hanum fara at þæir villdu hanum lið væita queðazc oc veret hava i nokco
rom
mannhættom En þat synizt oss hærra at sᴀ siðr se bæztr er þer bio
ðeð
Oc þess biðium ver yðr at þer abyrgizt oss firir þui at ver kunnum æigi
þann sið er þer bioðeð oss konongr Jattar þæim þui at hann skᴀl þæím í trunaðe vera
Nu kveðazc þæir vilia firir hvætvitna fram bæriazt vilia við konongenom ero
nu skirðir oc biskupaðer oc hava drægla um hauuð
Þa mællte konongrenn at þormoðr skilldi skiæmta nokcot Hann svaraR
hui skæmtír Sighvatr æigi konongr sva-
rar Æigi er hans við kostr farenn
or lande til rums suðr þor-
moðr svarar þat gerer þa hværr er til er fall
enn
Oc quað siðan biarka mal Oc þa er hann hafðe queðet þa mællte
konong-
renn hvat kaup villtu hava þormoðr firir skæmtan þína þor-
moðr sva
rar
æigi kann ek kaups at meta oc ængan lut vil sia mer til giæva
annan en þat at ec villdi þitt briost vera oc i þinni a sio vera Oc æigi villda
ec æftir þik liva konongr svarar Æigi kann ek þat glœct vita hvesso þat verðr En
a sio skal ec þer væita Hvesso marga menn hævir þu veget i æin vigi hann þor
moðr
queðr þa visu Sex hævi ec allz er oro on hiallta mer fioner kændr
er mek við styr stundum stalrengs boða vegna nu emek enn namk
morð varlegra forðom ver letom þo þæirra þritugr scarar
Æigi ertu gamall sægir konongrenn virt man þat við þic hvat man þa annat firir
siaundena en .í. kome firir æinn Mæl hæill oc sæll hærra sagðe þormoðr
Maðr giængr at konongenom vænn sa het arnliotr gellini Hærra sægir hann
Silfrðis æinn sænda ek yðr við þorodde snorrᴀ sœne Oc þær varo iar
tæignir
til þess at ek villdi til þin oc bæriazc með þer konongr mællte at hann
skilldi skirn taka oc fara aftr Oc æigi vil ec hava þitt lið Oc ænskis manns
afl þikciumc ek þurva fær hann aftr oc tækr skirn Nu kœmr mote konongenom
boanda hærrenn þrœnder oc halæygir naum-
dœler oc mœrer þæir varo hofðingi
ar
firir kalfr arna sun harekr or þiotto þorer hundr Ærlændr or gærði
Rutr af viggiu þor-
gæir af sors haugi Oc mestr luti lændra manna nor
ðan
or lande Oc þæir bœndr er i þrondæimi varo samnaðu saman li
ði
miklu .xí.c. manna En allz hafðu þæir .ví. þushundrað manna
þat er sact ifra Olave kononge At litlu aðr en barezt være at hanum þyngdi litt
þat Oc þa hæyrðu þæir gnyenn af liði boandannA þa gecc fínnr Ar
na
sun til konongsens oc vakte hann oc mællte þa konongrenn Ec sa stiga standa til hím
na
Oc hímna upp lukazt Oc var ek komenn a œpsta stiget er þu vakter
mec Oc var þat auðsynt sagðe sa er ritaðe saguna af þesse vitran At
sia hinn hælgi guðs dyrlíngr hævir aðr længi veret a þæiri himirikis
ga
tu
er þa var at ænda komet Oc hanum var þa ambun ætlað firir sitt ærve
ðe