AM 544 4°: 20r¹-21r¹⁸ — Vǫluspá

Hlioðſ bið ek allar helgar kinꝺer meiri ok minni mǫgu heimꝺallar vill tu at ek vaꝼǫðꝛſ vel ꝼramm telja ꝼoꝛn ſpiǫll ꝼira þau er ek ꝼremz um man ek man iǫtna ꜳr vm boꝛna þa er ꝼoꝛðum mik ꝼæꝺꝺa hǫꝼðu niu man ek heima niu i uiðiur miǫtvið męran ꝼyrer mollꝺ neðan Aar uar allꝺa þar er ymer bygði vara ſanꝺꝛ ne ſioꝛ ne ſualar vnner iǫꝛð ꝼannz ęꝼa ne vpp himinn gap var ginnunga enn graſ ekki Aaðꝛ boꝛſ ſyner biǫðum oꝼ yptu þeir er męran miðgarð ſkopu ſol ſkeinn ſunnan aa ſalar ſteina þa var grunꝺ groin grænum lauki Sol uarp ſunnan ſinni mꜳna henꝺinni hægri oꝼ ioður ſol þat ne uiſſi huar hon ſali ꜳtti ſtiǫꝛnur þat ne uiſſu huar þær ſtæði ꜳttu mꜳni þat ne uiſſi huat hann meginſ atti Þa gengu reginn ǫll ꜳ rǫkſtola ginnheilog goð ok um þat giettuz nott ok iðium nǫꝼn um gꜳꝼu moꝛgin hetu ok miðian ꝺag vnꝺurn ok aptan ꜳrum at telia Hittuz æſir ꜳ iða uelli aꝼlſ koſtoðu allz ꝼreiſtuðu aꝼla lǫgðu auð ſmiðuðu tanger ſkopu ok tol giǫꝛðu Teꝼlðu i tvni teiter uoꝛv var þeim uettugiſ vant oꝛ gulli unz þriar komv þuſſa meyjar ꜳmatkar miǫk oꝛ iǫtvn heimvm Þa gengu regin ǫll ꜳ rǫkſtola ginnheilug goð ok vm þat giættuz huerer ſkyllꝺu ꝺuergar ꝺꝛotter ſkepia oꝛ bꝛimi bloðgv ok oꝛ blamſ leggivm þar uar moðſogner męztr oꝼ oꝛðinn ꝺuerg allra enn ꝺurinn annaʀ þeir manlikan mǫꝛg oꝼ gioꝛðv ꝺuerga i iǫꝛðu ſem ꝺurinn ſagði Nyi niði noꝛðꝛi ſuðꝛi auſtri veſtri alþioꝼr ꝺualinn naar ok nainn nipingr ꝺainn ueggr ganꝺ alꝼr uinꝺꜳlꝼr þoꝛinn Biꝼvʀ baꝼvʀ bǫmbuʀ noꝛi ꜳn ok onaʀ ai miǫðvitner þrar ok þrainn þroꝛ litr ok vitr nyr ok nyrꜳðꝛ nv heꝼi ek rekka reginn ok rꜳðſviðꝛ rett vm talða Fili kili ꝼunnꝺin nali heꝼti ꝼili hanaʀ ok ſuiꝺʀ nꜳr ok nainn nipingr ꝺáinn billingr bꝛuni billꝺꝛ ok buri ꝼroꝛ ꝼoꝛnbogi ꝼreg ok loni Auruangr iari eikin ſkiallꝺi mꜳl er ꝺuerga i ꝺualinſ liði liona kinꝺum til loꝼarſ telia þeim er ſottu ꝼra ſalar ſteini ǫꝛvanga ſiǫt til iǫꝛv valla þar var ꝺꝛauꝼner ok ꝺolgþraſer hꜳr haugſpoꝛi hlevargr gloinn ſkirꝼer uirver ſkaꝼiðꝛ ai aalꝼr ok yngvi eikinſkiallꝺi Þat man æ vppi meðan ǫllꝺ liꝼer langniðia tal loꝼarſ haꝼat vnꝺz þꝛiar komu þvſſa meyar ꜳſtker ok ǫꝼlger æſer at hvſi ꝼvnꝺu ꜳ lanꝺi litt meganꝺi aſk ok emblv oꝛluglauſa ǫnꝺ þau ne ꜳttu oð þau ne hǫꝼðu lꜳ ne læti ne litv goða ǫnꝺ gaꝼ oðinn oð gaꝼ hener lꜳ gaꝼ loðuʀ ok litu goða Aſk ueit ek ſtanꝺa heiter yggꝺꝛaſill haar baðmr auſinn huita auri þaðan koma ꝺǫggvar þęrſ i ꝺala ꝼalla ſtenꝺꝛ æ yꝼer grænn vrðar brunni þaðan koma meyiar margſ vitanꝺi þriar oꝛ þeim ſal er a þolli ſtenꝺꝛ urð hetv eina aðꝛa erðanꝺi ſkꜳru ꜳ ſkiði ſkullꝺ hina þriðiu þær log logðu þær liꝼ kuru allꝺa bǫꝛnum ǫꝛlǫg at ſegia Þa gengu regin ǫll ꜳ rǫkſtola ginnheilugh guð ok um þat gięttuz hverr heꝼði loꝼt allt lęui blanꝺit ęða ætt iǫtunſ oðſ mey geꝼna Þoꝛr einn þar uꜳ runginn moði hann ſiallꝺan ſitr er hann ſlikt oꝼ ꝼregn ꜳ genguz eiðar oꝛð ok ok ſæri maal ǫll meginlig er ꜳ meðal voꝛu Veit hon heimꝺallar hlioð um ꝼolgit vnꝺer heiðvǫnvm helgum baðmi ꜳ ſer hon avſaz ǫꝛgum ꝼoꝛſi aꝼ ueði ualꝼǫðꝛſ uitu þer enn ęða huat Auſtr byr hin allꝺna i iarnviði ok ꝼeðer þar ꝼenriſ kinꝺer verðꝛ aꝼ þeim ǫllum einna nǫkkur tunglſ tgari i trǫllz hami ꝼylliz ꝼiǫꝛꝼi ꝼeigra manna ryðꝛ ragna ſiǫt rauðum ꝺꝛeyra ſvǫꝛt verða ſolſkin um ſumvr eꝼter ueðꝛ ǫll ualynꝺ uitu þer enn ęðꝛ huat Þat man hon ꝼolkuig ꝼyrſt i heimi er gullueig geirum ſtuꝺꝺi ok i hǫll hꜳrſ hana bꝛenꝺu þꝛyſvar bꝛenꝺv þryſvar brenꝺv þryſvar boꝛna opt oſiallꝺan þo hon en liꝼer Heiði hana hetv huarſ til hvſa kom ok vǫlu vel ſpa uiti hon ganꝺa ſeið hon hvarſ hvn kunni ſeið hon hvgleikin æ var hon angann illrar bruðar þa gengv regin ǫll a rǫk ſtola ginnheilvg goð ok vm þat giettvz huart ſkyllꝺv æſir aꝼrꜳð giallꝺa eðꝛ ſkyllꝺv guðin ǫll gillꝺi eiga Fleygði oðinn ok i ꝼolk vm ſkaut þat var enn ꝼolkuig ꝼyʀ i heimi bꝛotinn var boꝛðueggr borgar ꜳſa knaattu vaner uig ſpa uǫllu ſpoꝛna Þa kna vala vigbonꝺ ſnua hellꝺꝛ voru harðgioꝛ hǫꝼt oꝛ þǫꝛmum þar ſitr ſigyn þeygi vm ſinum uer uelglyiut vitu þer enn eða huat Geyr garmr miǫk ꝼyrer gnupahelli ꝼeſtr man ſlitna enn ꝼreki renna ꝼramm ſe ek lengra ꝼiǫlð kann ek ſegia um ragna rǫk rǫmm ſigtiva Sat þar ꜳ haugi ok ſlo hǫꝛpu gygiar hirðer glaðꝛ egðer gol yꝼer i galguiði ꝼagr rauðꝛ hani enn ſꜳ ꝼialaʀ heiter Gol yꝼer ſum gullin kambi ſa uekr hǫlꝺa at heria ꝼǫðꝛſ enn annaʀ gelr ꝼyrer iǫꝛð neðan ſot rauðꝛ hani at ſǫlum heliar Sal ſier hon ſtanꝺa ſolu ꝼiaʀi naſtronꝺum ꜳ noꝛðꝛ hoꝛꝼa ꝺyʀ ꝼalla eitrꝺꝛopar inn um lioꝛa ſꜳ er vnꝺinn ſalr oꝛma hryggium Ser hon þar vaða þunga ſtrauma menn meínſvara ok moꝛðvarga ok þannz annarſ glepr eyrna runa þar ſavg nið hǫggr nai ꝼramgengna ſleit vargr vera vitu þer enn eða hvat Geyr nu garmr miok ꝼyri gnipa helli festr man ſlitna enn ꝼ˙ Bræðꝛ munu beriaz ok at bǫnum verðaz munu ſyſtrungar ſiꝼium ſpilla hart er i heimí hoꝛꝺomr mikill ſkeggǫll ſkꜳlmǫllꝺ ſkillꝺer kloꝼner Vinꝺ ǫllꝺ vargǫllꝺ ꜳðꝛ verǫllꝺ ſteypiz grunꝺer gialla giꝼr ꝼliuganꝺi man eingi maðr ǫðꝛum þyrma Leika mimſ ſynir en miǫtvðꝛ kynꝺiz at hínu gamla giallar hoꝛní hꜳtt blæſſ heimꝺallr hoꝛn er ꜳ lopti męler oðinn við mimſ hǫꝼut Skelꝼr yggꝺꝛaſilſ aſkr ſtanꝺanꝺi ymr hið allꝺna tre enn iǫtunn loſnar hræðaz aller a helvegvm ꜳðꝛ ſurtar þann ſevi oꝼ gleyper Hvat er með ꜳſum hvat er með ꜳlꝼum gnyr allr iǫtun heimr æſir eru ꜳ þingi ſtynia ꝺuergar ꝼyrer ſteinꝺyrvm vegbergſ uiſir uitv þer enn eða hvað Geyr nu garmr miǫk ꝼyrer gnipa helli ꝼ˙ m˙ Hrymr ekr auſtan heꝼiz linꝺ ꝼyrer ſnyz iǫꝛmunganꝺꝛ i iǫtvnmoði oꝛmr knyr unner enn ari hlakkar ſlitr nai niðꝼǫlr naglꝼar loſnar Kioll ꝼerr auſtan koma mvnu mvſpellz vm lǫgh lyðer enn loki ſtyrer ꝼarar ꝼiꝼlmeger með ꝼreka aller þeim er broðer byleſtz i ꝼerð ſurtr ꝼerr ſunnan með ſuiga levi ſkinn aꝼ ſverðe ſol valtiꝼa griotbiǫꝛg gnata enn giꝼr hrata troða haler helveg enn himinn kloꝼnar Þa kemr hlinar harmr annaʀ ꝼramm enn oðinn ꝼerr við vlꝼ uega enn bani belia biartr at ſurti þar man ꝼriggiar ꝼalla angann Geyr nu garmr miǫk ꝼyrer gnipa helli ꝼ˙ m˙ Ginn loꝼt yꝼer linꝺi iarðar gapa ygſ kiaꝼtar oꝛmſ i heꝺum mun oðinſ ſon oꝛmi męta vargſ at viðarſ niðia naðꝛ munv halir ſol ter ſoꝛtna ſigr ꝼollꝺ i mar huerꝼa aꝼ himni heiðar ſtioꝛnur geiſar eimí ok allꝺꝛnari leikr hꜳr hiti vit> himin ſialꝼan Geyr nu garmr miǫk ꝼyrer gnipa helli ꝼeſtr man ſlitna enn ꝼreki renna ſer hon vpp koma ǫðꝛu ſinni iǫꝛð oꝛ ægi iðia græna ꝼalla ꝼoꝛſar ꝼlygr ǫꝛn yꝼer ſꜳ er aá ꝼialli ꝼiſka veiðer Hittaz æſer a iðavelli ok um mollꝺþinur matkan ꝺęma ok minnaz þar a meginꝺoma ok a ꝼimbultyſ ꝼoꝛnar runar Þa munu æſer unꝺꝛſamlegar gullnar tǫꝼlur i graſi ꝼinna þærſ i aarꝺaga ááttar hǫꝼðv munu oſaaner akrar uaxa bolſ man allz batna man ballꝺꝛ koma bua þeir hǫðꝛ ok ballꝺꝛ hroptz ſigtoꝼter vel uelltiꝼar uítu þer enn eðꝛ hvat Þa kna hęner hlutvið kioſa er burer byggia bræðꝛa tueggia vinꝺ heim viðan vitv þer enn ęðꝛ huat Sal ſer hon ſtanꝺa ſolu ꝼegra gulli þaktan a gimle þar ſkulo ꝺyggvar ꝺꝛottir byggia ok um allꝺꝛ ꝺaga ynꝺiſ niota Þa kemr hinn riki at regin ꝺomi ǫꝼlugr oꝼan ſa er ǫllv ræðꝛ Kemr hinn ꝺimi ꝺꝛeki ꝼliuganꝺi naðꝛ ꝼraann neðan ꝼra niða berr ſier i ꝼiǫðꝛum ꝼlygr uǫll yꝼer niðhoggr nai nv man hon ſǫkkvaz