svæins væstr til ænglanz með hærr mikinn Oc barðezt við iætmund konong
son aðalrax konongs er þa reð firir ænglande I þæirri rænnu lagde knutr allt
ængland undir sic Nema lunduna borg var uunnin Oc la konongr længi um
borgena En þæir konongarnir knutr oc iatmundr atto bardaga .v. a æínum
manaðe En siðan gengo rikis menn a millum þæirra oc sætto þa En þat var at
sætt at hvar þæirra skilldi haua hælming lannz við annan En sa þærra
er længr lifði skilldi æignazt allt ængland En a manaðe æftir sætt þæirra
knutz oc jatmundar þa svæikir Æirikr striona er fostre var iatmundar oc drap
hann þa Jatmund fostra sinn oc mælltezt þat mal illa firir Oc sumir menn
sægia þann iatmund hæilagan vera En siðan tok knutr enn riki allt ængland
Oc reð firir fiora vætr oc xx.
Nv la knutr konongr við lunduna bryggiur Oc læitaðe ser raða at vinna
borgena Oc la æigi laust firir Hann tok þat rað at vita ef hann
mætte koma anne tæms a bryggiurnar Oc i borgena oc mætte sva h
var tvæggia unit værða En þat gecc æigi firir þui at fast var firir En er
knutr konongr la i þessom raðom þa er þess við getet at Olafr harallz son var
a ænglande Knutr konongr bauð Olave fe til ef hann villdi rað til læggia at brygiunar være
unnar En hann kvaz æigi rað i sia at vinna ef konongr sæ æigi firir þui at þu konongr
oc marger aðrer menn er her ero hava miklu mæira vitrlæik til mikilla raða en ek
mindi hava En þo man ek gera koste a at læita við með þinu afle Oc lægggia
til nokcor rað Hvat læggr þu a sagðe konongrenn Er af minum raðom værða
brotnar bryggiurnar sægir olafr oc naer þu þæim ivir gang sem þu villt þa skal þat
kaup með okr vera ef þu þikcizt nokcora til talu æiga til Noreks þa skall tu
mer alla upp geva kononge þotte sem ækci være til mællt þo at slict være Oc
iattaðe konongr þesso male En sva varo hattaðar bryggiurnar at þær stoðo ut
a ana tæms oc varo stolpar undir i ana niðr þæir er upp helldo bryggiunar En
þorpen stoðo a brygiunum oc mikit fiolmenni i þæim þorpom En sva er sact at Olafr
lagðe .ví. tigi skipa i ana En þat var allt hans lið Hann tækr þat rað at hann lætr
bera iarnfæstar a stolpana þa er undir bryggí-unum varo Oc þar sva um
bua með mikilli raðspæki at hann let roa stolpana undan bryggiunum oc sva ut a
ana oll þorpen þau er a brygiunum varo Oc varð bardage mikill við borgar -menn
En i þæim bardaga var borgenn unnín sem hann villdi með raðom Olafs harallz
sonar Sva sægir skalldet Rett er at socn en setta snarr þængill vann ænglum
at þar er Olafr sœtte ygs lunduna brygium Sværð bitu volsk en varðu
vikingar þar diki atte sumt isletto suðvirki lið buðir En er þetta