʀ gıaꝼar k̅ſ en ſıalꝼr h̅. Bollren̅ markar með ꝩexꞇe ſı-no̅ heım þen̅a er ec man unꝺ͛ mec leggıa. Með ſvıpo þeſſe ſcal ec ꞇemıa þa ſerkına þa er ec heꝼe epꞇ͛ ꝼengen̅ ſıgr vpp broꞇeꞇ allar ꝼehırzloꝛ ꝺarí k̅ſ. Slıc oꝛð rıꞇar han̅ apꞇr ꞇıl ſerkıa k̅ſ. ⁊ ſeꞇr ꝼyr͛ ſıꞇꞇ ın̅ſcıgle. h̅ geꝼr ſenꝺı m̅m ꝩırðulegar gıaꝼ͛ oc bıðꝛ apꞇr ꝼara ꝩıð ſva bueꞇ. arı᷒ k̅r ꝼeʀ nu með h͛ ſın̅ ꞇıl ár þr̅ar er evꝼraꞇeſ heıꞇ͛ hͦ er eın aꝼ þeı̅ ꝼıoꝛo̅ er oꝛ paraꝺıſo ꝼalla. ̅ ſer nu þ̅ aꝼ breꝼo̅ alexanꝺͥ .k. aꞇ eıgı man með ſꞇoꝛyrðom eıno̅ hrınꝺa mega h̅ſ hernaðe. Oc a ſleꞇꞇo̅ ꝩaullo̅ þeım er lago vıð ana. ſeꞇr .ꝺ. k. herbuðır ſınar. h̅ ſꞇeꝼn͛ nu lıðenu eınhvern̅ ꝺag vꞇ á ꝩollona ⁊ løꞇr ꞇıl ꞇaka aꞇ ꞇelıa lıðeꞇ ı ſolar vppráſ. ⁊ ſu ſyſla ꝩın̅z þan̅ ꝺag ꞇıl kvellz. ⁊ ꝼek þeyge ꞇalꞇ. Oc nu hyɢr .ꝺ. k̅r þ̅ aꞇ ꝼyr ſak͛ mıkelſ ꝩapna bunaðar. ⁊ vꞇallıgſ herſ mone enge þoꝛa ꝩıð h̅om rønꝺ aꞇ reıſa. Nu ſenꝺ͛ h̅ ꝼyr ſer með vgryn̅e lıðſ hauꝼðın-gıa þan̅ er me̅non heꞇ aꞇ reyna ſꞇyrc alexanꝺͥ ⁊ ꝩ͛ıa h̅om b̅g þa er ſarꝺıſ héıꞇ͛. Men̅on haꝼðe .vı. hunꝺruð þuſunꝺa lıðſ. en þoꞇꞇ alex͛ heꝼðe mıclo mın̅a lıð. þa ꝼek h̅ þo ſıgr ꝼyr hvaꞇleıcſ ſaker ſın̅a man̅a ⁊ leggr vnꝺ͛ ſec b̅gına. J borg þeſſe ꝩar þoꝛſ hoꝼ í mıclo hallꝺe. ⁊ ı hoꝼıno ſꞇoð ꝩagn eın̅. h̅ ꝩar með nockoꝛſ konar ꝩel ſva ꝼeſꞇr ꝩıð ok eða ſıla. aꞇ engı kun̅e ꝼᷓ leyſa. Vagnen̅ haꝼðe þar lenge ſꞇaðeꞇ ı hoꝼeno. ⁊ ſa ꝩar aꞇrvnaðr b̅gar man̅a. aꞇ engı mynꝺe leyſꞇ ꝼa ſcauk-lana ꝼra okeno. ne̅a ſa er ſıðan ꝼenge ſıgraꞇ allꞇ aſıa̅. Oc er alex͛ k̅r ſpurðe þꞇ̅a. þa ꝩar h̅om mıkıꞇ v̅ aꞇ reyna hvarꞇ h̅ ꝼenge leyſꞇ knuꞇana. ⁊ þͥaꞇ h̅ ꝩıllꝺe gıar-na ꝼyr ſec laꞇa ꝼyllaz oꝛlagan̅a ſcıpan. þa ꞇekr h̅ vpp okeꞇ ⁊ ꝩıll ꝼra leyſa ſcauklana ⁊ ꝼær e̅gı leyſꞇ. En aꞇ eıgı þøꞇꞇı þeım ſva er hıa ſꞇoðo ſem þꞇ̅a ꝩ͛e k̅geno̅ ıllꞇ heıll. þa ſeg͛ h̅ ſva ꞇıl ſın̅a man̅a. yarꞇ hyɢɢıð er man̅e nockoꝛſ aꞇ auðnara. aꞇ h̅ ꝼae knuꞇa þessa leyſꞇ. eða ꝩıꞇı með hꝩerrı lıſꞇ þ̅r ero ſaman rıðn͛. Mıkıll hegome ſeger h̅ aꞇ ꞇrua ſlıco. bregðꝛ ſıðan ſverðı ⁊ høɢr ı ſvnꝺꝛ knuꞇana. Oc h͛ ꝩar nu an̅aꞇ hvarꞇ. aꞇ alex͛ k̅r ꝼyllꝺe þ̅ er oꝛlogen hoꝼðo ꝼyr͛ ſcıpaꞇ. þoꞇꞇ h̅ leyſꞇe knuꞇana hellꝺꝛ með ſverðe. en með honꝺo̅ ſer. ella ſynꝺe h̅ þ̅ aꞇ þeſſe aꞇrunaðr. haꝼðe hegomlegr ꝩ͛eꞇ. Nv ꝼeʀ .͛. k̅r heðan ꞇıl þeſſ ſꞇað-ar er anchıra heıꞇ͛. ⁊ meðan h̅ ꝺuelſ þar. þa ſenꝺ͛ h̅ nockoꝛn̅ hluꞇa lıðſ ſınſ aꞇ leggıa vnꝺ͛ ſek þær þıoðer er capaꝺoceſ heıꞇa. ⁊ er h̅ſ men̅ koma apꞇr með ꝼengnu̅ ſıgre. þa ſꞇeꝼn͛ h̅ með h͛ ſınom ımoꞇ ꝺarıo k̅ge ⁊ ꝼeʀ nu ſva hvaꞇlega. aꞇ þ̅ ꝩar ner ꝼra lıkenꝺo̅. ⁊ þvı ſcvnꝺar h̅ ſva. aꞇ þaðan ſem h̅ ꝩar þa ſꞇaꝺꝺꝛ er aꞇ ꝼara ıƞ̅ ı megın lanꝺzenſ um þrøngva ꝺale ⁊ mıclar ꞇoꝛꝼøꝛoꝛ. ⁊ eꝼ .ꝺ. k̅ heꝼðe þan̅og ſcıoꞇare oꝛðeꞇ. þa heꝼðe h̅ þar maꞇꞇ ꞇeppa alexanꝺͦ ſꞇıg. Darı᷒ k̅r ꝼlyꞇr nu oc abroꞇꞇ h͛buðer ſınar ꝼᷓ ane evꝼᷓꞇe. þar ſcoꝛꞇ͛ nu eıgı ꝩapna brac ⁊ mıkın̅ luðra gang. ̅ ſꞇeꝼn͛ aullo̅ h͛ ſıno̅ ímoꞇ alexͦ .k̅. En ſua ſcıpar h̅ lıðe ſıno aꞇ ı ꝼyrſꞇo ꝼylkıngo ꝩar lıkneſcı guðſ þr̅a er ıupıꞇ͛ heıꞇ͛ a laꞇıno. en þoꝛr a ꝩara ꞇungo. þoꝛ ꝩar ſva umbuð ꝩeíꞇꞇ ꝼyr͛ ſak͛ mıkılſ aꞇrunaðar er ſerk͛ hoꝼðo ꞇıl h̅s. aꞇ h̅ ſaꞇ ı gullegre keʀo ſeꞇre ꝺyro̅ ſꞇeı̅-nom. ꝼra̅me ꝼyr͛ h̅om ꝩar allꞇare ꝼag⸌r⸍lega með ſılꝼrı bueꞇ. á alꞇareno bᷓn ellꝺr mıkıll ꝼyr͛ lıneſcı þoꝛſ. Ellꝺꝛ ſa ſcyllꝺe allꝺrege ſlocna þ̅ kaulloðo þ̅r ꝩıgðan ellꝺ. Ꝼyr͛ kerro þoꝛſ ꝩoꝛo marg͛ heſꞇar beıꞇꞇ͛ ſníohvıꞇ͛ aꞇ lıꞇ. Tolꝼ þıoðer ꝩoro ꞇıl ſeꞇꞇar aꞇ ꝩarðꝩeıꞇa þen̅a bloꞇſcap. þær e͛ a ſına ꞇungo ml̅ꞇı hꝩ͛. ⁊ ı þeſſe ꝼylkıngo ꝩͦ þ̅r me̅n er alðyðan hvgðe aꞇ oꝺauðlegır mynꝺe ꝩ͛a ꝼyr͛ ſac͛ ıðulegᷓr þıonoſꞇo er þ̅r ꝩeıꞇꞇo gvðono̅. þꞇ̅a lıð allꞇ ſaman ꝩͦ .x. þuſunꝺ͛. J an̅arre ꝼylkıng ꝩͦ ꝼremſꞇ͛ ꝼrønꝺr ꝺarí k̅ſ marg͛ ⁊ gauꝼg͛ með .xv. þuſunꝺ͛. þ̅r ꝩͦ lıkara bun͛ kono̅ en h͛m̅m. þͥaꞇ klæðe þr̅a ꝩͦ ꝩıða gulle buen. J mıðre ꝼylkıngon̅e ſaꞇ ſıalꝼr .ꝺ. k̅r ı gullegre kerro. þar ꝩar ſcıpaꞇ a baðar henꝺꝛ h̅om moꝛgo̅ guðum þeım er h̅ þoꞇꞇız mı-kıꞇ ꞇrauſꞇ unꝺ͛ eıga. Vppı yꝼ͛ kerro k̅gſenſ ſaꞇ eıƞ̅ are. h̅ ꝩͬ algyllꞇr. ⁊ breıꝺꝺe vængına vꞇ yꝼ͛ keʀona á alla ꝩega ⁊ hlıꝼðe ſva k̅ge með ſcugga ſıno̅ ꝩıð ſolarhıꞇa. ꝼ þeſſo̅ bunaðe gulle glæſꞇo̅ ⁊ gımſꞇeıno̅ maꞇꞇe .ꝺ. k. aukenꝺꝛ ꝩ͛a aꝼ aullo̅ h͛ıno̅. Ꝼra̅-me ꝼyr͛ ſer haꝼðe k̅r ſcıpaꞇ .x. þuſunꝺum þeſ lıðſ er allꞇ ꝩar ſpıoꞇaꞇ. eıgı ꝩar gull eða ſılꝼr ſparaꞇ ꝩıð ſpıoꞇen. meıʀ ꝩͦ ꝼleſꞇ gøꝛ ꞇıl ꝼrægðar en ꝼremðar í ꝩapna ſcıpꞇe. arı᷒ k̅r haꝼðe oc eınko̅ ꞇıl ſeꞇꞇ aꞇ geꞇa ſın .cc. man̅a a hvara hlıð. þ̅r eın͛ men̅ ꝩͦ ꞇıl þeſſ ꝩalðer er k̅ga kynſ ꝩͦ eða aꝼ auðꝛo̅ eno̅ gauꝼgoſꞇo̅ æꞇꞇo̅. Oc aꞇ eıgı ꝩ͛e gͥckıom auðſoꞇꞇ aꞇ ſækıa k̅gen̅ þa lykr h̅ vꞇan ꝼylkıng ſına með .xxx. þuſunꝺa ꝼoꞇgongo lıðſ. þeſſ er unꝺarlega ꝩar ꝩel aꞇ ꝩapno̅ bueꞇ. J þrıðıu ꝼylkıngo ꝩͬ ͦ ꝺarí k̅gſ ⁊ ꝺͦꞇnıngın kona h̅ſ boꝛn þr̅a ⁊ allꞇ ſcullꝺa lıð h̅ſ þ̅ er h̅om ꝩar meſꞇ v̅ hugaꞇ. þꞇ̅a lıð allꞇ ſaman ꝼluꞇꞇız ı ꝼım ꞇego̅ ꝩagna. þ̅ ꝩar ſerkıom ꞇıꞇꞇ í þan̅ ꞇıma þeı̅ er rıkaſꞇ͛ ꝩͦ aꞇ haꝼa með ſer ꞇıl barꝺaga allꞇ hyſce ſıꞇꞇ ⁊ laꞇa það-an auðenſ bıða. Með þeſſo lıðe lęꞇr k̅r ꝼlyꞇıa ꝼıarhluꞇ ſın̅ á .vı. hunꝺraðu̅ mula ⁊ .ııı. hvnꝺraðu̅ ulꝼallꝺa. Tıl gezlo ꝩıð boꝛn ⁊ konor ⁊ k̅ſ ꝼehırzloꝛ ꝩar ſeꞇꞇr ꝼıolðe bogman̅a ⁊ þr̅a er með ſløngoꝛ ꝼoꝛo. ſıðarſꞇ ꝼoꝛ þ̅ lıð er í noꝛegı monꝺe leıðangrſ lıð kal-laꞇ ꝩ͛a. Marꞇ aꝼ þeſſo lıðe ꝩar lıꞇꞇ ꝩapnað en ſva mıkell mugr ꝩar þ̅ allꞇ ſaman aꞇ eıgı ꝼek ꞇalꞇ. Slıcꞇ er ſagꞇ ꝼᷓ lıðſcıpan ⁊ lıðſꝼıolða ꝺarí k̅ſ. En hv͛r er þꞇ̅a kallar lyge-lega ſagꞇ. eða ꞇelr ſlıcꞇ með ykıo̅ þa leſe ꝼyʀ en ꝼøle lıbru̅ machabeoꝝ. þa boc er en̅ helge ıeronım᷒ p͛ heꝼ͛ ꝼørꞇ aꝼ ebreſcu ı laꞇıno ⁊ venꞇ͛ mek aꞇ h̅ mone ꝼın̅a þar ſagꞇ aꞇ nꞇıoch᷒ ſerkıa k̅r haꝼðe með ſer ꞇıl ıoꝛſalal̅z .c. þuſunꝺa ꝼoꞇgongo lıðſ. ⁊ xx. þuſunꝺer rıꝺꝺ͛a þa er h̅ eꞇlaðız aꞇ ſıgᷓ ıuꝺam machabeum er þa ꝩar með brøðro̅ ſıno̅ hauꝼðınge yꝼ͛ gyðenga ꝼolke. Nu er aꞇ ſegıa ꝼᷓ .aͦ. aꞇ hvar ſem h̅ ꝼeʀ þa ſꞇøkr lanz ꝼolkıꞇ unꝺan ⁊ eyðır heroðın. ⁊ er h̅ ſer þ̅. þa ꝼlyꞇr h̅ herbuðer ſınar ꞇıl þr̅a ſꞇaða er gaml͛ m̅ kauꝇoðo herbuðır cırı k̅ſ. þaðan ſenꝺ͛ .aͬ. k̅r p̲menıone̅. þan̅ eƞ̅ ꝺyrſꞇa hauꝼðengıa er ꝩar ı lıðe h̅ſ aꞇ ge-ꞇa b̅gar þr̅ar er ꞇharſuſ heıꞇ͛. lanz m̅ ꝩıllꝺo breƞ̅a b̅gına. J þeſſo̅ ſꞇað ꝩar ſıðan ꝼøꝺꝺꝛ en̅ ſøle páll pl̅e. P̲menıo byr nu þar ꝼırı k̅ge. en h̅ kemr ſıalꝼr ſꞇunꝺu ſıðaʀ. Epꞇ͛ mıðꝛe b̅geƞ̅e ꝼellr  ſu er cıgn᷒ heıꞇ͛. ꝼagrꞇ ꝩaꞇn̅ ⁊ ſcırꞇ. her ꝼyſır k̅g ꞇıl a ſunꝺ aꞇ ꝼara. þar ꝩͬ bøðe aꞇ h̅om haꝼðe heıꞇꞇ goꝛꞇ vnꝺ͛ h͛kløðono̅ aꝼ mıclo̅ ſolar hıꞇa þͥaꞇ þꞇ̅a ꝩar v̅ mıðſumarſſceıð. enꝺa ꝩıllꝺe h̅ ꝼyr meꞇnaðar ſac͛ ſyna ıðroꞇꞇ ſına. ͛ maꞇꞇe nu ſıa aꞇ ſcıoꞇr aꞇburðꝛ ꝼekz ꝩıð oꝛlogen. ⁊ leıꞇaðe þeım u̅ aꞇ ꞇurna. ⁊ ı þeſſom aꞇburð ſꞇaðnaðe nockoꞇ hamın-gıa k̅gſenſ. ̅ leypr alſꝩeíꞇꞇr a kallꞇ ꝩaꞇn̅. ⁊ þegar ꞇekr kulðın̅ aꞇ ſꞇe̅ma ꝩınꝺæðarnar en k̅r ſꞇırðnar. Oc nu ꝩerðꝛ h̅ þegar ꞇıl lanꝺz aꞇ leggıa ſem hꝩaꞇlegaſꞇ. ͛ aꝼ ꞇekr h̅ nu ſoꞇꞇ mıkla. ſꝩa aꞇ ſıalꝼu̅ h̅om þıcker oꝛꝩenꞇ aꞇ h̅ mone ꝩıð reꞇꞇa. h̅ e͛ nu boren̅ ꞇıl her-bergıſ ſínſ. en ı herbuðom g͛ız gᷓꞇr mıkıll. ſeg͛ hveʀ oðru̅ aꞇ k̅r er aꞇ komen̅ bana. Oc ſva ꞇaka ſum͛ ꞇıl oꝛðz. hv͛r ſcynꝺelegr aꞇburðꝛ heꝼ͛ ſva ſcıoꞇꞇ raðeꞇ k̅ge ꝩaro̅ ꞇıl bana. Þu en uſꞇaðuga hamıngıa hvıꝩeꞇna grı̅mare ſegıa þ̅r ꝼyr hvı ꝩıllꞇ u røna k̅gen̅ þegar ſua ꝺyrlego lıꝼe ſem h̅ heꝼ͛ haꝼꞇ. þu ꝩarꞇ h̅om h͛ ꞇıl ſua mıllꝺ ſem moðer. hvı ꝩıllꞇ u ⸌nv⸍ g͛az h̅om grı̅m ſꞇıup moðer. heımren̅ gırn̅ꞇız á aꞇ haꝼa þeƞ̅a eínꝩallz k̅g yꝼ͛ ſer. En hꝩaꞇ ſcal aꝼ oſſ ꝩerða ſegıa þ̅r er ꝼylgꞇ høꝩo̅ k̅geno̅. ꝩ͛ mego̅ nu eıgı ſnuaz apꞇr ꞇıl ꝼoſꞇr l̅z ꝩarſ v̅ eyðım͛kr þoaꞇ ꝩer ꝩılı̅. Eða hꝩarꞇ mono ꝩ͛ hauꝼuðlauſer raſa ꝼra̅m ı ꝼylkıngar oꝩına ꝩarra. Eıgı ſıam ꝩ͛ oc man̅ maklegan ꞇıl aꞇ koma ı ſꞇað ſlıco̅ k̅ge ſem .aͬ heꝼ͛ ꝩ͛eꞇ. þꞇ̅a kveín þr̅a gͥckıan̅a heyrðe hamıngıan þar ſem hͦ ſaꞇ ⁊ ꝩellꞇe hꝩele ſıno. hon ſꞇenꝺꝛ vpp nu broſer aꞇ røðom þr̅a. ⁊ ſꝩar͛ ſꝩa þꝩı er á h̅a ꝩar leíꞇaꞇ. Ꝼur-ðo mıoc er man̅ꝼolkıꞇ blınꞇ enſ ſan̅a u̅ oꝛlogen. e͛ þ̅ anzſakar mek ıaꝼnan ſva ranglega. ðrar gyðıor haꝼa oc eıgı ſıðr ꝩallꝺ en ek aꞇ g͛a ſem þeım lıkar. en hꝩaꞇ ſem ılla ꝩerðꝛ þa ken̅a men̅ mer ꝩollꝺ aꝼ. Nu geꝼ ec monono̅ ꝼrıð oc ꝼar ſøllꝺ þa loꝼa þ̅r mek. en eꝼ ec kıppe ꝼᷓ þeı̅ þa laſꞇa þ̅r mek ſva ſem naꞇꞇuran haꝼe mer ſꞇaðꝼeſꞇı geꝼeꞇ eꝼ ec haꝼa ꝩıllꝺa. En eꝼ ec ꝩera ollo̅ ıoꝼn ⁊ ſıꝼleyꞇe með ſama moꞇe. þa monꝺa ec eıgı kallað hamıngıa. Naꞇꞇuran heꝼ͛ mer þ̅ laug mal ſeꞇꞇ aꞇ ec ſcyla allꝺregı u̅ kyrꞇ ſıꞇıa ⁊ haꝼa lauſung ꝼıre ſꞇaðꝼeſꞇe. Sıðan er hamıngıan haꝼðe þꞇ̅a røꞇꞇ þa ꞇok k̅r þegar nockoꞇ aꞇ ſꞇyrcna þvıaꞇ ꝩınꝺꝛ naðe þa ſmam ⁊ ſmam aꞇ ren̅a ı øðarnar. þo haꝼðe h̅ ıðra ꝩ͛c mıkın̅. ⁊ ⸌nu⸍ ſeꞇz h̅ vpp vıð olboga ⁊ røðır ſua ꝼıre ſınom m̅m. hꝩarꞇ man oꝩına ꝼlockr ꝩaʀ ſcolo h͛ ı herbuðuno̅ ſpen̅a aᷟ. k̅. ſıgraðan barꝺaga lauſꞇ. þͥaꞇ ſua nalegr ſem herr ꝺarí k̅ſ er oſſ þa ꝼeʀ nu eckı ſeínnı lecnıngo komeꞇ ꝩıð ſoꞇꞇ mına. Eða mono þ̅r berkıa ſcolo yꝼ͛ ꝩaro herꝼange rıꝺꝺarar ꝺarí. en .aͬ. man uꞇlagr ⁊ ꝺyrðar lauſſ ꝩ͛a ꝼleꞇꞇr. aſꞇaðꝛ a b͛a ıoꝛð oꝩına ſın̅a. Neı ſeg͛ h̅ allꞇ man auðroꝩıſ ꝩerða. Ꝼreıſꞇe lcnarner ꝼyrſꞇ eꝼ þ̅r mege mer nockoꝛa boꞇ ꝩın̅a. oc ꝩıꞇe þ̅r þaꞇ aꞇ meıʀ leıꞇa ec ꝼyr lęcnıngına ꞇómſꞇunꝺar ꞇıl aꞇ b͛ıaz ꝩıð .ꝺᷟ. k̅. hellꝺꝛ en aꞇ len-gıa lıꝼ mıꞇꞇ. Oc ꝩıſꞇ þıcke mer barꝺaga ꝼreſꞇın ꝩ͛re. en ſıucleıkr ſa er ec heꝼı. þͥaꞇ þoꞇꞇ ec ſıa ſıukr ⁊ ec mega eckı an̅aꞇ g͛a æn ſyna mec ꝼıre mı̅ne ꝼylkıngo. þa mono þegar oꝩın͛ ꝩar͛ ꝼlyıa. en mın͛ men̅ ꝼloꞇꞇan̅ reka. Slıc akeꝼð k̅gſenſ ⁊ raſa̅nꝺe barꝺaga ꝼyſꞇ aꝼlar lıðeno mıkelſ oꞇꞇa aꞇ ſcıoꞇar aꞇ gerðır lęcnan̅a monꝺe ſóꞇꞇ h̅ſ auka. Phılıpp᷒ k̅r ꝼaðer .alexͥ. haꝼðe ꝼengıꞇ h̅om lęcne þan̅ er oc héꞇ phılıpp᷒. þeſſe en̅ ſame maðꝛ ꝩar ꝩıðꝛ ſꞇaꝺꝺꝛ røðo k̅ſenſ. ⁊ heꞇ þvı aꞇ h̅ monꝺe ꝼa goꝛꞇ h̅ heılan a þrıggıa naꞇꞇa ꝼreſꞇe eꝼ h̅ ꝩıllꝺe a kyrðo̅ haꝼaz. Oc þoꞇꞇ k̅ge þøꞇꞇe long heılſu bıð ⁊ barꝺaga ꝼreſꞇ. þa ꝺꝩelz h̅ þar þo ı b̅gene ꞇharſo ſꝩa ſem lęcn͛ beıꝺꝺe.  þeſſe ſꞇunꝺo kemr ꞇıl k̅ſ breꝼ e͛ p̲menıo ſenꝺ͛ h̅om. þ̅ ſꞇoð a breꝩıno aꞇ .ꝺ. k̅r heꝼðe heıꞇıð Phılıppo mıclo ꝼe ⁊ ſyſꞇoꝛ ſın̅e með aꞇ h̅ ſcyllꝺe ſvıka .alexᷟ. ı ꝺryck. Nu ko̅ ęn̅ þrıðe ꝺagr ꝼᷓ þͥ er k̅r haꝼðe ſóꞇꞇına ꞇekeꞇ. ⁊ þa ꝼør͛ phılıpp᷒ h̅om heılſo ꝺryck þan̅ er h̅ haꝼðe bueꞇ. k̅gr ꞇruır nu lęcnıno̅ ılla ꝼyr͛ þ̅ er a brøꝼıno ſꞇoð. ⁊ ı þͥ er h̅ ꞇekr ꝩıð ꝺryc-kıno̅ þa ꝼør h̅ ı henꝺꝛ h̅o̅ þ̅ ſama breꝼ bıðꝛ h̅ vpp leſa ⁊ meðan phılıpp᷒ leſſ yꝩ͛ breꝩıꞇ. þa hyɢr k̅r aꞇ ꝩanꝺlega eꝼ h̅o̅ bregðe nockoꞇ ꝩıð. ⁊ eıgı ꝼør h̅ þ̅ ſéꞇ. Oc þegar er h̅ heꝼ͛ yꝩ͛ leſeꞇ. þa męl͛ h̅ ꞇıl k̅ſ lęıan̅ꝺe. Mın̅ heʀa ſeg͛ h̅. byrg uꞇe hrøzlona ⁊ ger þek ka-ꞇan. laꞇ ęðarnar ꞇaka ſꞇyrk aꝼ heılſo ꝺryck þeſſo̅ er ec geꝼ þer aꝼ heılo̅ hug. En gıar-na ꝩıllꝺe ſa er mek heꝼ͛ ı rog boꝛeꞇ aꞇ þeſſe ſoꞇꞇ aꞇ gerða lauſ heꝼðe þek ꞇıl ꞇıl bana leíꞇꞇ. Oc aꞇ ꝩıſo e͛ an̅aꞇ hꝩarꞇ aꞇ h̅ auꝼunꝺaðe mına kun̅aſꞇu. eða ꝼyr munðe þer lıꝼſenſ k̅r. ⁊ þ̅ hyɢ ec ſan̅ara er ſıðr ſcyllꝺe. Oc ꝩıſꞇ ſyn͛ ſa ſec ıllꝩılıaðan ⁊ ſvıkan̅a ſekıan er h̅ ſan̅ar þeım a henꝺꝛ ſvıken er ſycƞ̅ er. En ſva g͛ır opꞇ ꝩanꝺꝛ maðr aꞇ h̅ bregðꝛ þͥ oðro̅ er h̅ ꝩeıꞇ a ſıalꝼan ſec. ⁊ aꝼ ſlıco ſva ꝩerðꝛ reꞇꞇlaꞇr mͬ opꞇlega ꝼyr ꝺømðꝛ aꝼ lıugꝼroðre hırð. en ſa leyſꞇr er ſacbıꞇen̅ er. Sıðan er phılıpp᷒ haꝼðe ſan̅lega ꝼıre ſec ſvaraꞇ. þa bıðꝛ h̅ k̅g uhrøꝺꝺan ꝺrekka. ⁊ h̅ g͛ır ſva. Epꞇ͛ ꞇeken̅ ꝺryk ꝼør k̅r heılſu ſına ⁊ ſlıkan ſꞇyrc aꝼlſ ⁊ hugar ſem h̅ haꝼðe ꝼyʀ haꝼꞇ. oꝼðengıarn͛ reƞ̅a nu a halſ phılıppo lęcne hveʀ aꞇ oðru̅ ⁊ þacka h̅om heılſu k̅ſenſ. kalla h̅ nu ꝩ͛ıꞇ haꝼa ꝼoðoꝛ ꝼoſꞇr ıarðar ſın̅ar ⁊ gezlo man̅. n̅an ꝺag epꞇ͛ ſꞇıgr k̅r a heſꞇ ſın̅. rıðꝛ u̅ allar herbuðır oc ſyn͛ ſec heılan. ſcecr oꝛ lıðıno alla ęðro þa er goꝛz haꝼðe aꝼ ſíukleık h̅ſ. ⁊ ſꞇyrkır heren̅ með blıðu yꝼ͛bragðe ſıalꝼſ ſınſ ⁊ ꝼogro̅ ꝼoꝛꞇalo̅. Sıðan er h͛r alexanꝺͥ enar naleg-ſꞇu b̅gır. ⁊ h̅ ſıalꝼr haꝼðe ꝼoꝛnað guðono̅ ſlıcꞇ ſem h̅ heꞇ ꞇıl heılſo ſer. þa ꝼeʀ h̅ ꞇıl þr̅ar b̅gar e͛ ıxon heıꞇ͛. þar kemr p̲menıo ımoꞇ k̅ge. h̅ haꝼðe un̅ıꞇ þeſſa b̅g ⁊ ſꞇøcꞇ ıbroꞇꞇ b̅gar-lyðno̅. æn bueꞇ þar ꝼıre k̅ge. J þeſſom ſꞇað heꝼır .aͬ. k̅r hırðſꞇeꝼnoꝛ. ⁊ leıꞇar raðſ ꝩıð hauꝼðen-gıa. hvarꞇ þaðan ſcal bıða þeſſ er .ꝺ. kemr með h͛ ſıƞ̅. eða ſcal eƞ̅ ſꞇeꝼna ꝼra̅ lengᷓ ꞇıl móꞇz ꝩıð h̅. Ꝼra þͥ er ſagꞇ aꞇ p̲menıo geꝼr k̅ge þ̅ rað aꞇ h̅ ſcyle ꝼra̅ hallꝺa lıðıno ı ꝼıalla kloꝼa nockoꝛn þar ſem .ꝺ. k̅r ꝩar aꞇ komen̅ oðro̅ megın með h͛ ſın̅. Seg͛ p̲menıo ſva aꞇ ı þͦngva ꝺal þeı̅ mono ıaꝼnmıkıl ꝩ͛a ꝩerða brıoſꞇ a ꝼylkıngo̅ k̅k̅gan̅a þoꞇꞇ .ꝺ. haꝼe lıð mıclo meíra. ⁊ þꞇ̅a rað ꝩerðꝛ ꞇekeꞇ vm ſıðır með ꝩıllꝺ allra hoꝼðengıa en aꞇkꝩøðe k̅ſ. Þ̅ g͛ız ꞇıl ꞇıðenꝺa meðan .ꝺ. k̅r ꝺꝩelſ ı þeſſe b̅g e͛ ꝼyʀ ꝩar neꝼnꝺ aꞇ ſa maðꝛ e͛ boꝛen̅ ı rog ꝩıð h̅ e͛ ſıſeneſ héꞇ. h̅ haꝼðe ꝩ͛ıꞇ harðla køʀ k̅ge. en nu ꝩar h̅om þ̅ kenꞇ aꞇ h̅ heꝼðe ꞇekeꞇ ꝼe ꞇıl aꝼ .ꝺ. k̅ge aꞇ ſvıkıa alexanꝺru̅. En þ̅ ꝩar ꞇıl þeſſ haꝼꞇ. aꞇ h̅ leynꝺı brevı nockoꝛo þͥ er h̅om haꝼðe ſenꞇ eın̅ aꝼ rıꝺꝺoꝛo̅ ꝺarí k̅ſ. ⁊ ꝼyr þa ſǫk ꝩͬ h̅ ꝺrepın̅ aꞇ ꝩıꞇanꝺa k̅ge ꝼyr logna ſoc aꞇ þvı ſem ꝼleſꞇır ęꞇloðo. Nu er aꞇ ſegıa ꝼᷓ .ꝺ. k̅ge aꞇ þa er h̅ e͛ komın̅ ꝼra̅ aꞇ þrongva ꝺal þeı̅ er ꝼyʀ ꝩar geꞇıð með allan her. kemr ımoꞇ h̅om með mıcla rıꝺꝺara ſꝩeıꞇ g͛zcr maðꝛ eın̅ ſa er ꞇımoꝺeſ heꞇ. h̅ haꝼðe ꝩoꝛðeꞇ lanꝺꝼloꞇꞇe aꝼ gͥcklanꝺe. þeſſe mͬ byðꝛ .ͦ. k̅ge lıð ſıꞇꞇ. ⁊ h̅ þıggr þ̅. h̅ geꝼr h̅o̅ ⁊ þ̅ rað aꞇ h̅ ſcyle apꞇr ſnua h͛ ſıno̅ ꞇıl ꝩalla nockoʀa ſleꞇra oc b͛ıaz hellꝺr þar ꝩıð alexanꝺru̅ er h̅ mege ꝩıð koma ollu lıðe ſıno. En eꝼ k̅ge þycke ſꝩıꝩırðlecꞇ apꞇr aꞇ ſnua ⁊ ſynız h͛ıno̅ ſem þ̅ mone ıllꞇ heıll aꞇ hopa þegar á høl. þa bıðꝛ ꞇímaꝺeſ aꞇ h̅ laꞇe broꞇꞇ ꝼara ꝼıárluꞇ ſın̅ ꝼleſꞇan allan ⁊ þar með oꝼørꞇ lıð konoꝛ ⁊ boꝛƞ̅. ꝼae þar ſva lıð með aꞇ þ̅ ꝼolk mege vhreꞇꞇ v̅ ſek ꝩ͛a. Oc eꝼ ſva ılla ꝩerðr ſegır ꞇímoꝺeſ aꞇ hamıngıa ꝩıll .aͦ. beꞇr en oſſ í eno̅ ꝼyrſꞇa bar-ꝺaga. þa ſynız mer ꝩen̅a aꞇ ꝼıarluꞇr ꝩáʀ ſe hırðr ⁊ lıðeꞇ ſparız ſumꞇ ꞇıl þeſſ aꞇ reꞇꞇa þan̅ bacſleꞇꞇ eꝼ ꝩer ꝼa̅ nockoꝛn̅. laꞇe guðen oſſ engan ꝼa. Mıkıꞇ urað aꞇ geꝼa í eınom barꝺaga allꞇ ſen̅ í ꝩallꝺ hamıngıon̅ar þ̅ er ꝩıð lıggr. þꞇ̅a ꝩar nyꞇſamlecꞇ rað e͛ h̅ gaꝼ k̅ge. en þo ſynꝺız auðroꝩıſ hoꝼðengıo̅ þr̅a ſerkıan̅a. ⁊ þeſſ ꝼyſa þ̅r .ᷟ. k. aꞇ h̅ laꞇe ꝺrepa ꞇímo-ꝺem ⁊ ſꝩeıꞇ h̅ſ alla. kꝩeðaz þ̅ ęꞇla aꞇ þͥ haꝼe ꞇímoꝺeſ þꞇ̅a rað geꝼıꞇ aꞇ h̅ monꝺe ſer ęꞇla ꝼıarluꞇen̅ allan eꝼ .ꝺ. yrðe ſıgraðꝛ. hlaupa ſıðan apꞇr með ꝼeno ı gͥckıa k̅gſ h͛. ⁊ kaupa ſıc ſva í ꝼrıð ꝩıð .aᷟ. arı᷒ k̅r hlyðer ecke a þeſſar ꝼoꝛꞇaloꝛ. þͥaꞇ h̅ ꝩar mıllꝺr mͬ oc goðgıarn̅ lęꞇr ſer allꞇ rǫg ıllꞇ þıckıa. en ſꝩar͛ ſva þr̅a ręðo̅. Verðe þ̅ eıge ſeg͛ h̅ aꞇ ec laꞇa ꝺrepa þa m̅. e͛ m͛ haꝼa goꝛz hanꝺgengn͛. ⁊ geꝼıꞇ ſek í mıꞇꞇ ꝩallꝺ. ſcyle k̅r laꞇa ſlıca vhęꝼo ꝩın̅a Neı ſeg͛ h̅. llꝺrege ſcal ſva lıoꞇ ꝼręgð ꝼa ſaurgað elle mına. Sıðan þackar k̅r ꞇímoꝺı ſyn̅-ꝺan goðꝩılıa. En ſvıꝩırðlecꞇ ſynız h̅om apꞇr aꞇ ſnua lıðıno. þyck͛ ſva ſe̅ marg͛ mono kalla ꝼloꞇꞇa. ⁊ nu langar h̅ mıoc ꞇıl aꞇ barꝺagen̅ ſcyle ꞇakaz ſe̅ ꝼyrſꞇ. ⁊ ı ꝺal þeı̅ er ꝼyʀ ꝩar geꞇeð. En þ̅ rað ꞇekr h̅ aꝼ þeı̅ er ꞇımoꝺeſ haꝼðe geꝼıꞇ h̅o̅. aꞇ h̅ lęꞇr broꞇꞇ ꝼlyꞇıa meſꞇan þoꝛa ꝼıarınſ ꞇıl b̅gar þr̅ar er ꝺamaſc᷒ heıꞇ͛. ⁊ ꝼeʀ þar með mıkıꞇ lıð. En h̅ lęꞇr ꝺroꞇnıngına ⁊ moðoꝛ ſına ⁊ ſon ſın̅ .vıı. ꝩeꞇᷓ gamlan bıða ı h͛buðvm þeſſ er aꞇ henꝺe kemr. ꝩıll ı þvı hallꝺa ꝩenıo en̅a ꝼyʀe k̅ga. En̅ neſꞇa ꝺag ꝼıre þan̅ er .ꝺ. k. ꝩıſſe aꞇ barꝺagen̅ monꝺe ꞇakaz á. gengr h̅ vpp a hol eın̅ lıꞇın̅ er ꝩar ímıllo̅ h͛buðan̅a. ollen̅ ꝩar allr gͦen̅ vꞇan aꝼ ılmanꝺe grøſom. J ovanꝩerðo̅ holmıno̅ ſꞇoð eıꞇꞇ ꝼagrꞇ ꞇre þ̅ er laur᷒ heıꞇ͛. n̅an ꝩeg vꞇ ıꝼᷓ ꝼellr  ęín mıkıl. aꞇ an̅e ꝼra̅ ganga ꞇveı̅ megın ꝩallgron͛ backar. ꞇıl þeſſa ſꞇaðar lęꞇr .ꝺ. k̅r blaſa ollo̅ h͛ ſıno̅. kallar ſıðan hauꝼðengıa ꞇıl ſın ⁊ ſcıpar ꞇıl hvar hveʀ þr̅a ſcal í ꝼylkıngo ꝩ͛a með ſınar ſꝩeıꞇ͛ þa er barꝺagen̅ ꞇecz. ⁊ er h̅ heꝼ͛ þͥ ſcıpaꞇ ſem h̅o̅ lıkar þa líꞇr h̅ yꝼ͛ lıðeꞇ er ſaꞇ a ꝩollono̅ vꞇ íꝼᷓ hogeno̅. arı᷒ k̅r ꝩar en̅ ꞇıgulegſꞇe mͬ ⁊ aꝼ þvı eno goða yꝼ͛ bragðe er h̅ haꝼðe monꝺe hveʀ ꝺuganꝺe mͬ í h͛ıno̅ þıckıaz ſcyllꝺr ꞇıl aꞇ ꝩeıꞇa h̅om ſlıcꞇ er męꞇꞇe þoꞇꞇ h̅ þegðe ſıalꝼr. Sıðan ꞇalar h̅ ꝼyr͛ lıðeno ⁊ heꝼr ſva mal ſıꞇꞇ. ͛ e͛ nu þ̅ lıð ſa̅-an komeꞇ er ec ꝩeíꞇ ıaꝼnan ſıgr ſællꞇ ꝩ͛eꞇ haꝼa. ⁊ er þ̅ eıgı unꝺarlecꞇ ꝼıre þͥ aꞇ þ͛ ſerkern͛ eroð oc arꝩar guðan̅a. o̅ner ꝼᷓ belo k̅ge er ꝼyrſꞇ heꝼ͛ aꝼ ꝩaro̅ ꝼrnꝺo̅ ꝩ͛ıꞇ haꝼðr í goða ꞇaulo. Verıꞇ orugg͛ ⁊ uſcelꝼ͛ ı hıoꝛꞇono̅. geꝼıꞇ eckı ru̅ hręzlon̅ı. eıgı er ſem þ͛ moneꞇ ꝩıð oꝼreꝼle eıga. Reꝼſıng ma þ̅ kalla en eıgı barꝺaga er k̅r hegn͛ þręla ſına þa er ſec g͛a ſva ꝺıarꝼa. aꞇ þ̅r ꞇaka ꝩapn h̅om ímoꞇe. þeſſı en̅ ſcacboꝛnı ſveın̅ .aͬ. er ꝩer hyggıo̅ aꞇ ſe ſon enſ oꝺyggva nepꞇanabı heꝼ͛ laꞇeꞇ geꝼa ſer k̅ſ naꝼn ⁊ hyɢr nu þ̅ þar ſem h̅ er í broꝺꝺe lıꝼſ ſınſ aꞇ eckı mone vıð h̅o̅ ſꞇanꝺa. raſar h̅ án raðe. geꝼr eckı gaum hvaꞇ ꝼyr͛ er. ꝩıll hellꝺꝛ þoꞇꞇ h̅ ꝩıꞇe ꝩıſan bana ſın̅ b͛ıaz en lıꝼa ꝩıð uſıgr. En þegar heꝼ͛ h̅om nv nockoꞇ øðroꝩıſ ꞇekız en h̅ hugðe. þͥaꞇ ꝼıre ꝩaro̅ m̅m heꝼ͛ h̅ laꞇıð mıkın̅ ꝼıolða ſın̅a rıꝺꝺ͛a. oc aꝼ þͥ grunar mek aꞇ h̅ ꞇreyſꞇez ſer mıðꝛ en var. Mıkıl ſco̅m aꞇ ꝼaer þręlar ⁊ ꝼaꞇękır þ̅r er eckı beín haꝼa í henꝺe ſcolo þoꝛa ímoꞇ aꞇ rıſa hoꝼðengıo̅ þeım er ꝼyr͛ eıgu aꞇ raða meſꞇu̅ hluꞇa gullz þeſſ er í heımıno̅ er. Vıꞇa ꝩıllꝺa ec hvaðan .aͬ. ꞇekr þa ꝺul aꞇ h̅ mone nıoꞇa mega þeſſ rıkeſ. er ſa en̅ ageꞇe k̅r cır᷒ heꝼ͛ aꞇꞇ er ſıgr ꝼek hvar ſem h̅ barðız í heımıno̅. En þoꞇꞇ h̅ ſe ꝺauðꝛ. þa rık͛ h̅ en̅ ꝼyre mek er í h̅ſ ſꞇað em k komen̅ ⁊ aꞇ mér lıꝩanꝺa lıꝩ͛ en̅ hanſ hamıngıa. ll͛ m̅ ꝩıꞇo þ̅ aꞇ ꝩ͛ ſerk͛n͛ ero̅ ꝼᷓ rıſom ko̅n͛. þͥaꞇ ꝩ͛ ꝼın̅om ęꞇꞇar ꞇal ꝩarꞇ ꞇıl þr̅a rıꞇað í an̅alum. en ꝩer mego̅ á ſꞇoꝛ-ꝩırkıo̅ þeım er epꞇ͛ þa lıꝼa ſıa hvılıc͛ þ̅r haꝼa ꝩ͛eꞇ. Bękr ꝩarar ꝩaꞇꞇa aꞇ þ̅r borðoz ꝩıð goðen ſıalꝼ. Þ̅r gerðo ſꞇopolen̅ babel hoꝼðo ꞇıgl ꝼyrı gͥoꞇ en bıc ꝼıre lím. Var͛ ꝼoꝛellrar haꝩa ⁊ epꞇ͛ leípꞇ þa ena mıclo babılon er naꝼn ꞇok aꝼ ꞇungna ſcıpꞇe. eıl͛ ſva nu með þvı aꞇ þ͛ ſeꞇ komn͛ ꝼᷓ ſlıco̅ aꝼrekſ m̅m kallıꞇ apꞇr ꞇıl yðar þr̅a ſꞇyrk. ꝩ͛ıꞇ karlman̅lıga ꝼoðoꝛleıꝼð yðꝛa. gꞇıð ꝩanꝺlıga ſęmðar ⁊ ꝼręgðar. laꞇıð eıgı ꝼaꞇękıan ⁊ uꞇlenꝺan ſıgrꝩegara ꞇͦða ıoꝛð ⁊ aꝼrekſ ꝩ͛c ꝼeðra vaʀa. En eꝼ ſva ſcamſamlega ꝩerðꝛ aꞇ ſa en̅ oꝺyggve ꝼlokr vꝩına ꝩarra kome nockoro̅ a ꝼloꞇꞇa þoꞇꞇ þ͛ ꝩılıð eıgı ꝼyr mer b͛ıaz eða ꝼyr eıgno̅ ⁊ oðolo̅ eða na-gro̅no̅ yðrom. ſnuıꞇ þo apꞇr ꞇıl barꝺaganſ ꝼyr ſac͛ kꝩen̅a yðaʀa ⁊ barna. þͥaꞇ ꝼolk mono ꝼıan̅ꝺmen̅ ꝩar͛ ſpeƞ̅a í h͛buðono̅ eꝼ þ͛ ꝩılıð eıgı ꝩ͛ıa ⁊ g͛a ſer aꞇ herꝼangı. En eıgı hręðomz ec aꞇ ꞇꝩoꝛo aꞇ ſꝩa ꝩerðe. þvıaꞇ ſva heꝼ͛ mek ꝺreymꞇ ſem ꝩer mone̅ ſıgr ꝼá. Ec þoꞇꞇo̅z ſıa í ſveꝼ-nıno̅ aꞇ lanꝺꞇıollꝺ gͥckıa logoðo. Oc ec ſa .aᷟ. klęꝺꝺan pellzklęðom epꞇ͛ þeım ſıð ſe̅ e͛ í babılone. ⁊ í b̅gena ꝩͬ h̅ komıƞ̅ ⁊ leıꝺꝺr hanꝺꞇeken̅ ꝼıre mek. þͥ neſꞇ þoꞇꞇe m͛ h̅ hverꝼa. En ꞇıl hv͛ſ ꝺꝩel ec mek í ſlıkrı røðo. ſv͛ ec þeſſ ꝼıre ſolena er vpp ren̅ ı ꝩaro rıkı aꞇ hv͛ ſem a ꝼlóꞇꞇa ſnyr ſcal mın̅ ꝼıanꝺmͬ ꝩ͛a. Oc er k̅r haꝼðe ſva ꞇalað þa kemr laupanꝺe níoſnar mͬ eın̅ með þeım ꞇıðenꝺom aꞇ .aͬ. haꝼe ſnueꞇ á ꝼlóꞇꞇa. ⁊ þoꝛað eıgı aꞇ bıða þeſſ er .ꝺ᷒. kęmı með h͛ ſın̅. ſeg͛ h̅ haꝼa laupeꞇ á ꝼıoll ⁊ ſcoga ⁊ ſꞇeꝼnꞇ ſva uꞇ ꞇıl haꝼſ eꞇ bęínſꞇa. k̅r ꞇruır þͥ er þeſſe ſcręꝼa ſeg͛ í ꝩıl h̅o̅ ⁊ ꝩerðr harðla glaðr ꝩıð, eggıar nu aꞇ epꞇ͛ ſcyle hallꝺa ſem harðaſꞇ. Oc heʀen̅ allr ſꞇeꝼn͛ þegar yꝩ͛ na er ꝼell ſcamꞇ ꝼᷓ h͛buðono̅ ſem ꝼyʀ ꝩar ſagꞇ ꝩanꝺa þ̅r nu lıꞇꞇ leıðna ꝺreıꝼız lıðıꞇ míoc þͥaꞇ hveʀ ſꞇeꝼn͛ þ̅ er gegnſꞇ þoꞇꞇe aꞇ ſem ꝼyrſꞇ męꞇꞇe komaz ꝼıre þa gͥckına ⁊ ſnua þeım apꞇr. v͛ꞇ raſar þu eƞ̅ ꝼeíglıge ꝼıolðe ſeg͛ meıſꞇare galꞇer᷒ er ꝩ͛ſaꞇ heꝼ͛ ſogo þeſſa. ⁊ ſnyr ſva røðo ſın̅ı ꞇıl þr̅a ſerkıan̅a. varꞇ eꞇlıꞇ þ͛ aꞇ alex͛ mone ꝼlyıa ſa mͬ er ꝼloꞇꞇan̅ hyggr hꝩ͛ıom leſꞇe lıoꞇara. en hręðez þ̅ eıꞇꞇ aꞇ þer moneꞇ ꝼlyıa. ⁊ eꝼ haƞ̅ ſcyllꝺe kıoſa hvarꞇ h̅ ꝩıllꝺe hellꝺr ꝼlyıa ⁊ haꝼa ſıgr. eða ꝩ͛ıaz óꝛ ſꞇað ⁊ ꝩ͛a ſıgraðꝛ aꝼ ꝼloꞇꞇa m̅m. ꝩ͛e ſa eın̅ ꝼyr henꝺe aꞇ ꞇaka þan̅ koſꞇ anan̅ hvarn̅ meıre ꝩán aꞇ h̅ eꝩaðız ı hvarꞇ h̅o̅ þøꞇꞇe mıðꝛ ꞇıl ſęmðar. Nu er apꞇr aꞇ hꝩ͛ꝩa ꞇıl ſogon̅ar ſıalꝼrar. ⁊ ꝼᷓ þvı aꞇ ſegıa aꞇ heʀ .ꝺͥ. k. ſøkır harꞇ ꝼram ꞇıl b̅garen̅ar ıxon. Oc nu ꝩ͛ða ꝩarðhallz m̅ .aͥ. ꝩar͛ ꝩıð h͛men̅. þͥaꞇ þ̅r mega ſıa lıoman̅ aꝼ gulle ⁊ gımſꞇeıno̅ er lıðeꞇ haꝼðe boꝛeꞇ a ſek ⁊ ꝩapn ſín. eyra þ̅r oc ꝩapna brakeꞇ. ⁊ þeckıa ıoreykına er ſva ꝩͦ mıclır aꞇ longo̅ ꝼal ſolena. Oc eıƞ̅ ꝩarðhallz maðꝛ ſa er ꝼek ſeꞇ h͛ın̅ aꝼ holı nockoro̅ háꝩu̅. heꝼ͛ þegar á raſ ꞇıl b̅gar-en̅ar. ⁊ ſeg͛ gͥckıo̅ aꞇ .ꝺ᷒. k̅r er nu okomın̅ aꞇ eínſ með ſva mıkın̅ h͛ ſem engı maðꝛ man ꝼyʀ þͥlıkan haꝼa ſeꞇ. lex͛ k̅r ꞇͮır þeſſo ꞇrauꞇꞇ. þͥaꞇ h̅ angᷓr eckı an̅aꞇ en ꝼreſꞇ barꝺa-ganſ. Oc þegar er h̅ ꝩeíꞇ ꞇıl ꝩíſ aꞇ h͛ſagan man ſon̅ ꝩ͛a. kallar h̅ haꞇꞇ ⁊ mølır ſva. Vapn ꝩapn gͥckır. Oc ꝼyrſꞇ ꝩerðꝛ h̅ ſıalꝼr bueƞ̅ aꝼ ſꞇaðno̅ ⁊ hleyp͛ ímoꞇe ſerkıo̅. ⁊ hıal-maꞇ ⁊ brynıaꞇ rıꝺꝺara lıð ſva hvaꞇ ſem bueꞇ ꝩerðr. Sꝩa raſar ſollꞇen̅ ꝩargr ꞇıl braðare̅nar þa er h̅ ꝼðır á ſer hvelpa ſına. þ̅r yla þegar er þ̅r mıſſa mıolkr óꝛ þurro̅ ſpeno̅. Ylıng þr̅a ⁊ ꝺreyrgıarn̅ ſullꞇr keyr͛ ꝩargen̅ vm ſıðır í buꝼıar haga aꞇ leıꞇa ſer maꞇꝼanga. Smala ſꝩeın̅ıƞ̅ leyſır þegar hunꝺa ſına er h̅ ſer ꝩargın̅. en h̅ ſꞇeꝼn͛ aꞇ ꝼeno eıgı aꞇ ſıðꝛ. ſmaleƞ̅ ꝩeíꞇ eıgı hv͛ꞇ h̅ ſcal unꝺan hallꝺa. þıck͛ ſem ꝩargr mone ꝼıre ꝩ͛a hv͛ꞇ ſem h̅ ſnyr. með þeſſo̅ hęꞇꞇe geyſız .aͬ. ímoꞇ oꝩıno̅ ſıno̅ þeı̅ er þͥ ꞇruðo aꞇ h̅ monꝺe ꝼlyıꞇ haꝩa. Oc þegar er ſerkır ſıa h͛ın ꝼara ímoꞇı ſer. þa ꝩıꞇa þ̅r ⸌hvaꞇ⸍ hręꝺꝺrıƞ̅ er ſynꝺız þeı̅ nu eıgı ſem þ̅r hoꝼðo ęꞇlaꞇ aꞇ .aͬ. ſnørı bakı ꝩıð. Nv ſunꝺraz mıoc ꝼylkıngar .ꝺͥ. k. aꝼ akallı ⁊ þyſ þeı̅ e͛ ꝩarð þa er ſaman ꝺro lıðeꞇ. Margar ꞇungoꝛ gengo ⁊ í h͛ıno̅. ⁊ ꝩarð aꝼ þͥ ſeínꞇ aꞇ g͛a rað ꝼıre ſva mıclo̅ múg. ꝩar oc ꝼleſꞇ allꞇ lıðeꞇ beꞇr bueꞇ ꞇıl raſar en barꝺaga. ᷒. k̅ ꝼr nu þo ſcıpaꞇ h͛ ſıno̅ í ꝼylkıngar í aƞ̅aꞇ ſıƞ̅. h̅ g͛ır nu þ̅ rað aꞇ þegar er h͛r h̅ſ kømı ꝼra̅ óꝛ ꝺalno̅ þan̅oc ſem rúmlenꞇ ꝩar. ſcyle gerða uꞇan u̅ ꝼylkıngar gͥckıa með múgıno̅ ſva aꞇ þ̅r męꞇ-ꞇe engan ꝩeg unꝺan komaz. þꞇ̅a rað heꝼðe .ꝺͦ. nyꞇſamlecꞇ ꝩ͛ıꞇ eꝼ ꝼra̅gengꞇ yrðe. En hamın-gıan ſu er hv͛ıo raðe er rıkare gek ímoꞇe þͥ aꞇ .aͬ. ko̅ ímoꞇ h̅o̅ ꝼra̅ ı ꝺalno̅ þar er ſua ꝩar þrønglenꞇ aꞇ ıaꝼnmıkıl urðv ꝩ͛a brıoſꞇ á ꝼylkıngono̅. Barꝺage þeſſı ꞇocz ı h͛aðe þvı er cılícía heıꞇ͛ ſcamꞇ ꝼᷓ ıxon þr̅e boꝛg er ꝼyʀ ꝩar neꝼnꝺ. ⁊ ı ꝺal eıno̅ þrongo̅ ſem nu heꝼ͛ ſagꞇ ꝩ͛ıꞇ. Nu er ꝼᷓ þͥ aꞇ ſegıa aꞇ .aͬ. ꝼylkır lıðe ſıno. ꝼoꞇgaungo lıð ſcıpar h̅ í ꝼylkıngar broꝺꝺeƞ̅. En ꝼyr͛ eƞ̅ høgra ꝼylkıngar arm. ſeꞇr h̅ þaƞ̅ h͛ꞇoga er nıchanoꝛ heꞇ. h̅ ꝩar ſon p̲menıonıſ. ⁊ með h̅om þa hauꝼðengıa er ſva heıꞇa. ꞇholomeuſ ⁊ mı̅cꞇaſ. p̲ꝺıcaſ ⁊ cenoſ. clıꞇ᷒ ⁊ meleag͛. hv͛r þeſſa ꝩar h͛ꞇogı yꝩ͛ ſıno lıðe. Eƞ̅ ꝩınſꞇᷓ ꝼylkıngar arm ſcal ꝩ͛ıa p̲menıo ſa mͬ er eıƞ̅ ꝩar ꝼrøknaſꞇr aꝼ gͥckıo̅ ⁊ með h̅o̅ cᷓꞇer᷒ ⁊ nꞇıgonuſ ⁊ phıloꞇaſ ſon p̲menıonıſ an̅aʀ er ner ꝩͬ bezꞇ ꝩıgr ı h͛ıno̅. Ꝼramme ꝼır͛ ollom m͛kıo̅ ꝩar eıƞ̅ ungr mͬ a heſꞇe þeı̅ er bucıꝼal heıꞇ͛ eckı ꝺęllıgr bleyðı m̅m unꝺ͛ brún aꞇ lıꞇa. þ̅ ꝩar ſıalꝼr alex͛ maceꝺo. eſꞇr h̅om ꝩar ıaꝼnan ſa mͬ er epheſꞇıo heꞇ ꞇrunaðar mͬ h̅ſ eın̅. ıaꝼn̅ k̅ge aꞇ allꝺre ⁊ klercꝺome. en ꝼrıðare ſyno̅. Oc ⸌nu⸍ rıðr k̅r ſıðan er h̅ heꝩ͛ ſva ſcıpað lıðıno. ꝼramme ꝼyr͛ ꝼylkıngo̅. bıꞇr h͛ꞇogana b͛ıaz hrauſꞇlega. męl͛ blıðlega ꞇıl ꝩına ſın̅a. veſſır ſlıóꝩa. en bryn͛ hvgracka. Nu ſemr h̅ ⁊ þrongr ſaman ı an̅aꞇ ſın̅ ꝺreıꝼðar ꝼylkıngar. þręlo̅ heıꞇr h̅ ꝼrelſı. en gnoglego gulle ꝼelauſo̅ ⁊ ꝼegıoꝛno̅ eꝼ þ̅r ꝩılıa ꝩaſclıga ⸍b͛ıaz⸌. ſumo̅ benꝺ͛ h̅ með ſpıoꞇſcapꞇe ſıno aꞇ ſcıoꞇara gange. Með ſlıko̅ ſva ꝼoꝛꞇolo̅ rıðꝛ h̅ um herın̅. ⁊ þar með eggıar h̅ bogmen̅ aꞇ þ̅r benꝺı boga ſına þegar er ſerkır koma í ſcoꞇ-ꝼęrı. bıðr h̅ ⁊ þa er með ſlongoꝛ ꝼara aꞇ þ̅r laꞇe oc ecke ſęín aꞇ ſer. Bn͛ h̅ oc aꞇ þegar e͛ ı hoggꝼrı ma koma ſcyle þ̅r ulaꞇlega bryꞇıa með øxo̅ ⁊ ſꝩerðom. En meðan heʀen̅ ꝺvelz ⁊ gͥcker bıða með ꝼylcðo lıðe. þeſſ er .ꝺ᷒. kmı. þa ꞇalar alex͛ ſꝩa ꝼıre lıðeno. eyreð ér enır ꝼręcno ꝺreng͛ er ko̅ner eroð ꝼᷓ barꝺaga guðeno ſıalꝩo er marſ heıꞇ͛. ⁊ þér er ſva haꝩeð ꝼᷓmız í moꝛgo̅ ſꞇoꝛꝩırkıo̅. aꞇ allr heımr gırnız aꞇ haꝼa yðꝛ ſer ꞇıl lavarða. Nu er ſa ꝺagr komen̅ er ꝩer hoꝼo̅ ýſkꞇ aꞇ koma ſkyllꝺe.  þeſſo̅ ꝺege ꝩıll hamıngıan geꝼa þan̅ ſıgr er hon heꝩ͛ oſſ opꞇ heıꞇeð. Þeƞ̅a ſıgr benꝺe hon þegar ꝼır͛ í evropa. þa er þer bruꞇuð ꞇhebaſ alla ꞇıl ıarðar. ⁊ ꝺrapoꞇ allan b̅gar lyðen̅. en ꞇmðoꞇ aꞇhenaſ með ogn eı̅ne ſaman. ͛ megoð ér nu ſıa ꝼyr͛ yðꝛ úꝩıglıgan h͛. ⁊ kvenſlegar ꝼylkıngar er allar þıckıa ſcına aꝼ gulle ⁊ gı̅ſꞇeıno̅. En þ̅ ſama glyſ er þ̅r haꝼa þar a ſek borıꞇ. ſyn͛ oſſ aꞇ ꝩ͛ mego̅ hellꝺꝛ ꝩenꞇa þaðan h͛ꝼangſ en haſca. þͥaꞇ með ꝩapno̅ ſcal ſıgr ꝩega. en blauꞇ͛ m̅ ⁊ bılıꝩe ꝩan͛ kuƞ̅a ecke aƞ̅aꞇ en ogna. ręð-az þ̅r ſverð ⁊ ſar. ⁊ lıꞇꞇ mono ꝩapn yðoꝛ haꝼa rauꝼaꞇ ıƞ̅yꝼle þr̅a. ⁊ lıꞇlo bloðe mono þ̅r uꞇ haꝼa hellꞇ aðꝛ en þ̅r mono ꝼlyıa. þa mon ec reyna hveſſo mıoc þer hırðeꞇ u̅ mek e͛ ec ſe ſlío ſverð broꞇen en hlıꝩar kloꝼnar aꝼ ſꞇoꝛo̅ hoggo̅. onꝺ hauggvanꝺa man ꝩılıa ſyna. ⁊ ſverð man ſa̅na ſem reıꞇꞇ er hveſſv mıoc yðꝛ kemr .aͬ. í hug. Sıgreð nu þa er þegar erv ſem ſıgraðer ſe. ꝩıꞇıð aꞇ ſıalꝼſ ſınſ ꝼıanꝺmͬ er ſa er h̅ reıðır ſlıolega ſverð aꞇ úꝩın ſı-nom. ⁊ ſce̅ma ꝩıll ſa ſıꞇꞇ lıꝼ. er h̅ leng͛ lıꝼ úꝩınar ſínſ. ⁊ engı er þ̅ mıllꝺe aꞇ þyrma moꞇ-ſꞇoðom̅m ſıno̅ í barꝺaga. þung er ſu honꝺ ſıalꝼre ſer ⁊ macleg aꝼhogſ. er hon ꝩegr ſpar-lega. ſlenſcapar ꝼull͛ meƞ̅ þoꝛa aꞇ hlaupa í ꝺauðan̅ þa er þ̅r ꞇaka aꞇ ꝼalma. en þoꝛa eıgı aꞇ ꝩ͛ıa ſek. ⁊ ꝼoꝛðaz ſva ꝺauðan̅. Laꞇeꞇ yðꝛ nu ı hug koma hveſſv moꝛg rangynꝺe eða marga barꝺaga ⁊ ſꞇóꝛ man̅ ꝺráp gͥck͛ haꝼa þolaꞇ hauꝼðengıo̅ óꝛ aſıa. Ęꞇlıꞇ er þoꝛꝼ ꝩın̅a aꞇ ꝼrǿnꝺꝛ eın͛ gıallꝺe þeſſ er ꝼeðr gerðo. eıgı er ꝼullheꝼnꞇ þoꞇꞇ þeſſı múgr ſe allr nıðꝛ ꝺrepıƞ̅ er þér ſeꞇ h͛ ꝼyr͛ yðꝛ. llꞇ aſıa ſcal gıallꝺa þr̅a herꝩırkıa. er goꝛ haꝩa ꝩ͛eꞇ í europa. Meꝺıa ſcal gıallꝺa með .ꝺͦ. k̅ge þeſſ h͛naðar er xerxeſ k̅r heꝼ͛ goꝛꞇ í gͥcklanꝺe. Berıð nu þa ꝼram m͛kın þar epꞇ͛ ſem ec ſcal ꝼyr͛ ꝼara. ⁊ ryðıꞇ með ſverðono̅ goꞇoꝛ ígogno̅ ꝼylkın-gar þr̅a. Barꝺaganſ ꝩıl ec luꞇꞇakare ꝩ͛a með yðꝛ. en h͛ꝼangſenſ eıgı. þͥ ſcoloð ér með yðꝛ ſcıpꞇa. ꞇ ꝼullo ꝩın̅z mer ageꞇıð eıꞇꞇ ſaman. ꝼıarenſ aƞ̅ yðꝛ en mer ꝼręgðaren̅ar. Sꝩa ꞇalar .aͬ. ⁊ þegar epꞇ͛ þ̅ laupaz aꞇ ꝼylkıngar. ⁊ þa lıoſꞇa ſerkır vpp h͛ope mıclo. ⁊ ſva gͥck͛ eꞇ ſama. þeyꞇa nu hvar͛ꞇveɢıo luðra ſına ⁊ h͛hoꝛn ſva aꞇ byll í ollo̅ ꝼıollo̅ þeı̅ er í nanꝺ ero. llꝺregı haꝼðe ꝺvergmaleƞ̅ ⁊ veıꞇꞇ hlıoðono̅ ꝼleírı an̅ſvør en nu. Ꝼra þͥ er nu aꞇ ſegıa aꞇ h͛ ꝩerðr koſꞇr aꞇ ſıa ſem ęꞇla ma moꝛg ⁊ agęꞇleg ꝩapn. en þo baro ęín aꝼ ollo̅ ǫðrum. en þ̅ ꝩoro ꝩapn .ꝺͥ. k̅ſ. Eıgı ꝩar ſparaꞇ gull ꝩıð þau. en þo ꝩar mıclo meıra ꝩ͛ꞇ v̅ hagleıꞇ þan̅ er þar ꝩar á. Scıollꝺꝛ h̅ſ ꝩar ſıauꝼallꝺꝛ a þycꞇına. en lagðꝛ allr uꞇan með gulle. þar ꝩͦ ſcrıꝼa-ðer á ꝼrenꝺꝛ ⁊ ꝼoꝛellrar ꝺarí k̅ſ ⁊ ſꞇoꝛꝩırke þr̅a. Rıſarn͛ er ꝼyrſꞇ g͛ðo ſꞇopolen̅ babel epꞇ͛ noa ꝼloð a ꝩellı þeı̅ er ſen̅áár heıꞇ͛. ⁊ þar epꞇ͛ ꞇungna ſcıpꞇe. J oðro̅ ſꞇað á ſcıllꝺıno̅ ꝩͬ ſcͥꝼaðꝛ nabogoꝺonoſoꝛ k̅r ⁊ þ̅ er h̅ ꝼoꝛ ꞇıl ıoꝛſalab̅gar með her ſın̅ ⁊ ꝩan̅ b̅gena. brauꞇ ꞇıl ıarðar ꞇemplu̅ domını ⁊ alla b̅gar vegge. gerðe h͛ꞇekıƞ̅ gyðınga lyð. ⁊ haꝼðe ſeꝺechıa̅ k̅g er h̅ haꝼðe blınꝺa laꞇeꞇ. heım með ſer ꞇıl babılone̅. þ̅ ꝩar allꞇ ſcͥꝼaꞇ a ſcıllꝺıno̅ er eno̅ ꝼyrro̅ k̅go̅ haꝼðe ꝩel ꞇekız. en þ̅ ꝩar allꞇ laꞇeꞇ nıðre lıggıa er þeı̅ haꝼðe ꞇıl ſvıꝩırðıngar goꝛz. I þrıðıa ſꞇað ꝩar þ̅ ſcͥpaꞇ er balꞇaſar k̅r ꝺrack oꝛ gullkero̅ þeı̅ er nabogoꝺonoſoꝛ haꝼðe ꞇe-keꞇ óꝛ ꞇemplo ꝺn̅ı. ⁊ honꝺın ſynꝺız rıꞇa á hallar ꝩeggıno̅ þ̅ er engı ꝼek ſcılꞇ nema ꝺaníel ſpamͬ.  lıſꞇun̅e vꞇan v̅ þeſſar ſogoꝛ ꝩar ſaga enſ agꞇa k̅ſ cırı er ſıgraðe lıꝺıa̅ ⁊ kreſu̅ k̅g er blecðr ꝩar aꝼ ſpaꝺome ſolar guðſ. þeſſe ſꞇoꝛꞇıðenꝺe ꝩͦ þar oll á ſcrıꝩaꞇ ſem h͛ e͛ nu nockoꞇ breꝩaꞇ aꝼ. en þ̅ ero ſꞇoꝛ ſꜹgoꝛ eꝼ þør ero greıꝺꝺar uꞇ ígegno̅. En þ̅ er aꞇ ſegıa ꝼᷓ ęꝩıloco̅ cırı k̅ſ þeſſ er hv͛ꝩeꞇna er geꞇıð á boko̅. aꞇ ꝺroꞇnıng ęín ⸌ſv⸍ er ꞇhamarıſ heꞇ reıſ ímoꞇ h̅o̅. ⁊ í þr̅e ſokn er hͦ haðe ꝩıð h̅ ꝼell cır᷒ k̅r. Vm þaƞ̅ aꞇburð ręðır ſva meıſꞇare galꞇ͛er᷒. ho ho. bleckı-leg er þeſſa heímſ hamıngıa ⁊ opꞇ ſynız þ̅ hveſſv ꝩollꞇ hon er. Cır᷒ k̅r ꝩar a ſıno̅ ꝺogo̅ ꝩıðlenzꞇr k̅r. ⁊ ſıgr ſęlſꞇr. h̅ſ ꝼręgð haꝼðe ꝼareꞇ oꝼ allan heı̅ ⁊ hvar ſem h̅ haꝼðe ꝩıð lenꞇ. vrðo all͛ ꝼıre h̅o̅ aꞇ laꞇa. En ſva rıkr ⁊ maꞇꞇugr ſem h̅ ꝩar. þa ꝼek þo ęín kona ſıgᷓꞇ h̅. Eıgı ſcyllꝺo ꝺauðleg͛ men̅ ſeg͛ h̅ meıſꞇareƞ̅ ſꞇøraz aꝼ geꝼno̅ rıcꝺome. ⁊ ꝼyrlíꞇa ſer mıƞ̅e men̅. Eıgı ſcyllꝺo þ̅r ⁊ en͛ ſıgrſølo ꝩ͛a uþacnęm͛ ꝩıð eƞ̅ hęſꞇa ſıgr ꝩegara. Sa er geꝼa ma ſꞇyrk ⁊ rıkı ſıgr ⁊ auðeꝼe. ſa eƞ̅ ſame ma þ̅ allꞇ ıbroꞇꞇ ꞇaka þegar e͛ h̅ ꝩıll. NV e͛ ꞇıl ſogo̅nar aꞇ ſnua ⁊ ꝼᷓ þͥ aꞇ ſegıa. aꞇ ꝩapna brak. ⁊ breſꞇ͛ aꝼ ſꞇoꝛo̅ hoggo̅ ſıgᷓ luðragang ſꝩa aꞇ heyr͛ ꞇrauꞇꞇ eða eıgı. ⁊ ſva þyckꞇ ꝺrıꝩa nu ſpíoꞇ ⁊ oꝛꝩar ⁊ allz konar ſcoꞇ ꝩapn aꞇ ꝩarla ma ſıa ꝼyr͛ heıðan hımın. k̅r ſıalꝼr alex͛ rıðꝛ ꝼyrſꞇ ꝼra̅ ſva ſnarꞇ ꞇıl aꞇ ıaꝼna ſem ſꞇeıƞ̅ aꝼ ꝩalſlngo ⁊ þar aꞇ er gvllagðer ſcıllꝺ͛ ⁊ hıalmar ſeꞇꞇ͛ aꝼ ꝺyro̅ ſꞇeıno̅ ſegıa ꞇıl aꞇ hellꝺꝛ mono ꝼyr͛ ꝩ͛a k̅gar ęn koꞇkarlar. ⁊ þar ſꞇeꝼn͛ h̅ aꞇ er m͛kı ꝩar boꝛıꞇ ꝼıre .ꝺͦ. k̅ge. þ̅ ꝩar ꝼlugꝺreke gyllꞇr allr. h̅ gapðe muƞ̅e er ꝩınꝺꝛ bleſ ꝼraman í gıneꞇ ⁊ ꝩar reðelegr aꞇ ſıa. Meðan .aͬ. k̅r leıꞇaz v̅ hverƞ̅ h̅ ꝼıƞ̅e maklegan ꞇıl aꞇ leggıa ꝼyrſꞇ ꝩıð ıoꝛðo. þa rıðꝛ ímoꞇ h̅om hauꝼðenge ſa er areꞇhas heıꞇ͛. h̅ ꝩar greıꝩe ıꝩ͛ ſırıa. leonſ m͛kı hek aꝼ h̅ſ ſpıoꞇſcapꞇe. en hıalmr h̅ſ þoꞇꞇe loga aꝼ kar-buncl̅o þeı̅ er í ꝩar ſeꞇꞇr. reꞇhaſ leggr í ſcıollꝺ alexͥ með ſpıoꞇe ſva ꝼaſꞇ aꞇ ſpıoꞇſcapꞇıꞇ braſꞇ í ſunꝺr. ⁊ nu leggr .aͬ. ímoꞇ í ſcıollꝺ areꞇhe ⁊ ıgegno̅ ſcıollꝺın̅ ⁊ þreꝼallꝺa brynıo ſva aꞇ ſpıoz oꝺꝺrıƞ̅ nemr í hıarꞇano ſꞇað. Grıkk͛ lıoſꞇa þegar vpp ope mıclo ⁊ kalla þꞇ̅a ꝩ͛k mıkıƞ̅ ſıgr. ⁊ ſıgrꝩenlecꞇ heíll er k̅r ſıalꝼr heꝼ͛ ſva røſclega ꝩakeꞇ ꝩíg ꝼyrſꞇr mͣ. Epꞇ͛ þƞ̅a aꞇbvrð ꞇaka ſaman að rıð⸌l⸍az mıoc ſveıꞇ͛nar. ⁊ nu rıða ꝼra̅ þ̅r h͛ꞇogarn͛ clıꞇ᷒ ⁊ ꞇholom̅ſ men̅ hollzꞇe ꝩaſleg͛ vnꝺ͛ ꝩapno̅ aꞇ ſıa. ⁊ ſva ꝼara þ̅r geyſꞇ͛ ímoꞇe ſıno̅ ꝼıanꝺm̅m. ſem ſollꞇeƞ̅ leo moꞇe ſeno̅ yxna ꝼlocke. Tholome᷒ rıðꝛ aꞇ þeı̅ rıꝺꝺara er kleocaſ heıꞇ͛ ⁊ leggr ꞇıl h̅ſ í ꝩangaƞ̅. en úꞇ vm aƞ̅an ſva aꞇ þar ꝼlýꞇr heıleƞ̅ ıbroꞇ. rınꝺꝛ h̅o̅ ſva leıcno̅ ꝺauðo̅ ꞇıl ıarðar. Clıꞇ᷒ rıðꝛ aꞇ þeı̅ rıꝺꝺara. er arꝺophıl᷒ heíꞇ͛ ⁊ leggr í ſcıollꝺ h̅ſ ſpıoꞇe. rꝺophıl᷒ leggr ⁊ ímoꞇꞇ ı ſcıollꝺ clıꞇı. ſva leggıa þ̅r ꝼaſꞇ aꞇ ı ſvnꝺꝛ breſꞇr ſpıoꞇeꞇ hvarꞇveɢıa. Epꞇ͛ þ̅ ſcıpꞇaz þ̅r hoggo̅ ꝩıð þar ꞇıl er vm ſıðer ꝼalla ꞇıl ıarðar heſꞇar þ̅ra ⁊ ſıalꝩ͛ þ̅r aꝼ mðe langᷓr ⁊ ſnarpᷓr ſocnar. Oc ſva lıggıa þ̅r rıð ſem eıgı ſe lıꝼ með þeı̅. En er møðen ꞇok nockoꞇ aꝼ þeı̅ aꞇ reƞ̅a. þa kemz klıꞇ᷒ ꝼyʀe á ꝼꞇr. ⁊ þa er rꝺophıl᷒ leıꞇar ꝩıð vpp aꞇ ſꞇanꝺa ſeꞇr klıꞇ᷒ ſverðıꞇ á halſ h̅o̅. ⁊ g͛ır ſcıoꞇan ſcılnaꞇ bucſ ⁊ hoꝼvðſ. Nu rıðr ꝼᷓm aꝼ ſerkıo̅ eıƞ̅ ágeꞇr hoꝼðenge er maꞇhe᷒ heıꞇ͛. ꝼrıðꝛ maðꝛ ſyno̅. ſnıallr í malı. ⁊ goðꝛ ꞇıl ꝩapnſ. Oc í ꝩınſꞇᷓ ꝼylkıngar arme gͥckıa. ꝺrepr maꞇhe᷒ þaƞ̅ rıꝺꝺara er yollaſ héꞇ. Phıloꞇaſ ſon parmenıonıſ er ꝩar eıƞ̅ aꝼ hoꝼðengıo̅ þeſſa ꝼylkıngar armſ ꝩıll heꝼna ſınſ ꝼelaga. ⁊ hoggr epꞇ͛ maꞇheo með ſverðe. En kvıclaꞇr heſꞇr er maꞇhe᷒ ſaꞇ á. beʀ h̅ vnꝺan hoggvıno. Phıloꞇaſ hoggr þa ꞇıl rıꝺꝺara þeſſ er ochıſ heıꞇ͛ ⁊ ꞇvıſcıpꞇ͛ a h̅om ſıðuna. Epꞇ͛ þꞇ̅a hogg. ⁊ moꝛg on̅oꝛ ſꞇóꝛ er phıloꞇaſ geꝼr ſerkıo̅. leggıa ꝼaſꞇ aꞇ h̅om rıꝺꝺarar aꝼ hırcanı. ⁊ er gͥck͛ ſıa aꞇ h̅ á ꝩıð mıkıꞇ oꝼreꝼle. þa ſꞇeꝼna ꞇıl ꝼvlꞇıngſ ꝩıð h̅ þ̅r h͛ꞇogarn͛. anꞇıgon᷒ ⁊ cenoſ. craꞇér᷒ ⁊ parme-nıo ꝼaðer phıloꞇe ſa mͬ er allz ꝩar þeſſ luꞇꞇakare er alex͛ gerðe ſva aꞇ ꝼᷓſagnar ꝩ͛e ꝩ͛ꞇ. En beꞇr ęꞇla ec ſama. ſeg͛ meıſꞇare .g. aꞇ þegıa yꝩ͛ meðan ma hv͛ gıollꝺ p̲menıo ꞇok ſın̅a ꞇılꝩ͛ka. nꞇıgon᷒ rıðr aꞇ þeı̅ man̅e er phelax heıꞇ͛. ⁊ hoggr ꞇıl h̅ſ með ſverðe ſva aꞇ h̅ þarꝼ eıgı ꝼleíra. cenoſ leggr ſpıoꞇe ꞇıl þeſſ man̅z er mıꝺa .h. ⁊ aꝼ þͥ lage ꝼør h̅ bana. Craꞇér᷒ ſꞇeꝼn͛ aꞇ þeı̅ man̅e e͛ amphıol᷒ .h. ⁊ ꝩeıꞇ͛ h̅o̅ aꝩ͛ca. þríꝼr ſıðan ı hıalm h̅s. ⁊ ſꞇeyp͛ h̅o̅ renꝺu̅ ꞇıl ıarðar oꝛ keʀo er h̅ haꝼðı ſeꞇıꞇ í. Craꞇér᷒ ꝩın̅r ⁊ a þeı̅ man̅e er ſꞇýrꞇ haꝼðe keʀun̅e ſva aꞇ h̅ ꝺregr epꞇ͛ ſer ıðren hrınꝺr h̅o̅ ſıðan á ꝼǿꞇr ſıno̅ lavarðe P̲menıo gengr ꝼra̅ moꞇe ſerkıo̅ epꞇ͛ ꝩanða. ⁊ nu rıða aꞇ h̅o̅ rıꝺꝺarar. an̅aʀ heıꞇ͛ ꝺım᷒. en an̅aʀ yſamneſ. h̅ ꝩar k̅gboꝛeƞ̅ mͬ. þ̅r leggıa baðer ſeƞ̅ ſpıoꞇu̅ á høgrı ſıðu p̲menıonıſ. h̅ bıꝩaz eckı ꝩıð logen. en kallar á gerzkan rıꝺꝺara þan̅ horeſꞇ᷒ heıꞇ͛. ſa heꝼ͛ laꞇeꞇ heſꞇ ſın̅. ⁊ heꝼ͛ á ráſ vpp í ꝼıallz lıðena. ſnu apꞇr ſem braðaſꞇ ꞇıl barꝺaga̅ſ ſeg͛ h̅. ec ſcal gıallꝺa þer apꞇr heſꞇ þıƞ̅. ſıðan ſnyz h̅ ꝩıð yſamnı ⁊ leggr ꝼᷓman í brıoſꞇ h̅o̅. ⁊ rınꝺr ꝺauðo̅ apꞇr aꝼ heſꞇı-no̅. en ꝼør þaƞ̅ ſama heſꞇ horeſꞇo. Epꞇ͛ þ̅ rıðꝛ h̅ aꞇ ꝺımo ⁊ hoggr aꝼ h̅om honꝺena. ſꞇeyp͛ h̅o̅ aꝼ heſꞇe. leyp͛ ſıðan a h̅ ⁊ g͛ır h̅ vꝩıggıan með ollo. þvı neſꞇ ꝺrepr h̅ agılon ⁊ an̅an elán. eƞ̅ þrıðıa chırıppu̅. h̅ ꝩar ęꞇꞇaðꝛ aꝼ arabıa. Nv rıðꝛ ꝼra̅ eın̅ aꝼ gͥckıo̅ ſa er evmenıꝺeſ heꞇ ⁊ ꝩın̅r mıkıꞇ ıllꞇ a ſerkıo̅. ꝩegr ſꞇunꝺu̅ með ſverðe. en ſꞇunꝺu̅ með ſcoꞇꝩapno̅. ıaſpen ꝺrepr h̅ með ſverðe. en ſcyꞇr með øro í auga þeım maƞ̅e er evꝺochıuſ heꞇ. Evmenıꝺeſ bryꞇıar moꝛg beín ſerkıa. ⁊ rıðr yꝩ͛ margan hoꝼðengıa buc ı barꝺagano̅. Nıchanóꝛ ſon p̲menıonıſ ꝩegr eıgı ſlıolegarr í eno̅ høgᷓ .ꝼ.arme. en þeſſır er nu heꝼ͛ ꝼᷓ ꝩ͛eꞇ ſagꞇ. ⁊ nu rıðꝛ aꞇ h̅o̅ eıƞ̅ ungr mͬ er eꝺım᷒ heıꞇ͛. ꝼrıðꝛ ſyno̅ ⁊ ꝩer boꝛeƞ̅. þͥaꞇ h̅ ꝩar komıƞ̅ ꝼᷓ cıro k̅ge. ̅ høggr í ſcıollꝺ nıchanoꝛıſ. en þar ryꞇr aꝼ ſem hagl aꝼ hvſe. ſꞇaðucꞇ h᷒ hırðır eıgı vm reıðe lopꞇzenſ. ſcıollꝺeƞ̅ ſakar oc eıgı lıꞇeꞇ høgg. En þo reıðız nıchanoꝛ ꝩıð. ⁊ leggr ſpıoꞇe ꝼᷓman í glvggeꞇ er á ꝩar brynıoƞ̅e ꝼyr͛ ugano. ⁊ ſpıoꞇzoꝺꝺreƞ̅ heꝩır ugaꞇ ⁊ reƞ̅er ſva ꞇıl aꞇ h̅ ꞇekr ıaꝼn ꝩel ſyn ꝼᷓ þͥ ugano er heıllꞇ ꝩar vꞇan. Ꝼᷓ þͥ er nv aꞇ ſegıa aꞇ ſa mͬ gengr harꞇ ꝼᷓm ı lıðe ſerkıa er neguſar heıꞇ͛. h̅ ꝩar rıkr hauꝼðenge aꝼ nını-ue komın̅ ꝼᷓ níno k̅ge er g͛a leꞇ þa mıclo boꝛg. h̅ ꝩegr með breıðøxe mıkılle. ſꞇvnꝺu̅ ſcýꞇr h̅ gaꝼloku̅. ſꞇunꝺu̅ b͛ſc h̅ með ſverðe. Gerðzcan maƞ̅ þaƞ̅ er helıſ .h. ſcyꞇr h̅ ígegno̅ með gaꝼ-lake. með ſverðeno høɢr h̅ honꝺ aꝼ þeı̅ maƞ̅e er ꝺoꝛıluſ .h. Øxena keyr͛ h̅ á halſ þeı̅ maƞ̅e er hermogeneꞇ heꞇ. ⁊ eıgı þarꝼ h̅ ꝼleıra. Phıloꞇaſ p̲menıonıſ ſon ſer nu hveſſv mıkıꞇ ıllꞇ neguſár ꝩın̅r á ſerkıo̅. ⁊ ꝼeyk͛ aꞇ h̅o̅ með brugðeꞇ ſverð. høggr ſıðan ꞇıl h̅ſ í gullroðeƞ̅ hıalm þaƞ̅ er ſceín aꝼ pırıpo þeı̅ er í ſꞇóð. ſverðeꞇ ſveðꝛ aꝼ ſꞇalhoꝛðom hıalme. en mıſſır þo eıge með ollo. þͥaꞇ þ̅ ꞇekr aꝼ honꝺena ꝩınſꞇre er neguſar haꝼðe brugðeꞇ vpp ꝼyrer anꝺlıꞇ ſer. ⁊ nu byz en hęgre aꞇ heꝼna ſyſꞇur ſıƞ̅ar. ⁊ reıðır vpp øxe ſva ſnarꞇ. aꞇ þ̅ høgg monꝺe ꝼørꞇ haꝼa phıloꞇam ꞇıl helıar eꝼ eıgı ꝩ͛́e aꝼ h̅o̅ boꝛeꞇ. mıcꞇanſ eıƞ̅ aꝼ herꞇogo̅ gͥckıa rıðꝛ aꞇ í þeſſo ſꝩarꝩe. ⁊ bregðꝛ ſcıllꝺe ꝩıð hoggveno. Neguſar hoggr rauꝼ á ſcıall-ꝺar bucleno ⁊ ꝼeſꞇer þar øxena. ⁊ er h̅ ꝩıll ábroꞇꞇ kıppa øxe ſın̅ı þa ꝩerðꝛ phıloꞇaſ eƞ̅ nér ſꞇaꝺꝺr. ⁊ ſcellır aꝼ h̅o̅ honꝺena í aulbgga bóꞇ. Sár ⁊ ſuꞇ g͛a margan maƞ̅ ſꞇerkan. Neguſar lıꞇr á ſꞇuꝼana. ⁊ ſer nv aꞇ h̅ man eckı ꝩega mega ꞇıl ꝼullꞇıngſ ſerkıo̅. en þo ꝩıll h̅ ꝩeíꞇa þ̅ er h̅ ma. ⁊ lęꞇr nu ꝼallaz ꝼyr ꝼøꞇr heſꞇe rıꝺꝺara þeſſ er yollaſ .h. eſꞇr ꝼellr v̅ h̅. ⁊ yollaſ aꝼ heſꞇeno̅. ⁊ þau ſomo ſpıoꞇ er gͥck͛ hoꝼðo ęꞇlaꞇ aꞇ neguſar ſcyllꝺe á gıſꞇa. ſꞇanꝺa nu gegno̅ yolla̅ ⁊ heſꞇ h̅ſ. ꝼ þeſſe rapan allre ſaman. ⁊ mıklo̅ ꝩapnagang leꞇz ⁊ neguſar ꝩıð hollzꞇe mıkın̅ rauſꞇleíc. Nu ꞇaka ꝺauðır bukar aꞇ þekıa ıoꝛðena hv͛ꝩeꞇna. ꝩellır ꝼlıoꞇa aꝼ bloðe. en ꝺalꝩ͛pe ꝼyllaz oll. ꝼ hvaro̅ꞇveggıo̅ ꝼellr nu mıkıꞇ lıð. en þo mıklo meıra aꝼ ſerkıo̅. ꞇaka nu mıoc aꞇ þyn̅az ꝼylkıngar þr̅a. ⁊ þ̅r aꞇ ꝺıgna þoꞇꞇ eƞ̅ ꝩęre vꞇal lıðſ epꞇ͛. En þoꞇꞇ gͥck͛ ꝩęre ꝼaer hıa ſerkıo̅. þa leꞇıaz þ̅r þo ecke á ſoknen̅e. þͥaꞇ ꝺırꝼð ⁊ aręðe bęꞇa þeım lıðſcoꝛꞇeƞ̅. Oc nu er ſerk͛ ꞇaka á høl hopa. þa rıðꝛ ꝼᷓm k̅reƞ̅ ſıalꝼr .a͛. ſva ſnarꞇ ſem ellꝺıng ꝼlyge. h̅ ryðꝛ ſer goꞇo ígegno̅ ꝼoꞇgongo lıð. ⁊ ſva rıꝺꝺara lıð. ꝩanꝺar eıgı þoꞇꞇ þyckꞇ ſe ꝼır͛ ſcıpaꞇ ſpıoꞇv̅ ⁊ ſverðo̅. ꝩıll aꞇ ꝩıſo na ꝺarıo ꝼyʀ en ꝼloꞇꞇeƞ̅ breſꞇe. En eıƞ̅ gauꝼugr ꝼręnꝺe ꝺarí e͛ oxaꞇreuſ heıꞇ͛ þrongr ſaman ꝼylkıng h̅ſ. ſva aꞇ .aͬ. naer eıgı ſękıa ſıalꝩan ꝺarıu̅. Nu ꞇekz aꝼ nyıo mıkıꞇ man̅ꝼall í hꝩaʀaꞇveggıo lıð. oꝼðengıarn͛ ſıalꝩ͛ ꞇaka nu aꞇ ꝼalla hveʀ aꞇ auðro̅. Barꝺaga gyðıan er bellona heıꞇ͛ hrıſꞇ͛ ꝺreyruga ebranꝺa ⁊ ſár allz konar ꝺauða. Sum͛ ero ſcoꞇn͛ ígegno̅ barkaƞ̅ eða í ſmaðarmana. ſumu̅ lıggr heıleƞ̅ vꞇe. ſum͛ ꝼa bana aꝼ ſcoꞇo̅ eða ſlongo̅. halſbeıneꞇ er broꞇıꞇ í ſumo̅. en ıðren lıggıa ſumo̅ uꞇe. moꝛ-gu̅ ꝩerða ⁊ ſverð aꞇ ſkaða. n̅aʀ ꝺeyr nu. en an̅aʀ er ꝺauðr með ollo. n̅aʀ ſpᷓuclar nu. en an-naʀ er ꝼull ſęꝼðr. Sa mͬ ꝩar í lıðe ſerkıa er zoroaſ heıꞇ͛ egıpzkr mͬ aꝼ boꝛg þr̅e er me̅phıſ heıꞇ͛. h̅ ꝩar auðkenꝺr aꝼ ageꞇlıgo̅ ꝩapno̅ þeı̅ er h̅ bar. ⁊ h̅ kun̅e meſꞇ ı herıno̅ aꝼ aſꞇronomıa ⁊ ꝩıſſe goꝛla aꝼ naꞇ᷑o hımınꞇungla. nér ꝩ͛a monꝺe ár eða  áran. ſnıoſamr ꝩeꞇr eða ꝩaxꞇ-ſamꞇ ár heíꞇꞇ ſumar eða þ̅ hauſꞇ er ꝩín þrıꝩız a. Muſıca̅ kun̅e h̅ oc harðla ꝩel. ⁊ allan ſꞇıoꝛnogang ſcılðe h̅ ageꞇlıga. Orlog maƞ̅a ꝩıſſe h̅ ⁊ ꝼyr͛ aꝼ ſꞇıoꝛno ıðroꞇꞇ ſın̅e. ⁊ þ̅ e͛ ſcıoꞇ-aſꞇ aꞇ ſegıa ꝼᷓ aꞇ alla heımſenſ naꞇ᷑v haꝼðe h̅ lucꞇ ſer í bͥoſꞇe. Oc nu haꝼðe zoroaſ ſeꞇ ꝼyr͛ aꝼ ſꞇıoꝛnogang aꞇ h̅ monꝺe ſcamꞇ haꝼa olıꝼaꞇ. En þͥaꞇ eıgı ꝼek h̅ hellꝺꝛ en aðrer oꝛlogu̅ v̅ꞇurnaꞇ. þa koſꞇgeꝼ͛ h̅ ſem meſꞇ aꞇ na ꝼunꝺe k̅ſenſ ſıalꝼſ .aͥ. ⁊ gırnız mıoc a aꞇ ꝼalla ꝼıre ꝩapno̅ ſva ꝩırðulegſ hauꝼðengıa. ⁊ þͥaꞇ h̅ haꞇar lıꝩeꞇ. en elſkar barꝺa-gaƞ̅ þa raſar h̅ ꝼra̅ ı ꝼylkıngar broꝺꝺeƞ̅ ímoꞇ .aͦ. ⁊ þegar er zoroaſ ꝼęr ſeꞇ k̅gen̅ þa leꞇr h̅ ꝺrıꝼa þycꞇ aꞇ h̅o̅ ſcoꞇvapn oꝛ keʀv er h̅ ſaꞇ í. Eıgı gremr h̅ aꞇ eınſ k̅gen̅ aꞇ ſer með ꝩapnagange. hellꝺꝛ lęꞇr h̅ ꝼylgıa brıgzle ⁊ eɢıan ſva męlanꝺe. eyr ðu nepꞇanabı ſon elıꝼ ſco moðoꝛ þın̅ar. hvı glaꞇar ðu ſarv̅. ⁊ ꝩın̅r á ſlenſcapar m̅m. ſnu hellꝺr á mek vpp ðe þın̅e. ⁊ eꝼ þu heꝼ͛ en̅ nockoꝛn krapꞇ með þer. þa legg mek vıð ıoꝛðo. þͥaꞇ mıno̅ rıꝺꝺara ſcap ꝼylgıa ſıau ſpecðar ıðroꞇꞇ͛. em ec aꝼ þͥ ꝩerðꝛ aꞇ b͛a ꞇvau cıapell aꝼ lauro n̅aꞇ ꝼıre rıꝺ-ꝺara ſcap. en an̅aꞇ ꝼıre klerkꝺome Sva mæler zoroaſ en .aͬ. k̅r ꝩıll eıgı reıðaz ꝩıð akoſꞇo̅ h̅ſ. hellꝺr ꝩıll h̅ mıſcuƞ̅a þeım er gırnız aꞇ ꝺeyıa ꝼır͛ h̅ſ ꝩapno̅. ⁊ ſvar͛ h̅o̅ ſva blıðlega. ho ho. ſcyſſe mıkıꞇ ſeg͛ h̅. v͛r ſem þu erꞇ þa bıð ec aꞇ þv lıꝩ͛. ⁊ ꝼyr͛ ꝼar͛ eıgı í ꝺauða þıno̅ h͛bergı ſva ſꞇoꝛra íþroꞇꞇa. ⁊ allꝺregı ſcal mın honꝺ. eða mıꞇꞇ ſverð ſaur-gaz ı ſva marg ꝩıꞇro̅ heıla. Erꞇ v harðla nyꞇſamlegr heımıno̅. Eða hv͛ ꝩılla eggıar þec aꞇ ꝩılıa ſva rapa ꞇıl helvıꞇıſ þar ſem engı ꝩızka ma þͥꝩaz. ſva mllꞇı k̅gren̅. En zoroaſ leypr oꝛ keʀvn̅e ⁊ aꞇ k̅ge ⁊ hoggr ꞇıl h̅ſ með ſꝩerðe á lęreꞇ þar ſem męꞇız brynıan ⁊ bryn hoſan ⁊ helgar ſva ꝩıgꝩolleƞ̅ með k̅ſ bloðe. Nu reıðız k̅r en keyr͛ þo broꞇꞇ heſꞇ ſın̅ með ſporo̅ ꞇıl þeſſ aꞇ h̅ mege þyrma zoroe ⁊ ꞇe̅pra ſva reıðe ſına. En meleag͛ eıƞ̅ aꝼ h͛ꞇogo̅ gͥckıa ꝼleyg͛ aꞇ ı þͥ ⁊ hoggr unꝺan zoroe baða ꝼꞇr ı kneſboꞇo̅ ı eıno hog-guı. Epꞇ͛ þ̅ laupaz marg͛ aꞇ ⁊ bryꞇıa zoꝛoam í ſmáꞇꞇ. ⁊ gıallꝺa ſva ſꞇıoꝛno̅ apꞇr þan̅ er epꞇ͛ þr̅a gang ꞇruðe ſın ꝼoꝛlaug ꝼara monꝺo. Nu ſnyr ollo maƞ̅ ꝼalle í lıð ꝺarí k̅ſ. ⁊ eıgı ꝩeıꞇ h̅ ſıalꝼr hvaꞇ ꞇıl raðſ ſcal ꞇaka. h̅ ſer alla ꝩega ꝼᷓ ſer ꝩıgꝩolleƞ̅ ꝼloa aꝼ bloðe ſın̅a man̅a. ſer ⁊ margan hauꝼðengıa lıggıa hıa ſer renꝺan. En þ̅r er h̅ ꞇreyſꞇez bezꞇ ꞇaka nv ꝼlyıa. ⁊ ſa er ſꞇyrꞇ haꝼðe keʀv k̅ſenſ lıggr hauꝼvðlauſ mıllo̅ heſꞇan̅a er ꝺregıꞇ hoꝼðu keʀuna. ⁊ ıðren h̅ſ e͛ vꞇe lıggıa ꝩeꝩıaz v̅ ꝼꞇr þeı̅. Oc meðan .ꝺ᷒. k̅r eꝩaz í hvarꞇ h̅ ſkal a ꝼøꞇe ꝼlyıa. eða ꝩeıꞇa ſer ſıalꝼr bana. þa ſcyꞇr p̲ꝺıcaſ eıƞ̅ aꝼ h͛ꞇogonu̅ ſpıoꞇe ꞇıl k̅ſenſ. þ̅ nemr ſꞇað í hoꝼðıno. beınen ꝩ͛ıa þo heılaƞ̅ ſva aꞇ ⸌h̅⸍ ſakar eıgı. þa leypr .ꝺ᷒. k̅r oꝛ keʀv ſın̅e. ⁊ ꝩıll eıgı b͛ıaz lengr ꝩıð oꝼreꝼle. leggr nu á ꝼloꞇꞇa ⁊ ren̅r með úꞇıgno̅ m̅m þ̅ er beınſꞇ ꝩar v̅ ꝼıoll ⁊ ſcoga. þar ꞇıl er ſa mͬ er auſon heıꞇ͛ ſeꞇr vnꝺ͛ h̅ heſꞇ. Oc nv rıðr .ꝺ. k. yꝩ͛ evꝼᷓꞇen. ⁊ nemr eıgı ſꞇað ꝼyʀ en í babılone. Maꞇhe᷒ ꝩerðꝛ nu ꝩaʀ ꝩıð ⁊ aðrer þ̅r er en̅ ꝩıllꝺo hellꝺꝛ b͛ıaz en ꝼlyıa. aꞇ .ꝺ. k̅r heꝼ͛ lagꞇ á ꝼloꞇꞇa. ⁊ þegar mınkar ꝺırꝼð þ̅ra ꝩıð þꞇ̅a. ⁊ nema þ̅r aꞇ þıona ꝼelmꞇeno̅. ſn͛ız þar nu ſcıóꞇꞇ ſꞇað ꝼeſꞇın í hrøzlo. auꝼðıngıan͛ ꝼlyıa nv hv͛r aꞇ auðro̅. Eıgı ſꞇanꝺa þar ⁊ úꞇıgn͛ epꞇ͛ er ꞇıgn͛ ꝼlyıa. ⁊ ꝩara þ̅ vnꝺarlecꞇ aꞇ all͛ leıꞇaðe nu vnꝺan þͥaꞇ nauðſyn e͛ aꞇ lımırn͛ ſcelꝩız þa er hauꝼuðeꞇ benꝺız. Grıkk͛ reka ꝼloꞇꞇan̅ í akaꝼa. ⁊ geꝩa moꝛ-gom ecke goðan bac ſleꞇꞇ. ꝼellr nu ſa margr með ſco̅m ı ꝼloꞇꞇano̅ er h̅ aꞇꞇe koſꞇ aꞇ ꝼalla með ꝺað ⁊ ꝺrengſcap ꝼıre k̅ge ſıno̅ ⁊ ꝼoſꞇrlanꝺe. Sıðan er gͥckıo̅ leıꝺꝺız aꞇ reka ꝼloꞇꞇan̅. þa ſlıðra þ̅r ſverðen ſoꝺꝺ aꝼ mͣ ꝺrape. ⁊ nu bıðꝛ .aͬ. k̅r aꞇ þ̅r ſcyle ſaman ſopa h͛ꝼangıno. Grıckıo̅ ꝼeʀ ꝼımꞇ vpp aꞇ luka ꝼehırzlu̅ ſerkıa. ꝩanꝺa þ̅r eıgı hvarꞇ lyclar ꝼın-naz. ſıðan ꝼara þ̅r a ſcoga aꞇ leıꞇa þeſſ ꝼıar er ſerk͛ haꝼa þar hırꞇ ı ꝼylſcnu̅. ꞇ ſaman komno̅ h͛ꝼangıno̅ ſcıpꞇ͛ .aͬ. k̅r ꝼeno með lıðe ſıno. Nu klyꝼıa þ̅r heſꞇa ſına ⁊ hlaða ꝩagna aꝼ gulle ⁊ g͛ſımu̅. ꞇroða ſecke ſına þar ꞇıl er þ̅r ſpyıa oꝛ ſer gulleno. ⁊ haꝼna bonꝺo̅ þeı̅ er geꞇa ſcyllꝺo ꝼengenſ ꝼıar. Yꝼreꞇ ꝼe þyck͛ honꝺo̅ þr̅a nu ſaman komıꞇ. en agıarn hvgr ꝩıll eƞ̅ meıra. ⁊ en̅ ꝼylla þ̅r hoſor ſınar aꝼ þͥ er eıgı ꝼęr an̅arſꞇaðar ru̅. ⁊ kyrꞇla ſına ꝼyr͛. Svm͛ ꝼara ꞇıl þaƞ̅og er kven̅a ꝼlockar ero ꝼyr͛. ⁊ ſlıꞇa aꝼ þeı̅ eyrnagull ⁊ gull nıſꞇe ⁊ að-rar g͛ſımar er þęr hoꝼðo a ſec boꝛeꞇ. ſum͛ leggıa þegar bloðgar henꝺr v̅ halſ þeı̅. kyſſa ⁊ kreıſꞇa. ſca̅maz ⁊ eıgı aꞇ leıka ꝼyr͛ alðyðo auglıꞇe ſlıcꞇ an̅aꞇ er þa lyſꞇ͛. Moꝛg léꞇr þar ſın̅ meyꝺóm. On̅oꝛ ſveıꞇen ſv er ſękır ſaurgaz aꝼ leıkeno̅. en ſv ꝼær lıcn. er ꝩ͛ſc með ſꞇ ⁊ ſoꝛg. þͥaꞇ nauðung ⁊ oꝼreꝼle mınkar ıaꝼnan ſeð þeſſ er þoler ⁊ ꝼıre ꝩ͛ðꝛ. En epꞇ͛ þͥ ſem byrıar k̅glıgre ꞇıgn. þa lꞇr .aͬ. k̅r aka í gyllꞇv̅ keʀv̅ með allꞇ ꞇengða lıð ꝺaríȷ k̅ſ ꞇıl h͛buða ſıƞ̅a. með moðoꝛ h̅ſ ⁊ ſyſꞇur er bęðe ꝩar ⁊ kona h̅ſ. ⁊ ſon h̅ſ .vıı. veꞇᷓ gamal. ſva ꝩar mıkıl mıllꝺı k̅ſ aꞇ h̅ ꝩar þan̅og ꞇıl moðoꝛ ꝺarí ſem h̅ monꝺe ꞇıl ſın̅ar moðoꝛ eꝼ hͦ ꝩ͛e þar. ͦꞇnıng kono ꝺarí. kallar h̅ ſyſꞇoꝛ ſına. ſveıneƞ̅ g͛ır h̅ ſer aꞇ oſcbarne. Sva mıkıl manꝺo̅ſ áſꞇ bygðe brıoſꞇ k̅gſ í þaƞ̅ ꞇıma eꝼ vpp ꞇekın̅ haꞇꞇr hellꝺez með h̅om aꞇ engı uꝼręgð męꞇꞇe ſaurga h̅ſ ena bıoꝛꞇo ꝼregð. En ſıðan er ꝼengıƞ̅ auðꝛ ſerkıa ⁊ þ̅ra bılıꝩe gaꝼ óꝩeno ꝼra̅gang. en ꝼıarenſ gnoꞇꞇ ꝩanſꞇılleſ moðer ꞇalðe hveꞇꝩeꞇna ſoma. þa ꞇok hamıngıan aꞇ ſpılla naꞇꞇvru̅ne. ⁊ leſꞇ͛ aꞇ ſꞇe̅ma krapꞇan̅a ráſ ⁊ þeı̅ apꞇr aꞇ ſnua. þͥaꞇ ſa eƞ̅ ſame er ꝼyʀ ꝩar mıllꝺr óꝩıno̅ ſıno̅ gerðız ſıðan ꝼıanꝺmͬ ſumra ꝩına ſın̅a. leꞇ ꝺrepa þıo-noſꞇomen̅ ſına ſıalꝼſ. ⁊ ęꞇlaðe engan luꞇ hermaƞ̅enu̅ baƞaðan. Oc þͥaꞇ ſegıa ꝩerðꝛ bðe lıvꝼꞇ ⁊ leíꞇꞇ. þa ko̅ þar aꞇ .ͬ. k̅r kallaðız ſon ıoꝩıſ. er heıðn͛ men̅ ꞇruðo ꝩ͛a hımna guð. ⁊ h̅ bauð oðro̅ aꞇ kalla ſek ſva. þͥaꞇ meꞇnaðꝛ h̅ſ gek allꞇ yꝩ͛ man̅lecꞇ eðle. þa er h̅om leıꝺꝺız aꞇ ꝩ͛a mͬ aꞇ eínſ. ⁊ þoꞇꞇe lıꞇılſ ꝩ͛ꞇ aꞇ ꝩ͛a hſꞇr ıarðlegᷓ luꞇa. Epꞇ͛ þ̅ er .aͬ. k̅r heꝼ͛ ſcıpꞇ h͛ꝼange með h͛ıno̅ ſenꝺ͛ h̅ p̲menıone̅ með mıclo lıðe ꞇıl ꝺamaſcu̅ þeſſ renꝺıſ aꞇ na þͥ mıcla ꝼe er .ꝺ᷒. haꝼðe þangaꞇ ſenꞇ ꞇıl gezlo ſem ꝼyʀ ꝩar ſagꞇ. Þ̅ ꝩarð eıgı ꞇorꝩellꞇ ꝼıre þͥ aꞇ greıꝩe ſa er ſeꞇꞇr ꝩar yꝩ͛ þeſſa b̅g aꝼ ꝺͦ. vn̅e nu beꞇr ꝼıarenſ þeı̅ er ſıgᷓz haꝼðe. en ſꝩéıc þan̅ er ſıgraðꝛ ꝩar. ⁊ ꝺro b̅garm̅ á ꞇalar. bað aꞇ þ̅r geꝼız vpp í ꝩallꝺ gͥckıa. þͥaꞇ ıamſcıoꞇꞇ ſcıpꞇe h̅ ꞇruna-ðe ſıno̅ í greyſcap. ſem h̅ ſa hamıngıona ſcıpꞇaz mıllo̅ k̅gan̅a. Parmenıo ꝩıll engı gͥð geꝼa þeım er ſva ꞇrvnaðar ꞇom͛ ero. eypr á þa þegar ⁊ ꝺrepr þar mıkın̅ múg. Þaꞇ ꝼoꝛ ſem maclecꞇ ꝩar aꞇ greıꝼeƞ̅ ꝼell með þvı lıðe er h̅ ꝺro ꞇıl ꝺrapſ með ſıno ꝩelręðe. þ̅ꞇa ſpyʀ .ꝺ᷒. k̅r braꞇꞇ aꞇ gͥck͛ haꝼa geꝼıꞇ h̅ſ m̅m eƞ̅ mıkıꞇ ſlag. ⁊ ꞇekıꞇ ꝼyr͛ h̅o̅ ogryn̅e ꝼíar. en ſcıoꞇar ſcaða bęꞇr þıckız h̅ ꝼa. þa er ſa maðꝛ kemr ꞇıl h̅ſ er h̅o̅ kan̅ þ̅ ſegıa aꞇ greıꝼen̅ heꝼ͛ ꝼalleꞇ í ꝼyrſꞇo ꝼıre ſıalꝼſ ſínſ ſvıc. ⁊ eıgı nen̅ır .ꝺ᷒. heðan aꝼ aꞇ ſegıa hamıngıo blınꝺa ꝩ͛a með ollo. þar ſ hon gellꝺꝛ ſꞇunꝺum ꝩanꝺum m̅m apꞇr aꝼ reꞇꞇͥ ꝩag ſem þr̅a ꝼlęrð heꝼ͛ ꞇıl þıo-naꞇ. Slıcꞇ ſva bar í bęꞇr .ꝺͦ. k̅ge þoꞇꞇ nu ꞇake þungꞇ ꝩeíꞇa. ſan̅aðız h͛ þ̅ ſe̅ męllꞇ e͛ aꞇ ꝼáꞇꞇ er ſva ıllꞇ aꞇ eınvge ꝺvge. Þa er .vıı. ꝺagar ꝩͦ lıðn͛ ꝼᷓ barꝺaga þeım er nu heꝼ͛ nockoꞇ ꝩ͛ıꞇ ꝼᷓ ſagꞇ. ⁊ aͬ. k̅r haꝼðe ıarða laꞇeꞇ lıc ꞇıgın̅a man̅a þr̅a er ꝼalleꞇ havꝼðo epꞇ͛ þeı̅ ſıð e͛ þa ꝩar. Ꝼeʀ h̅ ꞇıl þr̅ar b̅gar er ſıdon heıꞇ͛. oc epꞇ͛ þ̅ er h̅ haꝼðe þ̅ ꝼolc unꝺ͛ ſek lagꞇ er þa boꝛg bygðe. ſꞇeꝼn͛ h̅ ꞇıl þr̅ar b̅gar er ꞇyʀ᷒ .h. ⁊ þegar er gͥckır nalgaz þeſſa b̅g ſıa þ̅r aꞇ b̅garmen̅ mono hellꝺꝛ ꝩılıa ꝩ͛ıaz en vpp geꝼaz. ͬ. k̅r ꝩerðꝛ glaðr ꝩıð er h̅ ſcal ꝼır͛ haꝼa ꝼun̅eꞇ þa men̅ er eıgı ſpare ꝩıðr aꞇ nema. þ̅r ſcıpaz ꝼyr͛ a boꝛgar ꝩeɢe ꞇıl ꝩarnar. haꝼa ꝩıða ſeꞇꞇ vpp ꝼlaca ꞇıl lıꝼðar moꞇe gríoꞇꝼlaug. en þar ſem þr̅a mıſſer. er þycꞇ ſcaraꞇ ſcıollꝺu̅ ꝼyr͛. Grıcker ſekıa ꝼaſꞇ aꞇ. en b̅gar men̅ ꝩ͛ıaz ⁊ ꝩırkða ꝩel. laꞇa þycꞇ ꝺrıꝼa ſcoꞇ ⁊ gͥoꞇ. Moꝛg ꝩalſlon-gva hęꞇ͛ þar ꝺauða þeı̅ er vnꝺ͛ b̅gar ꝩeggıonu̅ ero. Lenge b͛ıaz gͥckır ꝩıð þeſſa b̅g. þeır leggıa ſcıpo̅ vꞇan aꞇ h̅e. þͥaꞇ hͦ ꝩͬ ſb̅g. ꝩeıꞇa nu harða aꞇ ſokn bęðe aꝼ ſıa ⁊ aꝼ lanꝺe. þar kemr en̅ aꞇ þ̅r ꝼa broꞇeꞇ þessa b̅g. ⁊ þegar er þ̅r na ın̅gongu ꝺrepa þ̅r allꞇ þ̅ er ꝼyr͛ ꝩerðꝛ unga men̅ ſem gamla konoꝛ ſem karla. Engo þyrma þ̅r. en þ̅ hellꝺr ꞇıl þeſſ aꞇ .aͬ. k̅r haꝼðe ꝼyʀ en h̅ ſeꞇꞇız u̅ b̅gena goꝛꞇ rıꝺꝺara ſına ꞇıl b̅gar mͣ aꞇ bıoða þeı̅ ꝼrıð eꝼ þ̅r ꝩıllꝺe geꝼaz ı h̅ſ vallꝺ. þ̅r launaðo ſva k̅ge boðen̅ ꝼrıð aꞇ þ̅r nıꝺꝺuz a ſenꝺı m̅m ⁊ ꝺra-po þa. Oc ꝼıre þa ſoc vrðo þ̅r ꝼıre ſva gͥmre k̅ſ reıðe ⁊ mıſꞇo lıcnar aꝼ h̅o̅ ſe̅ ꝩ͛ꞇ ꝩar. aꞇ þ̅r hoꝼðo ꝺrepıꞇ þa er þeım buðo ꝼrıð ⁊ grıð aꝼ k̅ge. ⁊ g͛ðv þ̅ nıðıngſ ꝩ͛c er ngo̅ ꝺuganꝺa man̅e e͛ g͛anꝺa þoꞇꞇ ꝼvllr ꝼıanꝺſcapr ſe meðal man̅a. ⁊ þͥ bıðr .alex͛. k̅r aꞇ ꝺrepa ſcyle ſe̅ ſcıoꞇaſꞇ ma allꞇ ꝼolc í borgen̅e. ꝼyr vꞇan þ̅ er í heılog hoꝼ kmez. Nu g͛ız mıkıꞇ brac oc hormolegr gᷓꞇr í ſꞇaðenu̅. konoꝛ ępa ſem þęr mega meſꞇ aꝼ ꞇaka. Grıcker hvgſa nu hv͛-nog þ̅r ſcyle ſcıoꞇaſꞇ eyꞇꞇ ꝼa þeſſv ꝼolke. ⁊ þ̅ rað ꞇaka þ̅r. aꞇ ellꝺr er lagðr aꞇ b̅gen̅e þeı̅ megum er ꝩınꝺꝛ ſꞇenꝺr meſꞇ aꞇ hen̅e. ſollꞇen̅ ellꝺr ꝼleyg͛ þegar er h̅ magnaz í hvſaþoc. ⁊ þvı meıʀ hungᷓr h̅ er h̅o̅ geꝼz meıra ꞇıl maꞇar. ſva laꞇaz nu ꞇıgn͛ ſem ꞇıgn͛. ll͛ b̅gar men̅ ꝺeyıa. en mıkıl greín er á hveſſv þ̅r ꝺeyıa. Sum͛ røðaz ellꝺen̅ meſꞇ. ⁊ aꞇ þ̅r ꝼoꝛðez h̅. laupa þ̅r á ꝩapn gͥckıa. Sum͛ laupa í ellꝺıƞ̅ aꞇ þ̅r ꝼoꝛðez ꝩapnen. Sum͛ laupa uꞇ aꝼ b̅gar ꝩeɢıo̅ á ſęın̅ ⁊ ꝺreckıa ſer ſıalꝩ͛ ꞇıl þeſſ aꞇ þ̅r ꝼoꝛðez ellꝺ oc ꝩapn. Sum͛ leıꞇa ſer ꝼylſc-na legıa ſıðan ſnoroꝛ a halſ ſer ⁊ kyrkıa ſec í hel. ꝩılıa hellꝺr ꝺrepa ſec ſıalꝩ͛. en ꝩ͛a ꝺrepn͛ aꝼ gͥckıo̅. Sum͛ þ̅r er aðꝛ haꝩa barız ſca̅maz en̅ aꞇ ꝼlyıa. kıoſa hellꝺr aꞇ ꝺeyıa ꝼıre logom ⁊ reꞇꞇynꝺo̅. ꝼıre ꝼrelſı ſıno ⁊ ꝼoðoꝛleıꝼð. þ̅ꞇa ꝩar ſomaſamlecꞇ ꝺauða kyn. ⁊ ſcemðar lauſſ ꝺauðe aꞇ ꝼoꝛðaz eıgı bana ſın̅ með ręzlo. ꝩerıaz hellꝺꝛ með ꝺrengſcap ſem h͛ gerðo marger þ̅r er run̅o moꞇe ꝺauðano̅ ꞇıl þeſſ aꞇ þ̅r heꝼnꝺe ſın ſıalꝩ͛ á gͥckıo̅. ⁊ eıgı ſpøꝛðo ꝩeıꞇa ſꞇoꝛ hogg ⁊ þıggıa. ⁊ ꝼengu þ̅r ꝼıre ſec ſıꞇꞇ ıaꝼnꝩırðe. Ecke g͛ır nu meıra man̅ꞇıon en ellꝺrın̅. ⁊ þar kemr aꞇ ſu en ageꞇa b̅g ꞇır᷒. er agénoʀ k̅r haꝼðe reıſa laꞇeꞇ í ꝼyrſꞇo bren̅r vpp oll. ⁊ ꝩ͛ðꝛ aꞇ øſco oꝛ mıklo manꝩırke. J þeſſe b̅g heꝼ͛ ꝼyrſꞇ ꝼun̅ız ⁊ kenꞇ ꝩ͛eꞇ ſꞇaꝼroꝼ á ebreſcu eꝼ þͥ ma ꞇrua er ꝼoꝛn ſcallꝺın haꝩa ſagꞇ. eða ꝼreꞇꞇ͛ haꝼa ꝼᷓ ꝼareꞇ. génoꝛ k̅r er reıſa leꞇ ꞇırv̅ ſem ſagꞇ ꝩͬ. ꝩar caꞇhmı er ꝼyrſꞇ ꝼan̅ ſꞇaꝼroꝼ a gͥczco ⁊ erv ſꞇoꝛar ſogoꝛ ꝼᷓ þeı̅ þęr er ꝼın̅az mono ı þr̅e boc er heıꞇ͛ oꝩıꝺı᷒ magn᷒. llꝺrege ꝩar þeſſe b̅g ꝩun̅en ꝼyʀı. en lex͛ k̅r ꝩan̅ h̅a. ⁊ eıgı ꝩarð hon vpp reıſꞇ ꝼyʀ en aꝼ krıſꞇno̅ m̅m þeı̅ aꞇ ꝩeıꞇanꝺa er þ̅r haꝼa naꝼn aꝼ ꞇekıꞇ. þar heꝼ͛ ſıðan ꝩ͛ıꞇ ꝺyrkaꞇ aꝼ reꞇꞇruaðo ꝼolkı naꝼn enſ kroſſꝼeſꞇa þeſſ er bðe eıgnaz með ꝼauðoꝛlego ꝩallꝺe þeſſa b̅g ⁊ allar aðrar ⁊ man ıaꝼnan haꝩa ꝩallꝺ yꝩer. Þeſſe boꝛg ꞇır᷒ er nu ꝩͬ nıðꝛ broꞇen mꞇꞇe ꝩaraꞇ haꝼa ꝩıð aðrar þıoðır í auſꞇrhalꝼu heımſınſ aꞇ engı ꝺırꝼðız aꞇ brıoꞇa bág ꝩıð .aͦ. k̅ge. Boꝛg heıꞇ͛ gaza er þo þoꝛðe ꝩıð aꞇ rıſa. þ̅ ꝼolk er h̅a bygðe ꝩıllꝺe ꝩeıꞇa .ꝺͦ. k̅ge. ⁊ þͥ byrgðo þ̅r oll poꝛꞇ þa er guðaıaꝼnengeƞ̅ .aͬ. k̅r nalgaz þeſſa b̅g með lıð ſıꞇꞇ. ꝩılıa ꝼreıſꞇa eꝼ ꞇrunaðꝛ ſa er þ̅r ꝩeıꞇa .ꝺͦ. k̅ge. ꝼae ſıgᷓꞇ hamıngıo .aͥ. k̅ſ. þar ꞇekz nu barꝺage með gͥckıom ⁊ b̅garm̅m. þ̅r ꝩerıaz ꝩel en grıck͛ ſękıa ⁊ ꝼaſꞇ aꞇ. ͛ g͛ız mıkıꞇ manꝼall ı hvaroꞇveg-gıa lıðe. Oc meðan ſocn̅ ꝩar ſem akoꝼuſꞇ. leypr eın̅ b̅gar mͬ á ꝼunꝺ alexͥ k̅ſ ſem haƞ̅ ꝩıllꝺe ſer ꝼrıðar bıðıa. h̅ haꝼðe þo brugðeꞇ ſverð vnꝺ͛ ſcıllꝺe. ⁊ þegar er h̅ kemr ſva ner k̅ge aꞇ ſverðeꞇ ma ꞇaka ꞇıl h̅ſ. bregðr h̅ þͥ vpp vnꝺan ſcılꝺınu̅ er mınzꞇ ꝩar-ðe. ⁊ hoggr ꞇıl hoꝼuðſ k̅ge. En þͥaꞇ oꝛlagan̅a ſcıpan ꝩerðꝛ ſın̅ ꝼᷓmgang ꝼá. ⁊ ꝼoꝛlog mͣ ꝼara ſem ꝼyr͛ er ęꞇlaꞇ. þa ſcelꝼr honꝺın. ⁊ ꝼęr h̅ eckı réıꞇꞇ ſverðeꞇ ſem h̅ ꝩıllꝺe. þͥaꞇ lacheſıſ eın aꝼ þeı̅ þrımr ſyſꞇro̅ er oꝛlogo̅ ſꞇyra. ꝩıll eıgı aꞇ .aͬ. k̅r ꝩerðe ꝩapnꝺauðꝛ þar ſem nu ꝩar þegar ꝼyr͛ bueꞇ eıꞇr þ̅ er h̅ ſcal ꝺrecka. ⁊ h̅om man aꞇ bana ꝩerða á .x. ꝩeꞇᷓ ꝼreſꞇe. aͬ. k̅r ꝩerðꝛ ſcıoꞇꞇ ꝩaʀ ꝩıð hvaꞇ þeſſı mͬ ꝩıllꝺe g͛a. ⁊ byðꝛ aꞇ aꝼ h̅om ſcyllꝺe hoɢͣ þa ſo̅o honꝺ er ſꝩerðeꞇ haꝼðe ꝼram réıꞇꞇ. ⁊ með þvı ſama ſverðe. Nockoꝛ hvıllꝺ haꝼðı oꝛðeꞇ a barꝺa-gano̅. en ſıðan er þeſſe aꞇburðꝛ ꝩarð. ꝩeıꞇa gͥck͛ aꝼ nyıo harða aꞇ ſocn. k̅r ſıalꝼr b͛ſc ⁊ í ákaꝩa. Eın̅ aꝼ b̅gar m̅m ſcyꞇr ꞇıl k̅ſ ſpıoꞇe. þ̅ kemr á øxlena ꝩınſꞇre ⁊ ꝼęr h̅ þar ſár aꝼ. n̅aʀ ſenꝺ͛ h̅om ſꞇeín h̅ kemr a lerıꞇ ⁊ ꝩerðꝛ k̅r þar oc ſaʀ aꝼ. En þoaꞇ h̅ heꝼðe ꝼengıꞇ .ıı. ſar þa leggr h̅ eıgı nıðꝛ aꞇ hellꝺr vpp ꞇekna ſyſlo. þͥaꞇ h̅ hırðer meıʀ um ꝼregð en langlıꝼe. Eıgı leꞇꞇır k̅r ꝼyʀ en h̅ heꝼ͛ ꝺrepıꞇ hauꝼðengıa þan̅ er hallꝺeꞇ haꝼðe þeſſa b̅g aꝼ .ꝺͦ. ⁊ epꞇ͛ þ̅ geꝩaz b̅garmen̅ vpp. Sıðan rıðꝛ .aͬ. k̅r í b̅gena með h͛ ſın̅. þvı neſꞇ ſcıpar h̅ rıke ſıno með en̅a bezꞇo mͣ raðe. ⁊ ſeꞇr hoꝼðengıa ıꝩ͛ allar borg͛ þęr er h̅ heꝼ͛ unꝺır ſec lagꞇ. ⁊ ſıðan ꝼeʀ h̅ ꞇıl egıpꞇal̅z. ⁊ eıgı ſcılz h̅ þar ꝩıð ꝼyʀı en þ̅ er lagꞇ vnꝺ͛ h̅ſ vallꝺ. Epꞇ͛ þ̅ ꝼyſız h̅ aꞇ ꝼara ꝩeſꞇr í lıbıam. ⁊ ſkıa þoꝛſ hoꝼ þ̅ er eıꞇꞇ hv͛ꞇ ꝩar í meſꞇo hallꝺe ꝼıre ꝩıſꝺómſ ſak͛ þeſſ er men̅ þoꞇꞇuz þar ꝼa. þ̅ ꝩar kallaꞇ ꞇemplum hamóníſ. þangaꞇ ꝩar aꞇ ꝼara harða mıkıꞇ ꞇoꝛleıðe þoꞇꞇ ꝼaır men̅ ⁊ ꝩaſkır ꝩelðez ꞇıl þr̅ar ꝼarar. þͥaꞇ beꞇr mego ſøkıa langan ꝩeg ⁊ ꞇoꝛſóꞇꞇan ꝼaer en marg͛. þar þyrſꞇer ıoꝛðena ꞇıl ꝺoggvar. ⁊ hımın ꞇıl regnſ. ſamr hıꞇe er þar ıaꝼnan. ꝩaxꞇlauſer ſanꝺar erv þar þ̅r er ecke ma gᷓſ á þͥꝩaz. þ̅ꞇa kalla men̅ ſanꝺ hoꝼ. þa er ſolen heꝼ͛ lengſꞇv̅ þerꞇ ſanꝺa þeſſa með ſıno̅ hıꞇa. ⁊ blaſe ſıðan ꝩınꝺꝛ á. ⁊ rvgle þan̅ ꞇıma ſanꝺıno̅ þ̅r er ıꝩ͛ ꝼara. ꝩerðꝛ þ̅ þͥlıcr ſꞇoꝛmr ꞇıl aꞇ ıaꝼna aꝼ ſanꝺꝼoke ſem baro ꝼall á ſę. ⁊ ſlık͛ haſcar þıckıa þar ꝩ͛a á þuʀu lanꝺe ſe̅ ſꝩelgr í haꝼe eða ſırꞇeſ ⁊ ſcılla þ̅r haſcar er ſva heıꞇa. Yꝼ͛ þꞇ̅a ꞇoꝛleıðe ꝼeʀ .aͬ. k̅r með lıð ſıꞇꞇ ⁊ ꝼr þar mıkıꞇ man̅ꞇıón. Sum͛ ſpyıa oꝛ ſer ſanꝺe. en ſum͛ kaꝼna í ſanꝺꝼoke. Eıgı þarꝼ ſꞇarꝼ ꝼyr͛ haꝩa aꞇ gᷓꝩa þa nıðꝛ er þar laꞇaz þͥaꞇ ſanꝺbaran hylr þa ſcıoꞇꞇ. þ̅ ꝩęre lıkara þoꞇꞇ gͥck͛ heꝼðe ꝼareꞇ ıa̅langa ſꞇunꝺ ıꝩ͛ ſꞇoꝛan ſę. aꞇ eıgı heꝼðe þ̅r þar harðara nıðr komeꞇ en í ſanꝺ høꝼum þeſſo̅ er nu ꝼoꝛo þ̅r ıꝩ͛. hv͛gı ſıa þ̅r h͛ mͣ ſpor. eða hanꝺa ꝩ͛c. ⁊ hv͛ge ꝼa þ̅r ſeꞇ vpp hðer ne ſcoga. ſlıkan ꝼøꝛoꝩeg ꝼara þ̅r ꝼıoꝛa ꝺaga. ⁊ þa koma þ̅r aꞇ kvellꝺe ꝺagſ í ſcog þan̅ er ꞇemplu̅ ha-monıſ ſꞇenꝺꝛ í. ſꞇoꝛmıkıꞇ ſcarð ꝩarð í þeſſe ꝼoꝛ á lıðe gͥckıa. Nu ꝼın̅a þ̅r í ſcogı þeſſo̅ brun̅ þan̅ er ſꞇoðꝩar þorſꞇa þ̅ra. ⁊ ꝼᷓſagnar er ꝩerðꝛ ꝼıre ſına naꞇꞇuru. þa er ſol gengr ſem hſꞇ v̅ mıðıan ꝺag er þeſſe brun̅r ıſkallꝺꝛ. en ſva ꞇecr h̅ aꞇ oꝛna ſem ſol gengr ꞇıl ꝩıðar. Vm mıðnęꞇꞇıſ ſceıð ꝩellr h̅ aꝼ hıꞇa ⁊ þv͛r þa mıoc. ſıðan kolnar h̅ ſva ſem ꝺagr nalgaz þar ꞇıl er h̅ ꝩerðꝛ en̅ íſkallꝺꝛ v̅ mıðıan ꝺag. ⁊ ꝼeʀ ſva ıaꝼnan. lex͛ k̅r ꝼeʀ ſıðan ꞇıl hoꝼſenſ. ⁊ gengr ꞇıl ꝼreꞇꞇar v̅ ꝼoꝛlog ſín ꝩıð lıcneſce þoꝛſ þ̅ er þar ꝩar ꝺyrkaꞇ í hruꞇz lıke. ⁊ aꞇ ꝼengnv̅ anꝺſvoꝛo̅ ſpurðra luꞇa ⁊ oꝼꝼᷓðv mıclo ꝼe ſnyr k̅r apꞇr ꞇıl þr̅ar b̅gar á egıpꞇalanꝺe er menphıſ heıꞇ͛. þoaꞇ h̅ ꝩęre ꝼuſſ aꞇ ꝼara vꞇ á blalanꝺ. ⁊ þan̅ok ſem vꝼørꞇ ꝩ͛́e ꝼır͛ hıꞇa ſak͛. En þͥaꞇ .ꝺ᷒. k̅r haꝼðe kveðeꞇ á ꝺag ner h̅ ſcyllꝺe b͛ıaz ꝩıð .aᷟ. k̅g ⁊ ꝩıllꝺe ſco̅ ꝩ͛a laꞇa barꝺaga ꝼreſꞇ. þa ꝼengoz .aͦ. k̅ge nu ꝼıre þvı ſcyllꝺare ſyſloꝛ en bryꞇıa blam̅. Meðan gͥck͛ haꝩaz ſlıcꞇ aꞇ ſem nu heꝩ͛ ſagꞇ ꝩ͛ıꞇ. þa ſamnar .ꝺ᷒. k̅r lıðe u̅ allꞇ rıke ſıꞇꞇ. ⁊ enꝺꝛbøꞇ͛ ſꞇyrk ſın̅ í an̅aꞇ ſın̅. ᷟ. k̅g eggıar mıog ꞇıl barꝺaga ſvıꝩırðeŋ ſv er h̅ ꝼeck í enu̅ ꝼyrra. ⁊ þ̅ an̅aꞇ aꞇ h̅ ꝩenꞇ͛ aꞇ nu myne beꞇr ꞇakaz en ꝼyʀ. Jamꝩel ſamnaz nu ꞇıl herbuða .ꝺͥ. koꞇ-karlar ſem rıꝺꝺ͛ar. Gręnar ekrur ⁊ þyrnaꝼvll ıoꝛð ꞇaka nu kveına v̅ þ̅ er ꝩ͛cꝼøre ſcolo hvıllꝺ ꞇaka. Øxn þ̅r er aðꝛ ꝩoro ꝩan͛ arðr aꞇ ꝺraga. ꝩerða nu beıꞇꞇ͛ ꝼıre ꝩagna. hv͛r vlꝼ-allꝺı ꝩerðꝛ kraꝼðꝛ ꞇıl herꝼarar. ꝼılar ero ⁊ bun͛ ꞇıl barꝺaga hvar ſem þ̅r ꝼaz. ⁊ haꝩa byr-ðar ecke ſmaleıꞇar. þͥaꞇ hveʀ þr̅a heꝼ͛ á bake ſer kaſꞇala. ſva buaz ⁊ nauꞇrekar ſem an̅aꞇ ꝼolk ꞇıl þeſſar orroſꞇo. Sva mıkıll heʀ ſamnaz nu .ꝺͦ. k̅ge aꞇ xerxeſ k̅r haꝼðe allꝺregı ıammıkıꞇ lıð þa er h̅ h͛ıaðe ꞇıl gͥcklanꝺz. ⁊ ꝩar þ̅ lıð þo ſva mıkıꞇ. aꞇ þ̅ ꝺrak vpp ſumar ár með ollo. ⁊ eıgı ꝺro game̅non k̅r ıa̅mıkıꞇ lıð ſaman ı aulıðe ey er þaꞇ þa er h̅ bıoz aꞇ h͛ıa ꞇıl ꞇͦıa̅. ⁊ h̅ bloꞇa-ðe ꞇıl byrıar ꝺoꞇꞇoꝛ ſın̅e epꞇ͛ ꝼıre ſogn calcanꞇıſ ſpamᷦ. ⁊ ꝼırðız ſva guða reıðe. ſa heʀ ꝩar þo ſva mıkıll aꞇ haꝩıð ꝩanz ꝩarla ſcıpa ſꞇolı gͥckıa. ͬ. k. unꝺᷓz mıog er h̅ ſpyrr þ̅ꞇa ſva margar þuſunꝺ͛ ſem ꝼıre ſco̅mo ꝩoꝛo nıðꝛ ꝺrepnar. aꞇ .ꝺ᷒. k̅r heꝼ͛ nv ſaman ꝺregeꞇ meıra lıð en ꝼyʀ. þan̅og ſva unꝺroðoz herculeſ þa er h̅ ꝼecz ꝩıð anꞇheu̅ er kallaðꝛ ꝩar ıarðar ſonr. nꞇheuſ ꝩar  þvı ſꞇerkare er h̅ ꝼell opꞇaʀ. ⁊ ꝩollꝺe þ̅ þͥ aꞇ h̅ ⸌ꞇok⸍ aꝼl aꝼ moðoꝛ ſın̅e hv͛ꞇ ſın̅ er h̅ leꞇ ꝼallaz ꞇıl h̅ar. ⁊ er h͛culeſ ꝼan̅ þ̅. hoꝼ h̅ anꞇheu̅ vpp a brıngu ⸌s͛⸍ ⁊ ml̅ ſva. ꝼyr͛ ecke ſcal þer koma þꞇ̅a bragð hıngaꞇ ſcallꞇ u þa ꝼalla. ſıðan kreıſꞇ͛ h̅ anꞇheu̅ ꝩıð brıngo ſer þar ꞇıl er onꝺ gengr oꝛ h̅om. Með þeıma heꞇꞇe vnꝺraðız h͛culeſ ⁊. þa er h̅ barðez ꝩıð yꝺram ꝺreka þan̅ er ıaꝼnan ꝼek ꞇꝩau hoꝼuð ı ſꞇaðen̅ þegar er eıꞇꞇ ꝩar aꝼ h̅om hoggveꞇ þar ꞇıl er h͛culeſ ꝼek aꝼ h̅om ſꞇyꝼꞇ með brogðom ſıno̅ oll í ſen̅. Þaꞇ er nv neſꞇ aꞇ ſegıa ꝼra .aͦ. k̅ge aꞇ h̅ ꝼeʀ ıꝩ͛ ána evꝼᷓꞇen með allꞇ lıð ſıꞇꞇ. ⁊ þa ſpyʀ h̅ þau ꞇıðenꝺe ⁊ h̅ ſer nockoꞇ aꝼ aꞇ ꝺ᷒. k̅r heꝩ͛ ſenꝺan maꞇheu̅ með mıclo lıðe ꞇıl aꞇ bren̅a b̅ger allar þęr er í nanꝺ ꝩͦ. ⁊ ıa̅ꝩel alla akra ꞇıl þeſſ aꞇ gͥckır ſn͛ız apꞇr. ⁊ aꞇ eyꝺꝺo̅ h͛oðo̅ þrøngðe ſullꞇr þeı̅ ꞇıl aꝼ aꞇ laꞇa vpp ꞇeknu̅ hærnaðe. ⁊ þ̅r oꝛꝩenꞇa ſer íꝩ͛ ꝼarar v̅ brenꝺar bygðer. En .aͬ. k̅r ꞇreyſꞇ͛ en̅ ſın̅ı gęꝩo ⁊ gırnız nu ſem opꞇaʀ ꞇıl enſ meſꞇa meꞇnaðar. en ꝩanꝺar eıgı þoꞇꞇ gͥck͛ ꝼaſꞇe noc-koꝛa ꝺaga. hellꝺꝛ ꝼᷓm ꝼoꝛın̅ı ıa̅ꞇ ſem aðꝛ. þoꞇꞇ .ꝺ᷒. k̅r haꝼe lıꞇꞇ blıðlega ꝼır͛ h̅om bueꞇ. ͛. k̅r ꝼeʀ nu ſem hvaꞇlegaſꞇ allꞇ þar ꞇıl er h̅ kemr ıꝩ͛  þa er ꞇıgͥſ heıꞇ͛. ⁊ ꝼıre þa ſoc heıꞇ͛ hon ſva aꞇ hon ꝼellr ſꞇríꞇꞇ. ⁊ ꝼeʀ ſva ſcıoꞇꞇ ꞇıl aꞇ ıaꝼna ſem eꞇ ꝼlugſcıoꞇa ꝺyr þ̅ er ꞇıgͥſ heıꞇ͛. Þ̅ er ſcıo-ꞇaſꞇ aꞇ ſegıa ꝼᷓ ꝼoꝛ .ͥ. aꞇ h̅ ſęk͛ ꝼunꝺ .ꝺͥ. ſem h̅ ma aꝼ ꞇaka. ⁊ leıꞇar aꞇ komaz ꝼır͛ h̅ ſem hunꝺꝛ ꝼır͛ hıoꝛꞇo. eða ꝩeıðe maðꝛ ꝼıre ꝩıllıgollꞇ aꞇ h̅ komız eıgı meıʀ ıƞ̅ ı magn rıkıſ ſınſ. Oc er .ꝺ᷒. k̅r ꝼør nıoſn aꝼ aꞇ .aͬ. nalgaz. þa ſeꞇr h̅ h͛buðır ſınar ꝩıð arbola þan̅ ſꞇað er ſva heıꞇ͛. ⁊ ı þeı̅ bǿ er ſıðan leꞇr .ꝺ᷒. ſeꞇıa lanꝺꞇıollꝺ ſín er ſıðan ꝼek úꝼręgð ⁊ ſaurgaðez aꝼ þeım mıcla gløp aꞇ þar ſvıkv ꝩanꝺ͛ þręlar ágeꞇan hoꝼðengıa ⁊ ꝺrapo ſın̅ heʀa. Þaꞇ gerðız þeſſo neſꞇ ꞇıl ꞇıðenꝺa með gͥckıo̅. aꞇ eıꞇꞇ kvellꝺ þa er halꝼrøckvıð ꝩar oꝛðeꞇ. ⁊ apꞇan ſꞇıarna ꝩͬ vpp komın. ⁊ ſol haꝼðe ꝼyllꞇ ꝺaglıga þıonoſꞇo. en ſcınanꝺa ꞇungl ꞇok aꞇ gleðıaz aꝼ bróꞇꞇꝼoꝛ broðoꝛ ſínſ aꞇ á ꝺregr ꞇungleꞇ. ⁊ ꝩerðꝛ eclıpſıſ. ⁊ þar ko̅ aꞇ þ̅ ꝩar raúꞇꞇ í aꞇ ſıa ſem bloð. Þeſſe ſyn ſcelv͛ hoꝼðengıana ſıalꝩa eıgı ſıðꝛ en mın̅e men̅. ⁊ ꝼıre þa ſoc meſꞇ aꞇ oꝩın͛ þ̅ra ꝩͦ ſva ner. ⁊ ákveðenſ barꝺaga ſꞇeꝼſ ꝩar ſcamꞇ aꞇ bıða. Þıckıaz gͥckır ſıa aꞇ hı̅-ınꞇunglen benꝺa ꝼır͛ með ogn ⁊ ryggleíc þau ſꞇoꝛꞇıðenꝺe er epꞇ͛ mono koma. llr gͥckıaheʀ ręðez þeſſa ſyn. ⁊ ꞇekr nu ſem eı ꝩar vnꝺarlecꞇ aꞇ ſoꝼna ꝼır͛ þeı̅ barꝺaga ꝼyſꞇen. Jllr kvʀ g͛ız nu í lıðıno kveına þ̅r marꞇ en ſnua ſakar gıpꞇo̅ ollo̅ á k̅gen ſıalꝩan. kalla ſer nv leıꞇꞇ ꝩ͛a. aꞇ k̅r þeſſe ꝺrage þa lengᷓ u̅ í heı̅ v̅ ꞇoꝛꝼørelega ꝼıallꝩego. þar ſem allꞇ ero brenꝺar ꝼıre þeı̅ b̅ger ⁊ bygðer. ⁊ ſꞇóꝛ ár rıſa ꝩıð þeım ꝩıða. ſegıa þ̅r ⁊ aꞇ mıkıl guðſ reıðe lıggr á k̅ge ꝼıre þ̅ er h̅ ꝩıll eın̅ ıꝩ͛ ollo̅ ꝩ͛a. ⁊ ꝼıre þa ſoc haꞇaz hımenꞇunglen ꝩıð h̅. ⁊ neıꞇa naꞇ᷑vlegꞇ lıoſ aꝼ ſer aꞇ geꝼa. aꞇ h̅ gırnız v̅ ꝼra̅ man̅lecꞇ eðle ꝼır͛ aꞇ raða ſıalꝩo hım̅rıke. en haꝼnar ꝼoðoꝛleıꝼð ſın̅ı. ꝺregr í margan lıꝼſ haſca ſec ⁊ ſına men̅. ⁊ þo ſer eıno̅ ꞇıl ꝼregðar. ꞇreyſꞇ͛ mıſlynꝺre hamıngıv allꞇ óꝛ hoꝼı. Slıcꞇ ſva kveın bar h͛ren̅ ſaman ⁊ g͛ır þeſſ konar kvʀ. ͛. k. lęꞇr eckı ſlıcꞇ á ſek bíꞇa. h̅ lęꞇr kveðıa þıngſ þegar í ſꞇað. kallar ſıðan ꞇıl ſín aſꞇronomoſ. ⁊ ſpyʀ þa hv͛ ſavc ꞇıl þeſſ ꝩęre. er á ꞇungleꞇ haꝼðe ꝺregeꞇ. eða hvaꞇ guðen monꝺe epꞇ͛ þ̅ꞇa laꞇa koma. bıðꝛ aꞇ þ̅r ſcyle mugen̅ heyra laꞇa ſon̅ ſvoꝛ. J ꝼlocke þ̅ra meıſꞇaran̅a er aꝼ aſꞇͦnomıa kvn̅o meſꞇ. ſꞇoð ſa mͬ er arıſꞇanꝺuſ heꞇ rv̅maðꝛ mıog aꝼ elle. þeſſe mͬ ſvar͛ ſpurðo̅ luꞇo̅ aꝼ k̅ge ⁊ ſeg͛ ſva. Laꞇeꞇ aꝼ gͥck͛ aꞇ reıꞇa ꝼoꝛlogen með hegomlego kvéıne. Gvðleg ſcıpan ſꞇyr͛ hım̅ꞇunglo̅. en epꞇ͛ þͥ ganga þau ſem allra luꞇa ſcap̲e heꝩ͛ ꝼır͛ ſcıpaꞇ. llꞇ ꝩerðꝛ epꞇ͛ þͥ ꝼara ſem h̅ heꝼ͛ ꝼyr͛ ſéꞇ í vpp-haꝼe. hvarꞇ ſem ſęren̅ gengr á lanꝺ ꝼᷓmaʀ ꝩenıo. eða brıoꞇa lanꝺſcıalpꞇar b̅g͛ nıðꝛ. eða ꝼae men̅ ſoꞇꞇ͛ aꝼ ꝩanſꞇıllı lopzenſ. eða ꝺrage myrkr á ſol eða ꞇungl. eða gange ꝩenıo ſeın̅a m͛curı᷒ ſv ſꞇıarna er ſva heıꞇ͛. þa ꝩerðꝛ þꞇ̅a allꞇ epꞇ͛ ꝩılıa þeſſ enſ hæſꞇa hoꝼðengıa er ollo ręðꝛ. ń h̅ſ raðe mega hım̅ꞇunglen eckı. En þaðan aꝼ ꝩerðꝛ þ̅ er ꞇungl mıſſer ſın̅ar bırꞇe aꞇ ıar-ðar ſcugga beʀ ꝼıre þ̅. ella þolır þ̅ oꝼrıke aꝼ bırꞇe broðoꝛ ſínſ. ſva ſe̅ ꞇenꝺᷓꞇ lıóſ ꝼır͛ oꝼnſmun̅a. lyſer ecke ꝼyr͛ oꝼrıke mıkılſ loga. Þo man ec ſon̅ ꝺøme ꞇıl þeſſ ꝼın̅a ſeg͛ arıſꞇan-ꝺuſ aꞇ ꝼorn̅ra man̅a ſogn ⁊ ſpekınga þr̅a er me̅phı̅ haꝩa bygꞇ þa b̅g er men̅ kvn̅o meſꞇ í aꝼ aſꞇͦnomıa. aꞇ eclıpſıſ ſolıſ heꝩ͛ ꝼır͛ benꞇ uſıgr gͥckıa. en á ꞇungl heꝩ͛ ꝺregıꞇ ꝼyr͛ ſıgͤ ſerkıa. Epꞇ͛ þ̅ ꞇok arıſꞇanꝺ᷒ ꝺøme ꞇıl epꞇ͛ þvı ſem ſꞇoð í ꝼoꝛno̅ ſercıa ſogu̅ aꞇ eclıpſıſ lune haꝼðe ꝩoꝛðeꞇ ꝼyr͛ úꝼoꝛo̅ ⁊ hamıngıo leyſe ſerkıa. ll͛ hoꝼðo þꞇ̅a ꝼıre ſaꞇꞇ. er þeſſı gamle meıſꞇare ſa̅naðe. ⁊ þͥlıcr óꝛſcurðꝛ boꝛen̅ vpp ꝼır͛ heren̅ ꝩıcr ſcıoꞇꞇ hugar reıkan gͥckıa. þͥaꞇ ecke ſꞇoðꝩar ſcıoꞇara ꞇungoꝛ ⁊ henꝺꝛ alðyðo. en áꞇrvnaðꝛ ꞇeken̅ aꝼ ꝼoꝛno̅ ꝺømo̅ þeı̅ e͛ ga̅l͛ men̅ ſan̅a með ſıꞇꞇ mal. þoꞇꞇ alðyðan ſe maꞇꞇug. gͥm ⁊ úſꞇaðug eꝼ hon ꞇekr eınhv͛ıo ꝼaſꞇ aꞇ ꞇrua þoꞇꞇ hegome ſe. þa ꝩeıꞇ͛ hon ıa̅nan lyðne þeı̅ er ꞇͮnaðen̅ kveykıa. en haꝼnar hoꝼ-ðengıa ſꞇıoꝛn ⁊ k̅ga boðe. Sıðan er ꝩon ⁊ ꞇrauſꞇ ꝼegre ꝼoꝛlaga en gͥckır heꝼðe ꝩenꞇ ſer vm rıð. ꞇok aꞇ herða huge þr̅a ꝼıre ꝼoꝛꞇoloꝛ árıſꞇanꝺı. ⁊ barꝺaga ꝼyſꞇen ꞇok en aꞇ kvıcna með þeı̅. þa byðꝛ k̅r aꞇ lanꝺꞇıollꝺen ſcyle þegar vpp ꞇaka. ⁊ ꝩar nu ner mıðrı noꞇꞇ. ꝼıre þa ſoc. aꞇ h̅ ꝩıll eıgı kolna laꞇa með gͥckıo̅ vpp ꞇekeƞ̅ akaꝩa. Ꝼeʀ h̅ nu ſıalꝩr í ꝼarar broꝺꝺe. ⁊ heꝩ͛ í ꝼyrſꞇo lıꞇeð rıꝺꝺara lıð með séʀ. Fıoꝛo̅ noꞇꞇo̅ ꝼyʀ en barꝺage þeſſe ꞇøkız. er nu ꞇekr ꞇıl aꞇ eꝼnaz þa er gͥck͛ ꝼara ꝼᷓm mıllu̅ ár eın̅ar ⁊ ſꞇoꝛra marka þar ſem allꞇ ero bygðer eyꝺꝺar ꝼıre þeı̅. g͛ız þ̅ ꞇıl ꞇıðenꝺa aꞇ ꝺͦꞇnıngona ſyſꞇur ⁊ kono .ꝺͥ. k̅ſ. leıðer ꞇıl bana ꝺauꝼleg mıſſa bonꝺa ſınſ. ⁊ hamıngıo ꞇıón lanzenſ með mıkılle møðe langᷓr leıðar. ͛. k̅r ꝩerðꝛ ſva ryggr ꝩıð lıꝼ láꞇ h̅ar. ſem h̅ monꝺe ꝩ͛ða mega þoꞇꞇ h̅om ꝩere ſagꞇ ꝺᷓp moðor ſın̅ar ⁊ ſyſꞇra. Eıgı mꞇꞇe .ꝺ᷒. k̅r meıʀ harma ꝺauða kono ſın̅ar þoꞇꞇ h̅ ꝩere nér ſꞇaꝺꝺr. Sa er beðe ꝩar ſen̅ ungr ⁊ gamall ſaꞇ yꝩ͛ lıkı h̅ar. ⁊ ſva gek mıllꝺen rícꞇ með h̅om ſa luꞇr er ꝼágeꞇr er ıaꝼnan með herm̅m. aꞇ hon mycðe ſꞇırðan oꝩınar oꝼſa með ꝼellꝺum ꞇaru̅. Eıꞇꞇ ſın̅ haꝼðe k̅ren̅ .aͬ. ſeꞇ ꝺͦꞇnın-gona ſıðan er hon ꝩar herꞇekın ⁊ varð h̅om eıgı ſén ꝼegrð h̅ar reın aſꞇar kveıka. þͥaꞇ h̅ kauſ hellꝺr aꞇ ꝩ͛a gezlo mͬ ꝼregðar h̅ar ⁊ reınlıꝩeſ. ⁊ þ̅ ꝩar h̅om meíre ꝺyrð ſeg͛ .. galꞇ͛uſ aꞇ ſpılla hvarıgo. hellꝺr en ſaurga hvarꞇveggıa. Gellꝺıngr eín̅ er ꞇhırıoꞇheſ heıꞇ͛. ⁊ þıonaꞇ haꝼðe ꝺͦꞇꞇnıngo. ⁊ ꝩarð h͛ꞇeken̅ með h̅e. komz á laupı ꝼᷓ grıckıo̅ ꞇıl ꝼunꝺar ꝩıð .ꝺᷟ. k̅g aꞇ ſegıa þau ꞇıðenꝺe er goꝛz haꝩa. Sva kemr þeſſe mͬ ꝼıre k̅gen̅ aꞇ h̅ haꝼðe bøðe ſlıꞇıꞇ aꝼ ſer kløðe ſín ⁊ ryſkꞇ ſec. þar með greꞇ h̅ ſem h̅ maꞇꞇe. þegar er .ꝺ᷒. k̅r ſer ꞇhırıoꞇhen. męl͛ h̅ ſva ꞇıl hans. vel eıgı ſeg͛ h̅ aꞇ ꝼıre koma þͥ ı þın̅e ꞇıðenꝺa ſogn. eꝼ en̅ er nockoꞇ epꞇ͛ mın̅ar heılſv. ſnu ſem ꝼyrſꞇ í ſorg rezlo mın̅e. Numeꞇ heꝼı ec nu ꝩeſall aꞇ ꝩ͛a. ⁊ bogna ꝼıre ꞇıma leyſe. en þ̅ ęína er ꝩeſlo̅ ꞇıl ꝩılnaðar aꞇ ꝩıꞇa ſın̅ luꞇ ꝼyʀ en ſıðaʀ. þͥaꞇ ſva ſcal bol bǿꞇa aꞇ bıða meıra. En ꝩıꞇa þyckıo̅z ec aꞇ þu kanꞇ ſegıa h͛ꝩılegar ꝩıð ꝼarar mın̅a man̅a. þr er mer mono þungare þyckıa en hv͛ꞇ an̅aꞇ aꝼelle þ̅ er ec heꝼı ꝼengeꞇ h͛ ꞇıl. en eıgı ꝩıl ec ꝼᷓmaʀ á kveða. þa ſvaʀ͛ ꞇhırıoꞇheſ. þ̅ kan̅ ec yðꝛ ꝼyrſꞇ aꞇ ſegıa mın̅ heʀa. aꞇ .aͬ. k̅r heꝩ͛ ſva mıcla ꝩırðeng ꝩeíꞇꞇ boðom ꝺͦꞇnıngo̅ moðoꝛ yðaʀe ⁊ ſyſꞇur. ſem yðrer men̅ mego meſꞇa ꝩeıꞇa þ̅r er ſcullꝺug͛ eru þeı̅ aꞇ þıona. ͛ með kan̅ ec aꞇ ſegıa þer þ̅ e͛ ec þoꝛe ꝩarla vpp aꞇ kveða. aꞇ ſv ꝩırðılega ꝼru. ſyſꞇır yðoꝛ ⁊ kona. leꞇ lıꝼ ſıꞇꞇ aðꝛ en ec lıopo̅z ꝼᷓ gͥckıo̅. þegar er ꞇhırıoꞇheſ haꝼðe ſagꞇ ꞇıðenꝺen. ſnuaz allar h͛buðer .ꝺͥ. k̅ſ í ſorg ⁊ gᷓꞇ. ſeg͛ meı-ſꞇare .g. k̅ren̅ ſıalꝼr ꝼell í ꝩıꞇ. en þegar er h̅ reꞇꞇ͛ ꝩıð. eyſſ h̅ mollꝺu í hoꝼuð ſer. ſva þıck͛ h̅om ſem ꝺͦꞇnıngın mone ꝼıre þͥ laꞇız haꝩa aꞇ hon monꝺe eıge þola ꝩılıa ꝩıð raðꝩenꝺe ſına. ſco̅m a ſıalꝼre ſer aꝼ .aͦ. ⁊ nu bıðꝛ .ꝺ᷒. k̅r aꞇ all͛ ſcyle ganga bͦꞇꞇ óꝛ lanꝺꞇıallꝺeno nema ꞇhırıoꞇheſ gellꝺı̅gr. ſıðan ſpyʀ h̅ epꞇ͛ ꝩanꝺlega hv͛nog aꞇ haꝩe boꝛız v̅ lıꝼláꞇ ꝺͦꞇnıngar. Thırıoꞇheſ ſveʀ þeſſ aꞇ hon hellꞇ ollu̅ reınleıc ſıno̅. ⁊ aͬ. k̅r gerðe þͥ ſıðr ꝩanꝩırðeng ꞇıl h̅ar meðan hon lıꝼðe aꞇ h̅ greꞇꞇ h̅a ꝺauða ſem hͦ heꝼðı ꝩ͛eꞇ h̅ſ kona ⁊ gerðe þar með uꞇꝼerð h̅ar ſva ꝩırðulega ſem ꝩerðugꞇ ꝩͬ aꞇ g͛a epꞇ͛ ſva ꞇıgna kona. ᷒. k̅r ꞇoꝛꞇryggv͛ þo ſogn h̅ſ. þͥaꞇ ſv mıcla aſꞇ er h̅ haꝼðe ꝩıð ꝺͦꞇnıngo. ꞇelr þ̅ ꝼır͛ h̅om. aꞇ .aͬ. mone bueꞇ haꝩa með h̅e. on ꝩͬ h͛ꞇeken ſeg͛ h̅ ágeꞇ aꝼ ꝼrgð ⁊ burðo̅. en ſa er ꝩallꝺ haꝼðe ꝼengeꞇ yꝩ͛ h̅e er a þeı̅ allꝺre ſem aſꞇen kan̅ heıꞇaſꞇ ꝩerða með man̅e. ⁊ aꝼ ſlıco ſva man h̅ goꝛꞇ haꝩa ꞇıl h̅ar þ̅ er h̅ maꞇꞇe. ꝼ þeſſ haꞇꞇar áhyggıo̅ møðız hugr .ͥ. k̅ſ þar ꞇıl er ꞇırıoꞇheſ ſveʀ þeſſ ꝩıð guðen oll. aꞇ ꝺͦꞇnıngen heꝩ͛ hallꝺeꞇ reınleıc ſıno̅ allꞇ ꞇıl ꝺauða ꝺagſ. ⁊ nu ꞇruır k̅r oꝛðom h̅ſ. Sıðan reꞇꞇ͛ h̅ henꝺꝛ ſınar vpp ꞇıl hımınſ. ⁊ mel͛ ſva. heyr ðu en̅ hſꞇe ꝼaðer allra guða h͛ra ıupıꞇ͛. eyreð er ⁊ heıma guð ꝩar. er ſꞇanꝺa laꞇeꞇ ſerkıa rıkı með yðro ꝼullꞇınge. þeſſ bıð ec yðr ꝼyrſꞇ aꞇ þer geꝩeꞇ mer aꞇ hallꝺa rıke mıno. ⁊ þeı̅ ollo̅ er mer þıona. En eꝼ þer haꝼeꞇ ſva ꝼır͛ ęꞇlaꞇ aꞇ ec ſcyla laꞇa rıke mıꞇꞇ. ⁊ bıoðe ꝼoꝛlogen ſva. aꞇ aſıa ſꞇun-ꝺe ꞇıl an̅arſ hoꝼðengıa. þa ꝩıl ec þeſſ bıðıa. aꞇ ſva mıllꝺr vꝩınr ⁊ mıſkunſa̅r ſıgrꝩegare ꞇake rıke epꞇ͛ mec ſem .͛. er. Sıðan bıðꝛ .ꝺ᷒. k̅r guðen með ꞇaro̅. aꞇ bén h̅ſ ſcyle ꝼᷓmgang ꝼa. ⁊ þo aꞇ h̅ heꝼðe þ̅ rað goꝛꞇ aðr aꞇ b͛ıaz ꝩıð .aᷟ. ſem ꝼyrſꞇ þar ſem h̅ haꝼðe neıꞇað ꞇyſvar boðno̅ ꝼrıðe. þa ſcıpꞇız þan̅og u̅ raða gerð h̅ſ ꝼyr͛ aſꞇar ſak͛ þ̅rar er h̅ ꞇecr haꝩa ꞇıl ꝩınar ſınſ .ͥ. aꝼ mıllꝺe ꝩ͛co̅ þeı̅ er ꞇhırıoꞇheſ heꝩ͛ ꞇallꞇ aꝼ h̅om. aꞇ h̅ ſenꝺ͛ nu .x. rıꝺꝺara hoꝼðengıa ꞇıl ꝼun-ꝺar ꝩıð .aᷟ. k̅g aꞇ bıoða ꝼrıðar gørð aꝼ nyıo mıllo̅ þr̅a. Senꝺı men̅ .ꝺͥ. k̅ſ ꝼara nu með ſlıco̅ boðom. ſem h̅ leggr ꝼıre þa ꞇıl þeſſ er þ̅r koma þar ſem gͥck͛ ero. þ̅r laꞇa b͛a ꝼıre ſer ꝼagᷓn ꝩonꝺ aꝼ ꞇre þͥ er olíva heıꞇ͛. þ̅ ꝩar ørugꞇ ꝼrıðar ꞇacn í þan̅ ꞇıma. ⁊ þegar er þ̅r koma ꝼyr͛ aᷟ. k̅g. þa beʀ ſa þr̅a ꝼᷓm orenꝺen er ellzꞇr ꝩar ⁊ bezꞇ ꞇalaðꝛ. ſa heꞇ achıllaſ. h̅ heꝼr ſva mal ſıꞇꞇ. Eıgı ſcyllꝺer .ꝺᷟ. k̅g oꝼreꝼle ꞇıl þeſſ aꞇ h̅ beıðez ſva opꞇ ꝼrıðar aꝼ yðr en̅ mıllꝺaſꞇe k̅gr. meıʀ hellꝺꝛ ꞇıl þeſſ ſu mıcla mıllꝺe er þu heꝼ͛ ſynꞇ h̅o̅ ı þͥ goða yꝩ͛lęꞇı er ꝺroꞇnıngen ⁊ moðer h̅ſ ⁊ aðr͛ áſꞇm̅en̅ h̅ſ haꝩa þegıꞇ aꝼ yðꝛ. Naꝩıſꞇo þr̅a þıckıo̅z ꝩer ſacnaꞇ haꝩa. en eıgı mego̅ ꝩ͛ þͥ ſyꞇa aꞇ þ̅ lıð haꝼe herꞇekeꞇ ꝩ͛eꞇ. þu hellꝺr oc ſva ſømılega þa er epꞇ͛ lıꝩa ſem þu ſer ꝼað͛ þ̅ra. ͛ꞇeknar ꝺøꞇr ꝩarſ h͛ra kallar þu ꝺͦꞇnıngar. ſe̅ þør haꝩe hallꝺeꞇ ꞇıma ſıno̅ ollo̅. ⁊ lǿꞇr þør ná þeı̅ ꞇıgnar noꝼno̅ er þr haꝩa ꝼyʀ haꝼꞇ. ſe̅ þu mun͛ eıgı þan̅ ꝼıanꝺſcap er ımıllo̅ er yðar ⁊ ꝼoðor þr̅a. Bleíkꞇ anꝺlıꞇ ⁊ ryggleg augo ſyna þ̅ aꞇ þu erꞇ mıklo mıllꝺare ꝩınr. en h͛man̅a naꞇ᷑a ſe ꞇıl. Slıcꞇ yꝩ͛bragð ſeg͛ ꞇıl hvaꞇ ı ſcape byr. Þan̅og ſva rygglegr ꝩar .ꝺ᷒. k̅r yꝩ͛lız þa er ꝩer ſcılðomz ꝩıð h̅. ſem þu erꞇ nu. ⁊ harmaðe h̅ ꝺauða kono ſın̅ar. en þıc ryggv͛ lıꝼláꞇ ꝩınar þınſ ⁊ nu monꝺer þu buen̅ ꞇıl barꝺaga ímoꞇe .ꝺͦ. eꝼ eıge ꝺvelðe þıc gropꞇr ꝼru ꝩarrar. ⁊ ꝼıre þͥ er mıkıl nauðſyn aꞇ ſeꞇꞇ͛ ꞇakız með yðꝛ. ᷒. k̅. byðꝛ þ͛ ꞇıl ſaꞇꞇa ꝺoꞇꞇ᷑ ſına. ⁊ þar með ı heıman ꝼylgıo h̅ar oll lonꝺ þau ſem lıggıa meðal áren̅ar evꝼᷓꞇen. ⁊ helleſ-ponꞇu̅. helleſponꞇu̅ heıꞇ͛ haꝼ þ̅ er ſkılr aſıa̅ ⁊ evrópa̅. ſon ſın̅ byðꝛ h̅ þer ⁊ í gıſlıng ꞇıl ꝼullz ꝼrıðar ⁊ ꝼaſꞇᷓr ꞇͮ. Moðoꝛ h̅ſ ⁊ ꝺøꞇr ꝩıll k̅r ꝩaʀ aꞇ þ͛ geꝼıꞇ apꞇr í ꝩallꝺ h̅ſ. en h̅ ꝩıll leyſa þør úꞇ .xxxᷟ. punꝺa gullz. En eꝼ guðen heꝼðe eıge geꝼeꞇ þer ſeg͛ achıllaſ meıra ꝩıꞇ. ⁊ ſꞇ͛cara bͥoſꞇ en man̅leg naꞇꞇura meꞇꞇe ꝼa. þa maꞇꞇ v ſva hvgſa aꞇ ꝩıſꞇ haꝩa ꝩ͛eꞇ þør ſꞇunꝺ͛. er þv męꞇꞇ͛ eıgı aꞇ eınſ geꝼa ꝼrıðen̅. hellꝺr høꝼðe þér ⁊ bıðıa h̅ſ. ⁊ ſęꞇꞇaz heılo̅ ſaꞇꞇo̅. Eða hvarꞇ ꝩeızꞇ u hv͛ſv mıkın̅ aꝼla .ꝺ᷒. k̅r heꝩ͛ ſaman ꝺregıꞇ beðe á ſ ⁊ lanꝺe. ſva margar þıoðer heꝩ͛ h̅ aꞇ ſer heımꞇar aꝼ ꝼıaʀlegıo̅ rıkıo̅ aꞇ ꝩarla ꝩınz lanꝺeꞇ herbuðu̅ h̅ſ eða ſęʀen̅ ſcıpa ſꞇole. Eıge þarꝼ ec aꞇ g͛a langꞇ v̅ þꞇ̅a. k̅r ꝩaʀ heꝩ͛ eın̅ ſva mıkın̅ aꝼla. aꞇ heı̅reƞ̅ man eıge þͥlıkan an̅an ꝼa ꞇıl moꞇzenſ. Sıðan er achıllaſ haꝼðe ꝼᷓm boreꞇ ørenꝺe .ꝺͥ. k̅ſ leꞇr .͛. k̅r kalla ꞇıl ſın rað-gıaꝩa ſına. ⁊ ſpyʀ epꞇ͛ hveſſv þeı̅ ſynez aꞇ ꞇaka þeſſo̅ boðo̅ er ſenꝺı men̅ .ꝺͥ. ꝼoꝛo með. Senaꞇ᷒ ſyn͛ þ̅ í yꝩ͛ bragðe ſıno aꞇ h̅ eꝩaz í hveſſv ſvara ſcal. ⁊ þ̅ er ſagꞇ aꞇ hırðen oll þagðe lenge þar ꞇıl er parmenıo ſvar͛. ſa mͬ er eıgı ꝩar ſnıallr í male. ſem h̅ ꝩar ſꞇaðugr ⁊ hugrackr Ꝼır͛ longu ſynꝺız oſſ þ̅ rað ſeg͛ h̅. aꞇ ſerk͛ heꝼðe náꞇ úꞇ aꞇ leyſa lıð þ̅ er ꝩer hoꝼo̅ h͛ꞇekeꞇ. þͥaꞇ ogryn̅e ꝼíar męꞇꞇe̅ ꝩer ꞇekeꞇ haꝩa moꞇe þeı̅ er anꝺaz haꝩa. eða hıno̅ er komez haꝩa broꞇꞇ oꝛ myrkvaſꞇoꝩo̅. eꝼ ꝩer ꝩıllꝺı̅ þeckıaz í ꝼyrſꞇo þ̅ er boðeꞇ ꝩar. ⁊ þ̅ geꝩo̅ ꝩer eƞ̅ ꞇıl raðſ aꞇ vꝼørꞇ lıð beðe kerlıngen moðer .ꝺͥ. ⁊ ꝺøꞇr h̅ſ ſe geꝩıꞇ apꞇr ſerkıo̅ ſva mıkıꞇ gull ſem þar er ímoꞇe boðeꞇ þͥaꞇ þar ſꞇenꝺr gͥckıo̅ aꝼ mıkıll ꝼarꞇalme. Mıkıꞇ ⁊ ágeꞇꞇ rıkı megoꞇ ér nv ꝼa k̅r án vꞇhellıngo bloðs yðarra man̅a. ⁊ þ̅ hyɢ ec aꞇ engı k̅r man eıg⸌n⸍az haꝩa ꝼyʀ ıa̅ moꝛg rıkı mıllum hıſꞇrum ⁊ evꝼᷓꞇen. ár erv þ̅ ⁊ í meıre man̅raunır mono ꝩer ko̅a ꝩ͛ða eꝼ en̅ ſcal lengra ꝼᷓm hallꝺa með h͛naðen̅. yɢ aꞇ þu hveſſv mıkılſ þu gırnız. Eða hveſſv mıkıꞇ þu heꝩ͛ vnꝺ͛ þıc lagꞇ. þaꞇ er ꝩer laꞇu̅ aꞇ bake oſſ. aꝼ ı hug þér gͥclanꝺ ꝼoðorleıꝼð þına hellꝺꝛ en ınꝺıal̅ꝺ eða bacꞇra. þͥaꞇ beꞇᷓ er heılu̅ ꝩagne heı̅ aꞇ aka epꞇ͛ moꝛg ſꞇoꝛꝩırke hellꝺꝛ en lıꝩa ıa̅nan í vꝼrıðe. ͛. k̅r ꞇekr þunglıga ꞇıl logo̅ parmenıonıſ. ⁊ ſvaʀ͛ ſva. Eꝼ ec ꝩęra parmenıo. þa monꝺa ec meıra ꝩırða boðeꞇ gull. en mıkın̅ ſıgr. ⁊ ꝩılıa hellꝺꝛ ꝩ͛a ſomalauſſ en ꝼa ſıgr með ſømð án auðøꝼu̅. En nv reðꝛ .a͛. lonꝺo̅ með ꝼaꞇøkı ſıꞇꞇ vruggr ⁊ ꝼrıalſ ꝼıre ꝼıarenſ ahyggıo. Vel lıkar mer aꞇ ec ſıa k̅r. en eıgı kaúpmͬ. Mer er eckı ꝼalꞇ. ⁊ ꝩeı ꝩerðe þeı̅ er ſell hamıngıo ſına. Eꝼ ec ꝩıl aꞇ h͛ꞇekıꞇ lıð ſe gollꝺeꞇ apꞇr .ꝺͦ. k̅ge ſem h̅ beıðez. þa ſcal hellꝺr geꝼa þ̅ vpp kauplauſꞇ en ꞇaka þar gull ímoꞇe. þͥaꞇ eıgı ꝼǿz ꝼıre gıaꝩar beðı ꝩerð ⁊ ꝩınáꞇꞇa. en ønga þok mego kaup auðlaz. Sıðan er .aͬ. k̅r haꝼðe ſva ſvar͛ p̲menıonı. þa bıðꝛ h̅ kalla ꞇıl ſın ſenꝺı men̅ k̅ſ. ⁊ er þ̅r koma ꝼyr͛ ⸌h̅⸍ mel͛ h̅ ſva ꞇıl þr̅a. Segeꞇ ſva .ꝺͦ. aꞇ ſıaꝩan mek heꝩı ec ꞇıl þeſſ ꝩͥꞇ hellꝺꝛ en h̅ er ec gerða ꝩel ꞇıl h̅ſ man̅a ſem byrıaðe mın̅e ꞇıgn. Eıge ſcal kven̅a ꝼlockren̅ þ̅ ꝼın̅a aꞇ ec ſıa þeı̅ ꝼıanꝺmͬ. þ̅r eın͛ ſcolo ꝩıꞇıſ lauſꞇ .ᷟ. ꝼyr lıꞇa er lıꞇlır ero. ⁊ ecke ſcal ec þeı̅ ꝩapnu̅ høꞇa er eıgı mego neyꞇa þr̅a. ⁊ blauꞇ naꞇꞇ᷑a ban̅aðe þeı̅ aꞇ b͛a. Vápn ꝼøʀ ꝩerðꝛ ſa hv͛r aꞇ ꝩ͛a. er ec ꝩıl þeſſ ꝩırða aꞇ ꝩerðe ꝼıre mın̅e reıðe. En eꝼ .ꝺ᷒. beıꝺꝺez aꝼ oſſ ꝼrıðar með ꞇruleıko̅ ⁊ ꝼly-ðe ıbͦꞇꞇ allꞇ oꝛ þeı̅ þrıðıunge heımſınſ er h̅ heꝩ͛ ꝩallꝺ yꝩ͛ haꝼꞇ. þa monꝺa ec eꝩaz í hvarꞇ ec ſcyllꝺa ꝩeıꞇa h̅om þ̅ eða eıge. En nu þar ſem h̅ lockar ꝩıne mína ſꞇunꝺu̅ með ꝼyr͛ heıꞇo̅ en ſꞇunꝺu̅ með gıoꝩo̅ ꞇıl ſvıkreða ꝩıð mek aꞇ þ̅r geꝩe mer eıꞇr aꞇ ꝺrekka. þa ſcal ec epꞇ͛ h̅o̅ hall-ꝺa þar ꞇıl er h̅ er í helıo. þͥaꞇ eıgı ꝩıll .ꝺ᷒. b͛ıaz ꝩıð mek ſem reꞇꞇr vꝩınr. hellꝺꝛ ꝩıll h̅ leynaz aꞇ mer ſem ſvıkare eða ſꞇelaz en̅ hellꝺꝛ ſem ꝩanꝺꝛ rauꝼarı ſaꞇꞇ aꞇ ſegıa. Sva man h̅o̅ þıckıa ſem h̅ ꝼae ſıgr nockoꝛn eꝼ ec ꞇek þa ſęꞇꞇ er h̅ byðꝛ mer. þer buðuꞇ mer oc aꝼ h̅ſ halꝩu aꞇ ec ſcyllꝺa ꞇaka í heıman ꝼylgıo með ꝺoꞇꞇoꝛ h̅ſ aull þau launꝺ er lıggıa oðro megen aren̅ar evꝼᷓꞇén. ⁊ ꝼıre þa ſoc hygg ec aꞇ þer haꝩeꞇ hvar ꝩer ꞇaulo̅z ꝩıðꝛ. vgſeꞇ ſva aꞇ ꝼylkıngar mınar erv ko̅nar yꝩ͛ evꝼᷓꞇen. ⁊ herbuðer gͥckıa ſꞇanꝺa nu ꝼıre ꝼᷓman þ̅ enꝺe mark er þer ſeꞇꞇvð mer í heımanꝼylgıo meyıaren̅ar. Rekıꞇ abͦꞇꞇ heðan k̅g þr̅a gͥckıan̅a. aꞇ h̅ ꝩıꞇe þ̅ yðarꞇ ꝩ͛a er þer geꝩıꞇ h̅om. Eða geꝼr .ꝺ᷒. mer mıkın̅ ſoma. eꝼ h̅ ꝩıll ꝼyʀ męgıaz ꝩıð mek en ꝩıð maꞇheu̅. Ꝼareꞇ apꞇr nv ſeg͛ ͛. k̅r. ⁊ ſegeꞇ þau ſvǫꝛ mın yðro̅ hoꝼðengıa. aꞇ ec ꞇel í mıno ꝩalle ꝩ͛a allꞇ þ̅ er h̅ heꝩ͛ en̅ aꞇ ꝩarð-ꝩeıꞇa. ſem þ̅ er h̅ heꝩ͛ laꞇeꞇ. ⁊ þar með ſıalꝩan h̅. þeſſ͛ luꞇ͛ ſcolo ꝩ͛a ꝩ͛kakaup oc erꝩeðeſlaun gͥckıa. Sva męl͛ h̅. ⁊ nu ꝼara ſerk͛ apꞇr. Sıðan er .ꝺ᷒. k̅r ſpyʀ þeſſe ſꝩoꝛ .aͥ. þa ſenꝺ͛ h̅ maꞇheu̅ með mıclo lıðe moꞇe gͥckıo̅ aꞇ ban̅a þeım yꝩ͛ aꞇ ꝼara beðe ſleꞇꞇur ⁊ ꝼıallꝩego þar ſem þeır hoꝼðo ꞇıl ęꞇlaꞇ. v lęꞇr .aͬ. k̅r bua ꞇıl grapꞇar lıc ꝺͦꞇnıngar kono .ꝺarí með mıclo̅ ꝩeg ⁊ ſmyrıa með eno̅ ꝺyrſꞇu̅ urꞇu̅. ſꞇeín mıkın̅ lꞇr h̅ ⁊ upp hauggva óꝛ hamar gnıpo eı̅ne. ſa ꝩar ſeꞇꞇr yꝩ͛ leıðe ꝺͦꞇnıngar. þeſſ haꞇꞇar ſmıðe heıꞇ͛ pıramıſ á laꞇıno. þaꞇ er ſem har ꞇurn̅ á ꝩara ꞇungo. Ebreſcr mͬ grðe ſꞇeınen̅ aðꝛ en vpp ꝩere reıſꞇr ſa er apelleſ héꞇ. h̅ ꝩar mıoc ágeꞇr aꝼ ſıno̅ hagleíc. Eıgı ꝩͦ þar á ſcrıꝩoð eða ſcoꝛen aꞇ eınſ noꝼn ⁊ verk gͥckıa k̅ga hellꝺr ꝩar ⁊ þar ꞇıl ꞇekeꞇ er heımren̅ ꝩͬ ſcapaðꝛ. ⁊ ꝼareꞇ yꝩ͛ ſex ꝺaga ꝩ͛c þau e͛ al-maꞇꞇegr guð gerðe. þa er h̅ ſcop alla luꞇe anꝺlega ⁊ lıkamlega. þar ꝩar oc markaꞇ hv͛nog aꝺa̅ oc eva ꝩͦ ſvıken ꝼyr͛ oꝛmen̅. ⁊ ꝼyr þ̅ abͦꞇꞇ reken oꝛ paraꝺıſo apꞇr ꞇıl ıarðaren̅ar er aꝺa̅ ꝩar ſcapaðꝛ aꝼ. Epꞇ͛ þ̅ ꝩͬ ſcrıꝩað þ̅ er kaın ꝺrap abel broðoꝛ ſın̅. ⁊ ſva hveſſv lamech er en̅ ſıaunꝺe ꝩar ꝼᷓ kaın ꝩarð h̅om aꞇ ſcaða. ſıa maꞇꞇe þ̅ ⁊ aꞇ ꝼyr uſıðo mͣ marga ⁊ ſꞇoꝛa. ꝩͬ þͥ lıcꞇ ſem guð ıðraðez þeſſ. er h̅ haꝼ-ðe ſcapaðan ma̅neƞ̅. Þͥ neſꞇ ꝩar markaꞇ arkarſmıðen. ⁊ noa ꝼloð. ⁊ þar epꞇ͛ þ̅ er noe ꝼan̅ ꝩın aꞇ g͛a. Sıðan ꝩoꝛo markaðer hoꝼuðꝼeðꝛ abraham yſáác ⁊ ıacob. ⁊ vm hv͛n þr̅a nockoʀ m͛kılegr aꞇburðꝛ. þar neſꞇ eve ıoſephſ. ⁊ þ̅ er ıacob ꝼoꝛ með ſono̅ ſıno̅ ꞇıl egıpꞇal̅ꝺz. ſıa maꞇꞇe þar ⁊ þau ſꞇoꝛꞇakn er guð gerðe á egıpꞇal̅ꝺe ꝼıre moyſen þıon ſın̅. aðꝛ en h̅ leyſꞇe þaðan allan gyðenga lyð yꝩ͛ eꞇ rau-ða haꝼ. en ꝺrecðe pʜaraonı k̅ge ⁊ ollum her h̅ſ. er þar hugðez epꞇ͛ mynꝺo ganga. ſem gyðengar hoꝼðo ꝼıre ꝼareꞇ. en ſıðan þ̅ er guð ꝼøꝺꝺe lyðeƞ̅ á hımna mıolꝩe. ⁊ gaꝼ moyſı log á ꝼıallı þͥ er ſına heıꞇ͛. ſꞇoðꝩaðe þoꝛſꞇa ꝼolkſenſ með þvı ꝩaꞇnı er ſpᷓꞇꞇ óꝛ harðre hello. groꝼ ſıalꝼr moyſen þar er engı maðꝛ maꞇꞇe ꝼı̅na groꝼ h̅ſ. Oc þar epꞇ͛ með hv͛ıo̅ ſꞇórꞇacno̅ ıoſve leıꝺꝺe gyðenga yꝩ͛ ıoꝛ-ꝺan. ⁊ b̅g ſv er ıerıcho heıꞇ͛ ꝼell ꝩıð luðra þyꞇ þr̅a. ⁊ aꞇ ıoſue anꝺaðez ſıðan er h̅ haꝼðe ſcıpꞇ ꝼyr͛ heıꞇno lanꝺe með þͥ lıðe ollo er komeꞇ ꝩͬ ꝼᷓ .xıı. ſono̅ ıacobſ. Epꞇ͛ þꞇ̅a ſyn͛ apelleſ í ſıno ſmı-ðe ꝺomenꝺꝛ þa er ꝩͦ ꝼyr͛ gyðenga ꝼolke. ⁊ hveſſv ꝺalıꝺa ſveık ſamſone̅ eƞ̅ ſꞇerka er eıƞ̅ ꝩar aꝼ þr̅a ꞇolo. J auðro̅ ſꞇað á legſꞇeıne þeſſom ꝩar markuð k̅ga eꝩe ⁊ þar ꞇıl ꞇekeꞇ er helı ꝼell ꝺꜹðꝛ aꝼ ſꞇolı ſıno̅. þͥ neſꞇ þ̅ er ſamuel ꝩıgðe ſaulem ꞇıl k̅ſ aꝼ aꞇkalle gyðenga. Oc þͥaꞇ ſaul er í ꝼyrſꞇo ꝩar goðꝛ k̅gr. hellꞇ eıgı ꞇecno̅ heꞇꞇe. ꝩͬ ꝺavıð ſmurðꝛ ꞇıl k̅ſ er ꝺrap golıa̅ rıſa með lıꞇlo̅ ſꞇeıne. þa er h̅ ꝩar ungr ſveín̅ aꞇ allꝺre. Epꞇ͛ ſlık ſꞇoꝛm͛kı ꝩoro ſcrıꝩoꞇ noꝼn ⁊ v͛k an̅aʀa k̅ga bðe þ̅ er ſalomon leꞇ g͛a muſꞇ͛e guðe ꞇıl ꝺyrðar ⁊ marꞇ an̅aꞇ þ̅ er þ̅r ꝺavıð ꝼeðgar hoꝼðo ⟨a-⟩geꞇlega goꝛꞇ. En þ̅ leꞇ apelleſ allꞇ nıðꝛe lıggıa er þ̅r hoꝼðo moꞇe guðe goꝛꞇ. ſva þ̅ er þ̅r k̅gar bloꞇoðu ſcurðgoð er epꞇ͛ þa komo. En þ̅ ꝩar ın̅elega markaꞇ með hv͛ıo̅ aꞇburð helıaſ ꝺᷓp þa er kallaz hoꝼðo ſpam̅ báál ſcurðgoðſ þeſſ er ſva heꞇ. ⁊ hv͛nog h̅ ꝩar nv̅ın̅ vpp aꝼ ıoꝛðo ı ellegre keʀu aꞇ áſıanꝺa lęrıſveıne ſıno̅ helıſeo. Oꝩaʀ a legſꞇeıneno̅ ꝩaru mar-kaðer þ̅r k̅gar er heılog boc ſeg͛ aꞇ goðer ⁊ ágeꞇ͛ haꝩe ꝩ͛eꞇ. þ̅ ꝩͦ þ̅r ezechıaſ ⁊ ıoſıaſ. Þ̅ ꝩͬ markaꞇ u̅ ezechıa̅ er h̅ reınſaðe ꝼolkıꞇ aꝼ ſcurðgoða ſaure. ⁊ ꝩacðe logen vpp er aðꝛ hoꝼðo lengı ſoꝩeꞇ. ⁊ hveſſv ſolen ꝩeık apꞇr gang ſıno̅ ꞇıl þeſſ aꞇ h̅ ꞇryðe ſek haꝩa þegeꞇ aꝼ guðe þ̅ er h̅ heꝼðe beðeꞇ. en þ̅ ꝩar aꞇ guð geꝩe h̅om lengᷓ líꝼ. En v̅ ıoſıa̅ er moꝛgu̅ ꝺyrlego̅ ꝩ͛ko̅ ꝩͬ ꝼͤgr. ꝩͬ þ̅ markaꞇ hveſſv ágeꞇlıga h̅ hellꞇ paſca ꞇıðena. Ꝼyr vꞇan ꝺavıð ⁊ þeſſa ꞇꝩa k̅ga ꝩaru eng͛ þ̅r er eı ꝩere nockoꞇ ſek͛ bloꞇa eða an̅arra laga bͦꞇa. Vpp ꝼᷓ k̅gom ꝩaru markaðer a ſꞇeıneno̅ ſpa-men̅. ⁊ ſagꞇ a hv͛re ꞇıð eða unꝺ͛ hv͛ıom k̅ge hveʀ þ̅ra haꝼðe ſınar ſpár ꝼᷓm ſagðar. Þ̅r .ıııı. gengo þar ꝼyrſꞇ. yſaıaſ. ıeremıaſ. ezechıel. ⁊ ꝺanıel. Sva ꝩar ſcoꝛıꞇ ſem yſaıaſ reꞇꞇe ꝼᷓm ꝼıngr ſın̅ ⁊ ml̅ꞇe ſva. ſe h͛na. mør mon ſon geꞇa. ⁊ þ̅r aðr͛ ml̅ꞇe nockoꝛo̅ oꝛðom hveʀ oꝛ ſın̅e ſpaſogu v̅ hegaꞇ-burð eða pıſl guðſ ſonar. þar epꞇ͛ ꝩar ſcıpaꞇ ꞇolꝼ eno̅ mın̅om ſpam̅m. ⁊ ſcrıꝩaꞇ naꝼn eða noc-koꞇ óꝛ ſpaſogu hv͛ſ þr̅a þ̅ er allꞇ ko̅ í eın̅ ſꞇað nıðꝛ. Vꞇarſꞇ á ſꞇeıneno̅ ꝩar markaꞇ rıke cırı k̅ſ. ⁊ þ̅ er gyðengar naðo heımꝼarar leyꝩe oꝛ en̅e mıclo h͛leıðengo. oc hveſſv þ̅r enꝺꝛny-ıoðu ſalomonſ muſꞇere með zoꝛobabel h͛ꞇoga. þar epꞇ͛ ꝩar ſaga heſꞇ͛. ⁊ ſva ꞇobıe. ⁊ þ̅ er ıuꝺıꞇh ꝺᷓp holoꝼ͛ne̅ í h͛buðom ſıno̅ ſıalꝼſ. En ſogoꝛ þeſſar lukvz allar í ęꝩe eſꝺre rıꞇara. Vm ꝼᷓm þau ſꞇoꝛm͛kı er h͛ erv ſꞇvꞇꞇlega breꝩaꞇ. ⁊ þan̅ hagleíc er a ꝩar þeſſo ſmıðe. ꝩar allꞇ ꝩ͛keꞇ með gulle bueꞇ þar er þ̅ þoꞇꞇe beꞇr b͛a. Sıðan er .aͬ. k̅r haꝼðe ſva ꞇıgulega goꝛꞇ vꞇꝼerð ꝺͦꞇnen-gar ſem h͛ er nu nockoꞇ ꝼᷓ ſagꞇ. byðꝛ h̅ aꞇ vpp ſcyle ꞇaka h͛buðer ⁊ hallꝺa moꞇe .ꝺͦ. ſem harð-aſꞇ. Oc nu ſenꝺ͛ h̅ rıꝺꝺ͛a þan̅ er menıꝺeſ heıꞇ͛ með nockoꝛa ſveıꞇ aꞇ ꝩıꞇa hvar .ꝺ᷒. ꝼøre með her ſın̅. þegar er maꞇheuſ er .ꝺ᷒. k̅r haꝼðe ſenꝺan ímoꞇe gͥckıo̅ ꝩerðꝛ ꝩaʀ ꝩıð nıoſnarmen̅ .aͥ. heımꞇ͛ h̅ ſaman lıð ſıꞇꞇ ⁊ ſcunꝺar apꞇr ꞇıl h͛buða ꝺarí. Nv þͥaꞇ gͥck͛ nalgaz mıok ꞇekr .ꝺ᷒. k̅r aꞇ ꝼylkıa lıðe ſıno. á ſleꞇꞇo̅ ꝩollo̅. aꞇ eıgı geꝼe þͦngr ſꞇaðꝛ h̅om ſıgr ſem ꝼyʀ. ̅ rıðꝛ ſıalꝼr v̅ ꝼylkıngarnar oc eggıar ꝼaſꞇ lıðeꞇ með ꝼogro̅ ꝼoꝛꞇalu̅. en ꝩapnar þ̅ er aðꝛ ꝩͬ ılla bueꞇ. ͛. k̅r heꝩ͛ nu ꝩaleꞇ ſer herbuða ſꞇað. þaðan maꞇꞇe ſıa ꝩel lanꝺꞇıollꝺ ſerkıa. han̅ ꝼylk͛ ⁊ lıðe ſıno epꞇ͛ þ̅. Nu g͛ız ſcamꞇ ímıllo̅ ꝼylkınga̅na. ma nu ſıa þar á lopꞇe moꝛg m͛kı. Oc eıgı ꝩar langꞇ aꞇ bıða. aðꝛ en gͥck͛ lıoſꞇa vpp h͛ope mıclo. ſerk͛ þeyꞇa þar ⁊ ímoꞇ luðra ſına. ⁊ øpa ſva ſem þ̅r mego meſꞇ aꞇ ꞇaka. ſva ꝩarð mıkıꞇ v̅ h͛op ⁊ luðra gang þr̅a aꞇ nalega ſcalꝼ oll ıoꝛðen aꝼ. Oc ⟨ꝼ⟩abuloſu̅ eſꞇ aꞇhalſ ſꞇakraðe ꝩıð er eın̅ er aꝼ þeı̅ er vpp hallꝺa heı̅eno̅. ſva aꞇ h̅ ꝼek ꝩarla ſꞇaðeꞇ vnꝺ͛ byrðe ſın̅e. ⁊ þ̅ hvgðe h̅ aꞇ þͥ monꝺe ſęꞇa þ̅ eꞇ mıcla hark oc óp er h̅ heyrðe. aꞇ rıſarn͛ monꝺe b͛ıaz í an̅aꞇ ſın̅ ꝩıð ıove̅. v͛gmaleƞ̅ ꝩarð oc harðla malugr ꝩıð h͛óp þꞇ̅a. ⁊ ſva þáuꞇ ı ꝺaulo̅ ollo̅ er í nanꝺ ꝩaru. Sva ꝩͦ gͥckır nv geyſꞇ͛. aꞇ ꝩarla ꝼek .aͬ. k̅r ſꞇoðꝩaꞇ þa aꞇ eı ſlıꞇe þ̅r ꝼylkıngarnar ⁊ lıope þegar á ſerke. En þvı aꞇ ſolın ſcunꝺaðe nv gang ſıno̅ í egıƞ̅ aꞇ hon ſęı eıgı ſva mıkıl manꝺᷓp ſem ꞇıl hoꝛꝼðez aꞇ ꝩ͛ða monꝺe. þa bıðꝛ .aͬ. k̅r aꞇ þ̅r ſcyle gᷓꝩa ꝺıke. ⁊ ſeꞇıa þar í ın̅an herbuðer ſınar. ⁊ ſva ꝩar nu goꝛꞇ. Sıðan gengr k̅ren̅ vpp á haug eın̅. þaðan maꞇꞇe h̅ ſıa yꝩ͛ allar ꝼylkıngar ſerkıa. Oc er h̅ ſa hveſſv mıkıll aꝼle þr̅a ꝩar ꝼıre muga ſak͛ ⁊ ꝩapnabunaðar. ⁊ heyrðe þar með heſꞇa gneg ⁊ hareyſꞇe margᷓ ꞇungna ſer ókun̅egᷓ. þa eꞇla ec ſeg͛ meıſꞇare .g. eꝼ leyꝼꞇ er aꞇ ꞇrua þvı aꞇ nockoʀ auðꝩellegr óꞇꞇe haꝩe komeꞇ í þ̅ eꞇ gauꝼuglega bͥoſꞇ ⁊ rıſalecꞇ hıarꞇa k̅ſenſ. Með ſlıkv̅ hęꞇꞇe aꝼlar ſꞇyrıman̅eno̅ ahyggıo þeı̅ er lenge heꝩ͛ ſıglꞇ blıðan byr ⁊ hagſꞇeðan eꝼ h̅ ſer þv͛ꞇ ꝩeðꝛ aꞇ ꝼara ſcıpeno með mıclo̅ ſꞇoꝛma. h̅ kallar þa ⁊ bıðꝛ ꝼelaga ſına ſla unꝺan hoꝩuð ben-ꝺum. ⁊ laða ſegle ſem ꞇıðaſꞇ. en leypr ſıalꝼr apꞇr ꞇıl ſꞇyreſenſ. ⁊ leggr þ̅ oꝛ lage. Sva ſcal ęꞇla aꞇ k̅ren̅ haꝩe oꞇꞇaz þa er h̅ ſa uꞇallegan mug ꝩına ſın̅a komen̅ ímoꞇe ſer. Epꞇ͛ þ̅ er .aͬ. k̅r haꝼðe ſeꞇ yꝩ͛ lıð ſerkıa lęꞇr h̅ kalla ꞇıl ſın raðonauꞇa ſına an̅aꞇ hvarꞇ ꝼıre þa ſok aꞇ h̅ ęꝩaz nockoꞇ í hvaꞇ ꞇıl raðſ ſcyle ꞇaka. eða ꞇıl þeſſ en hellꝺr aꞇ h̅ reynꝺe hveſſv ſꞇaðug͛ þ̅r ꝩ͛e. ⁊ leıꞇar nu raðſ unꝺ͛ þa. Seínꞇ ꝩerðꝛ ꞇıl ſvara þͥaꞇ allır meꞇa ꝩıð p̲menıone̅. ⁊ þar kemr aꞇ h̅ ſvar͛. Þ̅ þęꞇꞇe mer rað ſeg͛ h̅ aꞇ ꝩ͛ ꝩeıꞇꞇe̅ ſerkıo̅ álaup þegar er naꞇꞇa ꞇekr. ⁊ kome̅ þeı̅ á ꝩꝩarꞇ. Oc eꝼ þ̅r laupa upp óꝛ ſveꝼne ı naꞇꞇmyrkre. þa man an̅aꞇ hvarꞇ þar ſem margar ꞇungoꝛ ⁊ ſunꝺrleıꞇ͛ ſıðer ganga í h͛ınu̅ aꞇ þ̅r mono þegar ꝼlyıa. ella man auðꝩellꞇ aꞇ ꝺrepa hv͛n þar ſem ſꞇaðen̅ ꝩ͛ðr. aꞇ þrıðıa koſꞇe mono þ̅r vpp geꝩaz. En eꝼ ꝩer b͛ıumz a ꝺageƞ̅. þa monu ſcelꝩa ꝩarꞇ lıð ręðelıgar áſıanoꝛ ſcıꞇaru̅ þr̅a ꝼolka eða ınꝺıal̅z mͣ er hv͛gı ſceðıa hare ſıno. eða mıkıll vppꝩoxꞇr rıſa þr̅a er ꞇıl eru komn͛ aꝼ þeı̅ ſꞇoðom er bᷓcꞇa heıꞇa. þ̅ ꝼylg͛ ⁊ eckı mego ꝼaer men̅ aꞇ g͛a ſva moꝛgo̅ þuſunꝺu̅ nema þ̅r ꝼae ko̅eꞇ a vꝩarꞇ. Nu heꝩ͛ .ꝺ᷒. ⁊ valeꞇ ſer ꞇıl ꝩıgꝩallar ruma ſꞇaðe ⁊ ſleꞇꞇa. ⁊ ꝼıre þa ſok man eıgı þͦnglenꝺeꞇ aꞇ ſın̅e ſem ꝼyʀ geꝩa oſſ ſıgr. Ꝼleſꞇ͛ all͛ gͥck͛ loꝩa þꞇ̅a rað. ⁊ eın̅ hoꝼðenge ſa er polıp̲can heıꞇ͛. eggıar þeſſ mıoc aꞇ v̅ noꞇꞇına ſcyle b͛ıaz. ⁊ ſeg͛ aꞇ þͥ aꞇ eınſ mego gͥckır ſıgᷓ eꝼ ſva er goꝛꞇ. ͛. k̅r lıꞇr ꝩıð h̅o̅ reıðule-ga. þͥaꞇ h̅ ꝩıll eıgı nu áſaka p̲menıone̅ þar ſem h̅ haꝼðe þ̅ goꝛꞇ lıꞇlo aðꝛ. þa er h̅ haꝼðe þeſſ ꝼyſꞇ aꞇ ꞇaka ſcyllꝺe þér ſeꞇꞇ͛ er .ꝺ᷒. haꝼðe boðnar. ⁊ ſvar͛ ſva. Þꞇ̅a er þıoꝩa ſıðr ⁊ laðruna er þer bıðeꞇ oſſ g͛a. þr̅a ꝩán er oll ı ſvıko̅ ⁊ leynelego̅ preꞇꞇu̅. Ecke ſcal ꝩar ꝼͤgð preꞇꞇu̅ þıona. Oc aꞇ ecke ſe þ̅ er á ꝺrage ꝩara ſømð þa man eıgı nu þurꝼa ſıgren̅ aꞇ ken̅a þrongo̅ ꝩıgꝩelle. man ⁊ nu koſꞇr aꞇ b͛ıaz ꝩıð ſıalꝩan .ꝺᷟ. Eıgı ſcal oc noꞇꞇın ꝩallꝺa ꝩaro̅ ſıgre aꞇ ꝩer ſyne̅ oſſ røꝺꝺa ꝩ͛a. ſcal aꝼ þͥ ꝩıſꞇ á ꝺagen̅ b͛ıaz. þͥaꞇ ſa ſıgr er ꝩer ęꞇlo̅ aꞇ ꝼa. ſcal an̅aꞇ hvarꞇ enge ꝩerða. eða ꝩ͛a ſomaſa̅lıgr í alla ſꞇaðe. eꞇr beʀ þeı̅ er k̅r ſcal heıꞇa aꞇ hamıngıan breſꞇe ꝼıre ſak͛ an̅ſꞇreymra oꝛlaga. hellꝺr en h̅ ſca̅mez þeſſ ſıgrſ er h̅ ꝼǿꝛ a naꞇꞇar þele með þıoꝼlego̅ álaupo̅. Eıge ꝩıl ec þͥ kaupa ſıgren̅. aꞇ þ̅r er epꞇ͛ oſſ koma ꝼın̅e ſva rıꞇað. aꞇ aͬ. k̅r haꝼe með preꞇꞇu̅ ſıgᷓꞇ. ⁊ mınke ſva ſlegðe⸌n⸍ mıcla ꝼͤgð. Ek heꝼe nu ſpurꞇ ⁊ aꞇ þ̅r haꝩa ſꞇerka ꝩoꝛðo á ſer ſerkırn͛. ⁊ lıðeꞇ lıggr allꞇ unꝺ͛ ꝩapnu̅. ⁊ mego̅ ꝩ͛ aꝼ þͥ ecke þoꞇꞇ ꝩer ꝩıllꝺe̅ koma þeı̅ á vꝩarꞇ. Ꝼareꞇ aꝼ þͥ heım ꞇıl lanꝺꞇıallꝺa yðaʀa ⁊ haꝩeꞇ ꝩıð yðr ſem bezꞇ. ꞇakeꞇ ſveꝼn ⁊ haꝩeꞇ þ̅ í hvg yðꝛ. aꞇ ſv rıð er a morgen ſcal ꝩerða man vnꝺ͛ oſſ leg-gıa halꝩan heımen̅. Oc ſıðan er k̅r haꝼðe ſva męllꞇ. þa ganga þ̅r ꞇıl lanꝺꞇıallꝺa ſın̅a. ᷒. k̅r g͛ır ⁊ í an̅an ſꞇað rað ꝼıre ſıno̅ m̅m. ⁊ þ̅ bragð eꞇlar h̅ gͥckıo̅ ſem þ̅r monꝺo ꞇekeꞇ haꝩa eꝼ parmenıo heꝼðe raðeꞇ. ꝼıre þa ſoc byðꝛ h̅ aꞇ lıðeꞇ ſcyle lıggıa ꝩapnaꞇ v̅ noꞇꞇına. ⁊ aller heſꞇar ſcyle ſꞇanꝺa ſauðlaðer. ſꞇoꝛa ellꝺa leꞇr h̅ ⁊ g͛a hv͛ꝩeꞇna mıllu̅ herbuðan̅a. ſva þyck͛ nv ꞇıl aꞇ ſıa ſem allar h͛buðer ſerkıa loge. Gyllꞇ͛ hıalmar ⁊ gullagðer ſcıllꝺ͛ keppaz ꝩıð hımen-ꞇunglen með bırꞇı ſın̅ı. Lopꞇeꞇ vnꝺrar mıok er þ̅ heꝩ͛ ꝼıre ꝼunꝺeꞇ eıgı mın̅e lıoſ. en þ̅ heꝩ͛ aðr í ſer. ⁊ óꞇꞇaz þ̅ aꞇ ıoꝛðen mone þręꞇa ꞇıl aꞇ ꝩ͛ða hımen̅en̅. Noꞇꞇen ꝼagnar þͥ mıoc er hon lıkız ꝺegeno̅. þͥaꞇ hıalmr .ꝺͥ. k̅ſ lyſer hen̅e ſem ſolen ꝺegeno̅. Sꞇeın̅ ꝩar ſeꞇꞇr í oꝩanverðan hıalmen̅. þͥ bıarꞇare en ꞇungl eða ſꞇıoꝛnoꝛ. ſem ſolen ꝩar h̅om bıarꞇare. Marg͛ ſꞇeınar ꝩaro ſeꞇꞇ͛ í rıng v̅ h̅ vꞇan þ̅r er hv͛r ſanaðe ſec ꝩ͛a harðla ꝺyran. Þ̅ er nu aꞇ ſegıa ꝼᷓ .aͦ. k̅ge aꞇ h̅ heꝩ͛ lagz ꞇıl ſveꝼnſ. en ꝼér eıgı ſoꝼnaꞇ þͥaꞇ h̅ hugſar ꝼıre ſer á marga ꝩega hv͛nog h̅ ſcyle þeſſ b͛ıaz eða ꝩıð ſcıpa lıðe ſıno er h̅ ꝼae ſıgᷓꞇ .ꝺᷟ. k̅g ſva ſem aꝼle h̅ſ ꝩar nv mıkıll ⁊ ꞇoꝛbreyꞇlegr. Vm ſlıcꞇ lıggr h̅ hugſe ⁊ ꝩak͛ alla noꞇꞇena þͥaꞇ ſva ꝩar bͥoſꞇ h̅ſ ꝼullꞇ aꝼ ahyɢıo̅ aꞇ þęr haꝩa þar ꝩarla rm. Nv ꝩerðꝛ h͛ ꝼyrſꞇ ꝼᷓ aꞇ ſnua. en þar ꞇıl aꞇ ꞇaka aꞇ ey eín lıggr í á þr̅e er ꞇıbͥs heıꞇ͛ er ꝼellr ıgegnu̅ rumab̅g. J eyıo þr̅e er hóll eın mıkıl. ⁊ mıok ꝩanꝺuð. hon ſꞇenꝺꝛ a ꝼıoꝛo̅ ſꞇolpo̅. Ꝼıre þeſſe holl reðꝛ ꝺͦꞇnıng eín ageꞇ er vıcꞇoꝛıa þ̅ er ſıgr heıꞇ͛. Vꞇallegar ꝺyʀ ero á hvſe þeſſo. vrðer ero þar hvellar þegar er þér erv vpp loknar ſva aꞇ heyr͛ ꞇıl þr̅a ner v̅ allan heım. Vıð hallar ꝺyʀ ſıꞇr ſv ꝺróſ er ambıcıo þ̅ e͛ meꞇnaðꝛ heıꞇ͛. ꝺͦꞇnengen ſıalꝼ ſıꞇr í haſęꞇı þͥ er goꝛꞇ er aꝼ ꝼılſbeíne. hͦ heꝩ͛ a hoꝼðe þıapel aꝼ lauro. ſva er hͦ ſꞇoꝛláꞇ aꞇ hͦ geꝼr á ꞇvr henꝺꝛ hv͛ıo̅ er haꝩa þarꝼ. ꞇ íꝼᷓ hen̅e ꞇva vega ſıꞇıa ſyſꞇr h̅ar þęr er með h̅e erv í ſıꝼellv. þar er ꝼyrſꞇ gl̅a. þ̅ e͛ ꝼͤgð e͛ lıꝩ͛ meðan heımren̅ ſꞇenꝺꝛ. Maıeſꞇaſ þ̅ e͛ ꝩallꝺ er þar ⁊. er moꝛgo̅ myg͛ með ſıno rıke. þar ſıꞇr ⁊ reu͛enꞇıa þ̅ e͛ ꞇıgn͛ bᷓgð er ꝼolkeꞇ g͛ır lyðeꞇ hoꝼðengıu̅ ſıno̅. Juſꞇıcıa þ̅ e͛ reꞇꞇleꞇe heꝩ͛ þar oc ſem maclecꞇ er ꝩırðulegꞇ ſęꞇe þͥaꞇ hͦ ꝩapnar laugen ⁊ ꝩeʀ reꞇꞇynꝺen. ⁊ hallar engan ꝩeg ſıno reꞇꞇſyne. Clemenꞇıa þ̅ e͛ mıllꝺe er ⁊ í þr̅a ſamſęꞇe er mıoc re̅mer rıkı k̅gan̅a. þͥaꞇ hon er goð aꝼ grıðum ⁊ mıſcun̅ar moꝛ-gom. þar ſıꞇr oc ſv ꝼrv er pecunıa þ̅ e͛ auðꝛ heıꞇ͛ er gnęgᷓ heꝩ͛ gull en goða ſıðv. þͥaꞇ hon er laſꞇa nreng ⁊ vanſꞇılleſ moðer. Concoꝛdıa þ̅ e͛ ſa̅þycke ſıꞇr ⁊ ı þeſſe ſveıꞇ blıð ꝩıð alla ⁊ úmın̅eg v̅lıðenſ ſunꝺrðyckeſ. þͥaꞇ hon enꝺ͛ ⁊ ſveꝩr allan vꝼrıð. Þar er ⁊ pax þ̅ e͛ ꝼrıðꝛ er buanꝺano̅ er eıƞ̅a hol-loſꞇ. þͥaꞇ hon geꝼr h̅om ꝼrelſe aꞇ ꝩın̅a ſlıcꞇ er h̅ þarꝼ. Copıa þ̅ e͛ gnoꞇꞇ ſıꞇr þar en neſꞇa með ꝼullo hoꝛne þͥaꞇ þęr ꝼara opꞇlega baðar ſaman. Ꝼra̅me ꝼıre ꝺͦꞇnıngın̅e ſꞇanꝺa þıonar h̅ar. þ̅ erv leıkar þ̅r. er með margſ conar ſcemꞇan blanꝺa hegoma ꝩıð alhugaꞇ ⁊ gleðıa hana ſva. J þeſſe ſveıꞇ erv oc úm͛k epꞇ͛ męle. ⁊ eınarðar lauſſ laꞇr með vnꝺ͛ hyggıo̅ en blıðv yꝩ͛ bᷓgðe. ll͛ ſꞇunꝺa þ̅r a þ̅ aꞇ ꝼͤgð ꝺͦꞇnıngar ſcyle ſem lengſꞇ lıꝩa. En alla ꝩega bͦꞇꞇ íꝼᷓ h̅e þıoꞇa ſong-ꝼęre. þau er með ymıſſu̅ haꞇꞇu̅ yppa ꝼagrlıga h̅ar loꝩe. Sıðan er þeſſe ꝺͦꞇnıng ſa hveſſv margar ahyggıoꝛ ſꞇoðo ꝼıre ſveꝼne. þeım er hon haꝼðe geꝩeꞇ hęra luꞇ ı hv͛re ſocn allꞇ ꝼᷓ blauꞇv barnſbeıne. þa ręꝺꝺez hon þ̅ aꞇ ſu rıð er aꞇ komanꝺa moꝛne ſcyllꝺe ꝩ͛ða monꝺe b͛a k̅gen̅ aꝼle eꝼ haƞ̅ ꞇęke engan ſꞇyrk aꝼ ſveꝼneno̅. ⁊ ꝼıre þa ſoc ſpreꞇr hon vpp oꝛ ſęꞇe ſıno. ⁊ ꝼeʀ hvaꞇlega þar ꞇıl er hon kemr í helle þan̅ er ſa buanꝺe reðꝛ ꝼyr͛ er ſo̅pn᷒ heıꞇ͛. ⁊ þar komen. ꞇekr hon ſva ꞇıl oꝛðſ. Rıſ vpp þu ꝼaðer ⁊ ꝼar ꞇıl ꝼunꝺar ꝩıð .aᷟ. ꝼoſꞇrſon mın̅ ⁊ leyſ hvg h̅ſ ⁊ lıcam aꝼ ahyggıo̅. þͥaꞇ þar aꝼ lıggr h̅ anꝺꝩake. ſva mellꞇe hͦ. en þo aꞇ h̅ ꝩere laꞇr ⁊ þungr a ſer ⁊ ꝺoꝩen̅ mıoc aꝼ langͤ legu. þa ꝩıll h̅ þo g͛a þ̅ er hon bıðꝛ ꞇekr nu ꝼıaðr ha̅ e͛ h̅ aꞇꞇe ⁊ bınꝺꝛ á ſek ꝼlygr ſıðan leıðar ſın̅ar. Oc allꞇ þar er h̅ ꝼoꝛ ı nanꝺ hımınꞇunglo̅. þa ꝼellr a þau ſva mıkıll ómın̅eſ hauꝼge. aꞇ þau ga eıge aꞇ ganga leıð-ar ſın̅ar. Eıgı nemr h̅ ꝼyʀ ſꞇaðar en h̅ kemr ꞇıl h͛buða gͥckıa. ⁊ ꞇıl reckıo k̅gſenſ. h̅ ꞇekr þegar ıbͦꞇꞇ þaðan allar ahyggıoꝛ ⁊ legz í rekıona hıa h̅om. ⁊ þa ſoꝼnar k̅r ꝼaſꞇ ⁊ ſeꝼr allꞇ ꞇıl þeſſ er mıok ꝩar moꝛnaꞇ. Nu ren̅r ſol upp. ⁊ þͥaꞇ hͦ ſynır ſek ꝩıꞇa ꝼır͛ þau ſꞇoꝛꞇıðenꝺe er þan̅ ꝺag mono g͛az geꝩr hon aꝼ ſer lıꞇıꞇ lıoſ ⁊ benꝺ͛ ꝼır͛ með bleıku̅ lıꞇ margſ mᷦ ꝼeıgð. Oc þa ſamnaz ſaman hoꝼðengıar gͥckıa ꞇıl lanꝺꞇıallz þeſſ e͛ k̅r ſvaꝼ í. þ̅r unꝺraz þ̅ mıok er h̅ ſeꝼr ſva lenge. þar ſem h̅ ꝩar ıaꝼnan ꝩa⸌n⸍r ſıalꝩr aꞇ ꝩekıa aðra. ⁊ ſlícr haſke ſem þeı̅ ſꞇoð nv ꝼıre ꝺu-rum. þ̅ eꞇla ſum͛ aꞇ k̅r mone ꝩ͛a rꝺꝺꝛ. ⁊ myne ſva ꝩılıa ꝼela ręzlo ſına aꞇ laꞇa ſem h̅ ſoꝩe. En engı þor͛ ın̅ aꞇ ganga aꞇ ꝩıꞇa hvaꞇ ꞇıꞇꞇ er ⁊ eıgı ıƞ̅ ꝩerðer h̅ſ hellꝺr en aðr͛. Eıgı þoꝛa þ̅r ⁊ aꞇ ꝩapna ſek eða buaz ꞇıl barꝺaga ꝼyʀ en k̅ren̅ byðꝛ þ̅ ſıalꝼr. P̲menıo geꝼr þa þ̅ rað aꞇ m̅ ſcyle ꝼara ꝼyrſꞇ ꞇıl maꞇar ſınſ ⁊ bıða ſva þeſſ er k̅gr ꝩacne. ᷒. k̅r er nv komen̅ a ꝼoꝛ með her ſın̅. ⁊ er parmenıo ꝩerðr þeſſ ꝩaʀ. þa gengr h̅ ın̅ í lanꝺꞇıallꝺ k̅ſenſ. ⁊ aꞇ rekıoƞ̅e þar ſe̅ h̅ lıggr. ⁊ kallar a h̅ nockoꝛu̅ ſı̅ƞu̅ en h̅ ꝩacnar eıgı aꞇ hellꝺꝛ. ⁊ þa ꞇekr p̲menıo a h̅o̅ ⁊ mel͛ ſva. Vpp run̅en ſol heʀa bıðr yðꝛ ꝩaka. en eıgı ec. hͥ ſęꞇ͛ þ̅ er þer haꝩeꞇ ſva lenge ſoꝩeꞇ. Nv nalgaz .ꝺ᷒ k̅r en gͥck͛ bıða ⸌eƞ̅⸍ ꝩapnlauſer yðarſ boðſ. hvar er nv ſa kᷓpꞇr oc ſꞇyrkr hvgar þınſ er h͛ ꞇıl heꝩ͛ ꝼyr͛ øngu bognað. þu ꝩarꞇ ıaꝼnan ꝩanr ſıalꝼr aꞇ ꝩekıa ıamꝩel ꝩarðhallz meƞ̅ena ſem aðra. Trv ðu þvı ſeg͛ k̅ren̅. aꞇ mer heꝩ͛ eckı ſveꝼnſamꞇ oꝛðeꞇ v̅ rıðer ꝼyʀ en nv e͛ ahyggıoꝛ haꝩa ko̅ez ábͦꞇꞇ oꝛ bͥoſꞇe mıno. P̲menıo vnꝺraz þ̅ mıok en ꞇreyſꞇız eıgı epꞇ͛ aꞇ ſpyrıa hͥ þ̅ ſęꞇe er h̅ ſeg͛ ſek nu áhyggıo lauſan ꝩ͛a. ⁊ þa ſvaʀ͛ k̅ren̅ ſva. þa er vꝩın͛ ꝩar͛ brenꝺo bygðer ⁊ akra en bruꞇu b̅ger ⁊ þoꝛðo eıgı aꞇ b͛ıaz ꝩıð oſſ. ꝩar ſok ꞇıl þeſſ aꞇ ec ꝩęra hvgſíukr. ⁊ þar ꝼıre ꝼek ec allꝺͤge ro. En þͥaꞇ ꝼęre geꝩaz a aꞇ b͛ıaz ꝩıð ſıalꝩan .ꝺᷟ. ⁊ allan h̅ſ aꝼla. ⁊ lıclegꞇ ſe aꞇ h̅ mege eıgı ꝼoꝛðaz þen̅a barꝺaga með ꝼloꞇꞇa þa er nu enge ſa luꞇr er mek hvgſyke. En ꞇıl hv͛ſ ꝺvel ec nu. ꝼar-eꞇ ⁊ ꞇakeꞇ ꝩapn yðoꝛ ⁊ buez epꞇ͛ ꝩenıu. Ec man í an̅aꞇ ſın̅ ſegıa h͛ aꝼ ꝼleıra í beꞇra ꞇome. Sıð-an leꞇr k̅r blaſa ꞇıl aꞇ lıðeꞇ h͛klęðız. h̅ ꝩapnaz ⁊ nu ſıalꝼr. ſꞇıgr ſıðan a heſꞇ ſın̅ er bucıꝼal heıꞇ͛. llꝺregı hoꝼðo gͥck͛ ſeꞇ k̅gen̅ kaꞇara ꝼᷓ þͥ er þ̅r boꝛðoz eꞇ ꝼyrſꞇa ſın̅ vnꝺ͛ h̅ſ m͛kıo̅. Oc er h̅ rıðꝛ ꝼra̅ í lıðeꞇ. þa ſꞇyrkez í hugenu̅ hv͛r er k̅gen ſer. ⁊ margr ſa er aðꝛ ꝩar oꞇꞇa ꝼullr. ꝩenꞇe þegar aꞇ ꝩel monꝺı ꞇakaz. þͥaꞇ ſva þoꞇꞇe ſem ſıgren̅ ſęꞇe í anꝺlıꞇe h̅om. Nv ſcıpar h̅ lıðe ſıno í ſveıꞇ͛. ⁊ ſcıpar ſıðan ꝼylkıngar. h̅ bıðꝛ ⁊ ſına men̅ ꝩaraz ꝩıð keʀur þr e͛ .ꝺ᷒. k̅r haꝼðı ıarna laꞇeꞇ. ſva aꞇ þar ꝩar meízla ꝩan aꝼ þeı̅ er ꝼyr͛ yrðe. ⁊ aꝼ þeı̅ herbunaðe maꞇꞇe h̅ ꝩenꞇa ſer mıkılſ ſıgr⸌s⸍. Oc þͥ geꝼr .aͬ. k̅r gͥckıo̅ þ̅ rað. aꞇ þar ſem ſerk͛ leypa ꝼra̅ með þeſ konar keʀv̅. ſcyle þ̅r ꝩıkıa ꞇva ꝩega unꝺan ⁊ geꝩa þeı̅ ru̅́. ⁊ ſnua ſıðan epꞇ͛ þeı̅ ⁊ gęꞇa þeſſ aꞇ hvareg͛ haꝩe ꝼa-reꞇ renꝺlauſꞇ heſꞇarn͛ eða þ̅r er keʀunu̅ ſꞇyra. Oc þa er h̅ haꝼðe ſlıkar amın̅engar goꝛꞇ ſıno̅ m̅m. kemr ꞇıl h̅ſ mͬ eın̅ ſa er laupeꞇ haꝼðe ꝼᷓ ⸍ſ͛kıo̅⸌ ⁊ ſeg͛ h̅om aꞇ .ꝺ᷒. k̅r heꝩ͛ kaſꞇa laꞇeꞇ nıðꝛ h͛ſporo̅ í eınhv͛ıo̅ ſꞇað leynelega ⁊ ęꞇlar þ̅ eꝼ h̅ ꝼr eıgı ſıgᷓꞇ gͥcke með oꝼreꝼle. aꞇ þ̅r ſcyle þo ꝩerða ſıgraðer með ſlıkv̅ bͦgðu̅. lex͛ k̅r lęꞇr ꞇaka þen̅a man̅ ⁊ ꝩarðꝩeıꞇa ꞇıl þeſſ aꞇ h̅ ꞇake ſlıcꞇ vpp ſem h̅ ſꞇunꝺar ꞇıl. þa er reynꞇ ꝩerðꝛ hvarꞇ h̅ ſeg͛ ꝼalſ eða eıgı. h̅ lꞇr oc g͛a kvn̅ıcꞇ ollu̅ h͛ınu̅ epꞇ͛ þͥ ſem h̅o̅ ꝩar ſagꞇ hvar h͛ſporu̅ ꝩar nıðꝛ kaſꞇað. ⁊ bıðr aꞇ aller ſcyle ꝩaraz þan̅ ſꞇað aꞇ eıgı ꝩyrðe þr̅a kᷓpꞇ⸌r⸍ yꝩ͛ komen̅ aꝼ preꞇꞇv̅ .ꝺͥ. k̅ſ. Nv rıðr h̅ ꝼᷓman ꝼıre ꝼylkın-garnar ⁊ eggıar lıðeꞇ alla ꝩega. ſıðan ꞇalar h̅ ꝼıre h͛ınu̅. ⁊ heꝼr ſva mal ſıꞇꞇ. Nv er þar komeꞇ goðer ꝺreng͛ aꞇ oſſ er ꝼıre honꝺu̅ er ſıðarſꞇa ſꞇarꝼ. en hv͛ꞇ agęꞇe mono̅ ꝩér ꝼa aꝼ þeı̅ oꝛroſꞇo̅ er ꝩer hoꝩo̅ haeꞇ ne̅a guð ⁊ hamıngıan leıðe ꞇıl goðra lycꞇa ꝩarn en̅ ſıðarſꞇa ſıgr. Oc þeſſ megum ꝩer urugg͛ ꝩęnꞇa. þͥaꞇ hamıngıan er ıaꝼnan ſꞇyrk͛ alexanꝺru̅ ꝩıll þıona mer ſe̅ hͦ ꝩıll yꝩ͛ ꝩ͛a oðru̅ hoꝼðengıo̅. þegar epꞇ͛ þ̅ er allꞇ gͥclanꝺ haꝼðe numeꞇ mer aꞇ þıona. ⁊ ꝩér ꝼoꝛo̅ þaðan íbͦꞇꞇ. ſenꝺe hon ímoꞇ oſſ ꝩıne ꝩara ꞇıl þeſſ aꞇ ꝩar ꝼregð meꞇꞇe ſem ꝼyrſꞇ ꝼᷓm-gang ꞇaka. ⁊ þoaꞇ þ̅r er þa boꝛðoz oſſ ímoꞇe heꝼðe ꝩılıa ꞇıl aꞇ g͛a ſlícꞇ í an̅aꞇ ſın̅. þa mono þ̅r allꝺrege þoꝛa þ̅ ſıðan. llr þeſſe mugr er ímoꞇ oſſ er komın̅ ognar með ongo oðro en hoꝼðaꞇale. ⁊ þͥaꞇ hamıngıoƞ̅e leıðez nu aꞇ ꞇelıa hverſv margan ſıgr ꝩer hoꝩu̅ ꝼengeꞇ þan̅ er h̅e þıck͛ eıgı mıkılſ ꝩerðꝛ. þa ſꞇarꝩar hon nu þar í aꞇ ꝩer ſcylem á eınu̅ ꝺege ꝼa ſıgᷓꞇ heı̅en̅ allan í ſen̅. Oc þͥ meıra man þeſſe ſıgr þıckıa ꝩerðꝛ ſem þ̅r ero ꝼęre er h̅ mono ꝼa. en hıner ꝼleıre er ſıgraðer mono ꝩerða. Gangeꞇ nu þa ígogno̅ þeſſar enar vıglego ꝼylkıngar þar ſem ſverðen ryðıa goꞇoꝛ ꝼyr͛ yðꝛ. hyggeꞇ aꞇ hveſſv ſcıllꝺ͛ þr̅a ⁊ hıalmar ſcına aꞇ gulle ⁊ gım-ſꞇeıno̅. ⁊ hveſſv lıomar aꝼ þeı̅ ꝺýru̅ klęðu̅ er þ̅r haꝩa á ſek boreꞇ. veʀ myne ſpara ꝩıð ſek aꞇ ſıgra þa er þan̅og buaz ꞇıl barꝺaga. hveʀ mon henꝺe ꝺrepa ꝩıð boðno gulle nema ſa e͛ ecke ꝩeíꞇ. En þer megoꞇ nu ꝩel ⁊ leꞇlega eıgnaz allan þan̅ auð e͛ þeſſar þıoðır haꝩa ſaman boꝛeꞇ eꝼ ſverðen erv lyðen. ⁊ anꝺſvara með ſꞇoꝛo̅ hoggv̅ ꝼegıoꝛnu̅ hug þeı̅ er eıgı þyrſꞇ͛ mın̅r ꞇıl ꝺrapſ ⁊ ꝺreyra vꝩına ſın̅a. en ꞇıl gullz ⁊ g͛ſıma. llꞇ þ̅ h͛ꝼang er þ͛ megoꞇ h͛ ſıa ⁊ ꝼá. ſcal yðarꞇ ꝩ͛a en eıgı ꝩarꞇ. Sıgreꞇ aꞇ eınſ mer ꞇıl hanꝺa. en ſcıpꞇeꞇ ꝼeno með yðꝛ. v͛r ſa e͛ ſva ꝩıll b͛ıaz aꞇ mer lıke. ſcal ꝩ͛a ꝼelage mın̅ v̅ ꝼręgðena. en ꞇaka ꞇıl ſín allꞇ an̅aꞇ ⁊ b͛ez h̅ epꞇ͛ þͥ ſem h̅ ſer mek b͛ıaz. Oc eꝼ .aͬ. ꝩerðꝛ eıgı ſén̅ í ꝼᷓman ꝩerðꝛe ꝼylkıngvn̅e. ⁊ ſnue h̅ bake ꝩıð vꝩınu̅ ſınu̅. þa man haꝩa ſacꝩorn ꝼıre ſek hv͛r er ſlıolega ꝩıll b͛ıaz eða ꝼlyıa. oc ꝩıſꞇ man h̅om ſv ſoc vpp geꝩen. En eꝼ ek líꝩe mer eıgı mıok ⁊ mæla ek allꝺrege þꞇ̅a ꝩıð kap-pan̅ hıa mer. ꝼar þu ꝼyʀe ⁊ berſc ꝼyr͛ okr baða. þa em ec ꝩerðꝛ aꞇ haꝩa þa ꝼelaga. er mer ꝼylge man̅lega. veʀ ſa er k̅r ſcal heıꞇa ꝩerðꝛ ſcyllꝺꝛ ꞇıl aꞇ geꝩa þau ꝺme aꝼ ſer ſıalꝩo̅ er reyſꞇe men̅ mege rauſꞇleíc aꝼ nema. Sva ml̅ꞇe h̅ oc nu laupa ſaman ꝼylkıngarnar. ſva mı-kıꞇ hark ⁊ ogoꝛlıgr gnyr ꝩarð þar aꝼ ſem ꝩerða monꝺe eꝼ heımreƞ̅ allr rapaðe. I manaðe þeı̅ er maı᷒ heıꞇ͛ ꞇecz oꝛroſꞇa með þeı̅ .aͦ. ⁊ ꝺͦ. ſne̅ma ꝺagſ. ſva er ꞇıl ꝩıſaꞇ í helgu̅ bo-ku̅ aꞇ þen̅a barꝺaga haꝩe ꝺanıel ꝼıre ſagꞇ ı ſın̅e ſpaſogo. ⁊ ſa buccr er h̅ ſagðe aꞇ oꝛ noꝛðꝛhalꝩu heımſ monꝺe koma. ⁊ ſerkıo̅ ꝩar ſan̅lega guðleg heꝼnꝺ ſınſ oꝼſa ſyn͛ ſek nv. Oc þeg-ar er ſa mͬ ſa k̅gen̅ .aᷟ. er arıſꞇomeneſ heıꞇ͛ eꞇꞇaðꝛ aꝼ ınꝺıal̅ꝺe. keyr͛ h̅ ꝼaſꞇ ꝼra̅ ꝼíl er h̅ ſaꞇ á. ⁊ ſcyꞇr ꞇıl h̅ſ ſpıoꞇe ſva ſnarꞇ aꞇ ígognu̅ gek ſcıollꝺ h̅ſ ⁊ ſpıoꞇzoꝺꝺren̅ nam í brynıon̅ne ſꞇaðar. ͬ. k̅r leggr ímoꞇe ſpıoꞇe á ꝼılenu̅ ſva aꞇ þegar gengr á hol. ꝼ ꝼalle h̅ſ ꝩarð mık-ıll ꝺykr. ⁊ í þvı er ꝼıllen̅ ꞇók aꞇ rıða. ſeꞇr k̅r ſverð ſıꞇꞇ a halſ arıſꞇomenı ſva aꞇ aꝼ gek en b͛ıaz lengr. leynaz þ̅r nu broꞇꞇ oꝛ barꝺanu̅ hv͛r ſem komaz ma ⁊ ne̅a eıgı ꝼyʀ ſꞇað en um mıðneꞇꞇe þa er þ̅r koma í arbola þan̅ ſꞇað er ſva heıꞇ͛. þar ꝩar ꝼyr͛ .ꝺ᷒. k̅r. ⁊ þ̅ lıð er unꝺan haꝼðe komız með h̅om. ̅ leıꞇar þar raðſ ꝩıð ſına men̅ hvaꞇ nu ſcal aꞇ haꝩaz. ma þ̅r þar all͛ ſaman í hryggum hug vm hamıngıo ꞇíon ſıꞇꞇ ⁊ þ̅ mıkla ſlag er þ̅r ha-ꝩa ꝼengeꞇ. Sıðan er .ꝺ᷒. k̅r ꝼęr aꝼ ſer runꝺeꞇ mðelego̅ anꝺꝩoꝛpu̅ harmþrungınſ hug-ar lıꞇr yꝩ͛ lıð þ̅ er grıck͛ hoꝼðo leıꝼꞇ h̅om ⁊ męl͛ ſva. Þ̅ er mᷦenſ eðle aꞇ þola ſꞇunꝺu̅ ſꞇoꝛ áꝼoll. en ꝼagna ſꞇunꝺum aꝼ ꝼarſęllıgo̅ luꞇu̅. bogna ꝼıre harðreꞇꞇe rıſa þvı neſꞇ vpp vıð apꞇr ꝼengen̅ ꞇıma. ſlıcꞇ ſama henꝺe kreſum k̅g ſem oſſ heꝩ͛ nv ⁊ eƞ̅ hellꝺꝛ þan̅ ágęꞇa k̅g cırum er eín kona ꝼek yꝩ͛ komeꞇ. Oc ſa xerxeſ er þacðe haveꞇ allꞇ nalıga með ſı-nom ſcıpaſꞇole naðe ꝩarla með eıꞇꞇ ſcıp apꞇr aꞇ ꝩenꝺa ꞇıl ſınſ rıkıſ. ⁊ ꝼıre þͥ ſcal enge nyıung ꝼa ſnueꞇ ſꞇ͛ku brıoſꞇe aꞇ enge log ſcyllꝺa hamıngıona ꞇıl aꞇ ꝩ͛a man̅e ıa̅-nan holla. En þ̅ er ſıgroðu̅ eınga ꝩán aꞇ ꝩenꞇa ſer ſıgrſ á uꝩınu̅ ſınu̅ í an̅aꞇ ſın̅. Ec ꝩeíꞇ ꝩıſꞇ aꞇ gͥck͛ mono nv hallꝺa ꞇıl b̅ga þr̅a er eyꝺꝺar erv aꝼ m̅m. en ꝼullar aꝼ ꝼe. þar man ſu ágıarna þıoð leıꞇa þeſſ aꞇ ſꞇoðꝩa þoꝛſꞇa ſın̅ á gulleno. ⁊ ſeðıa ꝼengen̅ hungr á- nyıo ránꝼenge. þ̅ hygg ec oſſ mono haglecꞇ ꝩ͛a. Nu man ec ꝼara uꞇ í meꝺıa̅ í þan̅ luꞇa rıkeſ er vꝼrıðren̅ heꝩ͛ ecke gᷓnꝺaꞇ. man ec þar enꝺꝛbꞇꞇ ꝼa ſꞇyrk mın̅ allan. Eıgı man oſſ ⁊ þ̅ meına nv ſem ꝼyʀ aꞇ ꝩer ꝺrage̅ epꞇ͛ oſſ óꝼ ꝼıar. boꝛn eða konoꝛ ⁊ þıonoſꞇo m̅ þr̅a. þͥaꞇ þ̅ haꝩa maꞇꞇvg͛ men̅ reynꞇ aꞇ langͤ ꝩenıu hꝩeſſv mıkeꞇ ſlık͛ luꞇ͛ ꞇalma þr̅a ꝼᷓmkv̅ð e͛ b͛ıaz ſcolo. Oc þͥaꞇ .aͦ. heꝩ͛ þ̅ ſıgr geꝩeꞇ er h̅ ꝺro eıgı epꞇ͛ ſer þeſ konar þunga. þa man h̅ ⁊ þar ꝼyr͛ ꞇyna ſıgrenu̅ er h̅ heꝩ͛ ſlıcꞇ allꞇ ꞇekeꞇ í ſıꞇꞇ ꝩallꝺ. ⁊ ſa er ſıgᷓðez ꝼrıalſ aꝼ ſınv ꝼaꞇęke. man yꝩ͛ ꝩerða komen̅ laðen̅ aꝼ herꝼangı. þͥaꞇ með ꝩapnu̅ ma ſıgr ꝩega hellꝺꝛ en með gulle ⁊ g͛ſemv̅. Man̅ꝺomr ⁊ reyſꞇe goðꝛa ꝺrengıa ꝩ͛ıa lonꝺ ⁊ rıkı beꞇr en auðꝛ eða ſꞇ͛k ꝩıge. Ꝼoꝛo̅ nu þar ſem ek ko̅ aðꝛ á ı vꞇhalꝩoꝛ rıkeſ ꝩarſ. ⁊ hırðum eıgı þoaꞇ oſſ ſe þ̅ nockoꞇ ſnueꞇ ꞇıl ꝩanꝩırðengar. þͥaꞇ þ̅ er man̅e nyꞇſamlegꞇ þa er þungꞇ ꝩıll ꝩeıꞇa aꞇ ꝼreıſꞇa ꝼleıra ꝩıð en þeſſ eına er ꝼagr oꝛðromr ꝼalle ꞇıl. raún heꝩ͛ þ̅ opꞇlega ſan̅aꞇ. Vér ꝩıꞇu̅ ⁊ aꞇ en͛ ꝼyʀe ꝼeðꝛ ꝼoꝛellrar ꝩar͛ haꝩa raꞇað í ıa̅ſꞇoꝛ aꝼelle ⁊ þa haꝩa þ̅r um rıðar ſak͛ unꝺan hallaꞇ úꝼrıðenu̅. ⁊ þyrmꞇ beðe ſer ⁊ úꝩınu̅ ſınu̅ þar ꞇıl er hamıngıan heꝩ͛ ꝩıꞇıaꞇ þr̅a. ⁊ geꝩeꞇ þeı̅ hęra luꞇ. en hınu̅ nıðran er aðꝛ haꝩa ſıgͤ raðeꞇ. Sva lykr .ꝺ᷒. k̅. ſıno male. ⁊ men̅ h̅ſ rma líꞇꞇ þeſſa raðagoꝛð. þıckır boꝛen ꝩán aꞇ h̅ mone apꞇr ꝼa nað ſo̅́a ſınu̅ þar ſem .aͬ. ma þegar aꞇ komanꝺa moꝛne ſeꞇıaz v̅ ſıalꝩa babılonem. ⁊ aðrar boꝛg͛ þer er h̅ haꝼðe ꝩarnarlauſar geꝼıꞇ í ꝩallꝺ úꝩına ſın̅a. ⁊ aꞇ ſıðꝛ ꝩenꞇa þ̅r aꞇ h̅ mone apꞇr ꝼa þ̅ er h̅ heꝩ͛ laꞇeꞇ. aꞇ þ̅r ęꞇla aꞇ h̅ mone ꝩ͛a bráꞇꞇ aꝼ ſeꞇꞇr ollo rıkıno. En þo ꝩılıa all͛ ꝼylgıa h̅om úꞇ í meꝺıa̅. hvarꞇ ſem þar hellꝺꝛ meıʀ ꞇıl aꞇ lıðeꞇ þıckız v̅ ſec vruggara meðan þ̅ hellz ſaman. eða ꞇreyſꞇez þ̅ eıgı aꞇ brıoꞇa boð k̅ſ þo aꞇ h̅s ꝼyr͛ eꞇlan ſynꝺız nu ꝼleſꞇu̅ lıkleg ꞇıl mıkıllar upp reıſꞇar. Þaꞇ er nu aꞇ ſegıa ꝼᷓ .aͦ. k̅ge aꞇ h̅ ſcıpꞇ͛ herꝼange með lıðe ſınu í þr̅e b̅g e͛ .ꝺ᷒. k̅r haꝼðe ꝺva-lız í um noꞇꞇına epꞇ͛ barꝺagan̅. ſcoꝛꞇ͛ h̅ nu hvarke ꞇıl ꝼong ne ꝩılıa aꞇ geꝩa hv͛ıom yꝼren erꝩeðeſ laún. ſıðan ꝼeʀ h̅ yꝩ͛ ſırıam hvaꞇlega. þͥaꞇ h̅ gırnız aꞇ koma ꞇıl babılonar ſem ꝼyrſꞇ ⁊ ꝼa h̅a með ꝩallꝺe. eꝼ h̅ naer eıgı með þr̅a ꝩıllꝺ er b̅gena byɢıa. Oc þa er h̅ aꞇꞇe ſcamꞇ ꞇıl ſꞇaðarenſ. kemr ímoꞇ h̅om maꞇheuſ með ſono̅ ſınu̅ ſa maðꝛ er eín̅ ꝩar agęꞇaſꞇr aꝼ þeım hoꝼðen-gıom er þıonaꞇ hoꝼðu ꝺarıo. h̅ geꝼr í ꝩallꝺ .aͥ. ſıalꝩan ſek ⁊ b̅gena babılonem. k̅r ꞇekr h̅o̅ blıðlıga. ⁊ ꝩerðꝛ harða ꝼegen̅ h̅ſ ęrenꝺe. þͥaꞇ mıkıꞇ ⁊ langꞇ ſꞇarꝼ monꝺe ꞇıl þurꝩa aꞇ ꝩın̅a ſva ſꞇerka b̅g ⁊ ꝼıolmen̅a. þeſſe mͬ maꞇheuſ e͛ ıa̅nan haꝼðe ſer aꝼlaꞇ mıkıllar ꝼregðar aꝼ ſın̅e reyſꞇe. ⁊ ı ꝼyʀa barꝺaga k̅gan̅a ꝩarð mıok ageꞇr aꝼ ꝼreknlıgre ꝼᷓmgongu gaꝼ oðꝛu̅ ꝺmı a ſıalꝩu̅ ſer aꞇ hyllaz aꞇ .aᷟ. k̅g ⁊ ꝼrıðaz ꝩıð h̅. Epꞇ͛ þꞇ̅a ſcıpar .aͬ. k̅r lıðe ſıno í ꝼylkıngar þan̅og ſe̅ meſꞇ ſyne mege ꞇıl ꝩ͛a. ⁊ bıðꝛ gͥcke ꝼıre ꝼara. en ſerkıa lıð epꞇ͛. ⁊ ſꞇeꝼn͛ ſıðan ꞇıl ſꞇaðarenſ. b̅garlyðꝛ-eƞ̅ ꝺrıꝼr úꞇ ímoꞇ k̅ge. ⁊ ſynır aꝼ ſer mıkın̅ ꝼagnað í h̅ſ ꞇıl kvamo. uðꝛ ſa er ꝼoꝛn̅k̅ongar hoꝼðo ſaman ꝺregeꞇ. er hv͛ꝩeꞇna ꞇıl ſyneſ boꝛeƞ̅ ꝩıð þen̅a nyıa k̅g. ⁊ ſcurðgoðen ſıalꝼ erv boꝛ-en uꞇ oꝛ hoꝼu̅ ſınu̅ ímoꞇ h̅om. yr͛ ꝩeꝩ͛ eru ꝩıða breıꝺꝺ͛ úꞇ á ꝩegen̅ þar ſem h͛ren̅ ſcal rıða. Ga̅-lır bnꝺꝛ ⁊ allꝺraðar hvſꝼreyıoꝛ ꞇaka kleðnað ſın̅ en̅ bezꞇa. þrelar ⁊ ambaꞇꞇ͛ ⸌haꝩa⸍ ⁊ ſva goð kle-ðe nu. ⁊ þau ken̅a ſek ꝩarla. ⁊ gleyma nalega nauð ⁊ noꝼno̅ ſınu̅ þeım er þar ꝼylgıa. ⁊ lan-kleðe g͛a þan̅ margan her rıkmanlıgan er ꝼaꞇekr ꝩar. ſꞇręꞇen ero þakeð með enu̅ ꝼegr-ſꞇu̅ blomu̅ þar ſem k̅r ſcal rıða. ⁊ allar þer urꞇ͛ e͛ bezꞇ ılma erv boꝛnar ꝼyr͛ h̅ á elꝺa þa e͛ ſerk͛ hoꝼðo mıkın̅ aꞇrvnað ꞇıl ꝼıre ꝩıgſlo ſak͛ þr̅a. þau grı̅mo ꝺyr er heıꞇa ꞇıgreſ oc parꝺı ꝼara ꝼır͛ ꝼylkıng k̅ſ. ⁊ þar með moꝛg leon. Ꝼıolðe mᷦ ꝺrıꝼr í ena heſꞇa ꞇurna. eða a b̅gar ꝩeggına aꞇ þ̅r meꞇꞇe ſem goꝛſꞇ ſıa ꝼoꝛ gͥckıa. ⁊ allra hellzꞇ k̅gen̅ ſıalꝩan. Margr leıkare ꝼeʀ uꞇ ſꞇaðenu̅ með allz konar ſongꝼre moꞇe k̅ge. ⁊ þ̅r ganga marg͛ með neıgꞇ hoꝼuð ímoꞇ h̅om. er ſpam̅ ꝩoꝛo kallaðer. ⁊ leꞇoz ꝩıꞇa ꝼır͛ oꝛlog mͣ. þ̅r ꝩͦ ꞇıl ko̅nır aꝼ egıp-ꞇalanꝺe. ⁊ oꝛ þ̅re b̅g er me̅phıſ heıꞇ͛ er í þan̅ ꞇıma hugðu marg͛ meſꞇan ſpaclek í bua. Sva ſeg͛ meıſꞇare .g. ꞇrue ſlıco hv͛r aꝼ er ſynez. aꞇ ſıalꝩr rumab̅gar lyðꝛ haꝩe allꝺrege ꞇekeꞇ með ıa̅mıken̅ príſ ꝩıð ſınu̅ hoꝼðengıo̅ epꞇ͛ þau ſꞇoꝛo h͛ꝩırke er þ̅r haꝩa goꝛꞇ. ⁊ þ̅ var mak-legꞇ ſeg͛ h̅ aꞇ ſva ꝩęre goꝛꞇ. þͥaꞇ eꝼ reꞇꞇ er hugſaꞇ v̅ ꝩ͛c an̅aʀa k̅ga. ⁊ ſe þau ſan̅lega loꝩaꞇ. ⁊ í an̅aꞇ ſꞇað ſe vpp ꞇalꞇ er .aͬ. k̅r ꝩan̅. ⁊ aꞇ hugꞇ hveſſu mıkıꞇ h̅ ꞇok í ꝼang ſer á unga allꝺre. ⁊ með hveſſv lıꞇlu lıðe h̅ barðez ímoꞇ enu̅ meſꞇu̅ hoꝼðengıo̅. ⁊ hveſſv ſca̅ma ſꞇunꝺ han̅ haꝼðe ꞇıl aꞇ leggıa unꝺ͛ ſek heımen̅ allan. þa man sͣ ſynaz ſe̅ all͛ þ̅r k̅gar er ꝼoꝛnſcállꝺen haꝩa meſꞇ loꝩaꞇ í ſıno̅ boco̅. haꝩe ꝩ͛eꞇ lyðman̅lıg͛ hıa þeſſu̅ k̅ge. ⁊ ꝩıſꞇ meꞇꞇe lucan᷒ ſeg͛ h̅ þıckıaz oꝼ loꝩaꞇ haꝩa keıſaran̅ ıulıu̅ í ſın̅e boc. Vıllꝺe guð aꞇ nu ꝩ͛e ꝼᷓcka k̅r ſlıkr ſe̅ aͬ. ꝩar. þa monꝺe ſkıoꞇꞇ allr heımr þıona reꞇre ꞇru. Alexanꝺ͛ k̅r er nu komın̅ í b̅gena babılone̅. ⁊ nu męl͛. meıſꞇare .g. þeſſu̅ oꝛðu̅ ꞇıl b̅garen̅ar ı ſın̅e boc. Se her babılon ꝺrep heımſınſ. ⁊ oꞇꞇa k̅gan̅a. ſe her nv þan̅ .aᷟ. er þv maꞇꞇ͛ oppꞇ ſı̅nu̅ ſıa ꝼır͛ ı helgum boco̅ ⁊ ſpa ſogu̅ aꞇ koma mynꝺe. ⁊ ſıgᷓ allꞇ aſıa̅. ygg aꞇ h̅om ꝩanꝺlega nu er þu þarꝼ⸌ꞇ⸍ eıgı aꞇ ſpyrıa ꞇıl h̅ſ. ⁊ ꝺra̅ba eıgı ꝩıð h̅om. þoaꞇ þv haꝩ͛ h̅ lucðan ꝼıre ı̅nan ſꞇerka ꞇıglꝩegge. þar er h̅ ꝼaðmar allan heı̅en̅ með ſıno ꝩallꝺe. ⁊ ſıalꝩ͛ k̅garn͛ ręðaz þegar er þ̅r heyra naꝼn h̅ſ. þeſſı ſcal ꝩ͛a þın̅ k̅r. er aull ꝩerallꝺar bygðen meꞇꞇe gırnaz ꞇıl yꝩ͛ ſer aꞇ haꝩa. eꝼ h̅ſ ꞇıgn hellꝺe ꝩel í alla ſꞇaða þeı̅ man̅koſꞇo̅ er h̅ ꞇok vpp í ꝼyſꞇo með h̅e. Se. ſeg͛ h̅ en̅ ꞇıl b̅garen̅ar. hv͛ſu ſꞇıllelega ſꞇıoꝛn h̅ ꝩeıꞇ͛ ſıgroðo̅ þeı̅ er geꝩa ſec ı h̅ſ ꝩallꝺ. ⁊ líꞇ á mıcla mıllꝺe þeſſ mᷦ er hamıngıan ꝩeıꞇ͛ ꝼleſꞇa ꝼarſęllꝺ. ⁊ ſva lın log geꝼr ſınu̅ unꝺ͛ m̅m. ⁊ hoꝼuð ſꞇað rıkıſ ſınſ byggv͛ h̅ þeı̅ ſomo̅. er ꝼıre ſco̅mo boꝛ-ðoz ímoꞇ h̅om. ⁊ g͛ır ſer aꝼ uꝩınu̅ ena krſꞇo ꝩıne. Nu ſnyr mæıſꞇare ſıno male meíʀ ꞇıl k̅ſ ſıalꝼſ. ⁊ ſeg͛ ſva. ꞇ aꝼ margꝼallego munuðlıꝩe þͥ. er meıra gang haꝼðe í þeſſaʀe boꝛg babılón. en hv͛ꝩeꞇna í oðrom ſꞇoðu̅. ⁊ aꝼ ugryn̅e ꝼıar þͥ er h̅ ꝼek þar. mıſꞇı haƞ̅ þeſſ reꞇleꞇıſ ⁊ þr̅a man̅ꝺyrða er h̅ haꝼðe numeꞇ aꝼ meıſꞇara ſıno̅ arıſꞇoꞇılı. Sva mıoc er þ̅ ꝼolc oꝛſca̅ma er þen̅a ſꞇað bygðe. aꞇ þa er ꝩıneꞇ ꝩıll͛ huge man̅a. ⁊ kveyc͛ lıoꞇlega loſꞇagırnꝺ. laꞇa þ̅r er ꝩeıꞇa ꝩıneꞇ beðe ꝼalar ꝩıð ꝼeno konoꝛ ſınar ⁊ ꝺeꞇr. ⁊ eꝼ ꝺryckren̅ g͛ır þeı̅ úſparan penıngın̅ e͛ ſer ꝩıll kono kaupa. þa pyꞇ͛ h̅ h̅a nauðga er ꝼala lęꞇr. eꝼ hon ꝩıll eıgı loſꞇeg. Þ̅ er þar ⁊ ſıðꝛ ꝩıð ꝺryckeƞ̅. aꞇ ıamꝩel hoꝼðengıarn͛ ſıalꝩ͛ ſem aðꝛır laꞇa leıka ꝼıre ſer allar nꞇr nalega. Tva ꝺaga ⁊ .xx. ꝩar .aͬ. k̅r í babılon. Oc þͥaꞇ h͛reƞ̅ allr haꝼðe nv lıꝩaꞇ ſem lyſꞇe. ⁊ legeꞇ ı ꝺryckıo alla þeſſa ſꞇunꝺ. ꝩar ſva ꝺıgnað ꝺaðen í moꝛgo̅. aꞇ eꝼ vꝩın͛ þr̅a heꝼðe nu þegar á þa laupeꞇ. monꝺo þ̅r eckı ſva ꝼreknlega ꝼᷓm ganga. ſem ꝩenıa ꝩͬ ꞇıl ıa̅nan aðꝛ. Nv rıðꝛ k̅r uꞇ aꝼ ſꞇaðeno̅ með allan her ſın̅. ⁊ á ꝩollu̅ nockoꝛu̅ ꝼogru̅ eıgı langꞇ ꝼᷓ b̅gen̅e. leꞇr h̅ ſꞇauðva lıðeꞇ ꝼıre þa ſauk aꞇ h̅ leꞇr þar vpp ſegıa þau log er h̅ ꝩıll ſeꞇıa. ⁊ þ̅ er h̅ ſcıpar oðꝛoꝩıſ í h͛ıno̅ en h̅ſ ꝼoꝛellrar en͛ ꝼyʀe k̅gar hoꝼðu ſeꞇꞇ. ⁊ ſemr nv allar þıo-noſꞇur aꝼ nyıo. ſeꞇr hoꝼðengıa yꝩ͛ hv͛ıa þuſunꝺ rıꝺꝺara þa er cılıarche ero kallaðer á laꞇı-no. ꞇıl þeſſ aꞇ hveʀ þr̅a mege ſan̅lıga ꝓba þa ſveıꞇ e͛ h̅ er yꝩ͛ ſcıpaðꝛ. ⁊ ſcynıa þ̅ aꞇ ſlıcꞇ ꞇa-ke hveʀ vpp ſem h̅ þıonar ꞇıl. ⁊ eıge mege ſa með ꝼalſe g͛a ſec goðan ꝺreng. er h̅ er ꝺaðlꜹſſ. eða þͥ gleymꞇ e͛ goðꝛ ꝺrengr g͛er. þ̅ haꝼðe ꝩ͛eꞇ ꝩenıa en̅a ꝼyrre k̅ga. ⁊ ſva ꝼoður h̅ſ phılıp-pı aꞇ laꞇa blaſa ı luðꝛ þa er hoꝼðengıar h͛ſenſ ſcyllꝺo ſeꞇıa merke ſın vpp. en þͥaꞇ ſva bar opꞇ ímóꞇ aꞇ eıge maꞇꞇe heyra luðren̅ um allan h͛ıƞ̅ ꝼıre harke ⁊ ꝩapna brake þͥ er ꝩͬð. bauð .aͬ. k̅r aꞇ heðan íꝼᷓ ſcyllꝺe reıſa vpp a ꝺagen̅ háꝩa ſꞇong ꞇıl ꝩıꞇneſcıo. en ꞇaka ꝼır͛ mark a noꞇꞇena reyk eða ellꝺ. ͛ með bıðꝛ h̅ ⁊ byðꝛ ꞇıgnu̅ ſem úꞇıgnu̅. aꞇ hv͛r ſcyle hallꝺın̅ ꝩ͛a ꝩılıa aꝼ ſıno̅ ꝩ͛ku̅ ⁊ v͛kkaupo̅. en enge ꝺırꝼðe ſec ꞇıl þeſſ aꞇ ken̅a ſer þ̅. er h̅ g͛ır eıgı. eða leıꞇa ꝼręgðar ꝼıre an̅arſ ꝼᷓma. ⁊ aꝼla þan̅ug þeſſ er h̅ ſꞇunꝺar ecke ꞇıl. Sıðan e͛ .aͬ. k̅r haꝼðe ſagꞇ vpp h͛ınu̅ þęr laga ſeꞇnıngar e͛ h̅ haꝼðe ſameꞇ aðꝛ með ꝺıupſeꞇꞇo raðe. ⁊ all͛ ꞇoko þvı þacſamlıga. þa ſꞇeꝼn͛ h̅ ꞇıl þr̅ar b̅gar e͛ 000 heıꞇ͛. b̅gar m̅ geꝩa ſꞇaðen̅ vpp ꝼıre h̅om. ⁊ ꝼr þar óꝼ ꝼıar. ⁊ en̅ ſe̅ ꝼyʀ ſcıpꞇ͛ h̅ þͥ ollu með lıðe ſıno. Epꞇ͛ þꞇ̅a ꝼeʀ h̅ ꞇıl þr̅ar b̅gar er ſꞇenꝺꝛ í þͥ heraðe er heıꞇ͛ uxıa regıo. ꝼıre þr̅e boꝛg reð eın̅ gͤıꝩe ſa er meꝺaꞇeſ heꞇ mıkıll kappı ⁊ goðꝛ ꝺrengr. þͥaꞇ h̅ ꝩarðꝩeıꞇꞇe ſec ſıalꝩan .ꝺͦ. k̅e ſan̅an ꝩın. ͛. k̅r ꝩarð þeſſ ꝩarr aꝼ þeı̅ m̅m e͛ bygðo ſcamꞇ ꝼᷓ b̅gen̅e. aꞇ leynıſꞇıgr eın̅ lıggr þangaꞇ ſa er b̅gar m̅m e͛ ukun̅ıgr. ⁊ eꝼ h̅ ſenð͛ þangaꞇ nockoꝛn̅ parꞇ aꝼ lıðe ſıno man eıgı ꝩarꞇ ꝩıð ꝩerða ꝼyʀ en þ̅r koma ı b̅gena. Þꞇ̅a ꝩͬ harðla mıkıl haſca ꝼoꝛ. þͥaꞇ lıðeno maꞇꞇe lıꞇlo ꝩıð koma. Tauron heꞇ eın̅ rıꝺꝺarı k̅ſ er opꞇ haꝼðe reynꝺꝛ ꝩ͛eꞇ aꞇ rſkve. h̅ kveðꝛ k̅r ꞇıl þeſſar ꝼerðar. ⁊ nockoꝛa rıꝺꝺara með h̅om. þa er h̅ valðe ꞇıl ꝼıre ꝩaſcleıcſ ſak͛. þeſſe mͬ ꝼeʀ á naꞇꞇar þele með ſına ſveıꞇ ſem ꝼıre h̅ ꝩar lagꞇ. En k̅r ſıalꝩr ꝼlyꞇr h͛en̅ þegar er lyſa ꞇekr. ꞇıl b̅garen̅ar yꝩ͛ glıúꝼr nockoꝛ. Sıðan leꞇr h̅ gera ꝼlaka marga ꞇıl lıꝼðar ꝩıð gͥoꞇe þvı lıðeno er h̅ ſcıpar ꞇıl aꞇ brıoꞇa b̅gar ꝩeɢen̅ eꞇ neðra. þ̅ ꝩͬ harðla ꞇoꝛſoꞇꞇlegꞇ ꝩ͛c. aꞇ ꝩın̅a þeſſa b̅g þan̅ug ſem hon ꝩͬ ſeꞇꞇ þͥaꞇ ollo̅ megen ꝩͬ braꞇꞇ aꞇſocnar. en hon ꝩar ꝩıða lucð með hoꝩu̅ homro̅. ⁊ ꝼıre þͥ ꝩar h͛ eıgı aꞇ eınſ aꞇ b͛ıaz ꝩıð ꝩaſkan lyð þan̅ er ꝩarðe b̅gena. hellꝺꝛ ꝩıð ſıalꝩa ſeꞇnıng h̅ar. Grıck͛ ꞇaka nv ꝼaſꞇ aꞇ ſekıa ſꞇaðen̅. ⁊ þo eıgı ıaꝼnꝺıarꝼlega ſem k̅reƞ̅. þͥaꞇ b̅gar men̅en͛ ꝼengo ꝼleꞇꞇ aꝼ lıðe h̅ſ þ̅ hvalꝼ er h̅ ꝩͬ vnꝺ͛ ſıalꝩr ⁊ ſpoꝛðo ſıðan hvarke ꝩıð h̅ ſcoꞇ ne gͥóꞇ. ⁊ er þ̅r ſa aꞇ h̅ ſꞇok eckı ꝼıre þͥ. þa ꝼreıſꞇoðo b̅garmen̅en͛ þeſſ aꞇ bıðıa h̅ ꝼᷓ hv͛ꝼa. ⁊ ꞇelıa vm ꝼır͛ h̅om aꞇ h̅ monꝺe þar eıgı ſvıg á ꝼa er naꞇ᷑an ſıalꝼ haꝼðe ſva ra̅lega ꝼıre bueꞇ. en h̅ ſek͛ þͥ ꝼaſꞇara ſem h̅ ſer aꞇ ꞇoꝛſóꞇꞇra e͛. ⁊ leıꞇar nu meſꞇ aꞇ brıoꞇa b̅gar lıðen þͥaꞇ vm þau ꝩar bueꞇ aꝼ man̅a honꝺo̅. Sıalꝼr bryz h̅ ꝩıð aꞇ brıóꞇa ꝩeggen̅ með bucku̅ eða þeı̅ ꞇolo̅ oðro̅ er þar hæꝼðo bezꞇ ꞇıl. ⁊ gengr ıa̅nan ꝼͤ̄ſꞇr aꝼ þeı̅ er ꝼre̅ſꞇ͛ erv í aꞇſocnen̅e. h͛ með eggıar h̅ ꝼaſꞇ lıðeꞇ ⁊ ſeg͛ ſva. o. ſco̅ mıkıl er oſſ þaꞇ goðer ꝼelagar er ſıgᷓꞇ hoꝩo̅ meſꞇan luꞇ aſıe. ⁊ un̅eꞇ allar b̅g͛ þęr er ꝩer hoꝩo̅ ꝩıð broꞇez. aꞇ ſoꝩa ꝩıð ꝩegge eınſ lıꞇılſ kaſꞇala. hveʀ mone ſva ſꞇ͛kr ſꞇaðꝛ ꝩ͛a aꞇ ſꞇaðeꞇ ꝼaı ꝼıre vꞇan ꝩarn̅ ꝩılıa. Engı mon ſva ramlıgr b̅gar ꝩeggr aꞇ eıge mone ꝼalla þegar er h̅ ꝩeıꞇ .aᷟ. ner ko̅a. ⁊ en͛ heſꞇo ꞇurnar haꝩa nu nvmeꞇ h̅om aꞇ nıga. Sva ml̅. h̅. ⁊ þa ſıa gͥck͛ hvar ꞇauron e͛ ko̅ın̅ vpp á b̅gar ꝩeggeƞ̅ ın̅an með ſına ſveıꞇ ⁊ geꝼr b̅gar m̅m ecke blıða bakſleꞇꞇo. Vıð þeſſa ſyn vex þr̅a ꝺırꝼð á aꞇſocneƞ̅e. en hın͛ e͛ aðꝛ þoꞇꞇoz vrugg͛ vm ſec. þıckıaz nv með ollu yꝩ͛ ko̅n͛. Synez þ̅ ſumo̅ aꞇ ꝩ͛ıa en̅ meðan ma. ⁊ ꝼalla hellꝺꝛ en ꝼlyıa. En ſvm͛ ꝩılıa hellꝺꝛ unꝺan leıꞇa ⁊ ꝼoꝛða ſer ſva eꝼ ꝼre geꝩaz á. Þ̅ e͛ aꞇ ſegıa aꞇ meſꞇr luꞇe b̅gar lyðſenſ leypr í eın̅ kaſꞇala er ſꞇoð í b̅gen̅e. en þͥaꞇ aller ſıa aꞇ þeı̅ mon þ̅ꞇa ꝩerða ſca̅ꞇ ſcıol. er þ̅ rað ꞇekeꞇ aꞇ .xxx. mͣ erv ſenꝺ͛ a ꝼunꝺ .aͥ. k̅ſ aꞇ leıꞇa þeı̅ lıꝼſ grıða ⁊ leyꝩeſ aꞇ ꝼlyıa í ꝼrıðe ꝼᷓ ollo̅ eıgno̅ ſıno̅. En þau komo ſvoꝛ ímoꞇe. aꞇ þ̅r þurꝼo s͛ engᷓr lıcnar aꞇ leíꞇa. ⁊ ꝺauðen̅ man eıgı lenge ꝺvelıa aꞇ ſveꝼıa þr̅a ſvꞇ. ⁊ þ̅r ſcyllꝺu ꝩıð þ̅ hellzꞇ hvggaz me-ga. Boꝛgar men̅en͛ ꝩerða ryggv͛ ꝩıð þeſſe anꝺſvoꝛ. ⁊ þͥaꞇ þ̅r erv ſem ꝼleıre eıgı ꝼuſer aꞇ ꝺeyıa. ꝩılıa þ̅r en̅ ꝼleıra ꝩıð ꝼreıſꞇa ꝼyʀ en á ꝺeꞇꞇe ꝺauðen̅ ſıalꝩr. Greıꝩen̅ meꝺaꞇeſ er hoꝼðenge ꝩar yꝩ͛ ſꞇaðenu̅ ſenꝺ͛ nv maƞ̅ á laun ꞇıl ꝺro̅garen̅ar moður .ꝺͥ. k̅ſ er ſıſıga̅-bıſ heꞇ. ⁊ h͛ꞇeken ꝩͬ aꝼ .aͦ. aꞇ bıðıa þeſſ aꞇ h̅on myke reıðe k̅ſ. ⁊ þıgge ꝼrıð aꝼ h̅o̅ b̅gen̅e ⁊ b̅gar lyðnu̅. Meꝺaꞇeſ ꝩͬ beðe ꝼrenꝺı .ꝺͥ. k̅ſ ⁊ námágr. ⁊ þͥ bað h̅ moðoꝛ h̅ſ mıſcun̅ar leıꞇa ſer ⁊ ſınu̅ m̅m. h̅ ꝩıſſe þ̅ oc goꝛla aꞇ .aͬ. ꝩırðe hana ſva mıkelſ ſem hon ꝩęre h̅ſ moðır. Senꝺe mͬ meꝺaꞇıſ kemr ꝼᷓm ꝼerðen̅e ⁊ ꝼlyꞇr renꝺeꞇ ſva ſem h̅om ꝩar boðeꞇ. En ꝺro̅gen ꞇalꝺez lenge vnꝺan aꞇ g͛a þ̅ er hon ꝩar beðen ⁊ ſvarar ſlıku. hv͛ſv byrıar h͛ꞇeken̅e kono aꞇ bıðıa sͣ ſꞇoʀa luꞇa. ⁊ g͛a mec mıcla. meðan ec em engıſ ꝩallꝺanꝺı. en þ̅ er ſan̅lecꞇ aꞇ þeſſ ſe ſynıaꞇ er ſva e͛ beðeꞇ. aꞇ enge ꝩan eða ꝩerðleıcr ſꞇenꝺꝛ ꞇıl aꞇ ꝼaz mege. Er oc høgꞇ aꞇ ꝩırða þa bøn ꞇıl oꝼꝺırꝼðar þeı̅ er bıðꝛ. hęꝩ͛ mer hellꝺꝛ aꞇ hugleıða hv͛ ec em nv. en mın̅az á þ̅ hvılíc ec ꝩar ꝼıre ſꞇunꝺo. røðo̅z ec oc þ̅ ſva margſ ſem ec heꝩı aðꝛ beðeꞇ k̅eƞ̅. aꞇ mıllꝺe h̅ſ mone męðaz v̅ ſıðer aꝼ ꝼıol-beıðne mın̅e.  þeſſa leıð aꝼſakar ꝺro̅g ſec. en þo rıꞇar hon ꞇıl k̅ſ ⁊ bıðꝛ aꞇ h̅ ſcyle geꝩa grıð meꝺaꞇı e͛ nu ꝩıll gıarna g͛az h̅s mͬ eꝼ h̅ a koſꞇ. ⁊ þoaꞇ h̅ ꝩılı eıgı lıcna b̅garlyðnu̅. kallar hon s͛ mıkıꞇ ꝩeıꞇꞇ eꝼ meꝺaꞇeſ naer grıðu̅ ꝼıre ben h̅ar. h͛ ma ſıa hverſv mıcla mıllꝺe ⁊ ſꞇaðꝼeſꞇe k̅ren̅ haꝼðe með ſer. Eıge aꞇ eınſ gaꝼ h̅ grıð meꝺaꞇı ꝼıre bn ꝺro̅gar er h̅ haꝼðe h͛ꞇekna. heꝇꝺꝛ ollom b̅gar lyðnum. ⁊ þar með hv͛ıom ſem eıno̅ allar eıgur ſınar. ⁊ ſlıcan reꞇꞇ ſem h̅ haꝼðe ꝼyʀ haꝼꞇ. ⁊ þvı ꝼᷓmaʀ aꞇ þ̅r ſcyllꝺo h̅om ønga ſcaꞇꞇa gıallꝺa. þoaꞇ .ꝺ᷒. k̅r heꝼðe ꝼengeꞇ ſlıcꞇ ꝩallꝺ a þeſſum lyð. ⁊ bygðe þar ꝼıre ꝼıanꝺm̅ h̅ſ eın͛. monꝺe moðer h̅ſ eıgı þıggıa þeım meıre lıcn aꝼ h̅om. en hon þa nu aꝼ vꝩın ſınu̅ .aͦ. Epꞇ͛ þꞇ̅a ſcıpꞇ͛ k̅r lıðe ſıno í ꞇva ſꞇaðe. ⁊ ſeꞇr parme-nıonem hoꝼðengıa ꝼırer ſumꞇ lıðeꞇ ⁊ bıðꝛ h̅ ꝼara þar ſem lanꝺeꞇ er beꞇᷓ yꝩ͛ ꝼarar epꞇ͛ aꞇ leı-ꞇa hvar .ꝺ᷒. k̅r ſe nv með þ̅ lıð er vnꝺan komz með h̅om neſꞇo̅ er þ̅r boꝛðoz. En h̅ ꝼeʀ ſıalꝼr aꞇ leıꞇa h̅ſ með eınꝩala lıð ſıꞇꞇ þar ſem lanꝺeꞇ er ꝩerſꞇ yꝩ͛ ꝼarar. ⁊ ꝩegren̅ lıggr yꝩ͛ ſꞇoꝛ ꝼıoll. ⁊ margar aðrar ꞇoꝛꝼøroꝛ. ⁊ ęꞇlar ſva aꞇ ꝼara þar er meſꞇ ꝩerðꝛ gagnleıðeꞇ í p̲ſıꝺa. þ̅ lanꝺ er ſva heıꞇ͛. Sva er ſagꞇ aꞇ .aͬ. haꝩe hv͛ge meıre þrauꞇ͛ þolaꞇ en ı þeſſaʀe ꝼerð. oc hamıngıan heꝩ͛ her í hellꝺra lage ſynꞇ h̅om þ̅ aꞇ hon ꝩıll engo̅ ꞇrygg ꝩına ꝩ͛a. þ̅ ꝩar ꝩıða aꞇ heʀen̅ ꝩarð aꞇ ꝼlyꞇıaz epꞇ͛ glıuꝼrum eða ꝺıupu̅ ꝺaulu̅. þar ſem lanꝺzꝼolkıꞇ ꝩar á ꝼıol-lum yꝩ͛ uppı. ⁊ leypꞇe oꝩan ſꞇoꝛo grıoꞇe. J ſumu̅ ſꞇoðu̅ ꝩar aꞇ ꝼlyꞇıaz í ꝼeſꞇu̅ v̅ þau bıoꝛg e͛ hv͛ge maꞇꞇe ꝼꞇr ı ꝼeſꞇa. ͛ ꞇyn͛ k̅ren̅ mıclo lıðe. ⁊ oppꞇ ꝩerðꝛ h̅ þar apꞇr aꞇ ꝩenꝺa. er h̅ ꝩıllꝺe ꝼram hallꝺa. en þo lycr h͛ ſem an̅arſꞇaðar. aꞇ h̅ bar ſıgr aꝼ ollu̅ þeım er h̅om hoꝼðo ímoꞇe rıſeꞇ. Nu kemr h̅ ꝼram v̅ ſıðer í p̲ſıꝺe ⁊ ſꞇeꝼn͛ ꝼyrſꞇ aꞇ þr̅e boꝛg er p̲ſepolıſ heıꞇ͛ er hoꝼvðſꞇaðꝛ ꝩͬ allz p̲ſıdıſ. h̅ bren̅er ⁊ bryꞇr h̅a alla ꞇıl ıarðar. ⁊ lꞇr ꝺrepa hv͛ꞇ manzbarn þ̅ er bygꞇ haꝼðe b̅gena. þeſſe b̅g haꝼðe ꝩ͛eꞇ harðla ꝼręg. þͥaꞇ marg͛ ꝼoꝛnk̅gar hoꝼðo þar longo̅ ſeꞇeꞇ. ⁊ ꝺregeꞇ ſaman ſva mıkın̅ auð. aꞇ í ollo aſıa ꝩar hv͛gı ıa̅mıkıll ſaman komın̅ í eıƞ̅ ſꞇað. Eıgı aꞇ eınſ hoꝼðo þ̅r þꞇ̅a goꝛꞇ ꞇıl ſꞇyrkſ eða nyꞇſemðar rıke ſıno. hellꝺꝛ oc ıamꝩel ꞇıl þeſſ. aꞇ hv͛r er ſeı ſcyllꝺe þ̅ unꝺraz er þ̅r maꞇꞇo ſva mıkıꞇ gull eða ſılꝼr haꝩa ſaman ꝺregeꞇ. þͥ meıra ⸌ꝼe⸍ ꝼek .aͬ. k̅r ⁊ ı þeſſe boꝛg ſem hon ꝩar mıclo auðgare en hv͛ ſem eín ſv er h̅ haꝼðe ꝼyʀ vnꝺ͛ ſeg lagꞇ. Sva ꝼeck agırnen h͛ mıkın̅ ꝼᷓmgang ı lıðe grıckıa aꞇ hon eggıar margan ı hoꝼuð ſınom ꝼelaga þa er hv͛ʀ keppız vm aꞇ ꝼa meſꞇ. eın̅ aꝼ þͥ er ollom ꝩar reð. ⁊ margr ſa er h̅ haꝼðe laðeꞇ ſec aꝼ gulle ⁊ gerſımu̅ þoꞇꞇız engıſ aꝼlaꞇ haꝩa. þegar er h̅ ſa nockoꝛn̅ haꝩa þ̅ ꝼengeꞇ er ꝼageꞇara ꝩͬ. Purpuren̅ ⁊ on̅oꝛ en ꝺyrſꞇu kleðe ꝩͦ rıꝩen ı ſunꝺꝛ þar er hv͛r rıꝼſaðe ſlıcꞇ er h̅ ꝼek. en gullkeren þav er aꝼ hagleıcnom ꝩͦ mıclo męꞇelıgͥ en aꝼ malmeno̅. bryꞇıvðu boløxar ı ſman mola. Ja̅ꝩel ruploðo gͥck͛ ⁊ renꞇo ſcvrðgoðen ſıalꝩ ſva aꞇ þau ꝩͦ røðeleg epꞇ͛. þͥaꞇ með ꝼegrð ⁊ ꝼe leꞇo moꝛg lımona. Slıcꞇ ꝩar enꝺa lycð þeſſar b̅gar. er ſva ꝼręg haꝼðe ꝩ͛eꞇ ꝼyʀ meíʀ aꝼ ſıno̅ hoꝼðengıom ⁊ eıƞ̅a meſꞇ aꝼ xerxe k̅ge er þaðan h͛ıaðe í noꝛðꝛhalꝩo heımſınſ. h̅ haꝼðe .x. þuſvnꝺ͛ ſcıpa ꝼır͛ aꞇ raða. ſıa en ſame ſıglꝺe ſumu̅ ſꞇoðom a þurru lanꝺe. ⁊ h̅ ꝩeıꞇꞇe ſıaen̅ ígognu̅ haꝩa halſa. llar b̅g͛ í aſıa hoꝼðo k̅gar ꝼyr͛ aꞇ raða þ̅r er epꞇ͛ .aᷟ. komo þr er h̅ haꝼðe unꝺ͛ ſec lagꞇ aðꝛar en þeſſa b̅g p̲ſepolım. h̅ar merke ma hv͛ge ſıa. ſva ꝩͬ hon ꝩanꝺlıga nıðꝛ broꞇen. nema nockoꝛ ǫꝛmol mege ꝼın̅az ı á þr̅e er ꝼellr hıa þar ſem b̅gen haꝼðe ſꞇaðeꞇ. ⁊ araxeſ heıꞇ͛. þͥaꞇ k̅ren̅ leꞇ þ̅gaꞇ b͛a hv͛n ſꞇeín er ſꞇaðeꞇ haꝼðe í b̅gar veggıono̅. þ̅ hellꞇ ꞇıl þeſſ er .aͬ. k̅r ꝩͬ ſva mıclo grımmare þeſſom ſꞇað en hv͛ıom an̅aʀa. aꞇ b̅gar lyðren̅ haꝼðe h͛ꞇekıꞇ aꝼ lıðe h̅s noccoꝛar .ııı. þuſunꝺır. Oc þa er h̅ aꞇꞇe ſca̅ꞇ ꞇıl b̅garen̅ar. ꝩͬ þ̅ lıð ſenꞇ ímoꞇ h̅om ſva bueꞇ. aꞇ ſum͛ hoꝼðo laꞇeꞇ honꝺ eða ꝼoꞇ. aꝼ ſumu̅ ꝩͦ ſcoꝛen eyron. eða ꝩaʀarnar. augo ꝩoꝛo ſꞇungın vꞇ a ſumu̅. ſum͛ ꝩͦ markaðer í eƞ̅e ſem þıoꝩar á ymſa leıð. ller ı þeſſo lıðe ꝩoꝛo meıꝺꝺ͛ aꞇ noccoꝛo. ⁊ þan̅og aꞇ hv͛ʀ maꞇꞇe lıꝩa len-ge ꝩıð ſına ſco̅. þa er þꞇ̅a ⸌lıð⸍ co̅ moꞇ k̅geno̅. eꞇlaðız h̅ í ꝼyrſꞇo ſıa ſcrımſl hellꝺꝛ en men̅. Oc er k̅ren̅ ꝩarð ꝩaʀ aꞇ þeſſe en̅ ꝩeſle lyðꝛ ꝩar aꝼ h̅ſ lıðe. ꝼellꝺe h̅ ſıalꝼr ꞇár. ⁊ allr heʀen̅ með h̅om. ⁊ ſnerez þa ſcıoꞇꞇ ſa ſıgr er aðꝛ ꝩar ꝼengen̅ í ſara ſuꞇ. Sıðan ſꞇyrk͛ h̅ þꞇ̅a lıð með ꝼogro̅ ꝼyr͛ heıꞇo̅. ſeg͛ aꞇ han̅ ſcal geꝩa þeı̅ allꞇ þ̅ er þ̅r ꝩılıa kᷓꝼꞇ haꝩa. hvarꞇ ſem þ̅ er heıma í ꝼoſꞇrlanꝺe þr̅a. eða an̅arſꞇaðar ı h̅ſ rıke. Nu ꝼeʀ þꞇ̅a ꝼolk ꝼyrſꞇ abͦꞇꞇ oꝛ h͛buðom aꞇ g͛a rað ſıꞇꞇ hvaꞇ aꝼ ſcal þıggıa þͥ er k̅ren̅ heꝩ͛ boðeꞇ. Svm͛ ꝩılıa ſꞇað ꝼeſꞇaz í aſıa þar ſem þ̅r ꝩoꝛo nu ſꞇaꝺꝺ͛. Sumo̅ ſynız ven̅a aꞇ vıꞇıa heı̅ gͥcl̅z ꝼoſꞇr ıarðar ſın̅ar. Euꞇıcon heꞇ eın̅ mͬ í þeſſo lıðe er ⁊ ꝩͬ ágꞇr aꝼ ſın̅e ſnıllꝺ. Sva er ſagꞇ aꞇ h̅ haꝩe ꞇalaꞇ a þa leıð vm þꞇ̅a mal. v͛ſu mono̅ ꝩ͛ þoꝛa aꞇ ſyna oſſ heıma í ꝩaro lanꝺe eꝼ ꝩ͛ ſcom-mu̅z aꞇ ganga vꞇ óꝛ ꝺyꝼlızo̅ þeım er ꝩer bygðom ꝼıre ſco̅mo. þeſſ erenꝺeſ aꞇ bıðıa ſer hıalpar. ⁊ nenꞇo̅ ꝩer ꝩarla þ̅ ꞇıl aꞇ ꝩın̅a aꞇ ſyna ꝩaro̅ ꝼelogo̅ hvılıc ꝼerlıke ꝩ͛ ero̅ oꝛðn͛. Oc þͥ ſynez m͛ ſva ſem þeſſ monꝺe hv͛n lyſꞇa aꞇ leyna ſınom lyꞇom ſem meſꞇ ⁊ koma ſer þar er h̅ ꝩ͛e ollo̅ vkvn̅-aſꞇr. þͥaꞇ þar er hgaſꞇ aꝼ aꞇ hyggıa ſın̅e ꝼarſøllꝺ. en ꝩęſell mͬ ma þan̅og hellz g͛a ſec ſlan. þ̅r er ꞇreyſꞇa holloſꞇo ꝼelaga ſın̅a ſıðan er hamıngıan heꝩ͛ ꝼᷓ þeı̅ ſcılız. ꝩıꞇo eıgı goꝛla hverſo ſca̅ma ſꞇunꝺ hoꝛmoð er eymð þr̅a ꝼaer eın͛ ꝼella ꞇár ꝼıre þ̅. en þegar er ꞇaren þoꝛna þoꝛnar aſꞇen ⁊ mıllꝺen með. Er þ̅ oc ecke ſamꝼerꞇ kveın ⁊ kvıða ꝩeſalſ mᷦ. ⁊ ꝺᷓmb enſ ſela með ꝩar-kun̅ar leyſe. en ſa er ſan̅r ⁊ agéꞇr ꝩınr. er eıgı leġr leıðenꝺe á ꝩın ſın̅. þoaꞇ h̅ ꝩellꞇe í mıcla veſollꝺ. þ̅ er ꝩanðe manzenſ þeſſ er hamıngıan ꝩıll ꝩel. aꞇ ꝩelıa ſer ꝩını epꞇ͛ h̅ar þocka. Oc ſva meꞇꞇe ꝩ͛a aꞇ hv͛r ꝩáʀ ꝼıre lıꞇe an̅an. eꝼ eıgı heꝼðe ıoꝼn vgıpꞇa ꞇıl hanꝺa ꝼalleꞇ ollo̅ aꝼ þeſſo̅ þrı̅ þuſunꝺu̅. eða hvaꞇ eꞇlıꞇ þ͛́ ſeg͛ euꞇıcon. eꝼ ꝩer ꝩılıo̅ ꝩıꞇıa heımkyn̅a ꝩaʀa. hv͛ſo hvſꝼrey-ıoꝛ ꝩarar myne ꝩıð oſſ ꞇaka. þr er ꝩer ꝼıre leꞇu̅ nauðgar þa er ꝩer hoꝩo̅ h͛naðen̅. ho ho. ꝼegnar mono þr oſſ ꝼaðma ⁊ kalla lıuꝼa þa er leıðeleg͛ erv. llvkun̅eg er þeı̅ konan e͛ h̅ ꞇrver h̅e ſva ꝩel. þͥaꞇ h̅ar ſkaplynꝺe e͛ ꝩarlecꞇ ꝩerðꝛ ꝩıſara. ⁊ brıoſꞇeno blauꞇare en̅ harðaſꞇe ſꞇeın̅ e͛ amaꝺaſ heıꞇ͛. eða man ſv ꝩ͛a blıð ⁊ hg ſınom bonꝺa gıpꞇo ꞇomo̅. er h̅om ꝩͬ haurð þa er gıpꞇan ꝼylgðe. þͥ ꝩıllꝺa ec hellꝺꝛ þ̅ rað eıga með yðꝛ aꞇ ꝩer ſꞇaðꝼeſꞇı̅z her ſem ꝩer ero̅ vkun̅er. en ꝼyr͛ ꝩenıv ſak͛ ſꞇyggvaz men̅ nv eıgı ꝩıð aꞇ ſıa oſſ er oꝛðn͛ ero̅ ꝼyʀ en ꝺauðen̅ kome ſe̅ halꝼeꞇen líc. Nu lycr evꞇıcıon ſıno male. en maðꝛ ꝩerðꝛ ꞇıl aꞇ ſvara h̅om. ſa er ꞇechıl᷒ heıꞇ͛. ⁊ ſeg͛ ſva. Eıgı líz mer ꝩarꞇ mal ſlıkan vꞇꝩeg bezꞇan eıga ſem nv ꝩͬ ꞇıaðꝛ. Engı ꝺuganꝺe maðꝛ ꝩırðer ꝩın ſın̅ epꞇ͛ yꝩ͛lıꞇv̅. eða ꝼıre lıꞇr h̅ aꝼ áꝼelle harðra ꝼoꝛlaga eıgı heꝩ͛ naꞇꞇ᷑an goꝛꞇ oſſ aꝼleıꞇlega. hellꝺꝛ gͥmleıkr ꝼıanꝺman̅a ꝩaʀa. ıllz eınſ kalla ec þan̅ maklegan er h̅ ſca̅maz ſıalꝼſ ſınſ ⁊ harð-rar hamıngıo eꝼ h̅ hellꝺꝛ man̅ꝺomeno̅. þr̅a ma̅na er þ̅ aꞇ øꝛvenꞇa ſer hıalpar aꝼ oðro̅. e͛ enga man ⁊ vęıꞇa ꝩılıa en þ̅r ꞇꞇe nockoꝛſ goðſ koſꞇe. ⁊ ꝓba ſlıc͛ aꝼ ſıalꝩu̅ ſer aꞇ lıꞇıl mıllꝺe myne bva ı an̅arſ brıoſꞇe. aꝩeꞇ mıꞇꞇ rað goðer ꝼelagar. ⁊ hvgſeꞇ aꞇ guðen ꝼoꝛna oſſ meıra goꞇꞇ. en ꝩer męꞇꞇe̅ ꝩéꞇꞇa ꝼıre ſꞇunꝺo. þ̅ ero ꝼręnꝺꝛ ⁊ ꝼoðoꝛ leıꝼð conoꝛ ꝩarar ⁊ eıgnır. heıl͛ ſva ꝩerðu̅ ábroꞇꞇ oꝛ þeſſo lanꝺe. e͛ oſſ ma þyckıa ſem myrkva ſꞇoꝩa. ⁊ ꞇokom apꞇr ꞇıl ꝩar blıðara lopꞇ. beꞇre mál ⁊ beꞇre ſıðu. ꝼıre hvı ſcolu̅ ꝩer h͛ ꝩ͛a ꝩılıa ꝩeſal͛ ⁊ anauðg͛. eꝼ koſꞇr er aꞇ ꝼara ꞇıl ꝼoſꞇr ıarðaren̅ar. þͥaꞇ  mono̅ ꝩer þar ꝼrıalſer ꝩ͛a. Vꞇlogðo̅ mon̅o̅ þıck͛ ſer mıkıꞇ ꝩeıꞇꞇ. aꞇ þ̅r nae b͛a beín ſın aꞇ eínſ a ꝼauðoꝛ leıꝼð ſın̅e. V͛e þ̅r h͛ nu þa með okun̅o̅ þıoðu̅ er ꝼırer þͥ ꝼoꝛðaz ꝼoſꞇr ıarðer ſınar. aꞇ þ̅r ꞇͮa ılla ꝼrenꝺo̅ ſıno̅ eða hvſꝼreyıo̅. en ec ſcal aꞇ ꝩıſo ꝩenꝺa heım í mıꞇꞇ lanð. geꝩe guðen mer ꝼong áꝼra̅ aꞇ koma. Sva lycr ꞇechıl᷒ ſıno male. en ꝼam ſynız þꞇ̅a þan̅og ſem h̅ heꝩ͛ ꞇıað. þͥaꞇ maꞇꞇug ꝩen-ıa ꝩarð rıkare með ꝼleſꞇo̅ en naꞇꞇ᷑a. Oc þ̅ ſynız k̅geno̅ ſıalꝩo̅ ſeꞇa meıra raðe ſem evꞇıcıon haꝼðe mellꞇ. ⁊ þͥ gengr þ̅ ꝼra̅. h̅ geꝼr ſꞇoꝛar eıgn͛ ollo þeſſo lıðe. ⁊ þar m ſva mıkıꞇ lauſa ꝼe. aꞇ hveʀ haꝼðe allꞇ yꝼreꞇ ꝩıð aꞇ bua. Sıðan er .a͛. k̅r haꝼðe ſva ſéꞇ ꝼıre þeſſo lıðe ſem h̅ſ ꞇıgn byrıaðe. þa ꝼeʀ h̅ í meꝺıa̅. ⁊ ſcunꝺar ꝼerð ſın̅e ſe̅ meſꞇ aꞇ h̅ mege þar na .ꝺͦ. k̅ge. h̅ ꝩar nv komın̅ ꞇıl ebacꞇana hoꝩuðb̅gar í meꝺıa. ⁊ eꞇlaðe þaðan í þan̅ luꞇa rıkıſ ſınſ e͛ bᷓcꞇa heıꞇ͛ en þa e͛ h̅ ꝼek níoſn aꝼ. aꞇ ͛. ꝼoꝛ epꞇ͛ h̅om hvaꞇlega ⁊ nalgaðez mıoc ꝼunꝺ h̅ſ. þa ſcıpꞇ͛ h̅ u̅ raða gıoꝛð ſın̅e. ⁊ byz ꞇıl barꝺaga ímoꞇ h̅om ꝩıll nv hellꝺꝛ laꞇaz en lengıa með ꝼloꞇꞇa lıꝼ ſıꞇꞇ. þa e͛ heʀ .ꝺͥ. ꝩͬ ſaman komın̅ í eın̅ ſꞇað. lęꞇr h̅ kveðıa ſer hlıoðſ. ⁊ ꞇalar ſıðan a þa leıð. Eꝼ hamıngıan heꝼðe ꝩaleꞇ mer þ̅ lıð e͛ ꝺað-lauſꞇ ꝩ͛e. ⁊ ꝺauðan̅ ęꞇlaðe ꝺrengılıga̅ m hv͛ıo moꞇe ſem h̅ verðꝛ. monꝺa ec hellꝺꝛ þegıa goð͛ halſar yꝩ͛ þͥ e͛ męlanꝺa ꝩ͛́e. en ꝺꝩelıa ꝺagen̅ aꝼ m ꞇomo̅ oꝛðo̅. en þͥaꞇ ec heꝩı reynꞇ yðarn man̅ꝺo̅. ⁊ ꝩíſꞇ meıʀ en ec ꝩıllꝺa. ⁊ ec ꝩeıꞇ nv goꝛla aꞇ enge maðr geꞇr ſer beꞇͥ eıgn en goða ꝩını. þa ſco̅mo̅z ec en̅ eıgı aꞇ heıꞇa k̅r. ⁊ meſꞇ ꝼıre ſak͛ þr̅ar ſꞇaðꝼeſꞇe er þer haꝩeꞇ mer ſynꞇ. e͛ eın͛ haꝩeꞇ loꞇeð alla þa ꝺað ⁊ ꝺrengſcap. e͛ allꞇ aſıa ſcyllꝺe haꝼꞇ haꝩa ⁊ hellꝺꝛ ꝩıllꝺuð ꝼylgıa mer er ꞇyſvar he-ꝩe g á ꝼloꞇꞇa komeꞇ. en þıona þeı̅ eno̅ ſıgrſla .aͦ. Oc eꝼ ec ma eıgı. þa munv þo gvðen gıallꝺa yðꝛ macleg laún ꝼıre ſlıca raún. oc þ̅r er epꞇ͛ oſſ ko̅a í heımen̅. mono eıgı ſva ꝺauꝩ͛ aꞇ eıgı heyre þ̅r yðarꞇ loꝼ. ⁊ eıgı ſva ranglaꞇ͛ aꞇ eıgı reıðe þ̅r ſlıcᷓ mͣ ꝼręgð ⁊ ꝼᷓma. Sva meguð er hvgſa aꞇ ꝼͤgðen man eıgı ꝼara í mollꝺ m yðꝛ. ⁊ ꝼᷓmın̅ kan̅ eıgı ꝺeyıa. Oc þvı ꝩıl ec eıgı heðan aꝼ leggıaz á ꝼloꞇꞇa. hellꝺꝛ ꝩıl ec með yðꝛo̅ ſꞇyrk ⁊ raðe rıſa ꝩıð úꝩınu̅ mıno̅. eða hv͛ſo lenge ſcoluð ér þ̅ þola aꞇ vꞇ lenꝺꝛ k̅r raðe rıkı ꝩaro. en ec ſe goꝛ ꞇløgr. n̅aꞇ hvarꞇ ſcal ec laꞇa lıꝩeꞇ m ſemð eða ꝩın̅a þ̅ allꞇ apꞇr er ec heꝩe laꞇeꞇ. Eða ſynız yðꝛ ſmılıcꞇ aꞇ .ꝺ᷒. yꝩ͛k̅r allz aſıe g͛e ſva ꝩılıa ꝩıkıngſenſ .ͥ. aꞇ epꞇ͛ ꝺmo̅ maꞇheı geꝩez h̅ í vallꝺ h̅ſ ⁊ ꞇake með þocko̅ eꝼ h̅ þıggr aꝼ h̅o̅ vallꝺ yꝩ͛ eín hv͛ıo h͛aðe. eða ſcal h̅ lıꝩa ꞇıl þr̅ar neıſo aꞇ þıggıa nockoꝛn parꞇ aꝼ rıkı ſıalꝼſ ſınſ h̅o̅ ꞇıl ꝩegſ er ꝩeıꞇ͛. Engı ſcal ꝼıre þeſſo hoꝼðe raða eıga. eƞ̅ eꝼ nockoʀ lyꞇr þ̅ ſcal h̅ eıgı þͥ mega hlaz aꞇ h̅ ſe mın̅ ꝼıoꝛgıaꝩı. þͥaꞇ á eınv̅ ꝺege ſcal pryðelegr ꝺauðe ꞇaka ꝼᷓ mer hvarꞇveggıa lıꝩıꞇ ⁊ rıkıð. Oc eꝼ þer ꝩıllꝺeꞇ ſem ec goðer ꝺreng͛ þa man oſſ eıgı ꝩ͛ða meín epꞇ͛ ꝺauðan aꞇ ꝺᷓmbe gͥckıa. laꞇe hv͛ʀ ſem eıƞ̅ ſıalꝼſ ſínſ honꝺ heꝼna ſín. eða ꝩerða ſer aꞇ allꝺꝛlage. Nv þa eꝼ gvðen ꝩılıa eıgı ꝼvll-ꞇıngıa þeım er reꞇꞇo male ꝼylgıa ⁊ eꞇlı þau ſer eıgı ſoma ſan̅ynꝺen aꞇ ꝩ͛ıa. g͛om þ̅ þa er oſſ man loꝩaꞇ ꝩ͛a. ꝺeyıom ſem ꝺrengıo̅ ſom͛. heyreð nv ⁊ haꝩeꞇ þ̅ er ec bıð yðꝛ ꝼıre ꝼᷓma ꝩ͛c ꝼoꝛellra ꝩaʀa ⁊ ꝼręnꝺa er ſva opꞇ ſcaꞇꞇgıllꝺo ſer þ̅ꞇa ꝼolc e͛ nv b͛ſc oſſ ímoꞇ. g͛ıꞇ ſem yðr͛ aꞇꞇungr. ꝼaeꞇ ſıgr með ſmð eða ꝼalleꞇ með ꝼregð. þar v̅ er goꞇꞇ aꞇ ꝩelıa. Sva ꞇalaðe .ꝺ᷒. ſem nv er ſagꞇ. en enge romr ꝩarð aꞇ male h̅ſ. þͥaꞇ lıðeꞇ ꝩar allꞇ nalega ꝼelmſ ꝼvllꞇ ⁊ ꝼuſara aꞇ ꝼlyıa .aᷟ. en ſnua ímoꞇ h̅om. Eıƞ̅ maðꝛ ꝩarð ꞇıl aꞇ ſvara k̅gſenſ eyrenꝺe. ſa heꞇ archabaꞇ᷒ ꝩınr h̅ſ harðla kʀ. Gıarna ꝩılıo̅ ꝩer yðꝛ ꝼylgıa h͛ra ſeg͛ h̅ hv͛ꞇ rað ſem þ͛ ꝩıleꞇ vpp ꞇaka. ⁊ ꝺauðen̅ eın̅ ſcal oſſ ſcılıa mega. Epꞇ͛ þ̅ er þeſſı mͬ haꝼðe þ̅ꞇa męllꞇ ꝩarð romaꞇ aꝼ lıðeno rað k̅ſ. en auðſęꞇꞇ ꝩͬ þ̅ á yꝩ͛bragðe ꝩelꝼleſꞇᷓ aꞇ þ̅ ſynðız -raðlecꞇ. Fra þvı er nv aꞇ ſegıa aꞇ þ̅r men̅ ı hırð .ꝺͥ. k̅ſ er an̅aʀ heꞇ beſſuſ en an̅aʀ narbazoneſ. ⁊ k̅r haꝼðe goꝛꞇ mıcla aꝼ lıꞇlo̅. ſva aꞇ þ̅r reðo nv baðer ꝼyr͛ mıklo lıðe. b͛a ſaman þ̅ rað aꞇ þ̅r ſcyle ꞇaka h̅ ſıalꝩan honꝺo̅. oc eꝼ þ̅r ꝼa eıgı ꝼoꝛðaz .aᷟ. eꞇla þ̅r ſva aꞇ kaupa ſec í ꝼͥð ꝩıð h̅. aꞇ ꝼęra h̅o̅ .ꝺᷟ. lıꝼan-ꝺa. en eꝼ þ̅r ꝼa ſeꞇꞇ vnꝺan h̅om. eꞇla þeſſır ꝩanꝺu þręlar aꞇ ꝺrepa ꝺroꞇꞇen ſın̅ ⁊ ꞇaka rıkıꞇ epꞇ͛ h̅ ⁊ eꝼlaz ſıðan ímoꞇ .aͦ. Oc þͥaꞇ þ̅r ſa nv aꞇ ꝼleſꞇ allꞇ lıð .ꝺͥ ꝩͬ ꝼuſꞇ aꞇ ꝼylgıa h̅om ꝩıð þ̅ er ıa̅nan ꞇoc þungꞇ aꞇ ꝼalla. þa neyꞇa þ̅r ſva þr̅ar gulo aꞇ