oc vinum er þa væizla gorr vegleg Oc fær nu sigurðr Asto Styrir nu ri
ki
sinu fostrar nu olaf hann hævir samu lyðscu sina oc aðr Olaf væx
þar upp Oc æítt sinni ber sva at at drotnengen lykr upp kistu sina en
svæínnenn Olafr var hia staddr ser huar upp kœmr nokcot biart oc fagrt
Hon vill hann æigi sia lata Hann fær til oc gripr um sværz hiolltena hann brigðr sv
ærðinu
oc lysir halega Hann spyr hværr þat æigi hon sægir at þat sværð bar
haralldr faðer hans Oc hygg ec þat at spara þar til er þu hævir alldr til at
bera þetta sværð hæitir bæsengr hann kuaz nu mindu træystazt at bera Oc
giængr i braut með Oc um kvælldet er menn ero bunir til drykciu Ser sigur
ðr
at olafr hævir sværðet biðr hann lata laust Oc sægir æigi fallet at hann bere
enn firir alldrs saker En ivazc ækci um at þitt æigin er þat Hann kvaz æigi
laust mindu lata Sigurðr avitar hann oc sva hana at hon sældi hanum Oc hæimtir
annat sinni oc biðr hann fa ser Olafr kvazt sægia um sínn oc vill ægi laust la
ta
Asta sægir at hon vill at hann tæygi af hanum En æigi vill hon at hanum se
mæin gort Sigurðr kvæðr þriðia sinni ræiðilega Olafr sprætter upp oc brægðr
sværðinu oc tvihændir biðr nu sigurð taka ef hanum synizc oc æigi fær þu þat
af mer onauðgum Oc vera kann þat at ek have valld til at væriazt retter at hanum bloð
ræfilenn
Sigurðr hætter nu hæimtir æigi oftar Olafr væx upp oc er nu .x. vætra
gamall Sigurðr krafðe hann oft at soðrla ser ræiðskiota Oc æit sinni tæy
gði
hann at ser ale hafr æinn mikinn Oc lagðe a hann við
bitul oc slonger a hann
soðrli Oc er konongr ser spyrr hann hui hann gerðe sva han svarar kvazt þat þikcia sœ
melect
at hann riði hafrenom kvazc hann sva þickia með konongom sem sa farar
skiote
með aðrum riddara hestom Æigi kuadde Sigurðr hann oftar til þessarar syslu
Ec er olafr var .xí. vætra gamall kvadde hann moðor sina liðs oc
sagðe at hann villdi fara at hæria hon rœðer þetta mal firir Sigurði
Oc kræfr hann liðs at fa olaue hann vill fara at skæmta ser Hann svarar Sæ
gir
at þæir munu her koma at vætre með lið sitt oc mindi skylt þiccia
at hann være þa her oc allt liðet Hon svaraðe quað vant til þess at geta með þæim
þar kœmr at hann fecc hanum .í. skip skipað Ræðzc nu olafr or lande Oc sag
ðe
sva Sigurði at hann mindi geva hanum tom nokcora stund til at afla ser nok
kora
kua Oc þat væntar ec at þa er ec kœmr aftr sia ec æigi famænnr þat er
sact at þann sigr bar fyst at hændi olave at hann vann i vic austr við skær þau
er siðan ero kallað sota skær Firir þui at sote het maðr vikingr sa er uti
la við skæren oc hinn harðazte Oc hafðe hann .x. skip firir at raða Oc varo
oll harð skipað af mannum En olafr sa at liðs mun var mikill með þæim
