velar þær er við hann varo hafðar i landeno Oc hværin lændir menn er feet hafðu
tæket af knuti kononge Ærlingr skialgs son Oc ærlændr or gerði Aslakr af Fitium kalfr
arna sun þorer hundr Harekr or þiotto oc marger aðrer Nu tok Olafr konongr all
ar
þær niostner Synir Ærlings oc frændr fara nu nordr æftir konongenom með orgry
nni
liðs um ruga lanð oc um horðaland Fær nu Olafr konongr hværgi land gangu
firir boanda hærr oc skipa liði er æftir hanum færr En þessor visa er kænd
olave kononge Hitt man haulldr enn huiti ramn etr af na getnom ver unnum gny g
unar
glaðr i nott a iaðre Sa hævir allungis illa ec gecc ræiðr af skæiði iorð
vælldr manna morðe mitt ran getet hanom Olafr konongr fær nu með skipa liði sinu
norðr a mœre oc spyrr at þrœnder varo i mote hanum fiðr nu at lanðet er ra
ðet
ifra hanum Giængr fra skipum sinum þar sem slycs hæitir þæir menn foro með
konong-
enom er þorlæifr het hvartvæggia annar huiti en annar kvækr þæiR
.í. brœðr sægia konongenom at þæir kænna skip knuz konongs oc at hann var i land komenn
Oc marga menn kunnu þæir næmna i liði hans
EN i þesse rænno kom knutr konongr með fiollda scipa i noreg þa for olafr konongr
norðr oc kom við a sunn-
mœre Oc la i homn þæirri er stæina vagar hæi
ta
oc la þar um nottena En Aslacr fitia skalle for um æftanenn ínn til borgunn
-
dar
þa bar sva til at þar var sa maðr ver er viglæikr het arna sun En um
morgonenn komo menn norðan or frekæyiar sundi hirðmenn konongsens þæir sem hæi
ma
hafðu setet um sumaret Oc sagðu kononge tiðændi At kalfr arna sun oc
harekr or þiotto oc þorer hundr varo komner um kvælldet i frecæyiar sund
með miklu fiolmenni oc vilia þæir taka þik af livi ef þæir æigu valld a þa
gerðe konongrenn upp a fiallet or stæinavagom varðmenn sina Oc þa er þæir komo upp
a fiallet þa sa þæir norðr til biarnar
æyia at norðan foro morg skip foro ovan aftr
oc sagðu kononge at hærrenn for norðan En konongrenn la þar firir með .í. æinum skipum
Siðan let konongr blasa oc foro tiolld af skipum hans Oc toko siðan til ara En þa er
þæir varo albunir or homnenne þa foro þæir norðan firir þriozhværvi haluum fiorða tig
skipa þa stæmdi Olafr konongr firir ínnan nyrvi oc inn um hunzvær En þa er þæir varo komner
iamgiægt borgund þa for ut sex-
ærengr æinn i mote kononge Oc þæir menn a er aslake haf
ðu
fylct um kvælldet Oc sagðu kononge þau tiðændi at viglæikr arna sun hafðe
drepet aslac fitia skalla þa er þæir gengo til skips firir þat at hann hafðe drepet Ærling a
sola En konongr let illa ivir þæim otiðændum Oc matte þo æigi dvælia sina færð firir
ofriði Oc for hann þa inn um vægsund oc um skot oc lette æigi fyrr en hann kom i toðaR
fiorð
oc lagðe at i valldale oc gecc þar af skipum sinum oc sætti þau þar upp oc
fecc þar til varðvæizlu segl sin oc ræiða allan
Siðan sætti hann þar landtialld sitt a æyrinni sem sullt hæitir þar ero fagrer
vællir Oc let konongrenn ræisa þar fagran kros a æyrinni þat er sact at boande