GKS 2365 4°: 6v13-6v14 — Hávamál 128
Raðo̅c þ͛
.
varan bıꝺ ec þıc v͛a
⁊ eg̅ oꝼ váran
v͛ þv vıþ ꜹl varaſtr
⁊ v aɴarſ kono
⁊ v þ̅ ıþ þrıðıa
aꞇ þıoꝼar ne leıkı.
Raðomc þer loddfafnir
eɴ þv ráð némir
nióta mvndo ef þv nemr.
þer mvno góð ef þv getr.
varan bid ec þic vera
oc eigi of váran
ver þv viþ ꜹl varaſtr
oc viþ aɴarſ kono
oc viþ þat iþ þriðia
at þiofar ne leiki.
Ráðumk þér, Loddfáfnir,
en þú ráð nemir,
njóta mundu ef þú nemr,
þér munu góð ef þú getr
varan bið ek þik vera
ok eigi of varan;
ver þú við öl varastr
ok við annars konu
ok við það ið þriðja
að þjófar né leiki.